شيخي العنيد لنور محمد
لا طبعا مش عجبتني لانها غلط وانا كمان
مش بحب اسكت علي الغلط..سكت شويه وبعدها
قال بصوت عالي اټرعبت منه حرفيا علشان كده نزلي رجلك قدامي لاني ماسك اعصابي بالعافيه عنك وانا جاي هنا وعارف بعمل ايه كويس يعني
انادي على عم مرزوق واقوله موافقه تقولي مواقفه او
بلعت ريقي پخوف فعلا منه بعد مانزلت رجلي قدامه بحركه لا اراديه مني وقولت او ايه!
قومت وانا بحاول اجمع نفسي وقوتي قدامه وقولت انت بتهددني والا ايه طب مش موافقه والي عندك اعمله
قام بهدووء جدا من مكانه بصوت زي فحيح مرعب وقال صوتك الحلو ده لو سمعته عالي تاني قدامي او في اي مكان انا اعرف اذاي ارجعه طبيبعي تاني وحالك المايل ده مفيش غيري يعدله ولو على اخواتي الي بيدايقوكي كل شويه فانا بقولك بكره الشارع كله يعمل زيهم كده واكتر لو مش سمعتي الكلام يانسه فاطمه
دخل بابا وقال بقلق مالكم ياولاد واقفين كده ليه
قعد حمزه ببرود وقال مفيش ياعمي احنا اتكلمنا و
خلاص هي موافقه مش كده ياانسه فاطمه
بصيت عليه بغيظ ونفسي ارفض بس فكرت اني
لازم كمان انتقم على تهديده وكلامه ده معايا فبتسمت برقه وقولت ايوه يابابا موافقه وانا هلاقي احسن من الشيخ حمزه فين بس
ابتسم حمزه بانتصار وقال اكيد ياعمي ومفيش كلام بعد كلام حضرتك بس انت عارف ان والدتي مريضه وبابا مټوفي فانا بكره هاخد اختي الكبيره معايا علشان نجيب كل حاجه للخطوبه
رد بابا الي يريحك يابني طبعا نعمله
قام حمزه واستئزن من بابا ومشي وانا كونت
الو ياملك عامله ايه
كويسه ياحبيتي وانتي ياتوته مالك صوتك مش
تمام
مفيش بس تعرفي ايه حصل
حصل ايه!!
مش الشيخ حمزه اجه واتقدملي
احلفي كده نفسه حمزه الي بتكرهيه وهو كمان
ايوه هو وكمان كان بېهدد وعلي صوته عليا بس وديني لاطفشه من اول يوم
والله تشوفي اعمل فيه ايه بس اصبري عليا
تمام تصبحي على خير بقى عندي درس ديني بكره بدري
اوك ياجميل وانتي من اهله
قفلت معاها وتسطحت على السرير وفي ايدي الفون بتصفح الفيس بوك بس فجأه اجت رساله من إميل غريب اول مره اشوفه بتقول
كفايه لعب في الفون اقفلي الفيس وبكره حسابك معايا
الشيخ حمزه فقولت اكيد هو مفيش غيره
فتحت الاميل تاني وبعدت رساله ليه
ده انت مش كده ياشيخ حمزه وعاوز ترخم عليا بس بقولك ايه انا حره مش بحب حد يتحكم في حياتي وحتي لو اتخطبت ليك اوك
شوفته فتح الرساله وانا بقيت على ڼار عاوزه
اعرف رده حيكون ايه مرت دقايق وانا مستنيه على اعصابي اشوف رده فجأه لقيت رساله منه اول مافتحتها اڼصدمت وعنيا برقت اوي وبلعت ريقي پخوف وهو كاتب...
بكره نشوف ياجميل
قرأت الرساله وانا مش مصدقه عنيا ابدا ده الشيخ حمزه لا اكيد مش هو ده عمره مارفع نظره فيا حتي اذاي يقول كده انا عقلي حقيقي اتشتت منه هو متدين اوي او لا بس ده
كله هعرفه بكره الصبح اكيد قفلت الفون من الصدمه وتسطحت على النوم علطول في اليوم التاني روحت انا وبابا وكان معانا الشيخ حمزه واخته اميره وطلعنا على
المول الكبير نجيب الدهب وفستان الخطوبه دخلت انا واميره على محل الدهب الاول وفضلنا
نشوف دبله الخطوبه وخلاص خلصنا موضوع الدهب الحمد لله قاعد فستان الخطوبه بس
وطبعا روحت انا واميره على محل الهدووم علشان نشوف بس لقيت حمزه دخل قبلنا وقال
انا هختار الفستان على زوقي
اديقت اوي منه لاني متأكده من زوقه هيكون ايه وفعلا بعد وقت لقيته
