ابن ليل الجزء الخامس لأميرة أسامة
طلعت عاقله يلا يا جدع بقي الاكل هيبرد
نجوي اتفضل يا ابني
عبدالله تعالي هنا يا دكتور وانت تعالي جنبه يا كرم
كرم يلا انا جاي
سونه تعالي يلا احنا يا دره عند البنات
دره تمام يلا
عمرو تعالي يا مريم
مريم لا انا هاكل مع سونه مسكتها من ايدها بسرعه
عمرو بقي كده يا مريم طيب
رفاعي يعني اطلع منها يا دكتور
عمرو بإبتسامه خلاص هنطلعوا منها
خرجت دره وسونه ومريم وهما كلوا مع بعض عمرو مكانش ليه نفس ولا قادر ياكل اصلا بس هما مسابوهوش
نبيله ايه يا دره كل ده
نبيله طيب يلا عشان الفراخ هتبرد يا بنتي انتي مبتحبيش الاكل بارد
دره يلا يا حبيبتي
دانه لا يا سونه شكرا يلا كلي انتي وانا بأكل سماح عشان دراعها
سونه هتعرفي تاكلي منها يا دانه
دانه اه متقلقيش باكل وبأكلها يلا كلوا انتوا بقي
نبيله سبيهم هما مع بعض بقي ويلا كلي وطلعي للبت الصغيره اكلها
سونه يلا يا مريومه كلي حبيتي
نبيله تخلصي اكلك كله يا مريم
مريم حاضر
ديما باكل يا مامي كلي انتي بقي
دره دارين محتاجه حاجه يا روحي
هزت دارين راسها من غير ولا كلمه
سونه بصت علي دارين ولمحت الحزن في عين دره غمزتها بهدوء يلا كلي انتي سبيها هي بتاكل متقلقيش عليها
اتنهدت دره وهزت راسها لسونه وبعدين بدأت تاكل هي كمان
بكر بنقولك يا كرم هما مش المفروض بعد العمليه عموما لازم الواحد يتحرك
مها بس سماح مكسوره
كرم ايوه الكسر في ايدها مش رجلها ولا ضهرها لا قدر الله او الحوض الحالات دي مينفعش فيها حركه غير علي الاقل ثلاث شهور
كرم والله ابنك اللي كسلان محدش قاله اقعد
محمد يعني ينفع اقوم عادي
كرم حد ماسكك
ما تقوم العمليه في عينك مش في رجلك
عبدالله طيب شد حيلك يا بطل وبعد ما تاكلوا وتظبطوا نفسكم اتمشوا حبه بلاش القاعده دي
محمد ماشي
احمد طب وانا يا خال انا زهقت من القاعده دي اوي
كرم اتحرك يا احمد بس حركه هاديه متتعبكش عشان اي حركه غلط رقبتك هتطول
زكريا طمني علي ابنك يا ابني حالته ايه
عمرو والله يا حاج الحمد لله علي كل حال طلع من الرعايه انهارده والحمد لله حالته مستقره
زكريا ربنا يطمنك عليه يارب
عمرو يارب يا حاج ويطمنكم علي الشباب والبنات
بعد حوالي ربع ساعه كانوا خلصوا اكل
نجوي ما تاكل يا ابني انت مكلتش
عمرو لا والله الحمد لله كلت و شبعت كمان تسلم ايديكم يارب
نجوي بألف هنا يارب
عمرو هنستأذنكم انا بقي عشان نروح نشوف الشغل وكمان هناخد معايا مريم شويه
كرم هتاخدها فين سيبها هنا مش هتعرف تتحرك بيها
عمرو عشان نريح منها الست سونه شويه وكمان عشان مريم متحسش اني سايبها
رفاعي لا مواخذه يا ابني في السؤال
عمرو اتفضل يا حاج
رفاعي انت ناوي تعمل ايه مع ولادك خصوصا يعني اني عرفت ان والدتهم متوفيه
عمرو بتنهيدة حزن والله يا حاج انا ناوي اشوف مربيه هي مش هتبقي مقيمه معاهم شغلها هيكون من الصبح لحد ما نرجع من شغلي بس طبعا انا لسه انهارده بحاول استوعب اللي حصل بس اكيد من بكره هدور كمان انا محتاج واحده بمواصفات معينه يعني تكون بتقدر تسوق عربيه عشان دروس الولاد ومدارسهم وتمارينهم فا لسه مش عارف والله هنعمل ايه
كرم متقلقش سهله إن شاء الله انت بس خد وقتك وكل حاجه هتتحل
