ابن ليل الجزء السادس لأميرة أسامة
فطسانه من الضحك
دره انتي بتضحكي علي ايه انتي كمان
نبيله انتي يا بت بتسبيني وتمشي
دره كده يا بلبله تخليني في نص هدومي
نبيله الله مش بنعرف منك ويلا انجزي قولي الولا واقف مستني ردك
دره سرحت ثواني وبدأت تحسب امممم لا هيكون تمام
نبيله متأكده احسبي كويس احسن تجيلك وتصدمي الولا ويعلقك علي باب الدكان
دره لا تمام هي اصلا قدامها كام يوم وتيجي يعني بعد فرح حسن هكون خلصت
نبيله طيب تمام علي الله بس متبقيش حاسبه غلط وتخليه يجي يطلعه علينا ده مفتري وانا عرفاه
ابتسمت دره بإحراج وفضلت دعاء تضحك
اتصلت نبيله عليه تاني اول ما رد كان بيضحك
كرم ايه قتلتك ولا لسه
كرم اكيد ولا ايه
نبيله بضحك اكيد يا ولا هي قربت اصلا يعني بعد فرح حسن تكون خلصت منها
كرم بضحك انتي مصېبه اتكلي علي الله يا بلبله
نبيله انا غلطانه يا ناقص ان قلبي عليك يلا خلص وعرفني
كرم حاضر يلا سلام
نبيله سلام
خرجت من البلكونه وهي بتضحك
دره اضحكي اوي اضحكي
نبيله الله مش قلبي عليه
دره والنبي بدأت اشك فيكي نفسي اعرف هو اللي ابنك ولا انا اللي بنتك
نبيله انتوا الاتنين ولادي يا بت ونفسي اشوفكم مبسوطين والراجل مستني بقاله عشرين سنه نصدمه يعني يوم دخلته
دره لا ودي تيجي جرسيني يا بلبله عشان ترتاحي انتي وكرم
وبعدين ده نهاره مش معدي هو كمان بيسألك سؤال زي ده قدام بكر وعبدالله
دره احيه عليكم ده انتوا عبله مش سالكه بربع جني حتي انت يا بابا
فضلت دعاء ونبيله فطسانين من الضحك قامت دره بغيظ و سابتهم وطلعت علي شقتها
مر الوقت اخيرا وحجز كرم و ظبط كل حاجه وبعدين رجع هو وعبدالله وبكر اتصل بدره بعد ما بكر وعبدالله طلعوا بس مردتش
دره بإحراج حبت تبان طبيعيه ايوه
كرم بضحك ايه يا حبيبي
دره لا بنقولك ايه هتفضل تضحك هنقفل في وشك
كرم طيب نفهم بس في ايه وليه الډخله دي
دره هو كده لو عاجبك
كرم طب انا مالي طيب والله يا قلبي انا اصلا مكانش في بالي الحوار ده
دره بإبتسامه وكسوف طب خلاص اسكت متكملش
كرم لا هنكمل وانتي اسمعي احنا متفقين اصلا علي يوم الاتنين عشان يبقي اجازه لما ملاقتش حجز اليوم ده ومفيش غير الاربع اتصلت
دره وانت مصدقت يا ساڤل
كرم بضحك طب والله ابدا هي كانت عيزاني انا نسألك وقولتلها لا بلاش
دره كمان ده اللي ناقص
كرم بت اظبطي بدل ما نطلعلك انا قولتلك اللي حصل
دره طيب غير السيره دي بقي حجزت
كرم اه كله تمام متقلقيش
دره انا مش قلقانه اصلا كنت بندعي متلاقيش حجز
كرم طب والله هتبقي احلي عروسه كمل كلامه بضحك وغمزه وهتكمل اكتر لو طلعتي حاسبه كويس
دره بضحك يا ابني أتلم شويه خليك
مؤدب
كرم وانا قولت ايه بس بنقولك ايه
دره قول
كرم شوفي يوم عشان ننزل نشوف الفستان الوقت هيجري بينا
دره انا قولت لبلبله بعد بكره
كرم طب وبكره قصر معاكي في ايه
دره احيه عليا بكره ده قصر معاكم كلكم مش معايا انا يا كرم مش بكره كتب كتاب سونه وعمرو هنروح امته هيبقس يوم مضغوط
كرم طيب خلاص براحه نسيت يبقي بعد بكره بأمر الله
دره تمام هتعمل ايه الوقت
كرم ولا حاجه هنطلع عشان واقع من الجوع
دره تمام يا حبيبي يلا اطلع كل
كرم ماشي شويه وهنكلمك
دره اوك مستنياك باي
كرم باي يا حبيبي
خلصت سونه كل حاجه وراها وكان باين عليها التوتر وكانت مضايقه ان سماح مش هتبقي معاها وهتسيبها
