بدر الصعيد لمها العيسوي

 

ازيك حضرتك عامله وحشانى 
هنا سهمت جاسر 
جاسر ابتسم ايوا جاسر 
هنا كنت فين كل دى غيبه واتقبلتوا ازاى 
تالا لا دى حكايه طويله بس انا عايزه اعرف جيتى ليه انتى طول عمرك رافضه تنزلى مصر ايه الى جد
هنا تعالى احكيلى الاول انتى وبعدها هفهمك كل حاجه 
جاسر وتالا حكولها الى حصل من اول ماكان هيخبطها لحد الى حصل لساره 
هنا قعده مسهمه واتكلمت وهى مزهوله معقول هو فى ناس كده فى الدنيا 
هنا غمضت عنيها وافتكرت ابو سليم والى عمله فيها اتكلمت بۏجع الظاهر انا وانتى يابنتى مكتوب علينا تبقى حياتنا لعبه بين ايدين ناس متعرفش ربنا 

تالا بصتلها باستغراب قصدك ايه ياماما 
هنا بصتلها وعنيها دمعت هقولك على كل حاجه 
وبدأت تحكلها كل اللعبه الى جدها عملها علشان يبعد سليم عنها
تالا فضلت ساكته وجاسر عنيه عليها ومش فاهم هى فرحانه ان ابوها طلع مظلوم ولا زعلانه تعبير وشها مكنش بيدل على اى حاجه
بعد سكوت طال سالتها هنا ساكته ليه يابنتى انا قولت هتفرحى اول ماحكيلك ان ابوكى برئ 
تالا قامت وقفت وبصت لجاسر وهنا انا هطلع اوضتى تعبانه وعايزه ارتاح شويه عن اذنكم 
طلعت تالا وهنا مش فاهمه هى مالها جاسر قعد جنبها مټخافيش عليها سيبها تستوعب الى حكتيه وانشاء الله هتبقى كويسه
هنا انا متوقعتش رد فعلها ده كنت فاكرها هتفرح
جاسر ابتسم هى اصلا مش مصدقه الى حكتيه 
هنا بصتله قوى وانت عرفت ازاى !!!!
جاسر باين على وشها جدا ورد فعلها ده علشان حست انك مصدقاه 
هنا سهمت شويه وقامت وقفت انا هطلعلها 
جاسر قام سيبيها لحد ماتهدها وبعدها نتكلم معاها
هنا سكتت وقعدت تانى مش عارفه تعمل ايه
تانى يوم بدر خلص شغله واخد مريم ويونس وسافر الصعيد كانوا طول الطريق كلامهم على القد بدر كان كل شويه يخطف نظره ليها كان نفسه يكلم معاها كتير بس مش عارف يقول ايه فى الاخر فضل السكوت 
بعد كام ساعه وصلوا البلد ودخلوا البيت كان الحاج صالح وبسمه وحمزه فى انتظارهم 
بدر ياولدى اتوحشتك جوى 
بدر حضنه وانت كمان ياحاچ امى فين 
بسمه ردت عليه بزعل يعنى ماسلمتش عليا ياسى بدر ولا انى مخفيه جدامك
بدر ضحك وراح حضنها حبيبت قلبى هو انى اجدر
صالح بص لمريم واه مالك يابتى واجفه اكده ليه تعالى فى حضنى اتوحشتك 
ابتسمت مريم وراحت حضنته بدر واقف بيبصلهم وهو حاسس بڼار جوه قلبه قرب من ابوه وهو بيحاول يهدى نفسه يالا يامريم ندخل نطمن على امى احنا هنجديها احضان ولا ايه 
صالح بصله باستغراب وحب يتاكد من احساسه لا سيبها معايا شويه انى اتوحشتها جوى جوى 
بدر شد مريم بالرحه ووشه كله بقى احمر معلش ياحاچ اصل مريم طول الطريق كانت بټعيط وكانت عايزه تطمن على امى عن اذنك 
مريم استغربت هى اه قلقانه على خالتها بس معيطش دخلت معاه 
حمزه بص لبسمه وغمزلها وبصوت واطى الصناره باين عليها غمزت جوى وشدت بدر غرجته 
بسمه انى مش فاهمه حاچه جصدك ايه 
حمزه قربها منه جصدى ان دعوتى على بدر رابنا جبلها وجرب ڼار الغيره 
بسمه بصتله وبرقت بچد الحديد ده وانت عرفت منين 
حمزه لهو انتى موعتيش للى حوصل دلوقيت جدامك بدر كان هاين عليه يجتل ابوكى ميشان حاضن مريم 
بسمه فرحت يارب ياحمزه يكون حديدك صوح بدر ومريم من حجهم يعيشوا زى اى اتنين طبيعين
حمزه باس دماغها انشاء الله ياحبيبتى كل حاچه هتبجى زينه
عند سعديه جوه بعد السلامات والاحضان لاحظت سعديه ان بدر ومريم فيهم حاجه مش مضبوطه بصت لبدر 
بدر ياولدى انى رايده

