ام الولد لريناد يوسف
عاد من اللي جاي.
مشيت من قدامها واني فرحانه قوي اصلي خلاص قربت اتحرر من من السچن اللي اني فيه ديه وحياة العبوديه تنتهي وعلى سيرة العبوديه سمعت حس سنابل عتنادي عليا وتقول
زينب بت يازينب تعالي نضفيلي اوضتي وهويها اخلصي قوام.
رديت عليها قوام قبل ماتقوم غوايرها
إيوه إيوه جايهه اهه.
ورحت نضفت الاوضه وطلعت كنست الدار وبعده خشيت الموطبخ اجلي المواعين وانضف وبعدها اطلع عالمواشي اشيل من تحتهم وانضف واعاود اتسبح واغير واتزوق واستنى ابو الوفا ابو ريحة خشم عفشه.. بقيت حاسه طول الوكت اني بقيت كيف التور المربوط في ساقيه تعب في تعب تعب اكبر مني ومن حيلي ومن سني.. بس لازمن اتحمل مقداميش حل تاني والحاجه الوحيده اللي كانت عتخفف عني هي صاحبتي..... اللي كانت تغيب كام يوم وتاجيني تطمن عليا وعلى احوالي وتسألني عن كل حاجه عتجرا معايا في البيت وتمشي.. والنهارده كمان جياني اصلي عطيتها فلوس من يومين وقولتلها تجيبلي حلويات معاها وتسالي زي اللي كانت عتجيبهملي عمتي سعوده واللي اتعودت على وكلهم وبعدها قطعت ومعادتش تجيبلي حاجه ولما اطلب منها تقولي هبقي اشيع اجيبلك ومتشيعش.
وبعد ماكلنا واتحدتنا فكل حاجه اني وسميحه سكتت هبابه وبصتلي وقالتلي
اقولك يازينب اني عايزه اسالك سؤال بس تجاوبيني عليه بصراحه.. انتي عتحبي جوزك ابو الوفا.
يعني لساكي عايزه تتطلقي منيه
جرالك ايه ياسميحه مانتي خابره زين اني نفسي اطلق منه النهارده قبل بكره.
طيب عملتي فلوس زينه من وراه
مالك ياسميحه ماني قايلالك علي الفلوس اللي عملتهم وعلى جوز الاساور اللي جابهملى دساسي وهو متجوزني جديد ومن بعدها مجابش حاجه وحتى هو بطل يعطيني فلوس ولا يجيبلي حاجه حلوه بس اني عاخد الفلوس اللي عتقع منه لما يغير خلجاته ولا اللي علقاهم في سيالة جلابيته وانا عغسلهاله.
زينب
له ياسميحه متعمليهاش تغور الفلوس كلها ولا انك تتحملي قربه منك وريحة نفسه العفشه اني رضيت بحالي عشان اتغصبت بس انتي هتدخلي الڼار برجليكي ليه اني لو عاود بيا الزمن وخيروني متجوزش ابو الوفا لو وزني بالدهب وغرقني بالفلوس.
والله ولا ازعل ولا حاجه دانتي لو عايزه تنجوزيه من دلوك اتجوزيه ونقعدوا احنا التنين فأوضه وحده.
سميحه
ههههه.. لا مينفعش بعد ماتتطلقي انتي اني اخد دوري.
وسمعوا هما الاتنين زبيده عتنادي علي زينب
يوووه جالك المۏت اهي حتما هتكلفني بشغلانه جديده طلعتهالي من تحت الارض حاكم جنها وجن ماتشوفني قاعده هبابه.
خليكي انتي واني هندلى اشوفها عايزه ايه واعمله بدالك واقولها انك تعبانه خليكي كلي حاجتك واستريحي واني من إهنه ورايح هاجي كل يوم اساعدك في شغل البيت واهونه عليكي هبابه.
ونزلت سميحه لزبيده
ايوه ياست زبيده أومريني زينب تعبانه حبتين واني جايه اشوفك تؤمري بأيه انتي او الست سنابل واعملهولكم من عيوني.
كنت عايزاها تكنس البيت ديه
سميحه
اني اكنسه واخليهولك لو اتكب فوقه العسل يتلحس.
خلصت كلامها وجرت جابت السباطه وابتدت تكنس فى البيت بهمه ونشاط قدام زبيده..
بصتلها زيبيده بتفحص وسألتها
انتي قولتيلي بت مين في البلد يا اسمك ايه انتي
اسمي سميحه خدامتك سميحه.
اتبسمت زبيده وقالتلها
وسنك كد ايه ياسميحه
نديدة زينب ياست عيال سنه وحده وشهر واحد.
زبيده بإستغراب
غريبه بس انتي تباني اكبر منها هبابه!
زبيده
الا قوليلي ياسميحه ابوكي شغال ايه
فلاح اجير عيشتغل باليوميه في الأرض ياست.
دانتوا حالتكم تعبانه على إكده
قوي قوي ياست عنكحوا تراب والله ولقيبنش اللقمه الحاف ناكلوها.
زبيده
طب وأيه وأيك فاللي يوكلك زفر ي
كل يوم
