ابن ليل الجزء الثالث لأميرة أسامة

يعملوله مفجأه ويعملوا عيد ميلاده بره وانتي والبنات اكيد هتيجوا معانا واهي فرصه تتكلموا تاني وتفكي شويه معله واكيد هو هيتبسط
دارين....بس حسن مقالش اكيد مش هينفع نيجي واحنا منعرفش
دانه....بتقولك قالها الصبح واكيد معرفش يقولنا
سماح...اكيد هيعرفكم طبعا والباقي عليكي انتي بقي
ديما....هو هيعملوا فين
سماح....لسه منعرفش اكيد هيشوفوا مكان ويقولوا
دانه....هو
بعد بكره
سماح....اه وامسكي لسانك ابوس ايدك بلاش الفضايح بتاعتك بنقولومفجأه هااا مفجأه يا دانه
دانه....بضحك انتوا واخدين عني فكره وحشه اوي
دارين.....حقهم ما انتي صراحه مش بتمسكي لسانك ڤضيحه
دانه....لا خلاص والله مش هقول
ديما......طيب احنا كده عايزين نجيبله هديه هتجبيله ايه يا دارين.
دارين....بأبتسامه بصراحه مش عارفه الوقت
سماح....سيبك من الهديه هنفكروا مع بعض المهم زي ما قولتلك حاولي تفكي شويه. اتكلمي بلاش كسوفك ده عشان تعرفي بعد كده تتصلي عليه وتتكلمي معاه وتديله فرصه هو كمان يتصل عليكي من غير ما يعمل حساب انك مش هتردي او مش هتتقبلي ده.
دانه....سماح عندها حق علي الاقل فرصه تتعرفي عليه اكتر وعلي شخصيته مش يمكن تقدري تحبيه وتطلعي من التجربه بتاعت ادم دي خالص
دارين.....حاضر يا بنات هعمل كده بس المهم قولولي اجيبله ايه انا مش عارفه وبصراحه معرفش بيحب ايه وايه اللي ممكن يعجبه.
سماح....بصي اللي اعرفه ان هيما بيعشق البرفانات والساعات
دارين....طيب لو جبتله برفان انا معرفش بيحب ايه.
دانه.....هعلم فيكي لحد امته مش عارفه هو انتي لازم تحيبليه الحاجه اللي بيحبها
دارين...امال اجيبله حاجه مش بيحبها
دانه....لا يا زكيه مقصدش بس ما هو طبيعي اكيد النوع اللي بيحبه عنده منه
دارين....امال اعمل ايه طيب
دانه....جيبله حاجه علي ذوقك انتي برفان تكوني بتحبيه وتحبي انك تشميه عليه هو هنروح نجيبله من براند معروف نوع يكون مميز واكيد هيحبه وهيبقي مفضل عنده كمان
سماح....ألعبببب والله معلمه يا بنتي اختك بتقول كلام زي الفل جيبي الحاجه اللي تحبي تشميها عليه
دانه....والأهم انك تحسي انها ماشيه مع شخصيته.
دارين....هو البرفيوم كمان بيمشي علي السخصيه
دانه....طبعاااااا هو البرفيوم اتعمل منه انواع كتير ليه فاكره يعني انها روايح كتير وخلاص الانواع دي اتعملت عشان كل حد فينا يختار اللي يناسبه ويمشي معاه يعني اي شخص هادي هتلاقيه بيميل للروايح الناعمه الهاديه شخص ليه شخصيه كده وكاريزما هتلاقي البرفيوم بتاعه من ريحته ليه كاريزما ومميز شخص جد وتحسيه علي طول رافع حاجبه البرفيوم بتاعه ديما هيكون شاذ وريحته جايبه اخر الدنيا كده يعني.
سماح....بضحك والله انتي معلمه يا بنتي ايه الدماغ دي 
دارين....انا اتحمست
ديما....وانا كمان والله
دانه.....انا بعد كده هديكم دروس 
دارين.....طيب خلاص نروح امته بقي وبعدين هنروح فين انا معرفش هنا اب مكان
سماح....سيبوها عليا انا دي نروح بكره
دارين....خلاص تمام اتفقنا.