سماح بحب دخلت عليها العروسه سرحانه في ايه اللي واخد عقلك
سونه بإبتسامه انتي اللي واخده عقلي والله
سماح اوبااااا ده لو الدكتور شم خبر هيعلقني
سونه يابت اتلمي شويه
سماح طيب يا ستي نتكلم جد بقي شويه مالك و انا واخده عقلك ليه وبعدين مش المرفوض كنتي تقومي تنامي وترتاحي شويه عشان بكره وشك ميبقاش مجهد
سونه الوقت هقوم
سماح طب قوليلي مالك
سونه مضايقه عشان هنسيبك يا سماح ومش عارفه اتخيل اني بكره هنروح مع عمرو وهنسيبك
سماح تسبيني فين بس هو احنا في بينا بلاد دول خطوين وبعدين ما انا هنتجوز بعدك باسبوع يعني لو الدكتور مكانش موجود انا كمان كنت هنسيبك كنتي هتفضلي وقتها بردو مضايقه
سونه اكيد لا كنت هنبقي فرحانه انك هتروحي بيت جوزك بس فكرة ان انا اسيبك قبلها باسبوع دي مضيقاني
سماح تاني يا سونه ما احنا اتكلمنا في النقطه دي مش قولنا عشان تلحقي تفرحيلك كام يوم وبعدين تفضيلي ولا كنتي ناويه تجوزيني انهارده ومن بكره تتشغلي في جوازي وتروح عليها زهوة العروسه لا بنقولك ايه انا عايزه نفضل عروسه ومتروحش عليا
سونه بإبتسامه والنبي في عروسه قمر كده تروح عليها انتي هتفضلي احلي عروسه يابت
سماح طيب يبقي بلاش زعل بقي وبعدين ما انتي عارفه اني مش هنرجع علي البيت ودره قالت انها مش هتسيبني لحد ما تسلمني لحسن
سونه والله ده اللي مطمني عليكي وبصراحه مش عارفه نودي جمايل دره دي كلها فين تعبت معانا بجد
سماح صراحه اه طلعت جدعه اوي يا سونه وبتحبك وبتحبني حنينه وطيبه انا بنحبها اوي
سونه ربنا يجعل كل اللي بتعمله عشان تفرحنا فرحة كبيره في حياتها
سماح اللهم امين ممكن بقي تقومي يلا تاخدي دش حلو كده علي ما اعملك احلي عشاء عشان بعد كده تنامي
سونه بإبتسامه كمان عشاء
سماح اي خدمه عشان تعرفي غلاوتك عندي دلع مفيش بعده
سونه يارتني بقيت عروسه من زمان
سماح لا والنبي ده علي اساس اني مش بندلعك غير وانتي عروسه بس
سونه لا بتدلعيني بس كل ما الغزاله بتاعتك تكون رايقه يا روح امك
ضحكت سماح وبعدين قامت عشان تحضرلها العشاء
أبن_ليل
صاحبة_البطل_الواحد
أميره_اسامه
البارت السابع و الخمسين
الروايه حصريه لمدونه ايام نيوز
أنتهي اليوم وجاء يوم جديد من بدايته كان الكل مشغول وراحوا كلهم مع سونه في البيوتي سنتر عشان يجهزوا لحد ما يوصلوا و ياخدوهم وكان معاهم مريم اللي كانت مبسوطه بفستانها
الوقت كان بيمر بسرعه ووصلوا وعلي رأسهم عمرو طبعا
سونه كانت لابسه فستان أوف وايت بكم و ضيق ومن بعد ركبتها نازل علي واسع بسيط وليه ديل مش طويل اوي كانت لامه شعرها ديل حصان وشكلها رقيق جدا
حتي الميكب اب كان شيك جدا
ابتسم عمرو أول ما شافها و فرحته كانت باينه في عينه قرب منها بهدوء وهو ماسك في ايده ورد البنات فضلوا يزغرطوا ليها
مد ايده عمرو بال ورد وهو مبتسم
خدته سونه من غير ولا كلمه
نبيله الله اكبر ما تزغرطوا يا بنات
زكريا مبروك يا سونه يا بنتي مبروك يا دكتور عمرو
سونه الله يبارك فيك يا عمي عقبال دره وحسن
عمرو الله يبارك في عمرك يا حاج
زكريا في حياتك يا سونه عقبال ما تفرح بمريم وياسين
عمرو اللهم امين
بكر طب ايه يا عرسان مش يلا قبل ما المأذون يخلع
كرم لا يخلع ايه انا مثبته متقلقش
