ابن ليل الجزء الخامس لأميرة أسامة

تشوفك بصي انا عارف ان مريم اتعلقت بيكي اوي وبصراحه لما ياسين خرج وخدتها منك كنت حاسس انها هتبقي مضايقه وعيزاكي لان ده طبع مريم لما
بتحب حد بتتعلق بيع بشكل مرضي بس اتفاجئت ان رغم انها اتعلقت بيكي لكن مريم رجعت حد مختلف من عندك اكبر من سنها متفهمه كل اللي حاصل وعارفه انها كانت اكيد هيجي عليها وقت وتسيبك وترجع بيتها لان ده طبيعي هي فاجئتني وعرفت منها ان انتي كنتي بتكلميها ومفهماها كل ده وهي خدت بكلامك وعملت كده بس من امبارح مريم مش بتبطل عياط سواء انا قاعد معاها او سايبها لوحدها لا عايزه تامل ولا تلعب ولا تتفرج علي اي حاجه كل اللي بتعمله انها بټعيط وبتقولي انها عيزاكي 
سونه وانا موجوده طب ده انا هتجنن واشوفها بس انا مش فاهمه لما هي وصلت للحاله دي ليه مجبتهاش وايه اصلا اللي عمل فيها كده دي كانت مكلماني اول امبارح وكويسه حد ضايقها 
عمرو للأسف اه يعني هي حاجه بسيطه هفهمالك لما أشوفك بس انا فكرت يعني اني بدل ما أجيبها واكيد مش هينفع تيجي انتي هنا فا كنت بفكر اخدها هي وياسين مكان بيحبوا يروحوا يقعدوا فيه علي البحر فا لو وقتك يسمح وينفع تجيلها يبقي ياريت 
سونه انت بجد بتسأل يا دكتور ده انا اجيلها علي عيني قولي فين وامته وهكون عندك 
عمرو بإبتسامه رضا كنت واثق انك مش هتخذليني في طلبي
سونه أخذلك انت مش عارف غلاوتها لسه عندي طبعا هاجي 
عمرو طيب انا عموما هبعتلك العنوان عالموبايل وهو عموما مكان عام كافيه مفتوح علي البحر وفي كيدز إيريا للأطفال هنكون هناك علي الساعه سبعه هيناسبك 
سونه اه يناسبني لسه الساعه اربعه معايا وقت إن شاء الله هكون في المعاد 
عمرو إن شاء الله وانا في إنتظارك 
سونه بإذن الله سلام يا دكتور
عمرو مع الف سلامه 
قفلت سونه مع عمرو وعرفت منها سماح اللي حصل وبعد حوالي ساعه ونص قامت سونه وبدأت تجهز نفسها لبست بنطلون چينس وبدي بدرجات الازرق وعليهم كاريجان اسود مفتوح من قدام وطويل كان شكلها حلو بجد مع طولها وشكل جسمها كان مظهرها يخطف 
وصل عمرو في المعاد هو والولاد مقالش لمريم انها جايه وقال انهم هيتمشوا ويقعدوا في مكان عادي عشان كان عايز يفاجئها ومريم كان باين عليها الزعل بجد
فضلت قاعده حاطه ايدها علي خدها وباصه علي الاطفال اللي بتلعب ومش راضيه تقوم من مكانها ياسين فضل يتحايل عليها تقوم تلعب معاه مكانتش راضيه فا قعد هو كمان ومسك الايباد بتاعه 
الساعه سبعه وربع وصلت سونه واول ما وصلت كلمته عشان تعرف مكانهم لمحها عمرو وشاورلها
ابتسمت وراحت عليهم 
واول ما قربت عمرو بص علي مريم 
عمرو مريومه بصي كده مين جالك 
رفعت مريم عينها وبسرعه ابتسمت وجريت عليها
مريم سونه
ضمتها سونه بحب وفضلت تبوس فيها 
سونه قلب سونه من جوه وحشتيني اوي
مريم حضرتك كمان وحشتيني 
سونه ياسو عامل ايه
ياسين بإبتسامه جميله الحمد لله حضرتك كنت عارف انها جايه يا بابا 
عمرو اه يا سيدي قولت نعملهالكم مفجأه بس ايه رأيكم عجبتكم
مريم اوي
ياسين عجبتني بس هي فين سماح ليه مجاتش 
سونه سماح في البيت بتذاكر عشان امتحانتها 
ياسين انا كنان عندي امتحانات 
سونه ربنا معاك يا حبيبي وتنجح وتجيب احلي مجموع في الدنيا ونفرح بيك وتبقي احلي كابتن 
عمرو بإبتسامه مدلها ايده عامله ايه
سونه الحمد لله يا دكتور عمرو
عمرو بإبتسامه ما بلاش دكتور عمرو دي متفكرنيش بالشغل
