لن أشرق في سمائك بقلم عبير سليم
لأنها شكت انها ممكن تكون حامل و بالفعل بعد نص ساعه اخدت النتيجه و لقتها ايجابيه و في حمل وقتها الدنيا مساعتهاش من الفرحه و راحت تجري على بدر و رنيم عشان تفرحهم وصلت الشركه و فطريقها للمكتب و بمجرد ما وصلت المكتب وقفت على صوت بدر و هو بيكلم رنيم و بيقولها
البارت الثالث
لن أشرق في سمائك
عبير سليم
رنيم مانت فعلا جمبي يا بدر هو انا لية مين غيرك انت و أشرقت ربنا يخليكم لية دايما واقفين جمبي و معايا ربنا يديم بينكم المحبه و ميحرمنيش منكم
بدر انا مجبتش سيرة أشرقت دلوقتي يا رنيم أنا عاوز انا اللي اكون جمبك و معاكي انا لوحدي
بدر رنيم أنا اللي عاوزك تفهميه كويس اني منستكيش لحظه صحيح انا و أشرقت اتجوزنا و ربنا يعلم انا بقدرها ازاي و غلاوتها عندي إيه لكن انتي اللي فقلبي يا رنيم ڠصب عني مش بأيدي مقدرتش اخرجك من قلبي و لا قدرت انساكي لحظه يا رنيم
رنيم أنا بحبك و كل يوم بيمر بحبك اكتر من اليوم اللي قبله
بدر انا واعي لكل كلمه بقولها رنيم أنا عارف كويس أوي إنك وافقتي على محمد عشان تبعديني عن طريقك و اكون مع أشرقت و واثق ان لو مكنتش أشرقت هي اللي حطتنا في الوضع ده كان زماننا دلوقتي مع بعض
لكن خلاص الحمد لله التجربه اثبتتلك انك كنتي غلط في اختيارك و جه الوقت اللي لازم نصلح فيه الوضع ده
رنيم اتجوزك و أشرقت يا بدر
بدر أشرقت عارفه اني بحبك
رنيم ياااه عالانانيه يعني مش كفايه عليها انها اتجوزتك بالوضع ده و كمان جاي تقوللي انها عارفه
عارفه ايه عارفه انك حتغدر بيها و تسيبها يااااه تصدق ان أشرقت خساره فيك انا اللي غلطانه اني شجعتها انها تتجوزك افتكرتك بني آدم حتحس و تقدر و تعرف تحب الانسانه الوحيده اللي حبتك
بدر طبعا حقوللها انا مش حعمل حاجه من وراها لأني مبعملش حاجه غلط افتكر ان من حقي اني اكون مع اللي بحبها
رنيم و الله اللي انا شايفاه انك مبتحبش غير نفسك يا بدر عاوز كل حاجه من
الدنيا و اللي بيعوز كل حاجه مبيخدش حاجه يا بدر
فجأة يلاقوها بتفتح الباب عليهم تخليني معاكم لا و الله كتر خيرك يا جوزي و انا حفضل معاكم اعملكم ايه اخدمكم و اللا اروقلكم الجو بس العيب مش عليك العيب على قلبي انا اني مشيت وراه ورا سراب لحد ما بقيت في اللي انا فيه ده لا يا بدر اطمن انا حسيبك تعيش الحياه اللي نفسك فيها مع الحب اللي تتمناه و انا تقدر تعتبرني ماضي و انتهى خلاص و من دلوقتي مش عاوزة اشوفك تاني و ورقة طلاقي توصللي على بيت أهلى
تخرج من المكتب و هي بتجري و مڼهاره من العياط
رنيم عاجبك كده مبسوط دلوقتي بقى يهون عليك تعمل كده في أشرقت منك لله يا بدر منك لله
