ابن ليل الجزء الثالث لأميرة أسامة

اللي همك ادعي متبعتهوش وتحطلك جواه فار 
مها  يعععع يا مقرف 
كرم  أبعدي انا طالع نغير قبل ما ابوكي وبكر يجوا 
مها  ماشي 
دخلت دره علي المدخل بتاعهم وهي بتسب ووتلعن في كرم ومعا وبالاخص كرم اللي احرجها طلعت خبطت عليهم تحت فتحتلها نبيله 
دره  بابتسامه ايه مفيش حد يقوم بدالك يا ست الكل
سلمت عليها وباستها 
نبيله  بابتسامه انا كنت جنب الباب تعالي ادخلي
دره  لا خليني اطلع اغير واخد دش سريع مش قادره فين البنات
نبيله  جوه مع دعاء في المطبخ بيجهزوا الاكل
دره  بلبله تأديب وتهذيب وإصلاح
نبيله  الله طبعااااا بس الشهاده لله البنات بيحبوا يساعدوا من غير ما نطلبوا والله
دره  هما فرحانين باللمه وبالجو يمكن الحجات دي كنا بنعملها مع بعض بس مكانش في غيري قدامهم اول مره يحسوا بجو العيله والمساعدة عشان كده مبسوطين
نبيله  ربنا ما يحرمهم من اللمه ابدا بس كله كوم ودره الصغيره كوم تاني 
دره  بضحك اكيد دانه
نبيله  البت نسخه منك واقفه
تاكل وعامله بتساعد والحاجه بتعملها في سنه ومش فالحه غير انها تعملها مهندسه علي الكل شيلوا ده وحطوا ده خدي بالك انا خلقي ضيق
دره  بضحك شغلي ابو ورده بقاله كتير راكن علي دكة الاحتياطي
نبيله  لا منقدرش
دره  احيه اشمعني انا
نبيله  يابت اعز من الولد ولد الولد 
دره  ماشي يا ستي خليهم ينفعوكي يلا انا طالعه
نبيله  متتأخريش يا دره ابوكي جاي هو وعبدالله والولا حسن
دره  علي طول 
طلعت دره ودخلت علي شقتها قفلت الباب واختفت ابتسامتها
دره  ماشي يا كرم 
كرم كان واقف قدام البلكونه واول ما شاف النور بتاع الشقه اتفتح عرف انها طلعت ابتسم وطلع موبايله اتصل عليها
دره  كمان ليك عين تتصل بيا طب مش هرد 
سمعت صوت رساله ولقتها صوت 
فتحت دره الرساله صوته كان بيضحك
كرم  تردي عليا زي الشاطره بدل ما ثواني ونكون قدامك المره اللي فاتت كان الوقت متأخر والكل نايم بس الوقت الكل صاحي يعني هنتجرسوا و ابوكي واخوكي مش هيقبلوها علي روحهم و هيقولوا التار ولا العاړ وهبص الاقي روحي بندبس فيكي ردي واخلصي
دره  پصدمه تدبس فيا انت تطول يا ابن الرفاعي ودين محمد ما هنسيبك
اتصل عليها كرم بسرعه ردت عليه 
دره  انت بتقولي انا تدبس فيا يا كرم يا رفاعي ليه ان شاء الله مش لاقيه حد يتجوزني ولا نكون راميه روحي عليك ولا يمكن وحشه انت تطول اصلا تدبس فيا ما طبعا شايف روحك عشان طويل شويه وعينك ملونه بس لا فوق كده ونمسك خمسه في العقل لو انت كرم الرفاعي فا انا دره الجمالي
كرم كان بيسمعها وهو كاتم ضحكته 
كرم  ارتاحتي لما خرجتي الربع اللي جواكي 
دره  اه ده ربع عشان كلمه ندبس فيكي بس لسه اللي عملته ودين محمد يا كرم ما هنعديه
كرم  طيب انا عملت ايه بس 
دره  لا بنقولك ايه متعملش فيها طيب بعد ما رسمتلي علي وشي
كرم  والله صاحبتك اللي كنتي راحه في النوم علي كتفها هي اللي فضلت تتحايل عليا عشان تبقي تنامي اوي علي كتفها اهي باعتك عشان بس تعرفي انك ملكيش غير كتفي 
دره  انت بتهزر كمان 
كرم  طيب نعملوا ايه البت تعبانه وصعبت عليا ما صدقت جيتي تحت ايديها 
دره  تمام بس
لما تيجوا تحت ايدي انت واختك متبقوش تزعلوا
كرم  ايووووه ده انا مستني اليوم اللي نيجي فيه تحت ايدك
دره  كرم بطل قلة ادب ومتهزرش انا مش طيقاك بقي هو ده الوعد اللي وعدتهولي
كرم  وانا عملت ايه بس دي رسمه
دره  منقصدش الرسمه يا كرم انت شيلتني قدام مها وخليت منظري زي الزفت ومش عارفه ازاي هنقدر نبص في وشها دي هي من الكسوف غطت وشها