عند عبدالله.
عبدالله...ولا يا حسن هنطلعوا فوق شويه وننازل تاني
حسن....في حاجه ولا أيه 
عبدالله....لا هندخل الحمام
حسن....تمام اطلع انا واقف.
طلع عبدالله علي فوق فتحتله دعاء
عبدالله....فين امي
دعاء....قاعده جوه في حاجه ولا ايه
عبدالله....لا مفيش بنقولك ايه
ما تعمليلنا كوبايه شي اشربها وانزل
دعاء....حاضر عيني
عبدالله....تسلم عينك.
راح عبدالله علي امه كانت قاعده جنب البلكونه في مكانها المفضل بتشرب فنجان قهوه
عبدالله....يا روقانك يا بلبله
نبيله....بتحسدني علي روقاني يا ولا
عبدالله.....وانا نقدروا بردوا
نبيله.....ايه اللي طلعك
عبدالله.....قولت نطلع نشربوا معاكي كوبايه شي 
نبيله......في كلمتين محشورين في زورك يا ولا طلعهم عشان ترتاح
عبدالله.....بضحك قرياني انتي علي طول يا بلبله
نبيله....اللي ربي خير من اللي أشتري ياولا خير في ايه.
عبدالله....عزومه يا بلبله.
نبيله.....عزومه مش فاهمه
عبدالله....ايووووه عليكي مش حلوه في حقك دي يا اما صحصحي معايا كده
نبيله.....احيه ما توضح هو ايه اللي عزومه
قربت دعاء وحطت قدامه الشاي وقعدت.
عبدالله....بنفكروا اننا نعمل عزومه لبيت الرفاعي
نبيله....سرحت وحطت ايدها علي دقنها وضحكت عجبها الكلام وفهمت قصده بتفكر في ايه يا ولا
عبدالله....كل خير يا بلبله عزومه حلوه مش يمكن نلموا الشمل من تاني
نبيله.....حلو ده ياولا
دعاء.....احيه عليكم انتوا مفيش فايده فيكم ابدا
عبدالله....خليكي في حالك الوقت يا دعاء مش شايفه ست الكل سرحت ازاي وشكلها بتقلبها في دماغها
دعاء...تقلب ايه ياراجل اتهد شويه
عبدالله...وانتي ايه اللي مزعلك
دعاء.....تاني يا عبدالله يا راجل ده انتوا لسه متصالحين من مفيش عايز الدنيا ترجع تبوظ بينكم تاني
عبدالله....الله وهي العزومه اللي هتبوظها يا بت
دعاء....لو علي العزومه يا خويا سهله بس اللي بتفكر فيه انت واللي سؤحانه جنبك دي مش سهل با عبدالله وافتكر اني قولتلك
نبيله....يابت اسكتي وبطلي زن الولا بيتكلم صح
عبدالله....بضحك شوفتي الناس اللي بتفهم 
دعاء.....ياما اسمعي كلامي الله يهديكي عبدالله شيطانه حضر
نبيله....يابت شيطان ايه اعوذ بالله دي عزومه وقاعده حلوه من بتوع زمان هيحصل ايه يعني
دعاء....هيحصل ان انتي وابنك مش هتستكفوا بالعزومه كده وخلاص دره وكرم اللي حصل معاهم زمان كان بسببكم وهنرجعوا نقولها تاني في
وشكم عشان تفوقوا
عبدالله....يابت هو احنا هنغصبوهم علي بعض خلاص اتعلمنا دي مجرد عزومه
نبيله.....مش عارفه اتجوزت البت الزنانه دي ليه
دعاء...ايه زعلانه عشان بنقولوا الحق
نبيله....ماهو قالك مجرد عزومه
دعاء....وانا قولتها لو علي عزومه سهله بس بالله عليكي يا شيخه انتي وابنك سيبوهم في حالهم خلوهم هما يقرروا اللي عايزينه في حياتهم وبلاش تدخلوا وبعدين بصت لعبدالله والنبي انا قولت طلعتك دي وراها حاجه
