ابن ليل الجزء الثاني لأميرة أسامة

وحش ويمكن نعيش حجات اوحش بكتير من اللي كنا فاكرينه اوحش حاجه في الدنيا لو كل واحد فينا وقف حياته علي موقف وحش مر بيه صدقوني لا هنقدر ننجح ولا هنقدر نكمل حياتنا وهنفضل طول عمرنا واقفين مكاننا يمكن بباكم يكمل وينجح اكتر ودره كمان تكمل وتنجح اكتر والاتنين يبقوا مجرد ذكري لبعض بس انتوا لو فضلتوا كده هتفضل حياتكم واقفه كان ممكن اقولكم ادخلوا بينهم وحاولوا تصالحوهم وتكونوا انتوا حلقة الوصل بينهم بس لو كان اي موقف عادي لكن الموقف عند دره صعب زي ما قولت متعلق بالكرامه ويمكن كمان لو بباكم كان اتجوز علي دره او خاڼها بس يمكن كانت قدرت تسامحه زي ما ستات كتير بتعمل بس هنا الموقف مش جواز وخيانه بس هو فجأه خد منها كل حاجه
ومفكرش ده هيعمل فيها ايه لما تعرف يعني دره فقدت الثقه خالص فيه
دارين عندك حق يا حسن للاسف بابي مسابش اي مجال مفتوح لمامي تقدر تسامحه عليه
حسن يبقي نوقف بقي التشويش اللي في دماغنا نحترم قرار دره منحملهاش الذنب نتبسط بالحياه اللي اتحطينا فيها ونعتبرها تجربه جديده في حياتنا
ديما ولنا بقول نوقف كلام بقي عشان اخيرا الاكل وصل
حسن مش قادره تستني يا عيني 
دانه الله الاكل شكله حلو 
دخل في الوقت ده هيما و محمد واحمد وعملوا انهم متفاجئين
هيما ايه ده حسن
محمد مساء الفل
حسن اهلاااا ايه الاخبار
هيما كله تمام انت عامل ايه
حسن زي الفل ايه علي فين كده
هيما ابدا جايين نتغدي
حسن طيب يلا تعالوا اقعدوا معانا بقي وبالمره نعرفكم علي بنات عمتي
احمد ايوه بس مش عايزين نضايقكم احسن البنات يكونوا مش حابين ولا حاجه
دانه لا خالص اتفضلوا
ديما انا شوفتكم قبل كده بيتهيألي صح
حسن اكيد شوفتوهم نعرفكم بقي احمد ومحمد يبقوا عيال خالي بكر يعني امي تبقي عمتهم
ديما ايه ده بجد كنت فكراكم جيران معرفش ان دول يبقوا ولاد خالك
حسن لا ولاد خالي وهيما بقي يبقي خالهم
هيما بس مش كبير اوي يعني اكبر منهم بكام سنه 
دانه هو انت اخو اللي هو جه اټخانق مع مامي
هيما بضحك ايوه انا ابقي اخو كرم بس متقلقيش مليش في الخناق ومن زمان واحنا مطلعين روحنا من مشاكل الكبار
ديما افضل حاجه
حسن طيب نعرفكم بقي علي البنات دارين الكبيره ودانه و ديما توأم
هيما اتشرفنا
محمد اهلا بيكم
احمد اتشرفنا بيكم
حسن يلا اقعدوا ها تاكلوا ايه
محمد هناكل زيكم
حسن حالا
نادي علي الويتر وطلب نفس الاوردر
وبدأوا يتكلموا مع بعض
محمد انتوا اول زياره ليكم في مصر صح
دانه ايوه مجيناش قبل كده
محمد بس هتعجبكم ان شاء الله
ديما هو مش المفروص انكم قرايب و عارفين بعض يعني اكيد عارف اننا مجيناش هنا قبل كده
احمد بضحك تقصد يعني ان سؤالك ملهوش معني 
ديما لا مش قصدي متستفزهوش بدل ما يتحول زي خاله
محمد لا متقلقيش احنا فرع طيب ملهوش في الخناق وعموما ولا تزعلي نسألوا أسأله ليها معني بتدرسوا ايه بقي
ديما انا ودانه إداره أعمال سنه اولي
محمد وانتي يا دارين
دارين تانيه هندسه
محمد ماشاء الله بالتوفيق
دانه وانتوا بقي بتدرسوا ايه
محمد انا تالته تجاره
ديما وانت يا احمد
احمد انا بدرس حقوق
ديما اممم حلو ده حابب تكون محامي
احمد بتلقائيه لا خالص
ديما امال بتدرسها ليه
احمد يعني عشان الجامعه قريبه من البيت
ضحكوا كلهم عليه