سونه بضحك خلاص بلاش بلا شغل بلا ۏجع دماغ يا عمرو حلو كده 
عمرو حلو كده تعالي اتفضلي 
سونه راحت وراه وهي ماسكه مريم وحشتيني
مريم بأبتسامه مكسوره وحضرتك وحشتيني اوي انا قولت لبابا اني عيزاكي بس هو مقاليش انك هتيجي 
سونه اكيد عشان يفاجئك هو اول ما قالي مريومه عيزاكي سيبت اللي في ايدي وجيت هوا 
قعدوا كلهم وفضلت مريم ماسكه في ايدها 
عمرو تشربي ايه 
سونه ملوش لزوم والله انا جايه عشان اشوف مريم وياسين ونقعدوا مع بعض شويه
عمرو لا مش هينفع لازم تشربي واكيد هنقعد
سونه طيب اي حاجه هشرب علي ذوق مريم 
عمرو بإبتسامه لمريم طبعا الوقت هترضي تشربي يا ست مريم ادام سونه جاتلك 
مريم ايوه هشرب معاها 
عمرو طيب هتطلبوا ايه 
ياسين انا عايز ايس شوكليت بالاوريو 
عمرو ماشي و انتي يا مريم
مريم انا وسونه كمان هنشرب زي ياسين
ابتسمت سونه ورفعت حاجبها لمريم 
عمرو بإبتسامه لا سيبيلي انا سونه هطلبلها علي ذوقي وخليكي انتي وياسو في الشوكلت والاوريو بتاعكم 
مريم ليه ده حلو
سونه بإبتسامه هو حلو بس بصراحه انا مليش في الشوكلت ده خالص عارفه لو سماح هي اللي هتطاوعك فا خليني اشرب زي بابا
عمرو طيب تحبي تشربي ايه
سونه لو هتطلب ليك قهوه هشرب زيك 
عمرو بإبتسامه يبقي قهوه قهوتك ايه بقي 
سونه بشربها ساده
عمرو وانا كمان يبقي اتنين قهوه ساده 
نادي عمرو علي الويتر قاله الاوردر وفضلت سونه تهزر مع مريم وياسين شويه ورجع الويتر بالطلبات حطها وسابهم 
هزار مريم وضحكها كان واضح اوي لسونه ان مش دي مريم اللي كانت قاعده معاها وكلها طاقه بصتلها بهدوء وابتسمت 
سونه مبسوطه يا مريومه عشان جيت
مريم ايوه اوي انا اصلا كنت عايزه اشوفك
سونه اه ما هو بابا قالي وقالي كمان انك من امبارح زعلانه وبتعيطي ممكن اعرف بقي بټعيطي ليه ومين مزعل القمر 
عمرو كان باصص علي مريم بتأثر اول ما شافها سابت كوبايتها من ايدها ولمح في عينها دموع بصت لسونه ودموعها نزلت وبسرعه خبت رمت
نفسها بين ايديها وخبت وشها 
سونه بقلق ايه ده في ايه يا مريم مالك يا قلبي ايه اللي حصلك 
عمرو مريم مريم احنا مش اتفقنا نبطل عياط
سونه لحظه بس يا عمرو افهم بس مريم مالها وايه العياط ده كله 
ياسين هي زعلانه يا سونه
سونه ومين فيكم بس زعلها بالشكل ده وكملت كلامها من غير
ما تحس باللي بتقوله وكأنها بتتكلم بلسان أم انا رجعتهالك يا عمرو عشان تزعلها بالشكل ده 
عمرو انا والله ما زعلتها انا من امبارح بحاول اكلمها واخليها تبطل عياط 
ياسين بابا مزعلهاش
سونه طيب امال في ايه يا مريم
بصتلها مريم وهي بټعيط ببراءه ټقتل 
مريم ماما وتيته وحشوني اوي
سونه بحزن بس احنا اتفقنا يا مريم لما يوحشونا نعمل ايه منعيطش ولا نزعل ندعيلهم بس وهما هيحسوا بينا وبعدين ما هما لازم يوحشوكي كلنا عندنا ناس كنا بنحبهم وبعدوا عننا واكيد بيوحشونا بس مينفعش لما نفتحرهم نعيط هما كده يزعلوا مننا
مريم اصحابي امبارح كانوا بيضحكوا عليا عشان لبست الچاكت غلط وفضلوا يتريقوا عليا 
سونه طب وايه يعني ما انا نفسي اوقات بلبس الهدوم بالغلط لو نازله مستعجله او مش مركزه تفتكري يعني هفضل اعيط لو حد ضحك عليا اكيد لا طبعا عادي لا هعيط ولا هزعل روحي 
مريم بس انا مش بعيط عشان ضحكوا عليا انا بعيط عشان هما فضلوا يقولوا اصل مريم مش عندها ام ولا عندها حد يساعدها وفضلوا يتريقوا كلهم ويضحكوا عليا
