ابن ليل الجزء الخامس لأميرة أسامة

ايه وقتها هيقولك ردي بسرعه ولا هيقولك لا استني
ابتسمت سونه وهزت راسها 
دره يلا سلام يا قلب اختك 
سونه سلام يا حبيبتي خدي بالك يابت في سلمه مكسوره تحت
دره بضحك اتكعبلت فيها وانا طالعه متقلقيش
سونه بضحك طب خلي بالك وانتي نازله سلام 
دره سلام 
بصت دره علي كرم وهي راحه لمها ملقتهوش واقف طلعت علي طول علي فوق
خبطت الاول علي نجوي وكالعاده الباب كان مفتوح
نجوي ادخل ياللي بتخبط الباب مفتوح
فتحت دره الباب وبصت وهي مبتسمه ولمحت كرم جوه بيشرب وواقف في وسط الريسبشن
دره وهو من امته الباب بيتقفل يا نوجا انتي مش هترتاحي لما حرامي يدخل يسرقك
ضحكت نجوي وقامت وقفت وهي فاتحه دراعاتها ليها بحب
نجوي لا والشهاده لله هتبقي امه دعياله عشان مش هنقدر نجري وراه رجلي وارمه 
قربت منها دره وهي بتضحك وضمتها بحب
دره انتي ايه حكايه رجلك اللي وارمه علي طول دي بصت بطرف عينها لكرم وهي رافعه حاجبها
ايه مفيش دكاتره في البلد 
نزل كرم المايه من علي بوئه وبصلها وهو مبتسم ورافع حاجبه 
كرم الله ما انتي حلوه اهو وبتعرفي تتريقي يا اوزعه
دره شايفه يا نوجا ابنك انا مش هنرد عليه عشانك 
كرم لا ردي يا شبر ونص و وريني لسانك الطويل علي الاقل اشوف فيكي حاجه طويله
نجوي بضحك باولا مالك ومالها وبعدين ماله طولها ماهي قمر اهي وبعدين
يعني امك اللي طويله اوي 
دره سيبك منه ده واحد فاضي هربان من شغله وطالع مش لاقي حاجه يعملها
كرم ايه بنشرب ولا بلاش
دره ليه ومفيش مايه تحت
كرم انا مش فاهم انتي بتتحشري ليه بنحب المايه بتاعت امي ليكي فيه يا اوزعه
دره بضحك هنديه بحاجه يا نوجا قوليله يحل عن دماغي 
نجوي لا سبيه يا بت انا بنحب نشوفكم وانتوا بتناقروا في بعض كده قلبي بيبقي طاير من الفرحه 
كرم راسها بحب
وابتسمت دره و طبطبت علي كفها
دره ربنا يفرح قلبك ديما يا احلي نوجا في الدنيا 
كرم بنقولك يا نوجا ابويا بينادي عليكي
نجوي هو طلع 
ضحكت دره وحطت ايدها علي وشها
بصلها كرم وابتسم وبعدين بص لنجوي لا طلع ايه ده بينادي عليكي من البلكونه
دره بضحك متسمعيش كلامه يا نوجا ابنك بيوزعك من الاخر
نجوي احييييه شوف وانا اللي صدقته بتوزعني يا ولا عايز تستفرد بالبت
كرم بضحك في ايه يا نوجا ده انتي امي حتي 
دره وامي انا كمان وريح روحك لا هي هتتوزع ولا انا هنفضل معاك انا طالعه لمها
كرم خدي يابت هنا 
نجوي بضحك يابت تعالي اشربي معايا القهوه طيب
دره هنقعد مع مها سويه ونجيبها وننزل نشربها معاكي يكون كرم وشيطانه نزلوا
كرم بضحك بقي كده يا شبر ونص ماااشي طب قابلي بقي هااا قابلي اللي شيطانه هيعملوا فيكي
يابت الجمال
دره بضحك نقابله فين
كرم أحلوي عليا اكتر يا اوزعه ماشي بس هتروحي مني فين
نجوي بضحك مستنياكي يا دره
دره حاضر يا نوجاااا
طلعت دره وفضلت مجوي مبتسمه وقلبها طاير من السعاده قربت من كرم في كتفه بحب 
نجوي ربنا يديم علي قلبك السعاده والهنا يا ابن روحي
كرم بحب ايدها ويديمك في حياتي يا ست الكل
نجوي البت بتحبك يا ولا
كرم بإبتسامه عارف وانا بڼموت فيها 
نجوي ربنا ما يحرمكم من بعض ويقرب البعيد بينكم
كرم يارب يا امي يلا انا نازل مش عابزه اي حاجه
نجوي لا يا قلب أمك عايزه سلامتك
كرم سلام يا حبيبتي