احمد بأستغراب بتضحكوا علي ايه والله العظيم عشان قريبه وبعدين انا كنت فاشل في الدراسه وملاقتش غيرها ادخله بمجموعي ده غيرها
ديما اصل المفروض الواحد بيدرس الحاجه اللي نفسه يشتغل بيها
احمد ماهو بردوا احنا مش هنضحك علي بعض اكيد ده مش منظر محامي انا مليش في الجد ومش متخيل اني اقف قدام القاضي واترافع في المحكمه وبعدين بصراحه انا حابب شغلانه الجزار يعني اتعودت عليها بس اكيد يعني لازم شهاده بردوا
دينا مممم وجهه نظر بردوا مع اني مش مقتنعه
احمد مش مهم المهم ان وزراه التربيه والتعليم اقتنعت بمجموعي
ديما 
دانه وانت يا هيما بتدرس ولا لا
حسن بزمتك ده منظر طالب 
هيما انا خلصت دراسه معايا بكالريوس تجاره
دانه وبردوا انت مجرد شهاده ولا عندك بيزنس
هيما لا مجرد شهاده انا اتربيت علي مهنه ابويا وجدي يعني تقدري تقولي جزارين ولاد جزارين
ديما المهم تكون بتحبها مش عشان هي مهنه موروثه
هيما اكيد حبتها وكان نفسي من وانا صغير ادبح لما كنت اشوف ابويا وهو بيدبح كنت ببقي فرحان وبحسه كده بطل
دانه ودبحت
محمد اتفرج بقي علي الاسئله اللي ملهاش معني يعني جزار هيعمل ايه غير انه يدبح
دانه بضحك مش قصدي يعني ممكن يكون بيبيع بس
هيما لا دبحت طبعا وببيع وبعمل كل حاجه
دانه حلو ده
هيما ايه يا دارين ساكته ليه 
دارين اقول ايه
هيما اي حاجه ولا صوتك وحش
حسن خف ياعم
هيما وانا قولت حاجه
دارين انا بسمعكم
هيما طب وايه رأيك
دارين في اللي سمعتيه 
بصتله دارين وكان باين عليها انها مش طيقاه
هيما مالك
بصالي كده ليه ماهو يا اما مش طيقاني يا اما قلقتي مني لما عرفتي اني اخو كرم
دارين وهقلق منك ليه يعني او كن اخوك
محمد يبقي هي تقصد خد الرد الاول 
انها مش طيقاك
ضحكت دارين علي محمد
هيما الله عجبتك
دارين اوي
حسن وحدوا الله والعبوا مع بعض
هيما لا إله إلا الله بت عمتك يا عم اللي مش طيقاني
دارين ماله ده انا كلمتك
قرب الويتر في اللحظه دي ينزل الطلبات
قربت دارين من ودن دانه
دارين هو دمه تقيل علي قلبي ولا انا اللي مش طايقه نفسي
دانه بضحك لا والله دمه خفيف انتي اللي شكلك مش مظبوطه وشكلك كده كنتي بتكلمي ادم واتخانقتي معاه
دارين اه اتخانقت انا وهو
دانه ليه في ايه
دارين مش عارفه حاسه انه غريب من وقت
ما عرف اننا مش هنرجع تاني وهو مش زي الاول مع انه كان بيقولي انه هينزل بس لما سألته امبارح قال لسه مش عارف وعنده حجات كتير يعملها وطريقته كانت غريبه معايا
دانه يمكن انتي زعلتيه وانتي مش حاسه
دارين خالص محصلش اصلا بينا حوار في اي شد بس امبارح كنت بقوله هتعمل ايه في يومك قال مفيش حاجه مهمه سألته هيخرج قال لا بس من شويه قبل ما ننزل لقيته منزل صور كان في عيد ميلاد چون زميلنا في نايت
ومتصور مع بنات والصور مش ظريفه وبعدين هو كان واعدني انه مش هيشرب تاني وكان ماسك كاس في ايده فا شدينا مع بعض في الاول كدب ولما عرف اني شوفت الصور قالي اه سهرت وكان بارد معايا جدا
دانه طيب وانتي ليه خانقه عليه ما طبيعي يروح عيد ميلاد چون
دارين انا لا خانقه عليه ولا اي حاجه بس ليه الكدب يعني سألته سؤال عادي كان قال اه خارج ورايح عيد ميلاد چون وبعدين هو كان بيقول انه بطل شرب من وقت ما بقينا مع بعض في علاقه ليه رجع تاني
دانه خلاص سيبك منه هولما يلاقيكي مش بتكلميه هيعرف انك زعلانه وهيتصل يصالحك
دارين براجته بقي اصلا مش هكلمه خصوصا عشان موضوع الشرب ده كمان بيقولي عادي ده كاس وانا في عيد ميلاد وبيتكلم ببرود كأن الموضوع عادي فعلا