ضحكوا علي كرم ركبوا العربيات
دره ومها ودعاء والبنات كانوا حلوين اوي وشكلهم رقيق
وصلوا علي دار المناسبات كان
في ناس من أهل الشارع جيرانهم واولهم منكش والمعلم صبري وكان في زمايل عمرو كلهم حاضرين
دخلوا علي جوه وسط الزغاريط والمباركات
وبدأ كتب الكتاب سماح كانت مبسوطه ويمكن دي أول مره تكون مبسوطه بالشكل ده وطول الوقت كانت ماسكه مريم وياسين في ايدها
وبعد وقت بسيط أتكتب الكتاب وسونه بقت مراته رسمي قام وسط الزغاريط و فرحة الكل باس راسها
عمرو مبروك يا سونه
سونه بإبتسامه هاديه الله يبارك فيك يا عمرو
بعد كتب الكتاب كان عمرو حاجز مكان يقضوا في يومهم مع بعض علي البحر راحوا مع بعض كلهم بعد ما زمايله مشيوا واهل المنطقه كمان وفضلوا هما بس مع بعض قضوا وقت جميل كله حب ودفي وسعاده كلوا واتبسطوا اتصوروا كتير وفي نهايه اليوم وصلوا اخيرا تحت بيتهم ودخلوا الشارع بزفه الشباب قاموا بيها وعملولهم احلي جو وشباب الشارع اتلموا من تاني والستات كانوا باصين من الشبابيك والبلكونات يزغرطوا
نبيله يلا شباب اتكلوا علي الله نسيب العرسان يطلعوا بقي ويرتاحوا
عمرو الف شكر يا شباب
الجميع مبروك يا عريس
عمرو بسعاده لردود افعال الناس اللي مش عارفهم حبايبي الله يبارك فيكم
ضمت سونه سماح بحب
سماح مبروك يا حبيبتي
سونه مش هاين عليا نطلع ونسيبك
سماح احيه هتعملي بيا ايه وبعدين ده انتي علي طول كنتي مشغلالي ابو ورده الوقت عيزاني بنقولك ايه اطلعي مع جوزك وبلاش دلع
سونه بضحك بقي كده عايزه يابت ترتاحي من ابو ورده
سماح ايووووه طبعا علي الاقل نرحمك من التنشيل الغلط
سونه ماشي بس اعملي حسابك مش هنطول يعني ومش هنحرمك منه قبل ما تتجوزي
سماح بضحك ده لو شوفتي وشي بقي
عمرو يلا يا مريومه يلا ياسو
دره لا معلش مريومه وياسو هيباتوا معايا انا وسماح والبنات احنا متفقين علي كده ولا ايه يا مريومه انتي وياسو
سماح اه هما هينامو معايا انهارده وبعدين احنا هنسهر براحتنا ونلعب ملكوش دعوه بيهم
مريم ايوه انا هروح معاهم ممكن يا بابا
سونه هتسبيني يا مريومه
نبيله احيه شوف البت هتعملي بيها انهارده الايام جايه
ضحكت سونه بٱحراج علي كلام نبيله وبعد كلام كتير طلعوا ومريم وياسين راحوا مع دره والبنات و طلعوا كلهم علي بيوتهم
طلعت سونه مع عمرو كانت محرجه جدا وده شعور غريب عليها لما كانت بتتجوز كانت بتحس في بيتها انها مسيطره وقويه لكن المرادي الموضوع مختلف أتحولت لعروسه اول مره تجرب الجواز وكانت محرجه جدا
فتح عمرو الباب وبصلها وهو مبتسم ايه مش هتدخلي يا عروسه
ابتسمت سونه بخجل ودخلت بهدوء دخل عمرو وراها وقفل الباب مها ودعاء بمساعدة البنات كانوا مخليين الشقه تجنن حاطين العشاء علي السفره و سايبين إضاءه هاديه وبسيطه والتلفزيون شغال علي قرآن الشقه ريحتها تجنن من المعطرات ممزوجه بريحه العفش الجديد
فضلت سونه واقفه ضهرها لعمرو اللي بيفتح الانوار بتاعت الشقه
بتاخد نفسها وبتحاول تخرجه بهدوء يمكن تهدأ شويه من التوتر اللي حاسه بيه
قرب منها عمرو كان حاسس بتوترها ومقدرش ينكر هو كمان انه متوتر زيها بس حاول بما انه هو الراجل يغير الجو العام اللي هما فيه ابتسم بهدوء وبصلها
عمرو ايه بقي
هتفضلي واقفه كده
سونه بإبتسامه وخجل خرج صوتها بالعافيه طيب اعمل
