البعض لا يستحق الحب لناهد خالد
طبعا عارف.. مانتي حية بترمي شباكك وتخلي الضحېة تزحف ليكي وبعدها تقولي مليش ذنب هو الي اصر يتجوزني مانا مجرب قبله وعارفك كويس بس متفتكريش اني هسيبه يقع زي مانا وقعت ده صاحب عمري.
وضعت ذراعها في خصرها وهي تخبره بسخرية
_ قوله وابقى قابلني لو صدقك.
_ هيصدقني..
ابتسم بخبث وهو يكمل
_ عشان هو سامع كل ده..
خرج زكريا من جانب الحائط تحت نظراتها المصډومة وعيناه المحتقنة بحمرة الڠضب والصدمة ونظر لها باشمئزاز جلي ثم قال
حاولت التحدث وقد تملكها توتر وخوف
_ ان... زكريا..
_ اخرسي.
صړخ بها وهو يجذبها من ذراعها بقوة فصړخت هي تاليا وهي تشعر بذراعها كاد يكسر بين قبضته...
_ انا غلطان اني عملتلك سعر انا غلطان اني وقفت قدام اهلي عشان واحده زيك كان عندي استعداد اتغاضى عن اي حاجة عشانك.. بس طلعتي متستاهليش..
_ لا لا بلاش جو الصعبنيات ده مش ذنبك انك اتربيت في ميتم بس ذنبك انك بالقرف ده ذنبك انك نصابه وماشية تنصبي على الكل وتلمي الي تقدري تلميه من غير ما تهتمي لحد.
ظهر الحقد واضحا في مقلتيها وهي تهتف باقتناع تام
_ هياثر معاكم في ايه شويه فلوس ولا حتى دهب باخده ده هياثر معاكم في ايه انت معاكوا كتير ومعاكم اكتر من كده بكتير مش هياثر في حاجه اللي انا باخده ومباخدوش بغير وجه حق باخده تمن الايام اللي بشوف فيها الذل معاكوا انت...
_ استخسرت تتجوزني رسمي واتجوزتني زيي زي اي واحده من الشارع ما يربطكش بيها اي صلة تسيبني بالكام يوم مرميه في الشقه لحد ما يجي لك مزاجك تيجي تقضي كام ساعه وتمشي دي كانت جوازه! دي كانت ذل... ما تعرفش انا كنت بحس بايه وانا قاعده لوحدي في الشقه بالكام يوم ما بين اربع حيطان ولا كاني متجوزه كانك ماجرني عشان مزاجك مش اكتر وانت...
_ وانا ايه انا عملت لك اللي اي ست تحلم بيه جواز رسمي واتجوزتك شقه وجبت لك كل ساعه وكل لحظه كنت معاكي وكنت بدور معاكي على سبب تاخير الخلفه يعني كمان كنت ناوي اخليكي ام ولادي وقفت قدام اهلي واتخليت عن مكانتي ومنظري قدام الناس عشانك ها انا ايه بقى!
_ اتجوزتني اه ورسمي ما قلتش حاجه لكن ايه اللي اختلف عن اللي هو كان بيعمله معايا انك كنت دايما موجود معايا طب ما برده في كل مناسبه لاهلك ببقى سامعه كلامك معاهم وانت بتحاول تقنعهم نحضر المناسبه دي وهم بيسمعوك كلام قد كده عني كلام ببقى عارفاه كويس حتى لو ما سمعتوش وفي الاخر بتتهرب مني عشان ما تقوليش هم قالولك ايه بس كنت ببقى عارفه واخرها يوم ما يوافقوا اني اروح تجمع هم فيه يكونوا موافقين علشان يذلوني عشان يعايروني قدام الناس زي ما حصل وايه بقى... قولي انت عملت ايه خدتني من ايدي ومشيت! عملت حاجه اكثر من كده! اوعى تفكر ان الكلمتين الخايبين اللي وقفت قدامهم وقلتهم ردوا اعتباري لا ولا حسيت ان كان لهم اي لازمه ولما امك كلمتك من يومين رديت عليها عادي ولا كانها عملت حاجه فيا ولا كأن ليا خاطر عندك تقف فعلا قدامهم وتاخد موقف معاهم عشاني حتى لما من فتره طلبت منك تعمل