دانه خلاص كبري دماغك واعملي زي ما قولتلك هتلاقيه بيكلمك علي طول
دارين هعمل كده
بصت دارين قدامها لقت هيما باصصلها ورافع حاجبه هو طبعا مسمعش من صوتهم لكن كان حابب يرخم عليها
دارين بصوت واطي هو بعيدا عن اني مش في المود هو فعلا دمه تقيل
دانه لا والله شكله طيب
ديما صحيح يا هيما انت كنت بتقول انكم مطلعين نفسكم من المشاكل عملتوها ازاي دي وازاي علاقتكم ببعض مقدرتش ترجع علاقه الكبار
هيما بص للشباب وضحكوا
حسن اصلا الكبار ميعرفوش اننا بنكلم بعض
ديما ازاي يعني مش فاهمه
حسن بصي هنفهمك يعني انا بحبكم صلة القرابه اللي بيني وبين محمد واحمد يعني هما ولاد خالي وانا ابن عمتهم فا الكل عارف اننا بنتكلم بس صراحه محدش يعرف اني بكلم هيما عندنا وهو كمان مفيش حد عنده عارف ان في بينا القرب ده
ديما طيب ليه يعني بيتهيألي ادام انتوا مش طرف في اي مشكله فا المفروص يعرفوا انكم ملكوش دعوه بيهم
حسن والله ده المفروض بصي هو احنا من زمان كنا لسه عيال لما كنا نكلموا بعض امي كانت تزعقلي وتقولي اياك اشوفك مع هيما ابوك وستك وجدك لو عرفوا هيقطعوك وهونفس الحكايه كنا بنعملوا احنا ايه بقي نعمل روحنا سمعنا كلامهم ومن وراهم نكلموا بعض كنت اتفق مع احمد ومحمد نروحوا نتقابلوا علي البحر وهيما يجي معاهم
هيما بس خدي بالك هما حاليا لما كبرنا كمان بالاخص كلهم عارفين اننا بنكلم بعض انا واثق بس عاملين نفسهم مش شايفين خصوصا يعني احنا مبقيناش صغيرين واكيد هنعترض بس احنا بنحبوا نكبر ا دماغنا وبنتقابل بره وبنتكلموا علي طول وبعدين احنا طول اليوم في خلقة بعض يعني
دانه طيب انا عندي فضول أسأل سؤال هو ايه سبب المشاكل دي اصلا 
يعني واضح كده من اخوك يا هيما انه عنده مشكله مع مامي وجدو وخالوا وتيته فا انا بصراحه مش قادره افهم ايه اللي ممكن يكون حصل بينهم وصلهم لكل ده ويخليهم كمان يحكموا عليكم متكلموش بعض
بص حسن للشباب وبعدين بصلها
هيما يعني بيتهيألي السؤال ده تقدري تسأليه ليهم
دانه هو انت مش عارف
هيما اكيد عارف بس مش هقدر اقول حاجه خصوصا لو مامتك محكتش مش هقدر انا احكي لا علي لسانها ولا علي لسان اخويا فهماني
دانه بإبتسامه اكيد فهماك بس المشكله ان كل ما بنفتح الموضوع ده مع مامي تقول مش وقته بعدين وبصراحه احنا نفسنا نفهم خصوصا لما شوفنا اخوك 
محمد علي فكره كيرو ده مفيش اطيب منه في الدنيا
دانه كيرو ده اللي هو كرم
محمد ايوه هو
دانه لا متزعلش مني بقي ده مرعب وشكله بيحب المشاكل
هيما بصي مس عشان هو اخويا هدافع عنه بس حقيقي محمد مكدبش كرم مفيش اطيب منه في الدنيا كلها بس كل بني ادم فينا بيحصل في حياته حجات بتخليه يتغير ورد فعله اوقات بيبقي قوي ودي حاجه ڠصب عنه
ديما بس ده
كان بېهدد مامي
وكان عايز ېموتها
حسن مش كل حاجه بتتقال او تتعمل وقت ڠضب يا ديما بتبقي مقصوده واكيد انتي عارفه ان كل واحد فينا ببيعبر عن غضبه بطريقته
ديما وايه اللي يخليه ياخد رد الفعل ده من مامي
هيما قولتلك السؤال ده حتي لو احنا عارفين إجابته فا الرد عليه مش بتاعنا احنا
دانه فضولي هيموتني خصوصا بعد كلامكم ده
حسن بنقول ايه بما انكم اتعرفتوا علي الشباب وبقي في بينا عيش وملح فا خلينا نبقي صحاب كلنا وتعملوا زي ما احنا طول عمرنا بنعملوا نبعد