ابن ليل الجزء الخامس لأميرة أسامة

هيشوفه مني هيفضل فاكره طول عمره عشان كده بنقولكم متقلقوش اللي في دماغي اقوي بكتير من اللي في دماغ يوسف تمام يا سونه 
سونه بقلة حيله تمام يا دره معاكي وربنا يسترها و يارب بس ميتصلش غير لما حسن يقوله ان المكان تمام عشان مش عارفه لو كلمني ممكن نقوله ايه 
دره بإبتسامه سخريه ميتهيأليش
يوسف مش الشخص اللي عنده صبر وبيستني خطته تمشي خطوه خطوه عيبه انه متسرع ومستحيل يصبر لبعد بكره لحد ما حسن يكلمه من غير ما يكلمك ويأمن عليكي عشان يحسس نفسه ان كل الاطراف في ايده
ومعاه 
حسن بس بيتهيألي هو مس هيكلمها غير لما يحس ان اول جزء في خطته اللي هو المكان بقي موجود 
دره يمكن بس مظنش مش يوسف 
في الوقت ده رن تليفون سونه بصت في الموبايل وفجأه بصتلهم بتوتر 
سونه ده هو 
دره بضحكه سخريه بصتلهم قولتلكم معندوش صبر وحافظه دماغه 
بكر بإبتسامه عاش يا دره والله ردي عليه يا سونه وخليكي هاديه محدش يعمل صوت 
هزت سونه راسها بتوتر وبعدين فتحت الخط 
سونه الوووو 
وللحديث بقيه 
ابن ليل
صاحبة البطل الواحاد اميره اسامه
البارت السادس والأربعون 
في الوقت ده رن تليفون سونه بصت في الموبايل وفجأه بصتلهم بتوتر 
سونه ده هو 
دره بضحكه سخريه بصتلهم قولتلكم معندوش صبر وحافظه دماغه 
بكر بإبتسامه عاش يا دره والله ردي عليه يا سونه وخليكي هاديه محدش يعمل صوت 
هزت سونه راسها بتوتر وبعدين فتحت الخط 
سونه خدت نفس طويل و خرجته براحه عشان تحاول تبان طبيعيه وكمان تكون مقنعه ابتسمت عشان تدخل في المود الووو بااااشا ده انا قولت غيرت رأيك 
شاورتلها دره تفتح الصوت
هزت سونه راسها وفتحت 
يوسف بإبتسامه باينه علي صوته لا غيرت رأيي ده ايه انا بس كنت بجهز نفسي عشان لما اتصل عليكي ابقي عارف انا عايز ايه بالظبط المهم عامله ايه
سونه زي الفل عشان سمعت صوتك 
يوسف ده انا اللي مبسوط انك لسه فكراني و فاكره اني محتجالك
سونه وهو انت تتنسي بردوا ياباشا ده كفايه ان اللي احنا عايزينه واحد 
يوسف وانا بقي بكلمك عشان كده
دره طيب رسيني علي اللي في دماغك وانا في الخدمه 
يوسف طيب ما ايه رأيك نتقابل بكره عشان نتكلم احسن وش لوش انا عارف ان اكيد الوقت مش هتعرفي 
سونه الكدب خيبه يا يوسف باشا ولا بكره كمان
يوسف طيب ليه ده انا كنت عايزك ضروري عشان اعرفك اللي محتاجك فيه لان مفيش وقت
سونه طيب رسيني في الموبايل وانا هنفهموك اصل انت مش فاهم انا بنتي كانت عامله عمليه بسبب الحاډثه اللي حصلت وهتخرج بكره وانا مش هنقدروا نسيبوها
يوسف مفيش حد تسبيها معاه
سونه انا وبنتي بطولي يا يوسف باشا بس زي ما قولتلك رسيني علي اللي في دماغك وانا هنبقي معاك علي الخط متقلقش عليا انا نلقطها وهي طايره 
يوسف طيب يا ستي هفهمك بس قبل ما تردي او تعترضي اديني فرصه افهمك كل حاجه ومش عايزك تقلقي انتي هتكون مجرد همزة وصل يعني مفيش اي حاجه ممكن تبين ان انتي اللي وراها والاهم من كل ده لو نفذتي اللي انا عايزه بالظبط والخطه مشيت زي ما انا مرتبلها ليكي عندي مبلغ محترم و أعتبريه هديه مني ليكي 
