حب إجباري لزهرة الربيع

 _ عايزه ارفع قضيه على دكتور ريان الشافعي 
المحامي وقف بذهول وقال_ قولتي عايزة ترفعي قضية على مين على الدكتور ريان الشافعي ابن الاستاذ الدكتور محمود الشافعي ده شيئ مستحيل يا انسه
وقفت وضړبت على المكتب پغضب وقالت_ بقولك عايزة ارفع عليه قضيه ولعلمك السبب اللي عندي يخليني أرفع مليون قضية عليه ولعلمك أنا مش بكدب فقولي هتترافع ولا اشوف غيرك
المحامي فكر شويه وقال_ هترافع بس احكيلي اللي حصل بالظبط.
في فيلا جميله في حي سكني راقي قاعد شاب في التلاتين من العمر بوجه وسيم وملامح جذابه جدا وبيتصفح على احد المواقع وهو وبيشرب قهوته اتقدم عليه راجل في الستين وقال_ صباح الخير يا ريان ايه مروحتش العياده يعني

ريان ابتسم وقال_ صباح النور يا بابا اصل انهارده همر على المستشفى وقولت لسه بدري يعني
ابوه لسه هيتكلم سمع امه بتنادي پخوف وبتقول_ محمود الحقني يا محمود
راحولها بسرعه واتفاجئو بالبوليس على الباب والضابط قال_ فين دكتور ريان الشافعي
ريان استغرب وقال_ انا حضرتك هو فيه ايه
الضابط قال _ اتفضل معانا مطلوب احضارك يا دكتور
ريان استغرب اكتر ومحمود قال_ ايوه بس يعني مش نفهم فيه ايه
الضابط قال_ في القسم تعرف
في مكتب المحقق قال_ اتفضل ارتاح يا دكتور ريان
ريان ابتسم وقال_ شكرا يا عمر انا تمام بس هو فيه ايه انا القوه جات خدتني من البيت قدام الكل حاجه منتهى الاهانه هو انا عملت ايه لكل ده
عمر قال بحزن _ للأسف مش خير يا ريان بص انا صاحبك من زمان وعارف اخلاقك بس الموضوع كبير بجد
ريان رفع نضارته بقلق وقال_ هو فيه ايه هو انا قټلت حد وانا مش عارف
عمر اتنهد وقال_ حاجه اسوء من كده للأسف تعرف بنت اسمها نغم سليم فكري
ريان فكر شويه وهو بيردد الاسم وقال_ لا الصراحه معرفش حد بالاسم ده
عمر داس جرس للعسكري وقال_ دخل البنت اللي بره يا ابني.
دخلت نغم هي والمحامي بتاعها وريان اول ما شافها وقف بزهول وقال_ انتي انتي ايه اللي جابك هنا
وبص لعمر وقال_ البنت دي مجنونه عقلها مش سليم على فكره
نغم بصتله ورفعت حواجبها وغمزتله بسرعه من غير ما حد ياخد باله وبعد كده بقت تبكي ..ريان استغرب حركاتها وعمر اتنهد وقال_ اهدى يا ريان انت تعرفها مش كده
ريان اتنهد وقعد وقال_ اعرفها جاتلي العياده من يومين وشكيت في قواها العقليه بس مكانش فيها حاجه وبقت تقول كلام غريب ومشيت
نغم بقت تبكي جامد والمحامي قال_ اثبت عندك في المحضر انه اعترف انها جاتله العياده
ريان قال بغضب_ ايوه جاتلي العياده فيها ايه يعني دي هيه اول واحده تجيلي العياده
عمر قال_ احم قعدت قد ايه عندك
ريان قال_ مش فاكر بالظبط بس مش كتير اصلا العياده كانت شطبت حتى الممرضين مشيو والسكرتيره كمان سمحتلها تمشي و
المحامي قال بسرعه_ اثبت كمان انه اعترف انه مشي السكرتيره والممرضات
ريان قال بغضب_ هو ايه اللي اثبت اثبت هو فيه ايه بالظبط حد يفهمني انا هنا ليه
عمر قال_ احم الانسه احم قصدي نغم فكري البنت اللي قدامك دي بتتهمك انك لما راحتلك العيادة 
ريان اتسعت عنيه بشده وصدمه ووقف وقال پغضب رهيب وزعيق_ انا عملت ايه يا اختي انتي هتستهبلي ولا انتي اصلا هبله ولا حكايتك ايه
نغم حركت حواجبها طالع نازل قاصده تغيظه وبقت تبكي اكتر وريان استغرب جنانها ده وقال بزهول_ يا عمر صدقني دي كدابه كدابه اصلا مريضه صدقني باين انها مش في قواها العقليه بتقول