ابن ليل الجزء الخامس لأميرة أسامة

بتحبه وكانت عارفه من هيما لما شكرته علي موقفه ساعت الفستان في عيد ميلاده وعرفت انه بيحبها فتحت الخط وهو رد علي طول
هيما ايه ياحبيبي عامله ايه الوقت
دره بإبتسامه انا دره يا هيما
هيما بإرتباك وتوتر وإحراج اااا دره اااا انا
دره في ايه يا ولا انت هتتوتر من اولها ما انا عارفه اللي فيها يا يا اخويا انت وهي 
هيما ضحك بإحراج طب براحه شويه يا دره انا ناقص إحراج
دره انا قولت نرد عليك ونعمل فيها حما ونرخم عليك بس صعبت عليا 
هيما حبيبتي يا دره والله انتي عامله ايه
دره بخير يا هيما انت اخبارك ايه 
هيما زي الفل والله 
دره معلش بقي اني رديت كنت عايزه نرخم عليك شويه وبعدين دارين هي اللي سايبه موبايلها هنا وبتذاكر
هيما انا متصل عشان أشوفها كلمتها من كام ساعه كانت قاعده ټعيط بسبب المذاكره
دره والنبي اسكت احسن فاضلي تكه وهطفش ومحدش يعرف مكاني
هيما بضحك ليه كده بس
دره وبتسأل كمان انا بسبب الامتحانات دي عايشه في نكد وتوتر اعصاب كل شويه ټعيط وديما ترد عليها كأنهم بيجاملوا بعض والله اهون عليا نروح نمتحن بدالهم ولا اني اعيش معاهم في النكد ده
هيما بإبتسامه معلش هما ڠصب عنهم بيحاولوا يلموا كذا ماده والوقت بيجري وضاع وقت كتير وقت الحاډثه فا ڠصب عنهم
دره ياسيدي انا قولتلهم راضيه بأي تقدير ولو مفيش تقدير خالص وشالوا السنه مش هنزعل ومقدره الظروف اللي مروا بيها بزمتك في ام طيبه كده زيي نعملهم ايه تاني
هيما بضحك صراحه عداكي العيب ومفيش ام مصريه اصيله بتقول لولادها شيلوا الماده عادي عندنا هنا بيرفعوا ابو ورده علي طول
دره بضحك ما انا قولت نبقي أم اسبيشيال بس اللي في طبع بقي هما مصممين عالنكد
هيما لا هما عايزين يفرحوكي وميخذلوكيش ونفسهم ينجحوا بتقدير كمان 
دره عارفه والله يا هيما ومقدره المجهود اللي بيعملوا بس انا صعبان عليا اشوفهم مضغوطين بالشكل ده ومقدره الظروف اللي عاشوها في بدايه الترم والمشاكل اللي كانت بتحصل الفتره اللي فاتت والحاډثه عشان كده عيزاهم يتاعملوا بهدوء وميوتروش نفسهم بالشكل ده البنات نفسيتهم تعبانه اوي انا
حتي قولتلهم اخرجوا غيروا جو عشان تعرفوا تفصلوا بدل ما انتوا حابسين نفسكم وترجعوا تذاكروا بنشاط وطاقه بس رفضوا
هيما هي كلها اسبوع وبعدين الامتحانات تبدأ ويخلصوا بقي ويرجعوا احسن من الاول بس انتي يعني ذكرتي دارين وديما في العياط والنكد بالنسبه لدانه ضړباها صرمه ولا ايه
دره بضحك لا والله بتذاكر بردوا وضاغطه علي روحها بس دانه مختلفه عن الاتنين دول لما بتحس انها هتعيط بتقوم تملأ البانيو وتقعد ساعه في الحمام تاخد شاور وتقوم تعمل ميكب اب عشان تفصل وتحسن نفسيتها وترجع تاني تذاكر
هيما طب والله جدعه بتعالج نفسها بنفسها ودي احسن حاجه
دره قولتلهم يعملوا زيها اوقات الحاجات دي بتغير النفسيه فعلا بس ولا هما هنا بدخلوا با خدوا شاور بسرعه ويخرجوا جري علي الاوضه يذاكرو كأن الدنيا هتطير 
هيما طيب انا بصراحه كده بما انك رديتي يعني واتكلمنا هستأذنك في حاجه 
دره قول يا هيما طبعا انت هتستأذن 
هيما بصي لما كلمت دارين من شويه وسمعت صوتها بالشكل ده يعني روحت جيبتلها حاجه كده بسيطه هي والبنات يعني عشان يفصلوا شويه و مودهم يتغير وبصراحه كنت هتصل بيها عشان تاخدهم بس بما انك رديتي ينفع يعني تقابليني علي السلم وتاخديهم مني 
دره بإبتسامه
