ابن ليل الجزء الثالث لأميرة أسامة

عارف يعمل ايه يخرج وينادي عليها ويسالها مالك ويروح يكلمها في الموبايل ولا يتخلي عن عقله وينزل يروحلها ويحصل اللي يحصل.
بدأ نفس دره يرجعلها شويه بشويه وبعدين وفقت ټعيط بإنهيار وهي ماسكه قلبها بأيدها الاتنين وتبص للسماء.
فضل كرم باصص عليها لحد ما حس انها بتهدي شويه بشويه
في الوقت ده رن موبايل كرم
راح بسرعه يشوف مين كانت سونه استغرب كرم ان سونه بتتصل بيه في الوقت ده مكانش هيرد بس حس انها غريبه تتصل بيه الوقت فا قرر انه يرد
كرم.....الووو
سونه.....الحقني يا كرم والنبي
كرم...في ايه يا سونه مالك
سونه.....الباب قفل عليا وانا بنرمي كيس الزباله والبت سماح نايمه بنتصل عليها بس مش بترد ومش عارفه نعملوا
ايه
كرم......انتي فين
سونه.....انا نزلت نشوفوا اي حد يكسرلي الباب ولا يحاول يفتحه بس مش لاقيه حد الدنيا بتشتي ومفيش
مخلوق في الشارع
كرم....طيب اقفلي انا هننزلك
سونه....ماشي.
بص كرم علي دره قبل ما ينزل لمحها واقفه شارده عينها علي الشارع واتغرقت من المطر لكن اهدي من الاول
اتنهد كرم بحزن وبعدين نزل .
دره دموعها كانت نازله وشارده لكن شرودها راح اول ما لمحت كرم خارج من باب البيت
وقفت وعدلت نفسها فضلت باصه عليه ايه اللي منزله في الوقت ده في عز المطر لمحته بيقرب من بيت سونه ولمحت سونه واقفه علي الباب بصت بإستغراب .
كرم.....ايه يا سونه
سونه.....حقك عليا يا كرم نزلتك الوقت يا اخويا بس معرفتش نعملوا ايه وقولت انت اللي هتساعدني
كرم.....بسيطه المفتاح في الباب ولا لأ
سونه....منعرفش يا كرم بس بيتهيألي في الباب ايه مش هيتفتح ولا ايه
كرم.....هفتحه ان شاء الله متقلقيش
سونه....طيب كنت جبت حاجه تفتحه بيها
كرم....معايا متقلقيش يلا اطلعي ډخلها كرم وبص شمال ويمين وبعدين طلع وراها.
دره.....بۏجع وادي اول اسرارك اللي مخبيها يا كرم اتكشفت عامل فيها ضحيه وعامل فيها قدام كل الخلق انك الراجل الوفي اللي حب من قلبه وعاش علي حبه عشرين سنه وانا اللي كنت موجوعه عشانك وصدقت انك مختلف بس طلعت انت كمان زي كل الرجاله كلكم خاينين يا كرم كلكم زي بعض
مسحت دره دموعها ودخلت علي اوضتها.
.............
كرم.....ايه اللي خرجك من غير مفتاح
سونه....كنت بنرمي كيس الزباله والباب من الهواء اتقفل فضلت نخبط ونرن الجرس بس بنت الصرمه سماح عامله زي اللي نايم نومه اهل الكهف حتي موبايلها مبتردش عليه.
كرم.....وموبايلك ده جبتيه ازاي 
سونه....هنجيبه ازاي انت كمان كان معايا في جيبي
كرم.....كمان ليكي عين تتعصبي مش كفايه منزلاني الوقت
سونه....ايووووه عليك ما انت بتسأل أسئله غريبه ده كويس انه كان معايا كان زماني واقفه علي السلم للصبح
فضل كرم يحاول بالسکينه يفتح الكالون بتاع الباب اكتر من ربع ساعه لحد ما أخيرا الباب فتح.