رفاعي خير يا ابني إن شاء الله وربنا يوقعك في واحده بنت حلال تقدر تطمن علي ولادك معاها
عمرو يارب يا حاج دعواتكم
نجوي ربنا يريح بالك وقلبك يا ابني
عمرو تسلمي يا ست الكل يلا هروح انا عشان ناخد مريم بعد اذنكم
الجميع اتفضل
نجوي الجدع ده مقطع قلبي اوي
دعاء وانا والله يا نوجا ربنا يكون في عونه حمله كبير اوي
مها ربك مبينساش حد وإن شاء الله حاله يتصلح
نجوي يارب
خرجت سونه مع مريم لدكتور عمرو
سونه هتروحي مع بابا وتسبيني يا مريومه
مريم بإبتسامه جميله معلش بقي يا سونه شويه صغيره وارجعلك تاني متزعليش
سونه لا يا قلبي انا مش زعلانه بنهزر معاكي روحي يلا وانا هنقعد نستناكي
عمرو ست سونه انا مس عارف نقولك ايه والله علي كل اللي عملتيه
سونه ايوووه عليك كل ما هتشوفني
هتقول كده ما قولنا احنا مفيش بينا الكلام ده مريم زي بنتي وانت زي اخويا ربنا يعلم والله اني حبيت مريم اوي ولو يطلع في ايدي نعمل اكتر من كده مش هنتأخر
عمرو اكتر من كده يبقي طمع انتي شيلتي من عليا حمل وهم كبير اوي يمكن انا عمري ما تخيلت اني اعيش لحظه من غير ولادي ولا نقدر نقعد بعيد عنهم بس انا مضطر وبصراحه انا مطمن علي مريم معاكي وده اللي مصبرني ان هي كمان مبسوطه
سونه متقلقش عليها دي في عيني والله
عمرو تسلمي يارب عموما بكره اخر يوم ان شاء الله اكون لاقيت حد يقعد بيها
سونه بنقولك ايه دور علي اللي هتجيبها دي براحتك ومتجبش اي واحده والسلام عشان تاخدها بيني وبينك مفيش حد مضمون وعشان كمان تكون مطمن علي ولادك ولحد ده ما يحصل مريم معايا وطول ما بنتي لسه مخرجتش اديك هتشوفها كل يوم ولما تخرج من هنا مريم بردوا هتفضل معايا لحد ما تيجي بنفسك وتقول انك لاقيت واحده ثقه زي والدتك وزي مراتك الله يرحمهم و هنسلمك مريم بنفسي وغير كده مفيش كلام تاني قولت ايه
عمرو بإبتسامه خلاص بقي هنقول ايه بعد كلامك ده غير ان جمايلك بتكتر عليا ومهما عملت مش هنقدر نوفيها
سونه احيه عليا تاني هتقولي جمايل لا انا مش هنكلم بقي عشان تعبت
عمرو بضحكه هاديه خلاص هنسكت حقك عليا عموما انا موافق ان مريم تفضل معاكي لحد ما نلاقي حد كويس يقعد بيها ويكون كمان ياسين شد حيله وخرج بس اسف يعني اسمحيلي نقولك اني عندي شرط
سونه اتفضل قول
عمرو بصلها بإحراج ثواني وبعدين طلع من جيبه مبلغ وبصلها تاني ادام مريم هتقعد معاكي الكام يوم دول ياريت المبلغ ده يكون معاكي عشان يعني لووو
قاطعته سونه وهي بصاله بإستياء بسيط وبعدت ايده بهدوء
سونه شيل فلوسك يا دكتور عيب انت اسكندراني وتفهم في الاصول ايه بتديني تمن اكل مريم وشربها فاكر يعني
اني مش هنقدر ناكلها ونجيبولها كل اللي هي عيزاه
عمرو لا لا لا استني متفهمنيش غلط ياست سونه انا منقصدتش كده والله
سونه وهي متتفهمش غير كده يا دكتور انا بنت بلد بردوا ونفهمها وهي طايره
عمرو صدقيني والله ما قصدت اني اضايقك بس عشان يعني
سونه ماقلقش علي بنتك يا دكتور انت آمنتني علي حياتها ومسلمهالي وانت يادوب تعرفني من امبارح بس تفتكر يعني مش هتآمن عليها في اكلها وشربها كمان شيل فلوسك يا دكتور دي عيله صغيره يعني اكلها وشربها وكل طلباتها لا هو حمل عليا ولا حتي تكلفه تطلب هي بس كل اللي تحتاجه ويوم ما نقصر معاها هنيجي نقولك هات تمن اكل وشرب بنتك