وسعاده انت بتستأذن يا هيما انت عارف ان الحاجه دي هتبسطها اكيد اعملها وانا مش همانع ويلا اطلع انت بنفسك اديها اللي انت جايبه 
هيما ااا لا ماهو الوقت متأخر مش هينفع نطلع انتي عايزه كرم يعلقني 
دره بضحك اطلع يا خواف مش هيعلقك هو هيتبسط اصلا يلا مستنياك 
هيما بإبتسامه طيب افتحي الباب هنديهم الحاجه من عالباب وننزل علي طول
دره يلا مستنياك 
ثواني وكان الباب بيخبط كلن واقف هيما محرج بس مش قادر يمنع نفسه في انه بكون سبب ولو بسيط في فرحة دارين 
فتحت دره الباب سلمت عليه مكانش راضي يدخل بس صممت انه يدخل فا سمع الكلام لكن فضل واقف جنب الباب
دره يا ابني ادخل اقعد انت دخلت خلاص
هيما معلش ناديهم بس عشان ننزل
دره ماشي دارين دانه ديما تعاااالو 
خرجت ديما اول واحده وبعدها دانه ووراهم دارين اللي اټصدمت من وجود هيما وكان باين عليها انها معيطه من عنيها الحمراء 
دارين هيما 
هيما عامله ايه عاملين ايه يا بنات
ديما الحمد لله يا هيما 
دانه بإبتسامه وهي بتغمزله ده ايه المفجأه القمر دي
هيما بضحك اي خدمه
دره بإبتسامه هيما جايبلكم حجات عايز يديهالكم 
دانه ايه ده حجات ايه عايزه اشوف
هيما بإحراج كان ماسك ثلاث شنط قرب واحده من دانه 
دي حاجه بسيطه يعني تغير المود بتاعكم شويه وتفضلوا من المذاكره
مسكت كل بنت فيهم الشنطه لقوها مليانه شيكولاتة ومارشميلو وكاندي
ديما ايه كل ده الله
دانه جيت علي الچرح يا هيما ده انا مستعده بعد الشنطه دي اذاكر المنهج بتاع السنادي والسنه الجايه 
هيما المهم تذاكروا وتفكوا شويه مد ايده بشنطه دارين كان فيها نفس الحجات وزياده عليهم فيها عروسه باربي شعرها اسود طويل فيها شبه منها
دارين بإبتسامه وإحراج ميرسي يا هيما بجد بس ده كتير اوي
ابتسمت دره وغمزتلها 
هيما مش كتير ولا حاجه خلصيهم انتي بس وليكي عليا اجيبلك كل يوم شنطه المهم تبطلي عياط عشان تقدري تركزي 
وكأنه بكلمتها دي داس علي الزار وقالها عيطي اكتر 
دارين بدموع زي الاطفال بس انا مش عارفه اركز خالص ونسيت كل حاجه وبجد والله تعبت
دره بتأثر وهي بتضحك اهو اتفضل يا سيدي اهو انا عايشه في ۏجع القلب ده كل ثانيه
دانه طيب انا بقول انسحب يا هيما عشان لو قعدت قدام دارين وديما هقطع شراييني وميرسي بجد عالشوكلت دي كلها يا حلي هيما في الدنيا
هيما بإبتسامه حبيبتي يا دانه يلا انسحبي فعلا عشان تعرفي تركزي وانتي كمان يا ديما اتكلي علي الله عشان شايفك هتبدأي الوصله انتي كمان 
ديما بتأثر ابتسمت ميرسي يا هيما بجد والله مش عارفه اقولك ايه
هيما ولا اي حاجه المهم تركزي وتبطلي تفكير وعياط عشان كده والله بجد مش هتعرفي تلمي اي حاجه 
دره روحي انتي يا ديما يلا كملي
ديما حاضر باي يا هيما
هيما باي 
بص هيما لدارين كانت واقفه ټعيط شكلها حاسس ونفسيتها باين انها مش احسن حاجه
هيما بصلها بحب في ايه يا دارين ده اللي احنا اتفقنا عليه خليتي تيه للعيال الصغيره
دره دارين يا حبيبه قلبي اللي عايز ينجح بيدور علي اي حاجه تحسن نفسيته مش بيوتر نفسه بنفسه اللي بتعمليه ده مش هيخليكي تركزي ولا هتقدري تلمي المواد 
دارين يامامي المواد كتير
كل الاي ذاكرته دخل في بعضه فرق الدراسه بين هنا وامريكا واضح وانا والله بحاول بس خاېفه وخۏفي مش مخليني عارفه اركز
هيما طيب لما انتي عارفه كده تنكدي علي نفسك اكتر وتخوفي روحك مش صح كده يا دارين
