ابن ليل الجزء الثالث لأميرة أسامة

حياتها ومبسوطه ليه أضيع عمري بكل الحلو اللي فيها علي واحده متستاهلش يمكن مفيش حياه هتستمر من غير حب بس الحب ليه شروط يا دارين لازم زي ما بدي أخد زي ما بحب أتحب زي ما بقدر أتقدر العلاقه اللي فيها طرف واحد بيدي اكتر ما بياخد علاقه فاشله واللي بيدي من غير ما ياخد باسم الحب هو اكتر شخص بيتأذي .
دارين.....طيب ماهي مامي وكرم تقريبا نفس الحكايه بتاعتك ومع ذلك كرم فضل عايش لحد انهارده من غير
ما يطلع من جوه القصه دي
هيما.....لا يا دارين في فرق يمكن يبان من بره ان القصه واحده لكن قصه دره وكرم مختلفه كرم ودره متربيين مع بعض بينهم عشره طويله الاهالي نفسهم بيربطهم علاقه قويه وكأنهم عيله واحده ومن حبهم في بعض قرروا انهم يقوا العلاقه دي اكتر وقالوا كرم لدره ودره لكرم ولما دره رفضت ده لما بدأت تعرف يعني ايه حب قررت انها تختار حياتها كرم هنا لما عرف اللي حصل اټجنن وعشان عارف ان دره مش هي الشخص الخاېن والبياع وعارف انها متربيه تحت عينه ودي مش طباعها كان واثق ان في حاجه غلط دره مستحيل تعمل كده وسيبك بقي من كلام كرم في البدايه انها بياعه وخاينه وباعت اهلها وعشرتها ده كلام وقت ڠضب لو كرم واثق من اللي بيقوله ده كان نسيها زي ما انا عملت من زمان واتجوز وفتح بيت لكن هو عارف كويس ان مش دي طباع دره وعلي الاقل كرم اللي اعرفه من كلام الكل انه كان غير كده كان شخص كتوم مبيظهرش مشاعره فا بالتالي دره مقدرتش تحس بيه لكن انا حبيت وهي كانت بتبادلني نفس الحب والكل كان شاهد علي قصه حبنا مكانتش بتنام غير وهي معايا علي الموبايل كلمه بحبك كانت نغمه علي لسانها مبتفصلش
فا دي بالنسبالي مقدرش اقول عليها غير انها خاينه وبياعه ومعندهاش اصل وميتبكيش عليها لحظه واحده فهمتي يا دارين
دارين...بحزن فهمت
هيما....انا مش هقدر اقولك متزعليش انتي لسه في البدايه خدي وقتك بس نصيحه مني اوعي تخلي الزعل والحزن والۏجع يطولوا جواكي لانك هتأذي نفسك ومش هتقدري تطلعي من دوامه الۏجع دي ابدا
دارين.....هيما انا مش زعلانه عشان حبي لأدم صدقني بعد اخر مكالمه ليه وبعد ما قفل من غير ما يقول حتي سلام وعملي بلوك من كل حاجه خرجت ادام من قلبي وحسيت اني مش بحبه مش هو ده الشخص اللي يتحب أصلا انا بس زعلانه عشان الطريقه نفسها عشان مكنتش حد وحش عشان لما حصل مشكله كبيره هزتنا مكانش هو الضهر والسند اللي مستنياه زعلانه عشان قدمت كل حاجه صح للشخص الغلط.
هيما...هي دي الدنيا يا دارين لازم تتعودي علي كده هتقابلي نماذج زي دي كتير ومش بس في العلاقات ممكن تقابليها مع صحابك زمايلك مع حد بتشتغلي معاه وفي ناس ممكن تلاقي ده مع الاهل
دارين....بدموع عندك حق إذا كان بابي نفسه عمل معانا كده أدم مش هيعمل كده.
هيما.....هتشوفي كتير يا دارين بس لازم تكوني
أقوي مش معقول كل ما يحصل موقف زي ده هتكتئبي و ټعيطي و تحولي حياتك لضلمه
بصتله دارين وهي بټعيط
دارين.....انا أسفه يا هيما أسفه علي كل حاجه بجد علي طريقتي معاك من وقت ما جينا علي طريقتي معاك يوم ما كنت مضايقه بس كان ڠصب عني والله كنت موجوعه اوي وجات فيك انت
هيما....بإبتسامه وانا قولتلك اني مش زعلان
دارين....امال ليه كنت ساكت لما جيت انا واخواتي عندكم وليه مسلمتش عليا وليه نزلت وسبتنا
هيما.....ابتسم وبص علي البحر
دارين.....عشان كنت زعلان صح 
هيما.....يمكن عشان متوقعتش انك تطلعي فيا بالشكل ده او يمكن مكنتش حابب اتحط في موقف زي ده معاكي انتي بالذات يا دارين.
