ابن ليل الجزء الثالث لأميرة أسامة

ليكي الاول واول حاجه تخليكي تعرفي هو بيحبك ولا لا انه مينزلش دموعك ابتسم هيما بحزن وبعدين قام وقف.
هيما.....تعالي اوصلك ليهم وارجع شغلي
بصتله دارين وهي دموعها نازله ومن غير ما تفكر مسكت ايده.
دارين.....خليك يا هيما خليك معايا
ضغط هيما علي ايدها وابتسم وهز راسه بهدوء .
وللحديث بقيه...
أبن_ليل
صاحبة_البطل_الواحد
أميره_اسامه
البارت الخامس والعشرين..
.........................
أتطمن عبدالله علي دره وعلي قد حزنه من ۏجع دره و الحاله اللي كانت عليها لكن كان في جواه فرحه وسعاده غير عاديه بكل اللي حصل ده عشان في الاخر كرم راحلها وقدر يشوف في عينه الحب اللي كان شايفه من زمان وهو لدره اللي عمره ما قل او نقص ابدا حتي بعد كل السنين دي بالعكس زاد اكتر وعينه كل مره تفضحه
ابتسم عبدالله وبص لابوه.
عبدالله......هنروحوا نبصوا علي بكر يابا هنشوفه لو محتاج حاجه الكل سايبه وشغال بطوله .
زكريا.....روح يابني و الصبيان كلهم جوه مكانك 
عبدالله....ماشي يابا بالإذن يا معلم رفاعي
رفاعي.....إذنك معاك يا عبدالله
زكريا...بص لرفاعي ابن حلال بكر
رفاعي....اوي يا زكريا يعلم ربنا غلاوته من غلاوة عيالي عمرنا ما اعتبرناه جوز بنتي جدع وراجل
زكريا....ميتخيرش عن اخته بنت اصول وطيبه طول عمرها شيلانا
رفاعي....اااامال مش تربيه بكر متنساش ان هو اللي رباها وكبرها.
زكريا....عندك حق ربنا يسعد قلوبهم ويفرحهم بعيالهم ويخليهم لينا
رفاعي....يارب.
..............
عبدالله....حقك عليا يا صاحبي اتدبست انت في الدكاكين انهارده والكل خلع منك
بكر....بأبتسامه كلام ايه ده بس يا عبدالله عيب عليك يا جدع المهم اننا اطمنا علي دره.
عبدالله.....الحمد لله
بكر.....كمل برفعه حاجب وهو ماسك السکينه بس من ناحيه اتدبست فا ادبست يا عيله ما يجيش من وراها غير ۏجع القلب عمال نروح ونيجي لما اتحولت
عبدالله....بضحك احسن ما انت لو مكنتش بتروح تعرق المعلمين وتقفوا قصادنا عشان تاخدوا الدكاكين مكانش زمانك دايخ الوقت
بكر.....بضحك انا مني لله ارتاحت كده
عبدالله.....طيب قولي انا فاضي والصبيان شايلين الدكان عايزني اعملك حاجه.
بكر.....منتحرمش يا صاحبي متقلقش كله تحت السيطره عيب عليك انا بردوا قديم ومعلم علي كيفك
عبدالله.....بضحك عارف يا معلم
بكر
بكر......المهم قولي انا مفهمتش اوي هو ايه اللي حصل بالظبط.
عبدالله....والله ما انا عارف يا بكر مبقتش عارف اللي بيحصل في دره ده احنا لينا ذنب فيه ولا ده نصيبها ولا ايه بالظبط
بكر.....كله نصيب ومتقدر يا عبدالله
عبدالله....عارف بس احنا اسباب يا بكر.
بكر....نقولك حاجه اول مره نقولها حتي لروحي .
عبدالله....قول يا بكر.
