ورد موعود بحبك لياسمين الشام
ورد
بص مازن لورد وقال مش معقول سبحان الله بالفعل يخلق من الشبه اربعين
ابتسمت ورد بنعومة وقالت شفت بقا
رجع خبط على راسه وقال بتساؤل
وانا بقول ليه اتفاجئتي لما بالالم
فتح شهاب عيونه من الخبر وكبرت ورد في عيونه اكتر واكتر
لما كمل مازن دلوقت اتاكدت انك مش دعاء عشان هيا الي كانت
وهو عمال يتفاجئ من كم الندالة الي كانت دعاء عايشة بيها
وفي النهاية دي بتبقا نتيجة الدلع والاستهتار بالتربية
في عتمة الليل وفي اوضة ورد بعد ما رجعو بفترة كويسة ما شافتهوش
كل شوي بتبص على تلفونها ومش عارفه تعمل إيه عايزة تتطمن عليه بعد العمل البطولي اللي عملو مع مازن
حست أد إيه هو انسان حساس مرهف وللحقيقه خطڤ قلبها
ومن وقت ما رجعو البيت وهي بتفكر فيه وعايزة تكلمو بأي طريقه
عدت للعشرة ومسكت أعصابها وراحت ناحية اوضته
خبطت على باب اوضته خبطات خفيفه
مالقيتش رد
فحست بشئ بيدفعها تدخل اوضته
اخدت تدور فعنيها على سريره الانيق
وديكور الاوضة العصري اللي كله فخامه
مشيت لغاية ماوصلت للمرايه الموجودة على طرف السرير مرايه كبيرة وطويله
وقفت تبص على نفسها بالمرايه والتخيلات اخدتها لبعيد أوي
مش يمكن هي وشهاب يبقو مع بعض على طول وينسى دعاء خالص
الخاطرة عجبتها لفت إيدها حولين نفسها سارحه لغاية ما اتخضت من صوتو بقولها
انا شايف ان مرايتي عجبتك اوي
قرب منها بهدوء وعنيه بدور عليها بوله البنت دي بسيطه وعفويه بشكل مش طبيعي بشكل بيشد الأعصاب ويلهبها حركاتها الخاېفه والمكسوفة بتحرك فيه مشاعر همجيه مش عارف يسيطر عليها وبنفس الوقت خاېف عليها من تزايد المشاعر اللي عماله جواه
غمضت عنيها ودارت على مشاعرها وهمست
انا اسفه مكنتش اعرف انك هنا انا انا
تأتأت شويه وهي بتقول
انا كنت فكراك تعبان وكنت عايزة اطمن عليك مش اكتر
ابتسم بشقاوة و قلبه لسا موجوع من كلي اللي بيحصل وهمس زيها
بتبرري ليه هو انا قولت حاجه
حاولت تمشي بس حست رجليها مش بساعدوها وخاصه انو هو ببص عليها بطريقه غامضه ويادوب لابس
ضحك وقال
يابنتي انتي ها تكسري المرايه
دفعته بإيديها بحرج وقالت
لا انت شكلك تمام ومش محتاج حاجه هامشي أنا
ثبتها اكتر بإيدو
لأ انتي جيتي توسيني وانا محتاجلك جداا
حمحمت بحرج
ابعد شوي مش عارفه اتنفس يا شهاب وبعدين انت قالع
البسمه الغريبه لسا معلقه على بس المرة دي ترك المرايه ومسكها بإيدو التانيه فبقت أسيرة ايديه
وهمس بحرارة
انا حاسس بالۏجع بس في حاجه عايز أعملها جدا
وهي الحاجه الوحيدة اللي هاتوقف الألم وتعالجو
بصتلو بغرابه وحاولت تبعد
بس هو كان أقوى منها وبحركه رقيقه قرب منها وباسها
وإيديه تركت ايديها ومسك شعرها يثبتها
بأنفاس متقطعه قدرت ورد تبعدو عنه بصعوبه وهي مش عارفه تتنفس خالص
الهوا من حوليها اختفى والحرارة خنقتها ودقات قلبها بدق پجنون
لما بعد شهاب عنها همسلها
هو دا الدوا ياورد انا أسف بس كان لازم احس انو قلبي بدق وكان لازم ارضي دقاتو
ماكملش
كلامو لانه اتفاجئ بالالم اللي نزل على خده
وقبل مايمسك ايديها بعصبية جريت هي زي القطة المبلولة وهربت من اوضته بسرعه
وصلت اوضتها وقفلت الباب وهي بتقول لنفسها
وقلبي انا يامجنون انا مش عارفه اهديه ازاي
ايه اللي بيحصل بس
تاني يوم وبناء على خطة شهاب
مشيت ورد بثقة ناحية الصالة وعيون امين بتلاحقها
وطلعت للحديقة قعدت على المرجيحة وفاتحة كتاب وبتذاكر بعدم تركيز
لمحت خيال نزل على الكتاب رفعت نظرها بهدوء لقت امين واقف ببص عليها پحقد خاڤت من نظراته بس فضلت هادية
وهي بتفتكر شهاب ومازن وخزلانهم من دعاء الي امين هو الرابط الاساسي لغيابها والحقيقة التايهة عنده
ايه بتبصيلي كدا ليه يا دعاء
انت عايز ايه
انتي ليه رجعتي بعد اتفاقنا
انت بجح بصراحة يا اونكل من الاخر كدا
بقا جاي بكل وقاحة بتسالني رجعت لبيتي وعيلتي ليه
اكونش عبده عندك وانا ما عرفش
على فكرة انت الي دخيل لعيلة الدميري مش انا
انت عارف اني بكلمة وحدة اقدر اخلي شهاب يطردك انت وعيلتك
ابعد عني احسنلك وانسى الي فات
قعد جنبها واتكلم بغل والله وطلع ليكي لسان وبقيتي بتهددي وعايزاني
انسى
انسا ازاي اني جوزتك من عشيقك بايديا وشهدت على العقد كمان عشان اضمن انك ما ترجعيش
دا بعدك يا حلوة
الجزء العاشر
قراءة ممتعة
اټشل التفكير عند ورد عقلها ما بقاش قادر يستوعب الصدمات الي بتتصدمها التجم لسانها عن الكلام في اقصى احتمالتها ما توقعتش انها تسمع الكلام دا
شيء مقرف بتعيشه خلاها تكره الفلوس والغنى
قد ايه حياتهم كلها زيف ومظاهر
شيء جميل بيلمع من الخارج و جواه سواد زي قلوبهم
صحيت من افكارها على صوته بيتوعدها
والله العظيم يا دعاء لو ما نفذتيش اوامري لاڤضحك قدام جدك وشهاب الي بتتحامي بيه
واديكي جربتيني قبل كدا
اذا كانو سامحوكي على اخطاء صغيرة
في دي مستحيل
