من غير ميعاد لأمل مصطفى

أعرفه عنه من أركان يطمني بس هتابعك بالتليفون وبلاش تأخير وإلا تلاقيني فوق رأسك
خرجت حتي تبلغه بينما تابعها طارق وهو يهتف بتمني ربنا يجعل علي إيده الشفاء ويجعله سبب سعادتك يا صافي 
صباح الخير يا أمي
أردفت هدي صباح النور يا ضنايا
قاعده كده ليه يا حبيبتي لسه بدري
هتفت بحزن النهارده سنويه الغالي وكنت عايزه أعمل شوية فطاير أفرقها علي روحه
جلس جوارها وهو يضمها ويقبل رأسها لتبكي بۏجع
تعيشي و تفتكري يا حبيبتي أنا عامل حساب كل حاجه من يومين أوعي تشيلي هم حاجه طول ما أنا عايش
وجد يد تربت علي كتفه بحنان وصوت يدعوا له ربنا يباركلنا فيك يا ضنايا عمرنا ما حسينا أن عندنا ولد واحد دايما كنت إبننا التاني في الأكل واللعب حتي النومه

أمك كانت بتتجنن وتحاول تاخدك لما تنام أقولها الولد يبرد أنتي عايزه تبهدليه وفين وفين لما تعودت 
قبل يده ربنا يخليكوا دايما ليا 
قام شاهين بالإتصال علي خالة سلمي وعندما سمع صوتها 
هتف بأدب أخبارك يا خالتي وأخبار صحتك
معلش كنت عايز منك خدمه ضروري
منحرمش منك أبدا يا غاليه أنا مسافر يومين
وكنت عايزك تيجي تخلي بالك من سلمي أنتي عارفه أنها تعبانه الفتره دي
طيب تمام في إنتظارك
أغلق معها وهو يشعر بتوتر من تركها في تلك
الظروف لكن ليس باليد حيله أخو صديقه ټوفي
وهو كل أهله ولا يستطيع تركه وحيد في تلك
الظروف سوف يذهب الجميع 
وقف تحت منزل دكتور طارق فقد أصر أن تخرج
من منزله حتي يعرف أنها ليست وحيده وأن لها أهل يقلقوا عليها
نزلت هي وطارق وجدوا باسم يقف خارج السياره
في إنتظارها إعتدل في وقفته عندما رأهم
مد طارق يده وهو يردف أخبارك يا باسم
بخير الحمد لله
أردف طارق پخوف أب بنتي أمانه معاك حافظ عليها وأنا لولا متأكد من كلام أركان أنك راجل وشخص ثقه عمري ما كنت سمحت بده
هتف بأسم 
أوعدك
أكون قد ثقتك فيه و أرجعلك بنتك زي ما أخدتها
طيب تمام بس ياريت بلاش تأخير 
يلا مع السلامه
ركبت جواره و أنطلق إلي وجهته
فتحت الهاتف علي أغنيه مياده الحناوي قالولي أنسي بعد مرور أكثر من كوبليه من الأغنيه
جذب باسم الهاتف من يدها وهو يغلقه ثم نظر لها بضيق أنتي بجد شايفه أن الأغنيه دي مناسبه لوضعنا
نظرة له بعدم فهم
أوقف السياره وهو ينظر لها بغيره واحد عازم
وحده علي الغداء عايز يتعرف عليها ويقرب منها
و هي تشغل أغنيه تقول أنها مش ممكن تنسي
حبيبها الأولاني وهو مش من النوع اللي يتنسي
طبعا الحمار اللي معاها عارف إنها كانت مخطوبه
قبل كده و بتحب خطيبها ده معناه أيه
هتفت بنفي 
بس مش ده قصدي أنا بحب الأغنيه دي
لا خليني أنا اسمعك علي ذوقي قام بتشغيل
أغنيه ورده معقول أحب تاني
ثم قاد السياره مره أخري وهو يردد كلمات الأغنيه
بينما صافي إبتسمت دون كلام تسبح في خيمتها
الورديه وسؤال واحد يتردد في عقلها معقول أحب تاني 
وصلت وزه في المساء قابلها شاهين بإحراج سامحيني يا خالتي علي بهدلتك دي
هتفت بحنان 
ياريت كل البهدله كده أن أشوف الحبايب و أتملي
بصحبتهم وبعدين أنا من يوم ما محمد سافر
الكليه وأنا يعتبر عايشه لوحدي ثم أكملت بحزن أنت عارف حامد الله يهديه طول النهار نايم وطول الليل مع شلة الشيطان
إلتفت حولها لم تجد سلمي أومال فين سلمي
إبتسم بحب بقت بتنام كتير اليومين دول وكمان نومها تقل
فتره وتعدي علي خير يا حبيبي ربنا يقومها بالسلامه
طيب هسيبك الوقت وأنا جبت كل الطلبات اللي ممكن تحتاجيها وكمان مازن تحت نادي عليه من البلكونه يكون عندك وماما حنان هتبقي معاكي بس ماتنفعش تبات
أتوكل علي الله أنت و ماتقلقش أنت عارف سلمي حته من قلبي 
بعد سفر ساعه وصلوا شاطي الشويخ 
دخلوا كافيه ورسترون . 
تتأمل المكان حولها بإعجاب شديد النظام النظافه 
الديكورات كل شيء جميل حتي الجو في هذا اليوم معتدل
هاااه المكان عجبك
أردفت بموافقه 
جميل جداا
طيب شوفي عايزه تكلي أيه و ناخد مشروب علي ما الأكل يجهز
أطلب علي ذوقك أنا ماعرفش الأكلات الكويتيه وعايزه أجرب . 
ممكن عصير مانجو
شاور باسم للويتر وطلب أثنين مانجو
وجدها تنظر له لكنها شارده من يراها يفكر أنها تتأمله
فرقع بأصابعه أمامها وهو يهتف علي فكره إحنا خارجين مع بعض

عشان نتعرف مش كل واحد يعيش في أحلامه
أيه حكاية نتعرف دي معاك
أردف بهدوء 
من أول مره شوفتك وأنا عندي فضول كبير أتقرب منك و أعرفك عن قرب
وضعت يدها تحت وجنتها وهي تسأله ليه أيه سبب الإصرار ده
هز كتفه بحيره مش عارف بس في حاجه فيكي بتجذبني بطريقه غريبه مش عارف أيه هي بس مبسوط بيها وعايز أكمل فيه
عايز أعرف كل حاجه بتحبي أيه پتكرهي أيه وقت غضبك بتعملي أيه يخفف عنك 
وقت سعادتك بتعيشه أزاي كده يعني
تمام أستمر الكلام بينهم لم يشعروا بالوقت الذي مر حتي نزل الطعام أمامهم
تناولوا الطعام في جو مرح بينهم تجاذبوا أطراف الحديث في مواضيع مختلفه
بعد إنتهاء الطعام سألها باسم أيه رأيك نأجر دراجه 
هتفت برفض لا أنا مش بعرف أسوق
وقف