سونه اولا يا باشا انا قولتلك من البدايه اني معاك في اي حاجه توجع دره ونخليها تجرب الۏجع اللي بسببها عيشت فيه ومتنساش ان انا اللي جيتلك وطلبت منك نبقي معاك مش انت اللي طلبت مني اما ثانيا وده الاهم سيبك من موضوع الفلوس صدقني يا يوسف باشا انا مش محتاجه فلوس تخليني نتحمس عشان نأذي دره زي ما أذتني وانا لو هساعدك في اللي انت عايزه مش عشان الفلوس انا هنساعدك من غير اي حاجه 
يوسف ياستي انا قولتلك هديه مني ليكي وزي ما انتي اللي عرضتي عليا من غير ما اطلب انا كمان اللي بعرض عليكي المبلغ ده من غير ما انتي تطلبي واظن ان انتي مكنتيش تعرفي من بدايه كلامي معاكي ان الموضوع في فلوس فا انا فاهم انك بتساعديني 
مش عشان الفلوس فل ده ملهوش علاقه بإتفاقنا اعتبريه فرحه بنجاح الخطه بتاعتي
سونه طيب نتكلموا في حوار الفلوس ده بعدين خلينا في المهم قولي طلباتك 
يوسف قبل ما اقولك طلباتي هقولك الاول انا عايز اعمل كده ليه الاول انتي من وقت ما دره رجعت عرفتي ايه سبب رجوعها
دره كل اللي عرفته من كلام الناس في الشارع انها اتطلقت وبس منعرفوش اي حاجه تانيه بيني وبينك فرحت فيها بس علي قد ما فرحت اضايقت زي ما قولتلك يا باشا دره زمان فرقت بيني وبين كرم فا بيني وبينك علي قد ما فرحت فيها علي قد ما خۏفت انها ترجع تشغله تاني خصوصا يعني اني مصدقت انه اتغير معايا وبقي في بينا كلام حلو وقدرت انسيهاله 
يوسف تمام هو يمكن صح إنها أتطلقت بس اتطلقت ليه بقي ده اللي انتي متعرفيهوش 
سونه طيب عرفني انت 
يوسف دره اللي طلبت الطلاق وصممت عليه فضلت فتره احاول معاها عشان البيت ميتخربش بس رفضت كنت بحاول اعرف السبب بس مكانش فيه انا عارف ان مفيش حد فينا ملاك بس صدقيني انا كنت حاطت دره فوق راسي وعمري ما زعلتها
دره كانت سمعاه وباصه للموبايل بقرف وكلها ۏجع
يوسف اكيد كلن بيحصل بينا زعل ومشاكل زي اي اتنين متجوزين بس عمري ما سيبتها زعلانه وكنت ديما سواء انا اللي غلطان او هي اللي غلطانه انا اللي كنت براضيها حاولت معاها كتير بس هي صممت وفعلا انفصلنا واليوم اللي انفصلنا فيه انا روحت قعدت في فندق وقولت تاني يوم هروحلها واتكلم معاها تاني يمكن تكون هديت او علي الاقل اعرف السبب اللي خلاها تطلب
الانفصال
نفذتلها اللي هي عيزاه عشان بس تهدي وتحس ان كلامها مشي وترتاح شويه تاني يوم روحتلها مكانتش موجوده ولا هي ولا البنات في الاول فكرت انهم خرجوا يشموا هوا او تغير جو عشان تهدي بس عدي حوالي ثلاث ساعات وانا مستني في جنينه الڤيلا قررت اتصل عليها موبايلها كان مقفول جربت اتصل علي البنات هما كمان موبيلاتهم كانت
مقفوله مش هكدب عليكي قلقت عليهم اوي ومكنتش مخون دره ابدا حاولت اوصلهم بكل الطرق لحد ما عرفت ان دره والبنات سافروا علي مصر بعد ما انفصلنا بحوالي ساعتين كنت عامل زي المچنون وبردوا مكنتش مخون كل اللي كان في بالي انها سابتلي البلد كلها ومشيت واني اكيد عملت حاجه زعلتها اوي
قولت خلاص مفيش اي حاجه في ايدي اعملها لحد ما توصل والموبيلات تتفتح واعرف ليه بتقطع كل حاجه توصلني بيها وليه سافرت وسابتني هي والبنات
روحت علي الفندق وفضلت صاحب لحد الصبح كنت ھموت من كتر التفكير واول ما الصبح طلع فضلت اجرب اتصل بردوا كان مقفول روحت علي الشركه
