أسيرة العشق لمنة مجدي
بدأت في تحضير المأكولات والمشروبات اللازمة للغد
فظلت في المطبخ حتي وقت متأخر من الليل معها ريم لتساعدها وتسليها
ومر الوقت بين لعب وضحك وغناء
ملك: هي انجي فين ياريم
ريم: جت من بره ودخلت تنام
ملك: طيب يلا يا حبيبتي نطلع نشوف هتلبسي ايه
ثم تابعت بمزاح
ملك: ونزبط الاستاذ كريم يمكن يطلعلوا بعروسه
اكملت ريم ضاحكة
ريم ضاحكة : وانتي عارفاه مستعجل علي الجواز اوي
ملك: الواد دا مبيعقلش ابدا
خلاص كلها كام شهر وتبقوا في الكليه
وهو برضوا لسه زي ماهو
ريم: ههههههههه لسه طفل وبدال ما يعالج الاطفال يلعب معاهم
ملك بابتسامه : ربنا يكون في عونها مامتها هتبقي داعيه عليها والله
اللي هتتجوز كريم
كريم: في حد قال كريم
ملك بخضه: بسم الله الرحمن الرحيم
فزعتني ياكريم حرام عليك
كريم: سلامتك من الخضه ياحلو انت ياحلو
ملك بخجل : طيب يلا ياخويا علشان نطلع نشوفلك لبس
علشان في ضيوف مهمين جايين لبابا وجدو بكره
كريم: هما جايين لبابا وجدو نتشيك احنا ليه هاه نتشيك ليه احنا
نظرت ملك لريم ويزين ثغرها ابتسامة ماكرة
ملك بابتسامه ماكرة: خلاص براحتك بس اعتقد هيبقي فيها مزز
كريم بتركيز : هاه مزز
تابع پغضب مصطنع لينقذ نفسه مما قال منذ قليل
كريم پغضب مصطنع: مش عيب كده ياريم
مش كذا مره اقول الضيوف اللي جايين لبابا وجدو
ضيوفنا ياريم
عيب ياماما عييييييب
ثم تطلع ناحية ملك
كريم: يلا ياملوك يلا يابنتي
وسيبك من ريم خالص
خليكي معايا انا
قال مش هنتشيك قال
ملك ضاحكة : دلوقتي ملوك طيب يلا يااخويا
ريم پغضب مزيف : كم انت حقېر ايها الفتي
كريم: انتي مش سامعه ولا ايه
بتقولك مزز مزز
ريم: طيب ياخويا خليهم ينفعوك
كريم: هينفعوني مټخافيش ملكيش انتي بس دعوة
ذهبوا سويا لغرفه كريم اولا ثم ذهبت الفتيات لغرفه ريم
ملك: بصي بقي الفستان دا حلو جدا والبسي عليه الايشارب الابيض
ريم: انا برضوا بقول كده
ملك بارهاق : كفايه عليكي كده بقي انا هروح انام لحسن انا خلاص بنام علي نفسي هتلاقيني نمت هنا وانا واقفه
ريم: هههههههههه زي الاحصنه
ملك: امشي يابت
ريم: احلي حصان في الدنيا كلها
ضيقت ملك عينيها ولوت فمها بتساؤل
ملك: والله ماعارفه احدد
دامدح ولا زم دا ولا ايه
ريم: لا دا مدح يا قطتي
ملك: قطتك
روحي نامي ياريم علشان فصلتيني
ريم: وانتي هتلبسي ايه بقي
ملك: اي حاجه
هبقي اشوف اي حاجه لما اصحي الصبح باذن الله
ريم: طيب متختاريش من غيري
ملك: ماشي ياريري
ريم: تصبحي علي خير
ملك: وانتي من اهل الجنة
ذهبت لغرفتها كي تصلي قيام الليل وتناجي المولي عز وجل كعادتها تصلي لكي تبث له همومها واحزانها ومشاغلها ومشاكلها
ظلت تدعوا الله ان يرزقها بالزوج الصالح هذا الرجل الغامض الذي لا يفارق احلامها هل تري ستراه قريبا !
أهو موجود حقا أم هو فقط من نسج خيالها
لا تعلم حقا
وبعد عدة ساعات
في احد الحدائق الرائعة المليئة بكل انواع الزهور التي تعشقها ملك
تجلس هي علي احدي الأرجوحات المعلقة بتلك الحديقة ترتدي فستانا باللون الترابي يزينه ورود باللون الازرق السماوي وترتدي عليه خمار بنفس لون الورود
وكالعادة من يدفع ارجوحتها هو هذا الفارس الغامض ولكن حلم اليوم مختلف كثيرا
اقترب منها واخد بيدها
ملك: احنا رايحين فين
الشخص: خلاص اوعدك هتشوفيني قريب
ملك: هشوفك قريب !!!
الشخص: ايوة
ملك: منا دايما بشوفك
الشخص: لا المرة دي مختلفة
ثم تركها وذهب
ملك: لا استني متمشيش
استني
استيقظت من نومها فزعه وهي تدعوه
ملك: ياتري هشوفك فين وامته
تناهي الي مسامعها صوت اذان الفجر
فنهضت للتوضأ وتؤدي فريضتها
وبعد جلسه الشروق والاذكار والقران
هبطت الي اسفل لكي ترتب الفيلا من اجل عزيمة اليوم
وبعد الانتهاء ذهبت لأنجي لكي توقظها فهي لم تستيقظ بعد
ملك: انجي يلا قومي ياحبيبتي احنا بقينا الضهر
انجي: لا مش عاوزه اقوم دلوقتي
ملك: قومي ياحبيبتي في ضيوف مهمين جايين
علي الغدا يلا علشان تشوفي هتلبسي ايه
انجي: ضيوف مين
ملك: مش عارفه والله
يلا بقي بلاش كسل
انجي: طيب طيب خلاص صحيت
سارت ملك قليلا في الغرفة ثم توقفت فقد تذكرت شيئا ما
ملك: انجي
انجي بنعاس: همممم
ملك: البسي الفستان الاحمر
بيبين لون عيونك وبيخليكي زي القمر
انجي : طيب
ملك: يلا ياحبيبتي
تركتها وهبطت لأسفل لتكمل باقي عملها
نهضت انجي وبدات في الاستعداد
مر الوقت سريعا ولم تشعر به ملك وفجاءة تناهي الي مسامعها اصوات سيارة وضجيج وحركه
ملك بفزع : يانهار ابيض جم
طيب وبعدين هعمل ايه انا بقي دلوقتي وانا شكلي مبهدل كده
دلفت ريم الي المطبخ فوجدت ملك ما زلت بهيئتها
ريم: انتي لسه هنا
ملك: معلش بقي اتلخمت ومخدتش بالي انهم هنا
ريم: طيب هطلع اشوفلك الجو