________________________________________
اتحددت مع مريم شويه لحلانا
بدر ابتسم حاضر ياحاچه عن اذنك 
خرج بدر وسعديه قعدت مريم جنبها مالك يابتى فيكى ايه 
مريم اتوتر انى زينه ياحاچه مالى 
سعديه مريم يابتى انى امك الى ربيتك جبل مااكون خالتك ولا ام چوزك انى خبراكم زين انتى فيكى حاچه وبدر كمانى 
مريم عنيها دمعت وبصت للارض انى تعبانه جوى ياخالتى مش خابره مالى 
سعديه طبطبت على كتفها احكيلى يابتى حوصل ايه
مريم اتحرجت تقولها الى حصل سعديه بصتلها شويه واتكلمت انتى. لساتك بنت يامريم صوح 
مريم وشها احمر ومرضتش سعديه كملت انى كنت متاكده ان موفجتك على الچواز كانت ميشان اكده ان بدر يفضل كيف اخوكى صوح 
مريم مردتش برده سعديه كملت اسمعينى زين يامريم اياكى تكونى فاكره لما تتچوزى بدر على الورج يبقى اكده نفذتى وصية خيتك لاه انتى اكده معملتيش حاچه
مريم كيف ياخالتى 
سعديه نچاة لما وصت انك تتچوزى بدر كانت رايده تعيشى معاه كيف اى تنين متچوزين وتچيبى خوات ليونس هو ديه تنفيذ الوصيه الصوح 
مريم بحزن انى اكده ابجى پخوف نچاة والاحساس ده ھيموتنى 
سعديه خېانة ايه يابتى دى وصيتها ولو هى مكانتش رايداكى مارته مكانتش وصت باكده بس هى اخترتك تكونى ام لولدها وزوچه لبدر 
مريم يعنى انتى رايدانى ياخالتى اروح اجول لبدر كمل معايا باجى حياتك ڠصب عنيك 
ابتسمت سعديه لانها اتاكدت ان مريم عايزه تكمل معاه لاه متجوليش بس خليه هو الى يجولك انى رايدك وبحبك 
مريم كيف يعنى 
سعديه بنظره كلها تحدى انى هجولك ______
فى بيت الدهاشنه
بعد حوالى ساعه الكل اتجمع على العشا مريم كانت قعده جنب بدر وقصادها سعديه وطول الوقت بيتبدلوا النظرات الى مريم بتحاول تفهمها سعديه بصتلها بغيظ واتكلمت وهى بتحاول تدارى غظها جومى يامريم يابتى جطعى الوكل لچوزك 
بدر بص لامه لا ياحاچه خليها مرتاحه انى باكل اهو
بصت مريم لسعديه وقامت مسكت الفرخه حطتها قصاد بدر كلها وقعدت تانى بدر بصلها وضحك واه هو انى مفچوع لدرچادى هاكل الفروچه كلها 
سعديه كانت حاسه ان ضغطها علا عليها قامت مريم تانى قطعت الفرخه وحطله حته ورجعت الباقى وبصت لسعديه بمعنى كده كويس ابتسمت سعديه برضى وكملت اكلها وهى عنيها عليهم وكل ده تحت عين صالح الى ملاحظ كل حاجه وساكت ومن جواه بيضحك
خلصت قعدتهم واجى وقت النوم صالح بص لبدر يالا ياولدى خد مارتك واطلع نام فى اوضتكم الچديده
بدر سهم ومريم بصت لسعديه بعدم فهم بدر اتكلم پصدمه مداريه اوضه ايه ياحاچ !!!
صالح اياك فاكر انى معملش حسابكم بعد اكده فى الدار انى فتحت اوضك على اوضه مريم وچهزتها ليكم ومعاها سارير صغير ليونس
بدر مقدرش يكلم بص لمريم الى صډمتها متقلش عنه صالح كمل كلامه يالا ياولدى خد مارتك واطلع استريح وانى كمانى هاخد مارتى تستريح 
ابتسمت سعديه ايوا ياولدى انى محتاچه انام يالا تصبحوا على خير
اخد بدر مريم ولسه هتطلع ندهت عليها سعديه مريم هاتى يونس ينام معايا النيهارده لحسن متوحشاه جوى 
مريم ياخالتى انتى تعبانه هتنامى ازاى 
سعديه مالكيش صالح هاتى الولد 
ادتها يونس وطلعت مع بدر ودخلت الاوضه وكانت تحفه بمعنى الكلمه بصت لبدر الى انبهر بالاوضه هو كمان اتكلمت وهى لسه مبهوره