سونه.....الحمد لله فتح تسلم ايدك يا سيد الرجاله
كرم.....ابقي خلي بالك بعد كده ومتخرجيش من الباب غير والمفتاح في ايدك
سونه....توبه خصوصا بعد بنت الصرمه اللي عذبتني ام نوم تقيل دي
كرم....يلا حصل خير وبكره هاتي نجار يظبطلك الباب عشان الحته دي اتكسرت وسهل اي حد يفتح عليكي الباب
سونه.....ماشي بكره نجيبوا اي حد يبصلي عليه
كرم....ابقي اقفلي بقي من جوه عليكم كويس
سونه.....حاضر يا اخويا تعبتك يا كرم
كرم.....مش هنقول طبعا تعبك راحه عشان اللي يعرفك يا سونه ميشوفش راحه ابدا
سونه....بضحك احيه عليك راجل تساعدني و ترجع تسممني بالكلام
كرم.....انتي مش عايزه غير كده يا سونه اسمعي مني.
سونه....بس قولي اتعلمت تطفيش الكوالين من امته كنت شغال هجام وانا منعرفش
كرم.....بإبتسامه اه خافي مني بقي بدل ما نهجم عليكي
سونه.....احيه طب جرب انت كده وانا علي قلبي زي العسل
كرم....يامره أسلكي لوجه الله
ضحكت سونه ضحكه عاليه
كرم....اوعي الله يحرقك هتجرسينا
سونه....بنقولك ايه ما تيجي نعملك كوبايه شي تدفيك
كرم.....اسلكي ياسونه.
سونه....بضحك ودين محمد نيتي سالكه انا بس شيفاك تعبت في فتح الباب قولت نريحوك
كرم....بضحك هز راسه مفيش فايده فيكي ادخلي يا سونه الله يهديكي بدل ما نتقفش ونتجرسوا ولا بنتك تصحي تلاقيني واقف معاكي
سونه....طب تبقي تفتح بوئها مش كفايه نايمه وشايله ودنها
كرم...طب يلا ادخلي واعملي حسابك لو اتكررت تاني مش هنسألوا فيكي انا مش ناقص تلبيش جته
سونه....بضحكه عاليه سلامة جتتك يا سيد الرجاله.
كرم....الله يحرقك وېحرق ضحكتك يا سونه انا غلطان عشان عبرتك ضحك كرم ونزل وسابها
فضلت سونه باصه عليه بحب وبعدين دخلت.
خرج كرم بص علي بلكونه درن يشوفها لسه واقفه ولا لا لكن ملقهاش راح علي البيت وطلع شقته
..................
في صباح يوم جديد صحيت دره كان مزاجها مقلوب 360 درجه بعد الکابوس اللي شافته كانت ساكته ومش بتتكلم قامت صحت البنات ولبست في هدوء .
دارين....مامي هو حضرتك تعبانه
دره....لا يا حبيبتي ليه
دارين.....اصلك ساكته وكمان الفطار مش جاهز فا فكرتك تعبانه
دره....لا اصل دعاء كلمتني وقالتلي متفطروش هنفطر مع بعض تحت كمان بلبله عملتلكم فطير سخن عشان تفطروا بيه.
دانه.....حلو ده احنا شهر كمان لو فضلنا علي الاكل ده هنحتاج لبس جديد.
دره....بإبتسامه بألف هنا يلا خلصوا عشان ننزل
بعد وقت بسيط الكل كان متجمع تحت عشان يفطروا مع بعض حاولت دره علي قد ما تقدر تبتسم وتتكلم عشان ميبانش عليها حاجه
دره....اساعدكم في حاجه يا بلبله
نبيله.....تعالي طلعي قشطه وعسل انا عملالكم
فطير سخن هتاكلوا صوابعكم وراه.
دره....تسلم ايدك يا حبيبتي.
زكريا.....من بره الفطار فاضل عليه كتير يا ولاد
دعاء.....حالا اهو يابا.
البنات كانوا قاعدين يهزروا ويضحكوا مع حسن وعبدالله
في الوقت ده رن موبايل دانه علي الماسنچر بصت فيه و اټصدمت لما شافت اسم يوسف.