عمرو بإحراج بالله عليكي ما تزعلي مني بس الموقف بالنسبالي محرج وانا اول مره نتحط في موقف زي ده وبنحاول بس منتقلش عليكي اكتر من كده
سونه لما نبقي نيجي نشكيلك ابقي اتصرف وعموما انا مش زعلانه خلاص بس متعملهاش تاني
عمرو حاضر يا ست سونه يلا انا هناخد مريم شويه بقي وهنرجعهالك تاني
سونه تمام وانا مستنياها
عمرو ماشي يلا قولي لطنط سونه باي
مريم اسمها سونه بس هي مش بتحب طنط دي
سونه جدعه يا مريم ابوه كده فهميه
عمرو بإبتسامه خلاص هنخرج منها خالص
مريم باي يا سونه
سونه باي يا مريومه
دخلت سونه علي جوه
نبيله ايه خد البت بردوا
سونه اه قال عشان البت متزهقش بس انا عارفه انه محرج وعايز ميفضلش سايبها كده معايا
نبيله وهيتحرج من ايه بس دي عيله يعني هتعمل ايه يعني
دره سيبوه علي راحته لما يحس ان الدنيا رايحه جايه بينكم علي الاقل مش هيبقي محرج
سونه ما عشان كده سيبتهالوا والله يلا ربنا يكون في عونه ويقويه علي ولاده
نبيله يارب يا بنتي لسه الجدع صغير علي الهم ده صحيح الراجل من غير ست وهو معاه عيال بيبقي حاله يصعب علي الكافر
دره بسخريه وهي بتقوم وبصوت واطي عشان بناتها ميسمعوش مش اي راجل يا امي
اعرف رجاله بترمي عيالها عشان تعيش حياتها
سكتت نبيله بحزن وسونه بصتلها وصعبت عليها وحبت ترفع من روحها المعنويه
سونه بس كمان يا اختي في ستات بمېت الف راجل تقدر تعيش بطولها بعيالها وتخليهم ميحتاجوش لاي حد ولا ايه
بصتلها دره وابتسمت بهدوء وهزت راسها
دره معاكي حق يا سونه يلا هنروح نبص علي هيما ونشوفه هيقدر يتمشي شويه ولا لا
سونه روحي وانا هنلم الاكل ونيجي نبص علي الشباب
نبيله خديني معاكي يا دره
دره سماح جهزي روحك انتي كمان عشان هتتمشي شويه
سماح حاضر يا دره بس انا خاېفه حاسه اني مش هنقدر
دره لا هتقدري انتوا انهارده بتوعي ومش هنسيبكم غير وانتوا متحركين
سماح ابتسمت بتستحلفيلنا ولا ايه يا دره
دره ايوه الرقده دي مش حلوه كفايه دلع يلا هنرحعلكم تاني
خرجت دره وفي ايدها نبيله
في الوقت ده كانوا فاتحين جوه الموضوع تاني وكرم كان علي اعصابه
كرم يابا ماشي انت صح بس كمان لازم تعرف ان مش شرط يعني الخترفه دي تكون إحتياج اوقات بيكون ڠضب مش اكتر
زكريا يا ابني وافرض انه احتياج
كرم يابا انا مش محتاج نفكرك اخر مره سيرته اتفتح دره كانت هترمي روحها علي الطريق تيجي انت
الوقت وتقولها تكلمه
زكريا انا كل اللي بنقوله إن
قطع زكريا كلام اول ما دخلت نبيله ودره والكل سكت فجأه
بصتلهم دره بإستغراب مسمعتش حاجه بس سكوتهم المفاجئ وڠضب كرم اللي باين علي عروقه البارزه اكدولها ان في حاجه
وقبل ما دره دماغها تجيب وتودي قطعت مها الصمت ده بسرعه وابتسمت بإرتباك
مها ايه البنات كلوا
نبيله اه الحمد لله
نجوي عاملين ايه
نبيله كويسين الحمد لله
دره عينها كانت عليهم واحد واحد وطريقه مها أكدتلها ان في حاجه لانها حفظاها بس محبتش تسأل هي اصلا اللي فيها مكفيها واكتفت بسؤالها لهيما
دره ايه يا هيما كلت الحمد لله
هيما اه الحمد لله يا دره
دره يعني فضيتلي نفسك وملكش حجه يا بطل عشان هتقوم الوقت وتتمشي شويه
هيما ماتخليها بكره يا دره بالله عليكي حاسس
