وزجي ولكن لأيه محمد عامر
من أسبوع من وجودها في بيتنا لقيت نفسي بوقع علي ورقه جوازنا
بعدها ب وقت قصير بقت يومي كله العالم اللي عايش فيه السهر اللي سهرته جمبها بملي عيني منها وهي نايمة عشان خاېف من اليوم اللي هتمشي فيه
يمكن البنت اللي عمرها 19 مش هتقع في حب المعيد الممل اللي عنده 27 سنه
يمكن كانت فعلا الموضوع بالنسبه لها فترة وهتنقضي
أحنا محتاجين نتكلم
سحبني من أيدي لأوضتنا قعد قصادي وانا باصه في الأرض بس المره دي مكانش خجل كان ۏجع بحاول أخبيه
عايزة تطلقي
عايزة أحررك
مين قال اني متقيد!
تصرفاتك
مبعرفش اعبر متلغبط كنت فاكر اني واضح مع نفسي اني مش ساذج وهعرف حقيقة مشاعري
عايز فرصه
أرجوكي
يبقي نبعد شوية لحد م كل واحد فينا يوضح مع نفسه
نبعد
أيوا هقعد في أوتيل مش هرجع البيت
مينفعش تسيبي البيت أنا اللي همشي
خرج من البيت بعد م أخد شوية من هدومه في شنطه سفر صغيرة وقفت في البلكونه اشوفه وهو ماشي بعربيته
يومين يومين من غير م أشوفه من غير م أرخم عليه وأضايقه من غير اظبطله شعره و أكويله هدومه
او نتخانق علي القلم بتاعي اللي بياخده
كنت قاعدة لوحدي لحد م أخيرا تليفوني رن ب رقمه
مستنيكي في بيتك بعد ساعة
بيتي! ألو
خرجت وأنا مش فاهمه حاجه بس كل اللي عارفاه ان يونس مستنيني ومش لازم أتأخر عليه
روحت ل بيتي بيت أبويا اللي مرجعتلوش من يوم م سيبته أو هربت منه
بس المره دي وقفت مكاني ومقربتش منه زي كل مره المره دي مستنيه الكلمه اللي هتحدد كل حاجه
ي تري عرف مشاعره طيب ي تري مين في قلبه أنا ولا هي
انا عرفت الولد اللي كان عاوز يتقدملك شاب كويس في أخر سنه بس بيشتغل و مكون نفسه و عيلته محترمه
ب معني أني منغعكيش
لسه بتحبها برغم اللي عملته معاك
لا مبحبهاش بس انا مش هفضل عايش في ړعب أنك أنك تسيبيني
أنا أنت بتقارن بيني وبينها
مش هتفهميني
طول عمرنا بنقرأ روايات أو بنسمع أفلام ونشوف فيها ازاي البطل قدر يثبت ل حبيبته أنه عمره م هيسيبها بس انا قصتي حصل فيها العكس
أنا عمري م هسيبك ي يونس أنا مش زيها أنا بحبك
طبيعة الأنثي بتخليها دايما مستنيه الخطوة الأولي من الطرف التاني
دايما يقولوا للزوج أهتم ب زوجتك وهي هتعشقك
دايما الخطوة الأولي من الرجل ده عشان طبع الخجل عندها و انتظارها الدائم للإهتمام
سواء من الام او الاب او الاخ والصديقه و الحبيب
عمري م تخيلت أني أنا اللي هعترف بمشاعري الأول بس انا وقفت قدامي كل احساس من خجل و حزن عشان خاطر هو محتاج فعلا يطمن اني جنبه
كنت مستنيه منه دايما يقولي أنتي حبيبتي ويضمني بس أنا اللي عملت كده
ډفن وشه في وحسيت ب دموعه و كأنه خاېف أن العالم يخزله تاني مكنتش أعرف أن چرحك غميق أوي كده ي يونس
وأنا كمان بحبك ي حور
حسيت أن أطرافي اتجمدت وبقي دلوقتي هو اللي مش أنا و كأنه كان مستني مني كده و كأن زي م بيقولوا كلمات من دهب
أنا مش
زيها
