حب إجباري لزهرة الربيع

بتاعتي انا وبس
ريان قرب منه وشدها وراها وقال بغضب_ اياك ټلمسها تاني فاهم
نغم استخبت وامام رفع ايده هيضرب ريان بس ريان زقه وضربه بوكس قوي وقع على الارض
امام وقف بتعب واشتبك مع ريان وكانو بيضربو بعض بعد كده امام بقى يخنق ريان قامت نغم مسكت القله وضړبته بيها على دماغه كسرتها عليه ووقع على الارض
ريان قال بخوف_ ايه ده قتلتيه
نغم قالت _ قټلته ايه بس دققتين وهيفوق يلا نهرب بسرعه 
وطلعو سوا جري وبقم يدخلو من شارع لشارع ودخلو غابه مليانه اشجار وقعدو تحت واحده منهم يرتاحو
ريان قال وهو بينهج بتعب _ ده ايه ده يقرباك ايه
نغم قالت _ عايز يتجوزني
ريان اتضايق لما قالت كده ومش عارف السبب قال ايه_ تتجوزي ده
نغم حست انه اضايق قالت _ اهو موجود لو معرفتش اوقعك هو واقع وجاهز
ريان قال _ اه مأمنه نفسك يعني على فكره انا شايف انه ميستهالش واحده زيك ابدا
نغم بصت في عيونه وقالت_ امال مين يستاهلني
ريان ارتبك وبقى تايه في عيونها وقال _ حد يكون يقدر جمالك ورقتك وو
نغم قالت_ وايه 
ريان لسه هيكمل تليفونها رن نغم بصت للرقم بضيق و قالت_ ايه الرقم ده معرفوش
ريان اول ما شافو وقف بفرحه وقال_ دي هايدي 
ورد
بسرعه وقال_ ايوه يا حببتي
ريان بعد عن نغم وبقى يكلمها ونغم بلعت ريقعا بحزن واتنهدت وبقت ترسم على الأرض بملل وهي حاطه ايدها على خدها بحزن
بعد شويه جيه ريان وقال بابتسامه_ الحمد لله صدقتني اخيرا كانت بتصالحني
نغم قالت بخنقه_ امم بجد مبروك
ريان بص لملامح الحزن الي على وشها واتنهد بابتسماه جميله وقال_ زعلتي
نغم الدموع كانت في عيونها قالت _ وهزعل ليه ربنا يهنيكم
ريان ضحك بخفه وقال_ على فكره بقى انتي بنت مفيش منك والله بس ياريت كنت اعرفك قبل كده او بطريقه غير دي يمكن كان وقتها هيبقى الشعور مختلف فهماني
نغم اتنهدت وقالت_ فهماك عايز تخلع بذوق
ريان ضحك وقال_ اخلع طب انا الغلطان اني بكلمك اصلا
نغم قالت بحزن_ هي هي خطبتك احلى مني
ريان بصلها وبقى يفتكر هايدي رغم انها جميله لكن مكانتش تتقارن بنغم ..نغم كان فيها سحر خاص مش موجود عند هايدي ابدا اتنهد وقال_ لا مش احلى منك بالعكس من ناحية الجمال انتي اجمل بكتير
نغم قالت بدموع_ طب بتحبها ليه
ريان ابتسم وقال_ مينفعش نسأل حد بتحب فلان ليه
نغم نزلت دموعها وقالت_ معاك حق انا كمان بحبك من غير اسباب ومش عارفه انساك مش قادره
نغم قالت كده ولسه هتمشي ريان شدها عليه وحط راسها على صدره وقال_ ارجوكي كفايه دموع بتتعبيني بجد مش عايز اكون انا السبب في وجعك مبقتش اقدر والله
نغم بقت تبكي في ومسكت فيه جامد وقالت_ انت ملكش ذنب انا اللي غلطانه
ريان قال_ هتنسي يا نغم هتنسيني وتعيشي حياتك يمكن يجي يوم متفتكريش اسمي حتى
ريان لما قال الجمله دي حس بۏجع في قلبه وقال_ في نفسه معقوله يجي يوم وتنسيني يا نغم
نغم بعدت عنه شويه وحمحمت بحرج وقالت_ احم متسوقش فيها مش كل شويه تقربلي كده
ريان اتسعت عنيه بدهشه وقال_ لا والله على اساس بيضايقك الموضوع
نغم وقفت وقالت بكدب_ طبعا بيضايقني مينفعش اصلا
ريان قال_ اممم طب مش هعمل كده تاني لما اشوف اخرك
نعم ضحكت وقالت_ برضو بس في الحلال بكره تقول نغم قالت
ريان ضحك وهز راسه بيأس وقال_ مفيش فايده ربنا يهديكي
نغم لقته كل شويه يبص للساعه قالت_ هو فيه ايه بتبص في الساعه ليه