نجوي سلام يا حبيبي
خرج كرم سمع دره بتخبط علي الباب وعامله حفله عشان مها تفتح 
بص كرم لفوق وهو بيضحك
كرم طبلي طبلي يارب تخرج تسمعك اجدعها ربع
دره بضحك اطلع منها يا ابن الرفاعي صاحبتي متعملهاش
فتحت مها في الوقت ده وهي بتصوت في وش دره 
مها ايييييييه ما براحه وانا قاعده وراء الباب يابت
دره بهمس منك لله هتفرحيه فينا لسه بقول فيكي اشعار
مها وهي رافعه حاجبها هو مين
كرم بضحك من تحت صاحبتي متعملهاش هااااا بت يا مها
بصت مها من السلم وهي بتضحك
مها ايه يا قلب اختك
كرم بضحك وصياك الشبر ونص دي سمعيها اجدعها ربع
مها سمعتها خلاص وشمتك فينا 
دره اتكل علي الله يا بوتجاز وانتي يا اختي ادخلي قدامي نهارك اسود انتي وهو
ضحك كرم عليها ونزل ومها دخلت وهي بتضحك
وقفلت الباب
دره بتفرحيه فينا يابت 
مها احيه ما انتي اللي جايه بزفه وبعدين انا فكرتك حد من عيالي هما اللي بيخبطوا كده
دره طب انجري هاتيلي مايه
مها عيني اقعدي رجعالك علي طول 
قعدت دره وغابت مها شويه و بعدين رجعت معاها مايه وعصير
دره انا قولت مايه ضيفه انا للعصير ده
مها مين دي يابت اللي ضيفه وبعدين انا عارفه انك بتحبي عصير المانجه قومت عصرتلك مخصوص
دره بحب تسلم ايدك يا قلبي
مها المهم قوليلي عامله ايه طمنيني عليكي 
رفعت دره رجلها ربعتها وقعدت قدام مها وبسرعه مها ابتسمت وعملت زيها وبقوا قاعدين علي الكنبه قصاد بعض 
دره زي ما انتي شايفه كويسه جدا ويمكن اول مره احس بالراحه دي يا مها
مها عارفه وباين عليكي اوي مش هنكدب عليكي يا دره من بعد ما رجعتي وعرفت كل اللي حصل معاكي واللي لسه كان بيحصل قلقت وطول الوقت كنت خاېفه عليكي احسن تقعي من طولك ولا تعملي في روحك حاجه بس الحاجه الوحيده اللي كانت مطمناني عليكي هو وجود كرم جنبك كنت عارفه انه مش هيسمح لأي حاجه تحصلك
دره بإبتسامه بعيدا يعني عن انه اخوكي وانتي اكيد اكتر حد فاهمني وعارف اللي بيطلع من قلبي كرم ده احلي حاجه حصلتلي في حياتي يا مها سيبك بقي من شغل العيال اللي كنا بنعمله في بعض بس بجد لولا وقفة كرم معايا كان زماني بجد عملت حاجه في نفسي
مها بعد الشړ عليكي يابت متقوليش كده وبعدين انتي عارفه ان كرم بيحبك وبيحبك بجد كرم بيعتبرك بنته يا دره بيعتبرك نصه التاني ديما لما كنت بنسمع كلام كرم او بنشوف نظرته ليكي في عينه كنت بنشوف مش مجرد راجل بيحب
ست ولا واحد معجب بواحده وبيتمني تكون شريكة حياته نظرات كرم ديما مختلفه يا دره كرم بيشوفك بنته الصغيره اللي عايز يدلعها ويطبطب عليها طول الوقت بيعتبرك بنته اللي مستعد ياكل قلب اللي قدامه لو فكر بس يزعلها او يتسبب في نزول دموعها كرم بېموت يا دره لو لمح دموعك ويومه كله بيتقلب وبحس انه هاين عليه يجري يخبيكي جواه ويفضل و اخدك علي صدره يحايل و يراضي فيكي لحد ما تنسي وجعك هو مش شايفك كبرتي يا دره شايفك لسه العيله الصغيره أم ضفاير اللي هو مسؤول عنها لدرجه يا دره ان هو استكفي بيكي وبحبك ومش عايز اي حاجه غير انك تتكبي علي اسمه وبس ومستعد انه يضحي بأي حق ليه عشان بس يفوز بيكي انتي 
بصتلها دره بإبتسامه حب وبعدين ركزت في اخر جمله 
دره تقصدي ايه بانه مستعد يضحي بأي حق ليه
خرجت من مها تنهيده طويله وبعدين بصتلها 
