حبيبة يوسف لمي أمين

جدا علي اللي قلته امبارح
علي بابتسامة _ شكلك عايزة تربيه
حبيبة بابتسامة _ جدا
علي _ وانا معاكي بس تظبطيلي موضوع هدي .
حبيبة _ اتفقنا يلا بقا نحضر المحاضرات اللي ورانا
الايام بتمر ببطئ علي يوسف اللي مش عارف يتكلم مع حبيبة 
حبيبة قريبت جدا من دينا وبقوا اصحاب وبيحكوا كل حاجة لبعض
علي اتقدم لهدي وهي وافقت عليه
في يوم يوسف راح يجيب حبيبة من الكلية لقاها واقفة مع علي وهدي بيهزروا ويضحكوا
يوسف _ حبيبة
حبيبة _ ايه دا يوسف مكنش ليه داعي خالص تيجي علي كان هيوصلنا
علي _ أكيد طبعا يا بيبة
يوسف _ كتر خيرك يا استاذ يلا يا حبيبة
حبيبة _ حاضر باي يا علي باي يا هدى 
وخرجت مع يوسف من غير كلام وركبوا العربية ومشيوا ومرة واحدة يوسف وقف علي جنب بالعربية واتكلم
يوسف _ ممكن أفهم هنفضل كدا لحد امتي 
حبيبة بلا مبالاه _ كدا ازاي يعني مش فاهمة!
يوسف _ حبيبة متستعبطيش عارف اني غلطت في حقك وزعلتك مني وعارف انك من حقك تعاقبيني بس مش بالطريقة دي بقالك 15 يوم مش بتتكلمي معايا ومتجهلاني .
حبيبة _ وأنت مش شايف أنك تستاهل العقاپ دا عارف انت عملت ايه أنت حكمت من غير ما تعرف اىحقيقة جيت زعقت لي وقلت لي اني عيلة ودي تصرفات عيال عارف اني بخاف من الصوت العالي ومع ذلك عليت صوتك عليا كنت عايز تضربني بالقلم مع انك عمرك ما عملتها لأول مرة أحس باليتم جيت أدور علي بابا اتداري في حضنه ملقتهوش كنت علطول بستخبي في ضهرك انت بس يومها انتي اللي زعلتني ملقتش حد اشتكيله منك عرفت أنت عملت ايه كل دا بتقوله بعياط وكملت أول مرة أتمني اني اروح لبابا وماما عشان انت مش موجود
يوسف بصلها بۏجع _ أنا عملت كل دا أنا آسف اني سببت لك الۏجع دا كله !ڠصب عني يا نور عيني أنا زعلت لما لقيت عمي بيتريق عليكي وكمان اصحابي كانوا موجودين وقعدوا يتكلموا عليكي ڠصب عني رفعت ايدي عليكي لما لقيتك بتقولي عايزة تمشي من البيت وتسبينا قلبي اتكسر لما قلتيلي بكؤهك وبكره أختك بنتي اللي مربيها پتكرهني لحد دلوقتي مش قادر اتجاوز الكلمة دي ولما سمعتك بتتكلمي مع دينا کرهت نفسي أكتر 
_ أنا يا حبيبة أنا بتعامل معاكي شفقة اللي بينا دا كله عطف عليكي !
حبيبة _ أنت اول مرة تزعقلي في حياتك بدل ما كنت تعرف السبب وتيجي تطبطب عليا تعرف كانوا بيقولوا ايه عليا قالوا اني مش بعرف حاجة ومش بعمل حاجة غير في وجود يوسف طب ذنبي ايه ما انتي اللي ربيتني وكبرت معاك انت اعتمادي عليك بقوا يتريقوا عليه بدل ما تعرف وتيجي تطمني وتقولي ملكيش دعوة بيهم واني هفضل معاكي علطول ومش هسيبك جاي عايز تضربني هنت عليك هانت عليك حبيبة بنتك
يوسف _ عمرك ما تهوني عمرك دا انتي أغلي الناس علي قلبيمش عارف عملت كدا ازاي أنا لحد دبوقتي لا عارف أكل ولا عارف أنام ولا عارف اشتغل طول الوقت بفكر في زعلك مني وفي عيونك اللي بتعاتبني طول الوقت أسف حقك علي قلبي .