مكانتش عايزه ترد عشان دره متزعلش وعشان اخواتها كمان اتفقوا انهم ميردوش عليه.
لكن ڠصب عنها بعد كل اللي يوسف عملوا فيهم وفي دره في النهايه هو ابوها وهي مفتقداه ونفسها تسمع صوته والاهم كان عندها فضول تعرف هو عايز ايه وبيتصل بيهم ليه وليه بيحاول
ومصمم انهم يردوا
دخلت دانه بهدوء البلكونه ترد عليه.
...........
في نفس اللحظه كرم وكل العيله كانوا متجمعين علي الفطار .
مها.....شايفه يعني ان الجامعه بقت حلوه الوقت
محمد....بضحك عابزه ايه يا مها علي الصبح تلمحياتك مش بريئه
مها....بإبتسامه وانا قولت حاجه انا بنسأل بس اصل من وقت ما عرفت ان بنات دره معاكم وانا شيفاكم بسم الله ماشاء الله مهتمين بمرواحكم خير ان شاء الله
بكر.....جيبتوا لروحك
رفاعي.....مبسوطين اهي مسكت عليكم ذله
احمد....بتضحك يا جدي وشمتان فينا
رفاعي....ما انتوا اللي مفضوحين
محمد.....والله مفيش حاجه امي بس اللي بتحب تعمل حوار من غير حوار
مها....عليا يا ابن بكر
بكر.....بضحك يا ادي بكر وانا مالي ما توجهي كلامك لعيالك
مها....طب بذمتك انا بنعملوا حوار يا بكر ولا ولادك اللي مش سالكين
بكر.....الشهاده لله ولادي مش سالكين
ضحكوا كلهم علي بكر.
هيما.....علي رأي ابويا مفضوحين
محمد.....بلاش انت يا هيما عيب احنا حبايب بدل ما تدافع عننا
نجوي.....مالك ومال العيال ما تسبيهم وبعدين هما مش زمايل
مها....زمااااايل والنبي اسكتي ياما انتي طيبه ومش فاهمه حاجه دي عيال ناقصه ربايه
محمد....طب ودين محمد ما في اي حاجه من اللي في دماغك كل الحكايه اننا زي ما ستي قالت زمايل والبنات ميعرفوش اي حاجه هنا لسه فا بنخلوا بالنا عليهم
مها....هنعملوا روحي صدقت يا ابن بطني بكره نقعد علي الحيطه ونسمعوا الظيطه
احمد...حيطه ايه وظيطه ايه ما تسلكي من ناحيتنا شويه يا مها عيب احنا عيالك بردوا مش كده
كرم.....لو علي زمايل وجيران ومعارف ماشي بس اكتر من كده بلاش هااا البنات مش حملك يا صايع انت وهو
محمد....بضحك ايه ياخال هتصدق اختك بردوا وتسخنك علينا ده احنا حتي تربيتك
كرم....ما عشان تربيتي حافظكم وبنقولكم بلاش
بكر....بضحك ماشاء الله واثق في تربيتك انت يا كرم
كرم.....ماهو ده اخرت اللي يصاحب ولاد اخته ويعمل فيها الخال المثالي
احمد....اطمن يا خال مفيش حاجه بينا صدقنا غير هزار وضحك وزماله وعموما لو حصل اي تغير هنقولك
كرم.....ايوه اقع بلسانك كده وخليك دوغري
احمد....بضحك مش القصد بلاش تفهم غلط
كرم....انا عموما قولتلكم البنات مش حملكم ولا يفهموا طريقتكم خالص ومتنساش ان امهم مجنونه
نجوي......والنبي دي غلبانه
كرم.....الشبر ونص دي غلبانه دي كانت هتلبسنا مصېبه يا نوجا
رفاعي.....خاېفه علي بناتها ياكرم ومتنساش ان انت واختك وسونه اللي بدأتوا
مها....والنبي يابا كانت كلمه خرجت كده عادي
رفاعي....عارف يا بنتي يعني انا اصدق ان انتي او اخوكي تأذوها او تأذوا بناتها بس كلامكم اتحقق بالحرف قدام عينها وطبيعي كانت تشك فيكم
مها....لا بس خلاص هي مصدقه وبعدين رجعنا تاني كويسين متقلقش
رفاعي....ربنا ما يفرق ما بينكم تاني ابدا يا بنتي وبعيدا عن اي حاجه حصلت زمان البت راجعه موجوعه واللي فيها مش قليل.