بكر.....انا اول مره احس ان دره صعبانه عليا زمان ولحد فتره بسيطه متزعلش مني مكنتش بنطيقوها ولا بنحبوا نسمعوا اسمها وده مكانش كرهه فيها علي قد ما هو كان حب وۏجع علي كرم لما عرفت من مده بسيطه ان دره مكانتش بتحب كرم وانها حاولت كتير تبعد عنه وتخليكم تقفوا جنبها في فشكله الخطوبه يمكن بردوا زعلت علي كرم واتوجعت عليه اكتر بكتير بس كمان مقدرتش نظلموا دره لان هي كمان مش بأيدها هي معملتش حاجه غلط لانها مقدرتش تحبه والحب مش بأيدنا يا صاحبي دي حاجه كده جوانا بتحصل ڠصب عننا . عارف ان كرم زمان كان مختلف عن الوقت بس عايز نقولك حاجه مهمه حتي لو كرم كان قدر يوصل حبه لدره ودره اتأكدت من حبه ده بس في حد تاني في حياتها بردوا مكانتش هتحب كرم ودي حاجه متعيبهاش لان محدش فينا مجبر انه يحب اللي بيحبه اللي بيحصل مع كرم ودره هو نفس اللي بيحصل مع كرم وسونه كلنا عارفين ان سونه بتحبه وبتعشق التراب اللي بيمشي عليه وكرم نفسه في النقطه دي عكس دره لان دره كانت فاكره ان كرم مش بيحبها وانها مجرد جوازه والسلام لكن هنا كرم عارف ان سونه بتحبه والخلق كلها عارفه ومع ذلك مقدرش يحبها ولا هو مجبر يحبها عشان هي بتحبه
عبدالله.....الدنيا دي غريبه يا صاحبي محدش فيها مرتاح لا اللي بيحب ولا حتي اللي بينحب تبقي ھتموت وتكمل حياتك مع حد والحد ده انت مش في دماغه وفي نفس الوقت يبقي في حد ھيموت عليك وانت مش قادر تشوفه
بكر...مشوار الحب أوله ساحله وأخره ساحله يا عبدالله دوامه كبيره اللي بيقع فيها مبيعرفش يطلع منها
عبدالله....سيبك انت اخيرا رضيت عن دره يعني
بكر....دره طول عمرها غاليه عندي زيها زي دعاء ومها التلاته متربين علي ايدنا يا عبدالله كل الحكايه اني كنت زعلان علي كرم وكنت فاكر انها خليت بيه وانت بعته فا كان طبيعي اخد صف كرم بس لما عرفت الحقيقه كامله عذرتها لان هي كمان كان ڠصب عنها وانهارده زعلت عشانها اكتر بس
عارف يا صاحبي الغلط من البدايه كان فين
عبدالله.....فينا يا بكر
بكر.....عليك نور يا صاحبي لو كل واحد فينا سمع للتاني مكانش كل ده حصل ولا كان في حد اتوجع ولا اتفرقنا طول السنين دي عن بعض
عبدالله....نصيب يا بكر
بكر.....او قلت عقل بردوا ماهو مش كل حاجه هنعلقوها علي شماعه النصيب نجيبهالك من الاخر يا صاحبي
عبدالله.....جيب يا بكر
بكر...... من البدايه كل واحد فينا غلط في الحدوته دي من أول دره اللي مقدرتش تقف قصاد كرم وتواجهوا لبلبله اللي جات في صف كرم علي حساب بنتها ونفس الكلام علي نوجا وانا كمان غلطت انا وكرم لما رفضنا نسمع منك الكل غلط في حق التاني من غير ما يقصد يا عبدالله كلنا استكبرنا نسمع لبعض واتحرجنا نواجه بعض وفي الاخر سوء تفكيرنا خلانا اتفرقنا.
عبدالله....معاك حق كلنا لينا يد في اللي حصل محدش فينا كان معفي من الغلط
بكر....هو درس واكيد اتعلمنا منه كتير والاهم ان عيالنا طلعوا اجدع مننا ودي اكتر حاجه مفرحاني في الحدوته كلها فصلوا روحهم عننا وعن مشاكلنا تماما عملوا اللي احنا مقدرناش نعمله يا عبدالله حافظوا علي حبهم لبعض وخرجوا روحهم بره دايره المشاكل دي كلها
عبدالله.....جدعان وعلموا علينا يا بكر و أدونا درس عمرنا وحقيقي عرفوا يعملوا اللي احنا معرفناش نعملوا بس يلا الحمد لله قدرنا نرجعوا من تاني
بكر.....ربنا يديمها علينا نعمه يا صاحبي ويبعد عننا الشيطان و مايفرقش بينا تاني ابدا.
عبدالله.....يارب يا صاحبي
بكر.....بضحك بنقولك ايه انت طول عمرك رغاي روح يا جدع بصلي علي دكان الولا هيما اللي خلع ده كمان.
عبدالله....ايووووه ما انت اللي بترغي وما صدقت وبعدين ما انا قولتلك عايز مساعده عملت فيها سيد المعلمين
بكر.....بضحك سيد المعلمين ڠصب عن عينك يا ناقص
عبدالله.....ماشي ياعم ومتنساش متبقاش تفتح صدرك للدكاكين في المزاد هاااا انت اللي بتتعك فيها فالأخر
بكر.....توبه خلاص حرمت المره الجايه هنبقي معاكم
عبدالله.....ايوه كده أتظبط ياولا
ضحك بكر وراح عبدالله يبص علي المحل
.....................
عند الشباب.
دانه كانت قاعده ساكته وحزينه الشباب بيتكلموا ويضحكوا وهي بتبتسم بهدوء وترجع لملامح الحزن من تاني
حسن....بضحك والله انت عيل مسخره.
احمد....اكدب يعني مبنحبش السمك يا جدع انا حر.
حسن....طب اسكت بقي مش قادر والله من الضحك.
سماح.....احمد ده في دنيا تانيه والله بيفصلني من الضحك
حسن....بص علي البنات المهم هنفضل زعلانين كده ولا ايه يا بنات.
