من حكاوي زين الحاډث لرحمة طارق

ايه الغباء دا ! 
مردتش عليه فتحت باب العربية ونزلت وفتحت بابه پعنف.
انزل.
ابتسم وكمل دندنة ونزل ببطء وانا اعصابي أتشدت اوي.
شكرا على التوصيلة و..
رفعت صباعي قدام وشه اسمع بقى أنا مستحملاك من الصبح ولسه هستحملك اسبوعين كمان بسبب وصلات الامانة الي مضيت عليه علشان تلغي المحضر فالأحسن ليا وليك أنك تسكت خالص وتتفضل تروح وتعدى ليلتك دي على خير علشان أنا خلاص وحياة ربنا ه.. 
تشربي مانجا
أية !
شاور على حاجة ورايا فيه كافية تحت البيت بيعمل مانجا خطېرة اجبلك كوباية تروقي بيها دمك
بصتله من فوق لتحت وسيبته واقف مكانه وركبت عربيتي وقبل ما اتحرك لقيته بيعمل باي باي في الهوا !!
الو صباح الخير.
الو صباح الخير ! أنت لسه نايمة
رفعت راسي من على المخدة انت مين اصلا 
أنا زين يا رحمة فوقي.
زين زين مين
هو أنت منهم! اللهم صلي على النبي.
بس بس اسكت افتكرت عاوز ايه مني على الصبح
لا ولا حاجة كل الحكاية إن إحنا بينا معاد كمان ساعة.
اتنفضت قاعدة ساعة ! انت بتستهبل ولا..
بيقفل في وشي ! وقعة أية دي بس ياربي.
قومت بسرعة اه وقعت على وشى بس قومت بسرعة ودا الاهم غسلت وشي وحضرت لبسي وفي وقت قياسي جدا جدا جهزت.
تلت ساعات بتجهزي
وانت بتزعق لية ما براحتي.
سكت فابتسمت وحسيت أنه بيجز على سنانه احسن يستاهل. بصيت في ساعتي ونزلت من باب العربية.
انا تحت العمارة.
طيب اطلعي الدور التالت.
طلعت ورنيت الجرس ففتح الباب مبتسم وفي لحظة ابتسامته اختفت.
أية دا !
بصيت على دراعي بنتي روحي لعمو يازوزو.
روحي لعمو يا زوزو !
مدتلوش فرصة يستوعب وحطيت البنت على دراعه وزقيته ودخلت.
فين جدك
دي بنتك بجد
اكيد مش مأجراها يعني.
أنت متجوزة
مطلقة.
مطلقة ! ازاي وأنت..
اتجوزت صغيرة شوية فين جدك
بص للبنت وبصلي وانا لاحظت أن زوزو بتبصله بانبهار وكأنها عمرها ما شافت راجل حلو قبل كدا.
حلو أنا قولت حلو !!
هو ايه الي حلو
بصتله ال.. البيت البيت قديم بس حلو.
اتحرك ومشي قدامي من غير ما يديني البنت وكأنه استسلم للأمر الواقع خلاص.
فيه وردة على الترابيزة الي وراك.
وردة !
بصيت ورايا لقيت وردة بيضا صغيرة رفعتها بصوابعي وبصتله باستغراب.
دا ليا أنا
اكيد مكنتش اعرف ان زوزو جاية يبقى اكيد ليك أنت.
لية
لية ! فيه ست تقول للورد لية
لما يكون من شخص غريب يبقى لية
سكت شوية وقال يمكن برحب بيك بينا.
بينا !
الصوت الحلو دا جاي منين
انتبهت لصوت راجل عجوز بصيت حنبي لقيته خارج من أوضته على كرسي بعجل !
بصيت لزين فهز راسه وقرب منه.
اعرفك يا جدو خطيبتي رحمة.
بصلي فقربت منه ومديت ايدي.
ازيك يا جدو.
مسك ايدي وبلفته شيك باسها.
ازيك يا عيون جدو !
ضحكت جانتي خالص يا جدو.
قوليلي يا كيمو أنا لسه صغير على جدو دي.
حافظت على ابتسامتي وهو عينه نزلت لايدي.
الوردة دي من زين
أحنا لينا في اللعب برضو يا كيمو.
بصله دا لعب على خفيف يناسب الهواة الي زيك.
طب ما تورينا اللعب الي على تقيل. 
رفع حاجبه وبصله ورجع عيونه ليا.
ممكن تنزلى شوية يا مدموزيل.
ابتسمت ونزلت على ركبتي علشان اكون في مستواه فشد الوردة من ايدي وفي حركة بسيطة رقيقة حطها ورا ودني بين شعري تحديدا.
جدو !
الورد يزين الورد.
اتكسفت ووقفت وانا مبسوطة احساس دافي غمر قلبي من