كرم  بضحك اولا انا لا قصدت الغبطك ولا احرجك ولا حتي قصدت اشيلك كل الحكايه انك قاعده تشبي يا اوزعه عشان تاخدي القلم وكنتي هتطيري بزمتك ينفع تسيبك تقعي
دره  اه سيبني بس ازاي انت ما صدقت 
كرم  بحب والله ما كانت مقصوده المرادي لو مقصوده مكنتش نزلتك من ايدي اصلا وكنت ما هصدق
بس والله خۏفت تقعي فا مسكتك ولو علي مها لا اتحرجت ولا اتنيلت اصلا بعد ما خرجتي جريت وقفت ورايا وفضلت باصه عليكي وخاېفه منك
دره  بردوا مش هكلمك يا كرم وزعلانه منك
كرم  طب خلاص اصالحك
دره  لا مش عايزه منك صلح 
كرم  طب جربي يمكن الصلح يعجبك
ابتسمت دره بهدوء وسكتت
كرم  هاااا اصالحك
دره  مش هتعرف
كرم  عيب عليكي ده انا كرم
دره  بس الصلح ده مش معناه اني مش هردلك المقلب يا كرم 
كرم  ياستي ليكي عليا لما نبقي مع بعض لوحدنا هديكي قلم تلعبي البخت في وشي ومش هقولك لأ
دره  ماشي 
كرم  اصالحك بقي
دره  بأبتسامه يلا بسرعه
كرم  بحب روحي اقفي الاول قدام المرايا 
دره  ليه
كرم  روحي بس وهقولك
راحت دره علي اوضتها فتحت النور ووقفت قدام المرايه
دره  وقفت
كرم  قربي من المرايا وارفعي شعرك من ناحيه اليمين وبصي وراء رقبتك
حست دره ان قلبها بيدق جامد ابتسمت زي العبيطه وهي مش فاهمه حاجه وقربت وعمل زي ما قال
دره  ايه ده انت مچنون يا كرم مچنون
كرم  شوفتي ايه
دره  ضحكت بهدوء اتنهدت وانا كمان بحبك 
كرم  ابتسم بهدوء صالحتيني
دره  هو انت رسمتها ازاي مها شافتها
كرم  لا كنتي نايمه علي كتفها ومش عارفه تتحرك عشان متصحيش رسمتها بسرعه وبعدين رسمت علي وشك
دره  بضحك امممم كنت عارف اني هخاصمك فا قولت تعمل حسابك وتصالحني قيل ما تزعلني 
كرم  حاجه زي كده
دره  طيب انا هاخد شاور ازاي الوقت هتتمسح
كرم  هرسملك غيرها 
دره  كرم
كرم عيون كرم
دره  انا بحبك
اوي
كرم  وانا بمۏت فيكي يا بنت قلبي
وللحديث بقيه 
أبن_ليل
صاحبة_البطل_الواحد
أميره_اسامه
البارت الثلاثون
...............
في صباح يوم جديد فتحت دره عينها علي صوت المنبه أبتسامتها كان باينه علي ملامحها بتلقائيه حطت مكان الكلمه اللي كرم كتبها وأبتسمت.
سمعت صوت رساله علي موبايلها بسرعه مسكت الموبايل وفتحت الرساله
كرم.....صباح النور يا بنت قلبي يلا يا كسلانه قومي وبلاش كسل بنقولك ايه
اكيد عرفتي من البنات ان انهارده عيد ميلاد هيما وهما هيروحوا مع حسن عشا يعملوله مفجأه واكيد هيفضلوا مع بعض شويه .
أعملي حسابك اني هشوفك انهارده بعد ما تخلصي شغل عشان وحشتيني جدا
يعني تعرفيهم عندك أنك هتتأخري أتفقنا بحبك يا احلي دكتور في الدنيا
ابتسمت دره بحب وخرجت منها تنهيده طويله كلها سعاده وراحه وبسرعه اتصلت عليه.
اول ما شاف كرم اسمها ابتسم كان لسه علي السرير وصوته نايم.
كرم.....بصوت جذاب صباح الفل ياحبيبي
دره.....دره ايه ده انا قولت انك صحيت
كرم....ما أنا فعلا صحيت.
دره....بس صوتك لسه نايم
كرم....بضحك عشان لسه صاحي يا غبيه
دره....بضحك مش هتبطل لسانك الطويل ده أقصد يعني كنت فكراك قومت وخلاص نازل
كرم.....والله انا كان نفسي اكمل نوم شويه بس في واحده رخمه اوي عامله زي الأطفال بالظبط مسابتنيش انام براحتي جاتلي في الحلم فضلت ترخم عليا لحد ما صحتني
دره.....بأبتسامه ومين بقي الرخمه دي اللي قلقت حبيبي من نومه
كرم.....واحده كده قد عقلة الأصبع عامله زي الاطفال قلبها مفيش زيه عليها ضحكه تخلي العالم كله يتوه فيها 
ويبتسم من غير ما يحس ولما بتتكلم بتجبر الكل انه يسمعلها. و لما تشوفي شقاوتها و جنانها تحسي انها طفله ومهما كان سنك بتجبرك بشقاوتها أنك تعيشي معاها طفولتك. النظره في عينها كفيله تخلي قلبك يرفع الرايه البيضا ويعلن إستسلامه. 