بصتله دارين وفضلت ساكته وبعدين إرتبكت
دارين.....يعني ايه انا بالذات يعني لو الموقف ده كان حصل من دانه او ديما مكنتش زعلت منهم
هيما......ممكن و ممكن كمان كنت قولت عادي زي اخواتي الصغيرين بس
دارين....بس ايه
ابتسم هيما ولعب في شعره بتوتر وبعدين بصلها وهو بيحاول يغير الكلام حاول يقوم من مكانه
هيما....ما تيجي نروح يلا نشوف الشباب
قبل ما يقف مسكت دارين ايده
دارين.....بس ايه يا هيما 
فضل هيما باصصلها وبعدين ابتسم بحزن
هيما.....مش وقته يا دارين
دارين....هو ايه اللي مش وقته انت كنت بتتكلم ووقفت كلام فجأه بس ايه ياهيما قول
هيما......في كلام بيتهيألي بقي صعب اقوله الوقت خصوصا بعد ما فتحنا قلبنا لبعض يمكن لو كان الكلام مختلف كنت قدرت اكمل انا كلامي اللي وقفته.
دارين.....وعشان احنا فتحنا قلبنا لبعض زي ما قولت لازم تكمل كلامك وبعدين تقصد ايه ببقي صعب تقوله وكلام ايه اللي تقصده انت تقصد عشان حكيتلك علي ادم.
هيما.....دارين خلينا نمشوا وبعدين نبقي نتكلموا وقت تاني
دارين......هيما قول كنت هتقول ايه ولا انت شايف ان الكلام اللي وقفته ممكن يضايقني.
هيما.....يمكن ! ويمكن يضايقني أنا ويمكن كمان توقيته بقي غلط عشان كده بنقولك خليها بظروفها او علي الاقل لما تحسي انك أتحسنتي من جواكي اهم حاجه الوقت لازم تيجي معايا و نروحوا للشباب و تحاولي تصلحي الموقف بينك وبين دانه عشان مينفعش تزعلوا من بعض
دارين.....دانه أختي يا هيما و ۏجعها يوجعني واكيد مش هقدر أزعل منها ولا هي هتقدر تزعل مني وعارفه كمان انها مكانتش تقصد اللي قالته هي بس اضايقت مني وحاولت تضايقني وتحسسني هي حست بأيه وعموما يا هيما تمام يلا
نروحلهم مفيش داعي تهرب من الكلام معايا انا مش غبيه يا هيما عشان افهم كلامك اللي قطعته ومقدرتش تكمله عشان متزعلنيش
انت كان ممكن متزعلش من دانه وديما لو مكاني وكنت اعتبرتهم اخواتك الصغيرين بس انا لأ علي اعتباري ان اكبر منهم وضايقتك بس انا اعتذرت يا هيما وجيتلك لحد بيتك وانا مش عارفه ممكن اقولك ايه بس جيت وحاولت وواضح انك لحد الوقت زعلان يمكن حقك لاني ضايقتك قدام حسن واخواتي بس انا أتاسفت ومعنديش حاجه اعملها تاني عشان تقبل اعتذراي
مشيت دارين كام خطوه وهي مضايقه وكلامها أستفز هيما
هيما......بصوت عالي نسبيا بس انتي غبيه فعلا يا دارين يعني ميمشيش معاكي مثلا اني كنت هسامحهم واقول انهم زي اخواتي الصغيرين بس زعلت منك عشان متوقعتش ده منك وعشان حبيتك
وقفت دارين بسرعه وكأن الكلمه اللي سمعتها شلت حركتها حتي مقدرتش تبص وراها وتحط عينها في عينه فضلت مصدومه وقلبها بيدق ومبقتش عارفه تعمل ايه طيب تجري وتسيبه عشان متبصش في عينه ولا تعمل انها مسمعتش وتكمل طريقها ولا تعمل ايه بالظبط.