مها هحكيلك بس اوعديني متعرفيش كرم باللي هنقوله
دره مش محتاجه اوعدك يا مها طول عمرنا سر لبعض
مها اولا كده الولا هيما بيحب بنتك دارين
ابتسمت دره ومعلقتش
مها من كام يوم كنت واقفه انا وهو في البلكونه وكانوا بيكلموا بعض واول ما دخلت عليه قفل
وطبعا متقوليش لبنتك اني فتنت عليهم احسن اخلي ليلتك طين
دره بضحك لا مش هقول عشان انا عارفه
مها عارفه احيه طب نخليها بعدين دي خلينا في المهم المهم اتكلمت انا وهيما وعرفت انه بيحبها ولما سألته خبيت ليه قال عشان انتي وكرم علاقتكم مكانتش تمام وكان خاېف لو كرم عرف يزعل منه المهم دخل كرم علينا وعرف واتكلمنا كتير وقعدنا نضحك عن صلة القرابه اللي هتكون بينكم وخصوصا لو دانه وهيما اتجوزوا وخلفوا فا المهم قولتله ولو دره خلفت اللغبطه هتبقي اكتر فا كرم رد عليا وقالي لا من الناحيه دي اطمني مش هنلغبطكم عشان مش هيبقي في بينا عيال وجات امي في الوقت ده واټصدمت من كلمته وفضلت تقوله ليه يا ابني وليه عايز تحرمني من اني اشوف ولادك وتحرم روحك من انك تكون اب
رد كرم وقالها عشان مش مستعد نخسر دره او يكون الموضوع ده نقطه خلاف بينا دره معاها بنات وكبار مش صغيرين الموضوع هيبقي صعب عليها وانا مش مستعد احطها في الموقف ده حتي لو هنحرم روحي من اني نكون اب بس كفايه اني افوز بيها هي 
سكتت مها ثواني وبعدين بصتلها
مها بصي يا دره انا لايمكن اتدخل في اللي لينك وبين كرم ابدا وكفايه عليا اشوف انتي وهو تحت سقف واحد بس انا عابزه أسألك سؤال واعتبري ان الوقت بتتكلمي مع مها صاحبة عمرك واختك مش اخت كرم
انتي فعلا الموضوع ممكن يبقي صعب عليكي
دره بصي يا مها أولا الموضوع صعب الموضوع سهل انا عايزه انا رافضه ده بيبقي مجرد رأي ليكي مش أكتر لكن في النهايه اللي ربنا عايزه هو اللي هيكون 
نيجي بقي للرد علي سؤالك يمكن لو كرم مكانش موجود اصلا او مكانش في بينا اي حاجه مكنتس عمري فكرت في الجواز وبردوا اللي بنقوله ده اللي جوايا لكن الله أعلم ربنا كان هيخليني أعمل أيه 
بس في العموم انا لا يمكن كنت فكرت في الموضوع ده خالص
بس وجود
كرم خلاني افكر في علاقتي معاه حبيته من قلبي
مها انا حبيت اخوكي تقريبا من اول يوم شوفته بعد ما رجعت مصر ووقتها مكانش طايقني كل اللي جواه من ناحيتي كان ۏجع وڠضب كل معاملته ليا مكانتش حلوه ومع كل ده انا بجد حبيته
لان في عز غضبه مني كان باين في عينه انه بيحبني واول ما شافني في موقف صعب متحملش وجري ورايا وحاول يهديني كرم انا لو فضلت اتكلم عنه مش هقدر اوفيه حقه ودي كلمه يمكن تكون بتتقال كتير بس معناها كبير اوي للي كرم عمله و بيعمله 
فا تفتكري يا مها بعد كل ده انا ممكن اجي علي حق كرم تفتكري بعد ما اتجوزت وعيشت حياتي وربنا رزقني بتلات بنات
أرجع بعد العمر ده كله الاقي كرم لسه مستني وانا احبه واوافق علي الجواز منه بس اشرط عليه اني مجبش منه اطفال 
انتي تعرفي عني كده يا
مها تعرفي عني اني انانيه 
مها بحب عمري ما شكيت في حنيتك لحظه يا دره وعمرك ما كنتي أنانيه بس بردوا انا مش فاهمه اوي كلامك ده معناه ان الموضوع مش صعب عليكي 
دره حتي لو صعب يا مها بعد الكلام اللي حكتيه اللي دار بينكم وبعد رد كرم انا لو رافضه الموضوع هقبله عشانه هو كفايه انه لحد يومنا ده من وقت