عبدالله.....يابت افهمي بس الدنيا هديت بينهم ومش بس كده كل واحد طلع اللي في قلبه للتاني كرم عرف الحقيقه وهي اللي واجهتوا وفي النهايه الجو بينهم هدي
دعاء....نقوموا احنا نقلبهم تاني علي بعض لما نجبرهم علي اللي جبرناهم عليه زمان
عبدالله....يابت افهمي مش هنجبرهم بس علي الاقل نحاول نخلي الدنيا حلوه حواليهم انا كمان ملاحظ ان بقي في بينهم كلام يعني امبارح مسبهاش وهي راجعه كويسه انهارده كان في مناغشه بينهم نظرته ليها مش هنقدر نقولو متغيره عشان دي نظره كرم من زمان من ناحيه دره انا بقي دره اللي بجد متغيره انا مش غبي خلينا نستغلوا اللي بينهم ده مش يمكن يابت يقربوا من بعض
دعاء.....يا عبدالله انا منكرهش بس اختك لسه مخلصتش من طليقها اه يمكن بعدوا بس اختك مش هتسيب حقها وكمان محدش يعرف لما تطلب حقها ممكن ايه يحصل ويمكن يحس بغلطه ويطلب يرجعها مش يمكن دره توافق عشان عيالها متنساش انها بتحبه هتعمل ايه وقتها وانت بتعشم صاحبك لتاني مره وقتها والله يا عبدالله كرم يروح فيها وهتفضل شايل ءنبه طول حياتك
نبيله....كانت بتحبه دره بنتي وانا عرفاها اكتر من روحي طلعالي اللي يدوسلها علي طرف لو روحها فيه عمرها ما ترجعله والواطي ده مداسلهاش بس علي طرف ده دبحها
دعاء.....ماشي معاكي ياما عندك حق بس عشان خاطري بلاش تدخلوا بينهم كرم وبيحب دره ودي حاجه مش محتاجه اننا نقولوها حبها في قلبه باين في عينه إنما دره سيبوها تختار وتجرب سيبوها تقدر وتحس بحبه ده ولو حصل كلنا نتمني بس لو محصلش منبقاش ياما غلطنا نفس الغلط
نبيله ....انا مش هندخل ولا حتي هنتكلموا مع دره في اي حاجه تخص كرم بس اهو بنقول يمكن
عبدالله....صدقيني يابت انا واثق وابصم علي كلامي ان المرادي الموضوع متغير يابت الفرحه اللي في عين كرم تقول ان دره مدياله ريق حلو
نبيله....صدقت ياولا كلمني انهارده وكان مبسوط بقالنا زمن مشوفناهوش كده وحسيت من كلامه انه طاير من الفرحه
عبدالله....مش بنقولك يابت صدقتي
دعاء....انا قولت اللي عندي وانتوا حرين عايزين تقربوا بينهم قربوا بس من بعيد لبعيد ومن غير ما تضغطوا علي دره ولا حتي تحاولوا تشكروا في كرم قدامها سيبوها هي تحس بكل الحلو اللي فيه وتكتشفه بنفسها صدقوني والله انا مش عايزه غير راحتها وراحت كرم الاتنين يستاهلوا كل الحلو اللي في الدنيا بس
بلاش حبكم ليهم يرجع يأذيهم تاني سيبوهم يقربوا من بعض بالمواقف والكلام مش اكتر ولو علي العزومه ولمه العيله بتاعت زمان سهله بس انتوا اطلعوا منها.
عبدالله...يعني معانا ولا علينا
نبيله....طب تبقي تنطق والنبي نجيبوها من شعرها
دعاء....بضحك امري لله معاكم بس مش عشان موافقه علي اللي في دماغكم انا معاكم عشان ودين محمد لو لاقيتكم
بتعملوا حاجه كده ولا كده انا اللي هنقفلكم
نبيله....كان لازم تتكلم قدامها الناقصه دي
عبدالله....بضحك قولتلها تعملي كوبايه شي عشان نسربوها جات بسرعه
دعاء....علي قلبك يا بلبله والنبي ما هسيبك.