هيما..... أمته وازاي انا نفسي منعرفش من يوم ما شوفتك وجيتي مصر وانا بنبقي مبسوط لما نشوفك
كنت بنحاول ديما استفزك و أهزر معاكي و أرخم عليكي عشان أخلق أي فرصه للكلام بينا كنت بشوفك بتهزر وتتكلمي مع حسن واحمد ومحمد عادي وده كان بيخلينا نتعلقوا بيكي أكتر كنت في الاول عايز نعرف ليه بتعامليني انا بالذات كده لكن مع الوقت مبقاش فارق معايا نعرف قد ما كان فارق معايا اني اشوفك او اتكلم معاكي او حتي نجر شكلك بالهزار
هيما.....أتعلقت بيكي وبعدين بدأت احس اني معجب بيكي و سكت متكلمتش مع اي مخلوق في الاول مكنتش عايز كرم يزعل وكنت عارف ان ممكن يكون الموضوع حساس بالنسباله بس كنت مستني يحصل بيني وبينك اي كلام اي حاجه عشان اتأكد من شعوري اكتر وافهم اكتر ليه بحس انك مش طيقاني لحد ما حسيت ان الإعجاب أتحول لحب يوم ما شوفتك باين عليكي انك معيطه كنت هنتجنن ونعرف مين ضايقك كنت فاكر حد في الجامعه ضايقك حاولت اجيبها معاكي بهزار ونعرفوا مالك عشان مكانش ينفع اتكلم معاكي جد لان مكانش في بينا كلام من الاساس وانتي مكنتيش بتديني فرصه بس طريقتك معايا لما قولتيلي انت مالك وحاجه متخصكش ومالكش دعوه بيا صدمتني الۏجع اللي كان فيكي واللي انا مكنتش فاهمه طلع منك بطريقه توجع و شوفت في عينك انك فعلا مضايقه من تدخلي فيكي وكلامي معاكي فا خدت جنب وكان طبيعي يبان عليا اني زعلت بس كمان زعلي منك عشان ده كان عشان قلبي حبك يا دارين لو مكنتش حبيتك مكنتش زعلت بالظبط زي لو دانه وديما في نفس موقفك مكنتش هنزعلوا منهم وهنقولوا عادي بس مكانتش عادي منك انتي و لما سمعت من شويه دانه بتتكلم علي ادم وقالت انك كنتي بټعيطي بسببه فهمت ان اللي كان مزعلك يومها هو مش هننكر اني اټصدمت وحسيت للحظه اني بنكرر تاني نفس الحكايه واني هرجع من تاني اوجع قلبي بأيدي
لما حكتيلي الوقت عنه و فتحتي قلبك يا دارين لاقيت انه صعب اقولك أي حاجه جوايا وقررت اني نسكتوا يمكن اه اللي بينكم انتهي ويمكن زي ما قولتي هو خرج من قلبك وانتي بس زعلانه من الموقف مش اكتر لكن كمان كلامي توقيته كان هيبقي غلط لأنك لسه خارجه من تجربه وجعاكي
بس أستفزتيني يا دارين لما فهمتي كلامي غلط و فكرتي اني لسه زعلان منك وأضطريت اني نقولك اللي وقفت كلامي عليه .
هيما....أيوه بنحبك يا دارين
هيما.....دارين بصيلي قولي أي حاجه
كانت سمعاه ومش قادره ترد ولا حتي تبصله
هيما....بإبتسامه طب ايه هنفضلوا كده كتير بصيلي يا دارين وقولي اي حاجه بلاش تسكتي مش عايزك تردي حتي علي اي كلمه قولناها
فضلت دارين علي نفس وقفتها مغمضه عينها وحاسه انها لو وقفت ثانيه واحده كمان هيغم عليها 
هيما.....أسمعيني يا دارين انا عارف انك ممكن تكوني مصدومه ومكنتيش متوقعه تسمعي مني الكلام ده بس انا كنت مضطر اسمعهولك عشان متفكريش إني بنهرب ولسه زعلان زي ما قولتي وعارف كمان ممكن ميكونش عندك أي رد علي كلامي وصدقيني انا مش عايز أسمع رد ولا كمان هنقولك فكري في كلامي وخدي وقتك انا هنقولك حاجه تانيه خالص أخرجي من اللي انتي فيه براحتك خرجي الۏجع من جواكي أرجعي من تاني زي الاول واحسن ولما تحسي ان مبقاش في حاجه جواكي لأدم ده خالص وقتها فكري في كلامي ومتستعجليش في الرد لو حسيتي انك قادره تبادليني نفس الشعور هكون اسعد حد في الدنيا لو حسيتي أنك مش قادره تبادليني الحب ده
صدقني مش هنزعلوا منك ولا هنلومك لأنك مش مجبره تحبيني عشان حبيتك فهماني يا دارين.
هيما....بإبتسامه
طب ايه يلا نمشي ونروح للشباب ولا هتفضلي واقفه متجمده في مكانك كده.
ضحك هيما عليها ومشي وراها لحد ما وصلوا للعربيه وفضلت ساكته مش