ديما....بإبتسامه مفيش حاجه والله يا حسن.
حسن......لا
يا شيخه امال ايه عايزه نمشي و مش عايزاكم معايا
ضحكت ديما وحطت أيدها علي وشها
احمد.....بضحك ده كان مشهد من فيلم تقريبا صح
ديما.....اتلم يا احمد
احمد....انا قولت حاجه انا بنفهم الراجل
حسن......ايه يا دانه هدينا شويه
دانه.....انا كويسه يا حسن والله
حسن......امال لو مش كويسه ايه يابت البوز ده
دانه....ضحكت بهدوء صدقني انا تمام
حسن....طيب ادام هديتوا والدنيا تمام نتكلموا جد شويه.
محمد....ما بلاااااش
حسن.....لا بجد في حاجه حابب اتكلم فيها مع دانه بس مش عايزك تزعلي مني
دانه....قول يا حسن مش هزعل
حسن....عارف ان دارين ضايقتك بكلامها بس انتي كمان وجعتيها يا دانه خصوصا ان الكلام كان قدام الكل ودارين من النوع اللي بيتحرج مش من الناس اللي ممكن تعدي الكلام وتاخده عادي
دانه.....عارفه يا حسن ومضايقه من نفسي جدا عشان وجعتها كملت كلامها ومقدرتش تكتم دموعها بس هي كمان كان لازم تعرف ان كلامها وجعني يا حسن
محمد.....ما قولتلك بلااااش ما صدقنا سكتت.
حسن.....سيبها ټعيط وتتكلم يا محمد احنا كده كده لوحدنا وبعيد عن الخلق خليها براحتها كملي يا دانه
دانه.....دارين طيبه اوي وحنينه وفيها صفات كتير حلوه بس انا عندي مشكله واحده مع دارين وهي انها ديما شايفه اني مش بحس او إني مش في دماغي اللي بيحصل حواليا يمكن هي بتقدر هي وديما يعبروا عن اللي جواهم ويبينوا ضعفهم بس انا مش بعرف ومش معني كده اني حامده و مش بحس
محمد....مين قال كده مش كل الناس بتعرف تعبر عن اللي حاسين بيه وده ميديناش الحق اننا نعتبرهم مبيحسوش
دانه....بس دارين بتدي الحق ده لنفسها معايا انا بالذات انا عارفه انها اتوجعت من كلامي بس علي فكره كلام دارين معايا ميفرقش عن كلامي معاها مع اني واثقه لو اتكلمتوا معاها هتقول اني
وجعتها اكتر وان اللي قولته اصعب بكتير من اللي هي قالته .
سماح.....بصي يا دانه انتوا الاتنين وجعتوا بعض بس يمكن كلامك مع دارين كان حساس بالنسبالها اكتر
دانه......صدقيني يا سماح كلامنا لبعض تأثيره علينا واحد دارين في لحظه طلعتني قدام الكل بصوره بشعه انا الشخص الغير مسؤول اللي مبيفكرش غير في راحته ورافض يتعب وبضغط علي مامي واهم حاجه عندي اللبس والميك اب بس لا انا مش كده .
كلامي في المطار اللي هي قالت عليه مكانش ضغط ولا عدم تحمل المسؤوليه انا حقيقي كنت تعبانه ومخنوقه من الوضع اللي احنا فيه احنا عمرنا ما اتبهدلنا بالشكل ده ومش بس كده احنا مشينا من هناك بطريقه توجع ومحدش يستحملها في البدايه انا يمكن جيت علي مامي وفي نفس الوقت مكانش قصدي لما قولت ان مامي اه اتوجعت بس ممكن تدي بابي فرصه كان عندي امل ان ممكن اللي بينهم يتصلح كنت رافضه النهايه دي كل ما افكر ان كده خلاص عيلتنا اتفرقت مبقدرش استوعب علاقتنا ببابي ومامي كانت بجد علاقه جميله عقلي كان رافض انه يقتنع ان العيله دي اتفرقت وفيهم شخص مش هيبقي موجود تاني في حياتنا فا كان طبيعي ابقي ناقمه علي اي حاجه بتعرضلها اللبس والميك اب دي حجات انا بحبها و يمكن اهتمامي بيهم الحاجه الوحيده اللي بتخلي مودي يتحسن كنت بدور علي اي حاجه تخليني مفكرش بس كل ده مش معناه اني مش بحس أو مش موجوعه و مش بفكر في اللي حصل .
دارين عملت زي ما انا عملت بس هي معندهاش الجرأه تواجهه نفسها ادم كان كل حاجه ليها واهتمامها مكانش بنفسها قد ما كانت بتهتم بيه وبزعله وبكل تفاصيله البسيطه ولما اتغير معاها طول الوقت بټعيط وحزينه وعقلها معاه كنت عذراها بس عمري ما روحت