نبيله....يابت انا بحلم باليوم ده إن شالله اموت بعدها
دعاء....بعد الشړ عليكي ياما والنبي ما تقولي كده انا عارفه والله وده مش حلمك لوحدك اكيد كلنا نفسنا نشوفهم في بيت واحد بس انا عايزه دره تحب كرم من نفسها مش تحبه عشان كلمتين منك ولا من عبدالله ولا عشان كلامكم ممكن يخلي كرم يصعب عليها كرم كمان غلبان ويستاهل انه يتحب بجد مش يتحب عشان كلمتين أثرتوا بيهم علي دره.
عبدالله....بأبتسامه دعاء معاها حق ياما كرم يستاهل انه يتحب لشخصه مش يتحب عشان كلمتين نأثروا بيهم علي دره عموما متقلقيش انا كل اللي بفكر فيه هي شويه فرص علي مواقف تخلي دره تقرب منه اكتر تفهمه اكتر .
نبيله ....وانا والله ما هدخل صدقوني
دعاء....بحب لو كده انا كمان
معاكم
عبدالله... ايوه كده 
نبيله.....خلاص هنقولوا لابوك انهارده ونشوفوا كده نعزمهم امته
دعاء ...وانا جاهزه ومستعده لاحلي عزومه علي شرف دره وكرم
وربنا يستر منكم
ضحكوا كلهم واتفقوا مع بعض.
الوقت عدي وسونه كل ده مستنيه كرم يتصل ومتصلش كانت مضايقه وعايزه تشوفه بأي طريقه أتصلت هي تاني عليه بص كرم في موبايله كنسل عليها وشال الموبايل في جيبه وراح يكمل شغل.
سونه....بتكنسل عليا يا كرم طيب حلو الشغل ده بس هتروح مني فين ودين محمد ما هسكت غير لما ترد ونشوفك
رجعوا البنات وقبل ما يطلعوا قابلهم حسن سلم عليهم وبعدين قالهم علي العيد ميلاد
حسن....بنقول ايه عيد ميلاد هيما بعد بكره وهنعمله مفجأه انتوا معانا
ديما....ايوه سماح قالتلنا
حسن....احيه لاحقت عدتيها يا دانه
دانه....انا مالي هي اللي اعترفت
حسن...بضحك بركاتك المهم متقولوش قدامه ماشي
دارين ...تمام متقلقش
حسن.....انا كنت قلقان من دانه بصراحه بس الوقت بقت دانه وسماح
دانه....لا عيب متقلقش مش هقوله والله
حسن...لما نشوف
ديما....يلا انا طالعه
دارين....وانا كمان باي يا حسن
حسن....باي
طلعوا البنات علي البيت عشان يغيروا ويرتاحوا شويه.
بعد ما خدوا شاور قعدوا مع بعض في اوضه دارين.
ديما....ايه هتعملي ايه
دارين ...مش عارفه بفكر المبلغ اللي معايا مش هيكفي اكيد
دانه....ليه انتي خدتي فلوسك من مامي يا دارين.
دارين....فلوس ايه
دانه....هو ايه اللي فلوس ايه فلوس جدو مش كان مدينا فلوس لينا احنا التلاته وسيبناها مع مامي وخدنا جزء بسيط يبقي معانا.
دارين.....ايوه صحيح تصدقي نسيت بس انا هتحرج اطلبهم من مامي
دانه....ليه ماهو احنا اللي قولنالها تخليهم معاها
دارين.....ايوه بس افرضي محتجاهم
ديما....لا مش محتجاهم هي اصلا كانت عيزانا نخليهم معانا وبعدين مامي قالت ان هي معاها مبلغ كان بعيد عن الحساب وبابي مخدهمش منها
دارين ...يعني اقولها
دانه...ايوه عادي هي قالت وقت ما تحتاجوا عرفوني.
ديما....وكده كده اكيد هنقولها علي العيد ميلاد
دارين....اكيد طبعا لازم نعرفها
دانه....خلاص اتصلي يلا وعرفيها عشان تسحبهم وبكره