لحظات الحب معاها بتخلي قلبك مهما كان شايل هموم الدنيا يرمي همومه من جواه و ينسي سنه ويرجع مراهق عايز يجري و يتنطط ويعيش حياته بالطول والعرض بتشع طاقه و حيويه و قادره تخليكي تحسي بمعني الحياه الحقيقيه 
معاها بتخرجي عن المألوف و بتعيشي كل حاجه علي أيديها كأنها جديده 
دره كانت بتسمعه ملامحها واضح عليها التأثر بتبتسم وفي نفس الوقت دموعها نازله مع كل كلمه كان بيقولها قلبها مكانش بيبطل دق خلص كرم كلامه وفضلت دره ساكته سامعه صوت نفسه وسامع صوت نفسها وعارف انها بټعيط.
كرم....بحب ايه ساكته ليه
دره.....بسمعك
كرم.....عرفتي بقي مين الرخمه اللي قلقت حبيبك من نومه
دره.....عرفت وبفضلها أكتشفت فيك حاجه جديده
كرم ...ايه هي بقي
دره.....أنك شاعر
كرم.....ما انا قولتلك معاها بتخرجي عن المألوف وبتكتشفي في نفسك حجات جديده مكنتيش تتوقعي انها تبقي فيكي .
دره....طب ايه مش ناوي تعرفني عليها
كرم....خاېف تغيري منها
دره.....انا اصلا غيرت منها.
كرم.....حقك انا نفسي بغير عليها
من نفسي
دره.....كرم
كرم....عيون كرم
دره....في سؤال بسأله لنفسي من اول امبارح من وقت ما جيت وخبطت عليا بليل ومش لاقيه ليه جواب
كرم......طيب أسألي يمكن اقدر اجاوب عليه.
سكتت دره شويه وبعدين اتنهدت.
دره.....خلاص خليني أسألهولك لما اشوفك بليل
كرم.....وليه مش الوقت
دره.....يهمني أشوف اجابته في عينك قيل ما اسمع ردك.
كرم....بحب وانا موافق يا بنت قلبي صحيح مش عايزه تعرفي مين الرخمه اللي صحتني من الحلم.
دره.....اكيد وعايزه اعرف عملت معاك ايه في الحلم.
كرم......لا بلاش دي اسرار
دره....أسرار عليا
كرم....والله لو سألتيها ممكن تقولك لما انا وهي بنبقي لوحدنا بنعمل ايه
دره...بضحك من غير ما أسالها انا عارفه حبيبي و شيطانه بيعملوا ايه كويس
كرم....بأبتسامه حب بحبك يا دره بحبك يا احلي عقلة أصبح في الدنيا كلها
دره....اممممم وده تصريح منك بأن عقله الاصبح اللي قلقتك من النوم هو انا 
كرم.....ومين غيرك يا شبر ونص واخد عقلي مني سواء صاحي
او نايم
دره.....محدش يقدر طبعا 
كرم.....بقول ايه لو فضلنا كده كتير شيطاني هيحضر وهقولك بلاها شغل لبكي. وليا وهاجي اخطفك اليوم كله
دره....بضحك لا وعلي ايه قول لشيطانك خمسه بس شويه والنبي ورانا أكل عيش وناس مستنيانا 
كرم....بضحك انا كمان بقول كده يلا ياقلبي قومي افطري و ظبطي نفسك عشان متتأخريش
دره.....حاضر يا حبيبي انت كمان أفطر كويس
كرم....حاضر 
دره....باي
كرم....باي يا عمري
......................
بعد ساعه كانت دره لبست وجهزت نفسها هي والبنات كان كل واحده فيهم عندها محضره واحده كانوا هيخلصوها ويرجعوا عشان يبدأوا يجهزوا للعيد ميلاد. فطروا فوق مع بعض منزلوش تحت
دارين.....مامي يلا ولا ايه
دره مكانتش مركزه معاهم اوي عشان لمحت علي موبايلها رساله من چاك
چاك....دره هكلمك بعد عشر دقايق لو فاضيه.
دانه....مااااامي ايه هتنزلي ولا ننزل احنا عشان منتأخرش
دره....هاااا اااا لا انزلوا انتوا معلش في حاجه في الشغل عابزه اخلصها قبل ما انزل.
ديما.....لو مش هتتأخري هنستناكي
دره...لا ياروحي انزلوا انتوا كده كده مش هنروح مع بعض .
دانه....طيب يلا يا بنات عشان منتأخرش.
وبعدين نزلوا.
قعدت دره علي الكرسي بعد ما نزلوا وفضلت مستنيه چاك يكلمها وكانت حاسه بتوتر.
نزلوا البنات علي تحت السواق كان مستنيهم سلموا علي جدهم وخالهم وبعدين قرب منهم حسن.
حسن....بنات بنقولوا ايه هتتأخروا
دارين....لا عندنا محاضره واحده هنخلص ونرجع علي طول
حسن....اه ياريت عشان تلحقوا تظبطوا روحكم واه صحيح انا