نزل بدر بسرعه لما سمع صوت الفرمله و اول ما عرف ان أشرقت هي اللي عملت الحاډثه جرى عليها و اخدها من رنيم و حطها في العربيه و طلع بيها بسرعه عالمستشفى و هي فاقده للوعي رنيم كانت پتبكي و قالتله لو أشرقت حصللها حاجه حيكون هو السبب و ذنبها فرقبته مر وقت و أشرقت في العمليات و اخيرا خرج الدكتور و طمنهم انها عندها كسر في دراعها و كان في ڼزيف و قدروا يوقفوه لكن للأسف فقدت الجنين
صډمه نزلت عليهم اول ما عرفوا ان أشرقت كانت حامل و اجهضت قعدت رنيم عالكرسي و اڼهارت من العياط على صاحبتها و أبنها اللي كانت بتتمناه و ازاي راح منها كده فغمضة عين و بدر هو كمان صډمته كانت كبيره ان أشرقت كانت حامل في ابنه و راح قبل ما يعرف بوجوده
اول ما فاقت أشرقت لقت رنيم قاعده جمبها و بټعيط رنيم
رنيم أشرقت يا حبيبتي الف حمد لله على سلامتك
أشرقت ابني يا رنيم ابني كويس
أشرقت الحمد لله انك انتي بخير يا حبيبتي
أشرقت ابني كويس يا رنيم
رنيم معلش يا حبيبتي ملكيش فيه نصيب ربنا يعوض عليكي يارب
ټنهار أشرقت من العياط و رنيم بتحاول تهديها و بعد شويه وصلوا أهلها و رنيم طمنتهم عليها
أشرقت نامت بعد ما اخدت حقنه مهدئه و رنيم فضلت جمبها مسابتهاش لحظه و بدر عاوز يدخللها و فنفس الوقت مش قادر يوريها وشه
في اليوم التالي
رنيم أشرقت انا
أشرقت متقوليش حاجه يا رنيم انا عارفه كل حاجه و محدش ليه ذنب فحاجه انا اخدت قرار كنت مقتنعه بيه كنت فاكره انه حيبجي اليوم اللي يحبني فيه زي ما بحبه لكن للأسف كنت غلطانه انا مكنتش سعيده معاه يا رنيم اد ما كنت تعيسه مكنتش مطمنه اد ما كنت قلقانه مكنتش مرتاحه اد ما كنت تعبانه
قلبي كان بيوجعني اوي و هو بيغلط في اسمي و هو صاحي و بيهلوس باسمك و هو نايم جيت على نفسي كتير و اعصابي تعبت حطيت نفسي تحت ضغط عصبي شديد كان فوق طاقتي
يدخل عليهم و عيونه مليانه بالدموع انا اسف يا أشرقت اسف سامحيني على كل اللي عملته فحقك انتي متستاهليش اللي حصل ده سامحيني يا أشرقت سامحبني و انا حعوضك عن كل اللي عملته فحقك
أشرقت لا يا بدر خلاص فات الأوان
انا ازاي ما اخدتش بالي قبل كده ان اشرقت و بدر مينفعوش يجتمعوا شروق الشمس عمره ما يجتمع مع البدر اللي وجوده دايما في الليل
الليل و النهار ميجتمعوش يا بدر
و انا شمسي عمرها ما حتشرق في ليلك و لا حتنور في سماك
تمر الأيام و أشرقت حالتها تتحسن و بدر بيحاول بكل الطرق معاها لكن مفيش فايده اضطر انه يطلقها زي ما طلبيت اما رنيم فكان ليها خال عايش في السعوديه بعتلها عقد عمل و سافرتله و راحت اشرقت معاها وصلتها المطار
بعد كده اشرقت دورت على شغل تاني و لقت شغل في شركه تانيه
و كانت على اتصال دائم برنيم و عرفت ان رنيم ان اتجوزت ابن خالها
و بعتتلها صور و فيديو الفرح
و اشرقت كانت فرحانه
اوي علشانها
اما أشرقت فبدات تهتم بنفسها و تتصالح مع وضعها