وهناك اټصدمت صډمه عمري لما عرفت ان هي خدت نصيبي في الشركه بيع وشراء بالتوكيل اللي عامله ليها
سونه بتمثيل يانهار اسود ومنيل 
ومش بس كده دي سحبت كل رصيدي في البنك حولته بأسمها كانت سيبالي مبلغ بسيط عشان مكتشفش ان الرصيد فاضي بسرعه حتي الڤيلا اللي كان لينا فيه احلي ذكريات بيتي اللي مليش غيره هو كمان خدته مني
سونه دي ايه دي دي جاحده طب هي ازاي تعمل كده فيك ده انت جوزها وابو بناتها
يوسف صدقيني مش عارف ولحد الوقت هتجنن ومش فاهم اي حاجه دي مشافتش مني غير كل خير بس دره دمرتني
سونه طيب ازاي انت معرفتش انها خدت منك كل ده غير بعد ما طلقتها 
يوسف فلوسي ومالي كله كان بين ايدها هي وانا عمري ما خونتها بس اللي عرفته ان دره كانت مجهزه كل حاجه قبلها باسبوع وانا عشان كنت مشغول بحوار طلبها للطلاق لا كنت مركز في شغل ولا مركز في اي حاجه مكانش فارق معايا اركز في اي حاجه غيرها هي وبس واني احاول اراضيها واخليها تهدي 
سونه طيب ومتأخذنيش بناتك موقفوش معاك
يوسف للأسف لا مع انهم كانوا قريبين مني جدا بس مش عارف هي ازاي عملتلهم غسيل مخ مش قادر أخمن هي قالتلهم ايه عني يقسيهم عليا بالشكل ده تصدقي انهم لحد اليوم ده عاملنلي بلوك عشان ميكلمونيش ولا اقدر اوصلهم 
سونه بس بردوا هما مهما كان لسه عيال الدور والباقي علي امهم هي اللي ملأت قلوبهم من ناحيتك 
يوسف مش فارق معايا هما مبقوش يلزموني ولو حصل فيهم ايه مش هيوجعوني هما مش مشيوا وراها وباعوني من غير سبب يبقي هما كمان في ستين داهيه
مسكت دره الكوبايه پغضب اول ما قال كده علي البنات
قرب منها حسن بسرعه هو وبكر وبصولها بحزن 
بكر بهمس اهدي عشان خاطرنا ده ميستاهلش 
بصتله دره بۏجع ورجعت ركزت مع سونه ومع كلامه
سونه طيب سيبك منهم خالص انا والله ما عارفه نقولك ايه ولا نطيب خاطرك ازاي بس قولي انت عايز ايه وانا معاك وبعد اللي عملته فيك تستاهل اللي يحصل فيها 
يوسف دره دمرتني يا ست سونه ولما ردت عليا بعد فتره قالتلي بكل جحود اني مليش حاجه عندها واللي خدته ده حقها وربنا عالم انا تعبت قد ايه عشان اوصل للي انا فيه المبلغ البسيط اللي سابته في رصيدي كلن يادوب يخليني اقدر اعيش بيه اسبوعين بس ربنا قدرني وكان ليا واحد صاحبي وكام عميل اعرفهم من سنين وقفوا جنبي وساعدوني والمبلغ اللي كان معايا علي قد ما هو كان بسيط بس سحبته كله واديته لصاحبي شغلهم والحمد لله عملوا مبلغ كويس استنيت شويه لحد ما ارجع اقف علي رجلي لاني لو كنت كلت وشربت وقعدت في الفندق من غير ما اشغل الفلوس دي مكنتش هقدر اكمل حياتي بعد كده بس وقفت علي رجلي واول ما حسيت ان الدنيا بترجع من تاني وده بفضل ربنا طبعا لان ربنا عارف ان عمري ما افتريت عليها ولا علي اي حد
حجزت علي طول ونزلت علي مصر عشان اقدر اجيب حتي لو جزء من حقي منها عرفت وقتها ان البنات كانوا في الحاډثه اللي حصلت ومهما كان انا اب مقدرتش استني لحظه وجريت عليهم ولما روحت حسيت اني وسط عصابه واتلمت عليا هي واهلها ووقفوا قصادي وحتي البنات رفضوا يشوفوني والباقي انتي عرفاه خرجت وانا في الحاله دي وانتي شوفتيني وعشان كده انا محتاجك معايا انا بدرو علي مكان فاضي ويكون بعيد عن دوشه الشوارع يكون مكان متطرف شويه وعايزك تجبيلي دره