ملاك الأسد لإسراء الزغبي

ليك حق تقول عليها ملاك
أسد بصرامة وقد ظهرت بوادر الڠضب عليه واشتدت يديه على همس شريييييف احترم نفسك وإلا قسما بالله أندمك على كل كلمة بتقولها ولا هيهمنى حد
شريف پخوف خلاص يا عم براحة
ثم أضاف المهم عملتلى إيه فى موضوع ياسمين
أسد مش هينفع
شريف هو إيه اللى مش هينفع 
أسد ياسمين ومازن اللى حكتلك عنه بيحبوا
بعض وأنا مش هفرقهم عن بعض أبدا
شريف پغضب نعم .... إنت بتتخلى عن أخوك عشان واحد غريب ماشى يا أسد بس خليك فاكرها ثم خرج غاضبا 
أسد ياربى ع...
وقبل أن يكمل كلامه طرق الباب مرة ثالثة 
أسد پغضب هو إنتو واقفين بالدور إيه اليوم اللى مش هيعدى دا ياربى .... ادخل
دخل سامر وهو خافض الرأس ممكن نتكلم
الفصل ٩
أسد تعالى يا سامر خير
تقدم سامر منه فى خزى وفجأة سقطت دمعة من عينيه ولم يستطع التحدث
اتجه أسد إلى سامر وأخذه إلى ركن بعيد فى مكتبه حتى لا تستيقظ ملاكه
أسد وهو يزيل دموع سامر 
أسد بهدوء مالك فيك إيه 
سامر أنا آسف .... سامحنى على كل اللى عملته فيك
...... بس صدقنى مكنش فى إيدى حاجة أعملها غير إنى أكرهك بعد اللى قالوه عليك ...... 
أرجوك سامح....
وقبل أن يكمل احتضنه أسد
أسد بحنان أخوى مش سامر ضرغام اللى يترجى حد أبدا ...... دا إنت اللى معلمنى إن مهما غلطت أصلح غلطى من غير ما أعتذر ...... هتيجى بقى دلوقتى وتخلف كلامك .... لا يا عم مش لاعب
قال آخر جملة فى مرح لا يظهر إلا لأحبائه فقط
شد سامر على وابتسم بسعادة لأنه استعاد أكثر شخص كان منه حتى أكثر من شريف
ابتعد أسد عنه قائلا عرفت غلطك واعتذرت وأنا قبلت ..... يلا بقى زى الشاطر كدة تشوف شغلك اللى إنت رميه عليا .... أنا مش هفحت نفسى فى شغل كتير تانى
سامر بخبث ومرح وهو ينظر لهمس واشمعنا المرة دى ولا عشان الفترة دى احلوت أوى باللى فيها
وفجأة وجد سامر نفسه على الأرض بعدما تلقى لكمة من أسد
سامر آااااه يا متخلف بهزر ..... إيه مبتهزرش يا رمضان
أسد بتهكم وجدية لأ مبهزرش
يا خويا .... إلا ملاكى يا سامر سامع ...أنا آه بحبكم بس ملاكى حاجة مختلفة ..... واللى منها هيبقى بيلعب فى عداد عمره ..... سامع .... ويلا بقى على شغلك
سامر خلاص يا عم عرفنا إن هم....
أسد بنرفزة يوووووه بقى لإمتى هتنيل أقول محدش ينطق اسمها ..... قولوا عليها الصغيرة والأحسن متكلموش عنها أبدا
سامر بجدية أسد عشقك ليها شيء جميل بس اللى مش جميل غيرتك الشديدة دى إنت ممكن تخسرها إديها شوية مساحة تاخد راحتها وبعدين دى طفلة ي....
أسد مقاطعا سامر متحولش ..... ملاكى بقت بتاعتى خلاص وأنا مستحيل أضرها أنا أموت ولا أعمل كدة .... المهم سيبك من الموضوع ده وروح شوف شغلك
سامر ماشى يا عم متزوقش
ثم اتجه إلى الباب وقبل أن يخرج
سامر أسد حاول تصالح شريف .... أنا شوفته طالع من مكتبك متنرفز ..... أنا مش عارف إيه اللى حصل ..... بس شريف بيحبك وأنا متأكد إنه دلوقتى زعلان جدا إنه زعلك
أسد متقلقش يا سامر مش محتاج توصينى على أخويا وصاحبى ..... يلا إنت على مكتبك وشوفلى تسنيم عايزها
سامر النظرة اللى فى عينيك دى عارفها ودلوقتى أقدر أقول الله يرحمك يا تسنيم .... أنا هناديهالك... ووالنبى اتوصى بيها لاحسن هى تشل أساسا
خرج سامر بينما اسودا حدقتى أسد 
أسد پغضب هو أنا محتاج توصية
فى مكتب محمد
هند ياسمين أنا كدة مش هخلص شغلى إنتو بقالكوا كتير أنا هروح أنا أشوف شغلى
اتجهت للخارج وأغلقت الباب خلفها 
كل هذا تحت صډمتها ودار فى خلدها ما سيفعله ذلك المازن إذا علم ما حدث
حاولت ياسمين الوقوف لفتح الباب فقال محمد سريعا
محمد بلهفة متقلقيش يا ياسمين إحنا نخلص
ياسمين بانزعاج آنسة ياسمين لو سمحت ..... ياريت تخلى الألقاب محفوظة
محمد بابتسامة متجاهلا كلامها يلا نكمل شرح
ياسمين فى سرها وهى على وشك البكاء من خۏفها نهار إسود لو مازن عرف. ..... دا أنا هتنفخ ...... يارب أعيش النهاردة بس أكون وصيت أم إبراهيم على ماما.....
هتوحشينى يا ياسمين والله كنتى طيبة وبنت حلال
فى مكتب مازن 
بدأ مازن العمل ثم فكر فى ياسمينته واجتاحته رغبة لمعرفة ما تفعله الآن
خرج وسأل عن مكان مكتبها 
وعندما دخل لم يجدها
مازن هى فين !!!! 
ليليتها سودة لو طلعت لسة عند الزفت اللى اسمه محمد دا ..... دا أنا هموتهم بإيديا ماشى يا ياسمين والله لأوريكى
اتجه مازن لمكتب محمد بعدما سأل عن مكانه
صدم مازن عندما وجد الباب مغلق
فاتجه ببطء ليسمع ما يدور بالداخل
محمد إحنا كدة خلصنا يا ياسمين ..... بصراحة كدة كنت عايز أقولك إنى معجب بيكى جدا وكنت عايز آخد معاد مع ولى أمرك وأتقدملك رسمى
لم تكد ترد عليه حتى فتح الباب وقوة أفزعتها هى ومن معها وما زاد الطين بله ذلك الكائن الغريب الذى دخل عليهما بوجهه الأحمر