بصتلها سونه بحزن وضمتها تاني وطبطبت عليها
سونه بس يا قلبي متعيطيش دول مش مؤدبين وبعدين اللي يزعلك اوعي تحسسيه انك زعلتي او يفرق معاكي كلامه لانه لو بيحبك مش هيعمل كده مش هيزعلك ولا يقولك كلام يضايقك 
بصت لعمرو وانت ازاي متروحش المدرسه تبهدل اهالي العيال دول والمدرسه اللي واقفه عليهم وسمحتلهم يعملوا كده 
عمرو مين قالك اني مروحتش بس المشكله ان ده محصلش في المدرسه ده حصل في التمرين امبارح بتاعها بس في النهايه دول اطفال اكيد مش هنمسك في خناقهم 
سونه علي الاقل تبهدل اهاليهم علي خلفتهم اللي فرحانين بيهم ومتسمحش لاي حد يوصل البت للحاله دي 
عمرو پغضب بسيط من وجعه علي بنته ووجعه علي وضعه وقلة حيلته انا اصلا مش فاهم هي بټعيط ليه احنا اتكلمنا بدل المره الف انها لازم تتقبل اللي حصل ولازم تفهمه انا اتكلمت وانتي اتكلمتي معقول مع اول موقف يحصلها ټعيط بالشكل ده وياريت وقفت علي العياط دي رافضه تروح التمارين هي عارفه اني مسكتش واتكلمت مع اهالي الولاد والولاد اتأسفوا عيزاني اعمل ايه تاني لازم تعرف ان اللي راح خلاص مش بيرجع ولو حتي فضلنا نعيط عليهم العمر كله 
سونه پغضب اسككككت انت ايه اللي بتقوله ده 
عمرو بنفاذ صبر كأنه ما صدق يخرج الضغط اللب جواه وبيعيشه من فتره انا تعببببت خلاص طاقتي خلصت 
سونه عمرو اهدي اهدي شويه
وبراحه العيال خاڤت بصت سونه لمريم وياسين
ياسين يا حبيبي خد مريم وروحزا العبوا سيبوني مع بابا شويه يلا يا مريم يلا يا قلبي روحي مع اخوكي وانا هجيلك الوقت وعشان خاطري بطلي عياط لو بتحبيني يلا يا ياسو خدوا العصير بتاعكم وروحزا العبوا 
ياسين تعالي يا مريم
راحت معاه مريم وهي بتمسح في دموعها بضهر أيدها 
بصت سونه لعمرو
پغضب بسيط
سونه انت ايه اللي بتعمله ده ايش حال ان مكنتش دكتور ومتعلم و فاهم ان طريقتك دي هتتعب نفسيتهم
دول عيال يا عمرو ومريم مهما حسستك انها قويه وعاقله ومهما ربنا هداها في النهايه دي طفله وده حقها احنا الكبار لما واحد فينا بيفتكر امه بينهار انت نفسك اهو راجل ومسؤول وعندك عيال ولحد الوقت فراق والدتك مأثر فيك عايز ايه من حتت عيله لسه اتحرمت من امها وستها وبقت لوحدها 
عمرو انا تعبت عارفه يعني ايه تعبت انا ملحقتش اشم نفسي من مۏت امهم بس حمدت ربنا الف مره ان امي كانت موجوده مكنتش حامل هم أي حاجه طول ما هي في الدنيا وفجأه هي كمان راحت وبقيت بطولي مع طفلين كل اللي كنت اعرفه عنهم الحبه اللي برجعهم بعد يوم كله تعب وارهاق يا دوب اكل معاهم ونلعب ونهزر شويه وبعدين انام عشان اعيد نفس اليوم تاني الوقت انا مطلوب مني اقوم بدور الاب والام والجده مطلوب مني اعمل حجات انا مش عارف كانت بتتعمل ازاي
سونه مريم امبارح قتلتني وانا شايفها بالشكل ده وهي ساكته دموعها نازله ومش عارفه تتكلم
انا بتجنن لما حد فيهم يعيط وهي من امبارح علي نفس الوضع ده ومش عارف اعمل ايه بس انا مفيش حاجه في ايدي اعملها في النهايه اللي وصلها للحاله دي اطفال في سنها ميفهموش حاجه
سونه تقوم تطلع غلبك عليها طب هي ايه ذنبها 
مسك عمرو أيدها وهو مش مركز من غضبه ووجعه 
بصت سونه پصدمه علي ايده اللي مسكت في ايدها ومنطقتش
عمرو وانا ذنبي ايه قوليلي في ايه انا مقصر فيه وانا احاول اصلحه بحاول اعوضهم بكل الطرق بحاول الاقي حد يعوض غياب الست بس مش عارف لاقيت بدل الواحده عشره
بس ولا واحده فيهم