حبيبة _ انت رجعت تاني يوم ومتكلمتش معايا ولا جبتلي شوكلاتة زي كل يوم لما سألتك عن خطيبتك زعقت فيا تاني قدامهم وطردتني من علي الاكل
يوسف _ كنت متعصب منك لانك مأكلتيش طول النهار وكمان مكلتيش امبارح انتي عارفة ان اي حاجة ملهاش علاقة بالاكل عشان انتي ضعيفة ولازم تتغذي بعدها جيت اتأسفلك ماما قالتلي سيبها ومن ومها بحاول أكلمك وانتي مش معبراني وكل ما أجيلك الكلية الاقيكي واقفة مع علي والنهاردة جرحتيني لما قلتلي ايه اللي جابك للدرجادي مبقتيش طيقاني عارف اني غلطت بس عايزك تسامحيني وعمري ما هعمل كدا تاني
حبيبة _ ولو مسامحتكش !
يوسف بكسرة _ هفضل ندمان طول عمري اني عملت كدا وهخرج من حياتك للابد
حبيبة بدموع _ هتسيبني !
يوسف دمعة نزلت من عيونة _ لو مش عايزاني وفضلتي مخصماني هقعد هنا أعمل ايه
حبيبة _ خلاص مش زعلانة بس متمشيش وتسيبني لوحدي زي بابا وماما عشان خاطري يا يوسف كفاية انك هتتجوز وتبعد عننا
يوسف _ مش هبعد عنك أبدا يا قلب يوسف مستحيل أسيبك لوحدك أبدا أنا روحي تفارقني ومعملهاش
حبيبة _ بعد الشړ عليك ممكن بقا تجيبلي شوكلاتة كتيرة عشان بقالك كتير مجبتش وكمان عايزة أيس كريم كبير
يوسف _ تحت أمر أميرتي بس ممكن أشوف ضحكتك اللي غايبة عني بقالها كتير
حبيبة بابتسامة _ حاضر
يوسف _ أيوا كدا خلي الشمس تنور حياتي .
يوسف جاب لها كل حاجة عوزاها وروحوا البيت فرحانين
يوسف حدد الوقت وراح اتقدم لسلوي ومعاه والدته وفضلت دينا وحبيبة في البيت
دينا _ حبيبة
حبيبة بحزن _ امممم
دينا _ بتحبيه ! .
حبيبة بتوتر _ هو مين دا 
دينا _ حبيبة مش عليا 
حبيبة بدموع _ بحبه أكتر من نفسي بس خلاص هو بيحب واحدة تانية وهيتجوزها 
دينا _ طب وأنتي 
حبيبة _ كفاية عليا أشوفه مبسوط وفرحان قلبي هيكون راضي وحبه هيفضل دايما في قلبي مستحيل يقل ومستحيل يطلع برا 
دينا _ طيب ليه مقلتلهوش 
حبيبة _ مستحيل دا يحصل وانتي مستحيل تقوليله حاجة يا دينا مفهوم متخلينيش أندم اني حكيتلك 
دينا _ حاضر مش هقول حاجة أهم حاجة بس أنتي تضحكي . 
حبيبة _ شكلهم جم برا تعالي نشوف عملوا ايه 
دينا _ ها يا ماما عملتوا ايه 
سمية _ الحمدلله يابنتي ناس طيبين بس أنا بصراحة مرتاحتش للبنت بس طبعا يوسف عايز كدا اتفقنا علي الخطوبة الاسبوع الجاي 
حبيبة بهدوء _ مبروك يا يوسف 
يوسف _ الله يبارك فيكي يا بيبة 
سمية _ عقبالك يا بيبة 
يوسف _ عقبالها ايه يا ماما دي لسه صغيرة 
دينا بخبث _ يابني لا صغيرة ولا حاجة انت مش بتشوف الولاد بيبصوا لها ازاي دول يتمنوا الرضا ترضي بس وكله ھيموت ويتجوزها 
يوسف _ برضو لسه صغيرة المهم يا بيبة أعملي حسابك عشان تنزلي معايا نختار البدلة انتي عارفة اني مش بعرف أختار حاجة من غيرك 
حبيبة _ حاضر يا يوسف 
تاني يوم راحت حبيبة مع يوسف وكان معاهم سلوي 
حبيبة _ دا هيكون حلو أوي عليك يا يوسف 
سلوي بقرف _ لا مش حلو 
يوسف _ معلش يا بيبة خلينا نشوف حاجة تانية 
سلوي _ بص يا حبيبي دا هيكون أشيك 
حبيبة _ بس دا مش ذوق يوسف 
سلوي _ وانتي أيش عرفك انتي وبعدين ايه اللي جابك معانا اصلا 
يوسف _ سلوي عيب كدا ميصحش حبيبة دي خط أحمر محدش يتكلم معاها نص كلمة مفهوم وبعدين أنا اللي جبتها معايا لاني مش بعرف أخترا من غيرها وهي أصلا معاها حق أنا مستحيل ألبس القرف دا 
حبيبة _ حصل خير يا يوسف