لكني أحببتك لهمس
وردت علي التليفون
مريم ايوة ياسارة انا مش قولتلك متتصليش دلوقتي عشان عمر في البيت
سارة يابنتي وانا أعرف منين إنه في البيت المهم حجزتلك مكان في أفخم فندق فيكي يامصر
مريم بجد يا سارة انا نفسي عيد ميلاده السنة دي يكون مميز عشان يفضل فاكره على طول دا غير انه عمل معايا كتير بصراحة في عيد ميلادي
مريم متستغبييييش بقا وتتصلي تاني عشان عمر في البيت ومش عايزاه يحس بحاجة عايزاها تبقى مفاجأة ساعتها
سارة اشطة
قفلت مريم معاها وخرجت على السفرة
مريم ايه يابني وقفت اكل ليه
عمر مستنيكي كنتي بتكلمي مين
مريم دي سارة اختي
مريم مفيش
انا قولت ممكن تبقى عايزة تقولي على حاجة ولا بتاع وتتحرج لما تعرف اني قاعدة جنبك
عمر امممم تمام يلا نكمل اكل
مريم يلا ياحبيبي
نرجع للأحداث الأصلية
رجعت مريم من الفلاش باك على صوت رنة التليفون الأرضي اتلفتت على التليفون مصډومة
جريت بسرعة رفعت سمعت التليفون
مريم الو
ايوة يامريم
مريم مين معايا !
أنا أحمد
مريم احمددد انت فين يابني انا ھموت من الړعب عليك من الصبح
أحمد مفيش تعبت شوية بس فروحت المستشفي المهم انتي ك
مريم ايه دا ثواني تعبت ازاي
مريم لا إله إلا الله ألف سلامة عليك يااحمد طب انت بقيت كويس دلوقتي
أحمد اه الحمدلله أحسن المهم
انتي كويسة
مريم لا مش كويسة خالص عمر حابسني في الأوضة من ساعة ما رجعني على البيت
أحمد توقعت دا وعشان كدا اتصلت بيكي على التليفون الأرضي يمكن تقدري تردي بأي شكل
أحمد وصلتله بقا بأي شكل يامريم المهم انا لازم اهربك
مريم بصوت واطي تهرب ااايه يابني انت لسة عامل عملية النهاردة وزمانك تعبان جدا
احمد لا لا مش تعبان ولا حاجة هي عملية بسيطة اصلا
مريم طيب بص نستني يومين تلاتة كدا ونشوف الحوار دا تكون اتحسنت شوية
احمد تمام انا هقفل بقا عشان عمر ميقفشكيش
لا إله إلا الله
أحمد سيدنا محمد رسول الله سلام
قفلت مريم التليفون وسرحت
مريم سبحان الله اللي يخلي جوزي اللي بينا قصة حب طويلة عريضة يعمل فيا كدا وواحد غريب ميعرفنيش وعنده في حياته مشاكل وحوارات وفوق كل دا عامل عملية كمان وشايل همي بالمنظر دا وعايز يهربني
ايه دا صحيح ! دا انا حتى الهروب مش هعرف اهربه
عمر ماسكني من ايدي اللي بتوجعني ولو حاولت العب بديلي كدا ولا كدا اختي مستقبلها هيضيع
بكسرة قلب ونفس مفيش حل غير إني اقبل بالوضع دا وأكمل حياتي بين ال٤ حيطان دول زي ما قالي
في المستشفي
أحمد ساب التليفون من ايده واتعدل وهو تعبيرات الالم الشديد على وشه
نايم علي سرير في المستشفي ومتعلقله محاليل
الراجل وهو داخل ايه ده انت فوقت امتي يابني !
أحمد لسة فايق من نص ساعة
الراجل فايق من نص ساعة وبتتكلم في التليفون على طول كدا
أحمد كانت مكالمة مهمة بس حضرتك مين
الراجل انا اللي جبتك المستشفي
احمد جبتني منين بقا
الراجل شوفتك مرمي سايح في دمك فجبتك ومن ساعتها بنحاول نفهم انت مين وابن مين
احمد مفيش داعي تعرفوا حاجة معلش ياحج هطلب منك طلب أخير بس ينفع تقول للدكتور اني عايز اخرج النهاردة
الراجل تخرج اااايه يابني انت لسة عامل عملية من شوية وچرحك ملمش حتي
الراجل حاضر
هقوله بس انا عارف إنه مش هيوافق وهيبقي صح
تاني يوم الصبح
في بيت أم مريم
صحيت سارة من النوم اتمطعت وفتحت عينيها مسكت الفون وفتحت الواتس شافت رسالة مريم اللي باعتها عمر من تليفونها عشان يوصل لسارة ان مريم مسافرة
أم مريم سااارة اصحي بقا ياحبيبت ايه دا انتي صاحية اهو يا اروبة
سارة اه ياماما صاحية
أم مريم مالك كدا بتفكري في ايه ع الصبح
سارة مفيش أصلي لقيت مريم
