دماء بريئة على الطريق لولاء حامد
هموا بينا وسيبوا الحكومه تعمل ما بدالها يوم الحكومه يا باشا بسنه واللي ماټت غدر دي اختنا عيله لسه عمرها 15 سنه
الظابط بتفهم_ انا عارف اللي فيكم بس مش غلطهم لوحدهم غلط الجهل والعادات العقيمه اللي تخلوكم تجوزوا طفله قاصر بحجه الستر اللي تخليكم تظلموا طفله وتطلعوها من التعليم بحجه انه سلو البلد كده ومادام البت بلغت تبقى تتجوز وتتستر بحجه ان البنت اخرها بيتها وجوزها ذنبها في رقبتكم كلكم
قاطع كلامهم وصول قوات الأمن المركزي
الظابط اخد نفس طويل وطلعه مره واحده_ أشهد أن لا إله إلا الله وأشهد أن محمد رسول الله
افرض يا ابني كردون أمني حوالين المستشفي وحواليك المنطقه اللي فيها بيت الشلاواني لحين انتهاء تقرير الصفه التشريحيه وبص لمصطفي_ اللي عملته لمصلحتكم بص على ابوك حمل خساره تانيه الډم مش هايرجع اللي راح حقها هاييجي بس بلاش ډم سيب القانون ياخد مجراه ولو القانون عجز ابقى اعمل ما بدالك فكر في ابوك و امك اللي منهارين فكر لو ليك بيت وزوجه فكر بالعقل حق اختك جاي جاي
في بيت مسعود الكل قاعد على اعصابه من وقت ما وصلت محروسه وبلغتهم باللي حصل
ساعات قليله وسمعوا صوت دوشه عالي وواحد من الغفر اللي بيحرسوا البيت دخل جري
الغفير بنهجان_ يا حاج يا حاج اللحق يا حاج
علام بخضه_ في ايه يا زفت البرك بتصرخ كده ليه
علام والدم نشف في عروقه_ ليه ايه اللي حصل
الغفير_ بيقولو الست سمر مرات جمال بيه ماټت وأهلها قالبين الدنيا في المستشفي وكانت عركه واعره قوي والحكومه جات عشان تفضها
علام_ انتا بتقول يا مخبول انتا
الغفير_ وكتاب الله المعبود زي ما بقولك كده يا حاج داه البلد كلها واقفه على رجل عن المستشفي الكبيره اللي في البلد وعيله ابو شامه كلها هناك بالسلاح
طلع الغفير مكانه ودخل علام
جمال _خير يا أبا طمني في ايه بره
علام بزعيق_ مش خير مش خير وراح لمراته كان فين عقلي وانا بمشي وراكي صحيح شورة المرا تجيب ورا
محروسه_ حصل ايه لداه كله يومين والبت وأهلها هاينسوا وابنك ويبقى يطلقها وخلصنا
علام بزعيق وجنون_ مخلصناش البت ماټت مااااتت وأهلها قالبين الدنيا واللي بره الحكومه عشان اهلها حالفين لياخدوا بتارهم حل يا ست حلي آخره افكارك يا ام الأفكار خفتي من الفضايح اهو هايبقى الډم للركب
علام_ انتي مخبوله انتي واعيه للي بتقوليه أهل مين اللي هايقفوا معانا لما يعرفوا اللي هببناه داه مش بعيد يقفوا مع عيله ابو شامه قصادنا منك لله منك لله انتي وابنك ضيعتني وضيعتونا كلنا
في المستشفي الوقت بيمر والكل بېموت الف مره مع عقرب الثواني وبعد مرور ساعتين طلع دكتور الطب الشرعي
الظابط_ ها طمني