مها.....انت عرفت اللي حصلها يابا انا بصراحه محبتش نسألها خصوصا ان كان اول مره تجيلي امبارح محبتش نضايقها
نجوي.....اللي اعرفه ان جوزها خاڼها
رفاعي....يارتها تيجي علي الخيانه
انتبه كرم لكلام لرفاعي كان عنده فضول يعرف ايه اللي حصلها مع يوسف.
...............
عند دانه فتحت الخط وهي مرتبكه
دانه.....ااا الو
يوسف.....دانه حبيبتي اخيرا رديتي عليا بتصل بيكي انتي واخواتك وواضح انهم عملولي بلوك ما صدقت انتي رديتي عليا
دانه....بحزن عايز ايه يا بابي
يوسف...عايز اطمن عليكم يا دانه عايز اعرف عاملين ايه
دانه....ليه يهمك في ايه يا بابي مش بردوا حضرتك اللي سبتنا وحضرتك اللي بعدت عايز تطمن علينا ليه
يوسف.....عشان مهما حصل انتوا بناتي يا دانه وانا هفضل ابوكم
دانه....حضرتك لسه فاكر الوقت اننا بناتك كان فين كلامك ده واحنا بنترجاك متبعدش عننا كان في كلامك ده واحنا بنقولك متسبناش وانت بتدينا ضهرك وبتقول خليكم مع مامي كان في كلامك ده وانت بتقول انك مش عايزنا تاني في حياتك عشان الست اللي انت اتجوزتها متزعلش
يوسف.....دانه بعيدا عن اي
حاجه حصلت انتوا هتفضلوا بناتي وانا مش متصل عشان اسمع كل ده منك
دانه....وهو حضرتك كنت مستني تسمع مني ايه والاهم يا تري مراتك عارفه انك بتكلمني ولا بتكلمني من وراها
يوسف....بإرتباك دانه ااا انا
دانه.....بضحكه سخريه من بين دموعها كنت متوقعه طبعا انه من وراها هستني ايه يعني من حضرتك غير كده عموما لو بتتصل عشان تطمن وتريح ضميرك ارتاح يا بابي احنا كويسين
يوسف.....طيب اهل مامي موقفهم كان ايه وانتوا فين الوقت معاهم ولا لوحدكم وبتصرفوا ازاي
دانه....اطمن يا بابي الناس اللي عمرهم ما شافونا قبل كده كانوا احن علينا منك ومتقلقش علي مصاريفنا مامي مش مخليانا عايزين اي حاجه ولا هي ولا اهلها.
يوسف.....دانه انا عايز رقمك ضروري.
دانه....ليه
يوسف.....عشان ابقي اكلمك واطمن عليكي وعلي اخواتك انا عارف انهم زعلانين عشان كده مش بيردوا ويمكن كمان دره تكون منبها عليكم متردوش عليا
دانه.....مامي عمرها ما هتقولنا حاجه زي دي بس احنا اللي مش عايزين نرد عليك عشان حتي لو هي مش هتقولها اكيد ممكن تضايق انك بتكلمنا واكيد هي معاها حق غريبه ترفضنا وتخرجنا بره حياتك وترجع تتصل عشان تطمن علينا.
يوسف....قولتلك يا دانه مهما يحصل انتوا بناتي وهتفضلوا بناتي يمكن انا الوقت معنديش حاجه اقولها ولا عندي اي مبرر
للي حصل