لن أعيش بدونك

دي كلها ومستحملة قسۏة بابا وغلظة قلبه لحد ما قلبك إنتي اللي وجعك
ثم ذهبت ليلى لتتصل بوالدها لأنه تأخر عليها والحسابات في المستشفى تريد تسديد الفاتورة. مرت أيام وليلى بجانب والدتها في المستشفى ولا تذهب إلى الجامعة وكان خالد يأتي إليها كل يوم ليراها ويطمئن على والدتها ويحضر لها ما فاتها من محاضرات لأن موعد الامتحانات قد أقترب .
خالد_ وحشتيني يا عمري عاملة ايه وايه اخبار والدتك
ليلى_ احسن الحمد لله واحتمال تخرج بكره من المستشفى.
خالد_ الحمد لله علشان كمان تلحقي تراجعي الدروس إللي فاتتك كلها ومټخافيش هشرحها كلمة كلمة لحد ما تفهميها.
ليلى_ لا كمان ومين هيشرحها احلى وأجمل
خالد_ حبيب قلبي وكمان الأول على الدفعة كل السنين إللي فاتت وإن شاء الله السنة دي كمان مع مرتبة الشرف طول ما إنتي جنبي هكون أحسن واحد وروحي وقلبي وعمري كلهم لكي انتي وبس.
في اليوم التالي خرجت والدة ليلى من المستشفى بعد ما قال الطبيب أن أى إنفعال أو حزن يمكن أن يجعل حالتها تسوء ويسبب الجلطة مرة أخرى فيجب أن تحذروا وتوفروا لها الجو الهادئ المريح حتى تستعيد توازنها وصحتها من جديد رجاء واحذركم من اي انفعال والا ستتحملون العواقب 
بعد ذلك بدأت ليلى إمتحانات أخر العام وكانت تجلس دائما لتراجع مع خالد كل نقطة وسؤال بعد كل إمتحان وتتواصل معه بالتليفون أثناء المذاكرة ليفهمها ما يقف في وجهها من أسئلة.
إنتهت الامتحانات وكانت ليلى وخالد في إنتظار النتيجة.
وأخيرا ظهرت النتيجة ونجحت ليلى بتقدير جيد جدا أما خالد فكان الأول على الدفعة كالمعتاد
ليلى _خالد شفت انت الأول زى كل سنة الحمد لله يعنى هتتعين معيد في الجامعة مبروك يا حبيبي .
وأخذها خالد في حضنه من كثرة فرحتهم وحبهم لبعضهم. وبعد ذلك طلب خالد من ليلى أن يحضر والده ويأتي لوالدها ليطلبها منه وكانت ليلى لا تعلم كيف تخبر والدها ولكن خالد قال لها _بلاش تقولي حاجة كأنك متعرفيش إني جاى أطلبك منه وسبيها مفاجأة
قالت ليلى _ أنا شايفة كده برضه أحسن خلاص ماشي .
كانت ليلى قد جهزت المنزل ونظفته ورتبته وحضرت كل ما يلزم لإستقبال خالد وأبيه وعندما دقت السابعة دق قلب ليلى لأن هذا هو الميعاد المنتظر الذي أخبرها به خالد. ودق جرس الباب وفتح والد ليلى وكان خالد ووالده أمامه فقال خالد _حضرتك الأستاذ محمد صالح هلال والد ليلى تمام انا محمد والد خالد كنا عايزين نتكلم كلمتين مع حضرتك في موضوع مهم
والد ليلى _إتفضلوا
دخل خالد ووالده وكان خالد ينظر لكل ركن في البيت ليرى ليلى حبيبته وهى في المكان الذي نشأت وكبرت فيه والد ليلى _خير يا ترى ايه الموضوع
والد خالد _والله يا أستاذ محمد ده إبني خالد زميل ليلى في الجامعة والحمد لله اتخرج وإتعين معيد في الجامعة وجايين النهاردة علشان نطلب إيد بنتك ليلى ويشرفنا انك توافق على طلبنا
هب والد ليلى واقفا من مكانه وقال_ وابنك ماله ومال بنتي وعرفها منين 
والد خالد _ بقول لحضرتك زميلها في الجامعة واكيد يعني كان بيشوفها
والد ليلى _أنا معنديش بنات للجواز
خالد _يعني ايه يا عمي 
والد ليلى _يعني أنا بنتي مخطوبة لإبن عمها هلال وهيتجوزوا قريب. خالد وهو منفعل _ازاي يعني ليلى مش هتتجوز حد غيري إحنا بنحب بعض ومينفعش تبعدنا عن بعض مينفعش.
والد ليلى غاضبا _ ايه الكلام الفارغ ده أنا قلت اللي عندي ومعنديش كلام تاني وإتفضلوا وياريت متجوش هنا