دره يبقي متضغطيش علي نفسك يا دارين انا قولتلك حتي لو السنه راحت والله ما هزعل وانتي كمان متزعليش لان ده هيبقي نصيب والسنه الجايه با ستي هتبقي بدأتي الترم من اوله وهتقدري 
هيما لا يا دره اللي بتقوليه ده مش صح انا عارف انك خاېفه عليها بس هي مش هتعمل كده دارين هتذاكر وهتلم المنهج وهتبطل عياط بمزاجها او ڠصب عنها وهتنجح و انا عن نفسي مش هقبل اقل من تقدير جيد جدا كمان توقفي اللي بتعمليه ده عشان تقدري تركزي اللي انتي فيه ده هيتعبك وهتدخلي في اكتئاب شدي علي نفسك يا دارين متفكريش في اي حاجه سلبيه عشان انا واثق انك مدخله كل حاجه في بعضها
بصتله دارين وفضلت ټعيط 
هيما ايه بتبصيلي كده ليه مش عاجبك كلامي صح حتي لو مش عاجبك يا دارين انتي معندكيش حل تاني وڠصب عنك هتقبليه انا لا عايز دلع ولا عايز اللي انتي بتعمليه في نفسك ده
أقوي شويه يا دارين ومتبقيش ضعيفه كده 
دارين بصت لدره وهي بټعيط انا مش بتدلع يا مامي والله قوليله حاجه
دره بسعاده حاولت تخفيها حست انها شايفه كرم الصغير رفعت كتفها انا مليش دعوه انتوا حرين مع بعض وهو بيتكلم صح 
هيما اسمعيني يا دراين وديني محمد لو عرفت انك عيطتي تاني وفضلتي علي حالتك دي مش هنكلمك لحد اخر الامتحانات وانتي عارفه اني قد كلامي 
دارين يا هيما بقولك كل حاجه داخله في بعضها انا بقضي وقت في المذاكره اكتر ما بقضيه في النوم والاكل اسال مامي انا مش برتاح لحظه
هيما انتي كده يعني بتطمنيني ما اللي انتي بتعمليه ده مش صح
دره قولتلها بس هي مش بتسمع
الكلام لا بتاكل ولا بتشرب زي الناس واديك شايف منظرها في اسبوعين عملت ازاي حتي الشاور تاخده بسرعه وتخرج تربط شعرها مش فاضيه تسرحه بدخل غليها اتحايل عليها تنام عينها بتقفل ومش راضيه تسيب الكتاب نعمل ايه تاني تعبت بجد 
هيما انتي فاكره يعني لما تفضلي حاطه وشك في الكتاب من غير نوم ولا راحه هتبقي شايفه انتي بتذاكري ايه اصلا
دارين طب قولي اعمل ايه وانا هعمله بس اعمل حاجه تخليني اعرف اركز ومنساش اللي بذاكره
هيما هتدخلي الوقت تاكلي وتاخدي شاور وتصلي وعالسرير عدل لا تظبطي منبه ولا تقولي لحد يصحيكي عشان تصحي الصبح فايقه وتعرفي تركزي تهتمي بأكلك الفتره الجايه عشان مذاكره من غير اكل يعني زيرو تركيز ولما تصحي الصبح هي ماده واحده اللي تتحط قدامك بلاش زحمه الكتب الكتير 
دره شوفتي مش قولتلك الكتب اللي رصاها قدامك كفيله تحبطك وتحسسك انك مش هتخلصي اي حاجه ولا هتلحقي
هيما تخلصي الماده وتقومي تعملي اي حاجه ولو حسيتي انك فصلتي وقادره تكملي خدي ماده غيرها مش قادره نامي شويه وافصلي تاني مش عايزه تنامي اتفرجي علي اي حاجه بتحبيها
وتاكلي سامعه تاااااكلي كلامي مش هنكرره تاني يا دارين وهنسأل دره مش هنسألك انتي خالص اتفقنا 
هزت دارين راسها وهي بتمسح في دموعها
هيما اتفقنااااا
دارين حاضر يا هيما 
ابتسم هيما بحب وبصلها بنقولك ايه ادخلي حطي الشيكولاته دي كلها عالسرير ونامي وسطهم وانسي المذاكره الوقت خالص
ضحكت دارين من بين دموعها
دره رفعت حاجبها لهيما وهي بتضحك اه ونصحي نلاقي النمل شايلها وبيلف بيها في الشقه
هيما بضحك يلا اهو عالاقل يفسحوها ويخلوها تتحرك شويه
دارين اتريقوا عليا اخلص بس امتحانات وهاخد حقي منكم
هيما خلصي واعملي يا ستي اللي انتي عيزاه بس والله يا دارين اللي بنقولك عليه هو الصح وهتعمليه ڠصب عنك اتفقنا
دارين حاضر
هيما جايبلك عروسه شبهك صحيح نامي انتي وخليها هي تقعد تذاكر