بدر الصعيد لمها العيسوي

 

دى وكلمه حبيبى ينفع انزل واسيبك دانا استقيل احسن 
قرب منها واخدها فى حضنه وهى بتهمس فى ودنه انا بحبك قوى يابدر 
بدر بنفس الهمس وانا بعشقك ياقلب بدر 
لسه هيخدها ويدخل الاوضه تليفونه رن كان على 
مسك التليفون بضيق ورد عايز ايه على الصبح 
ضحك على عليه بقى كده وانا الى قلقان عليك من امبارح بس هقول ايه من لقى احبابه 
بدر بغيظ اخلص عايز ايه 
على ابدا سليم بيه طلب رسومات المشروع الى حضرتك خلصتهم 
بدر طيب ايه المشكله ايدهمله 
على ازاى وحضرتك قافل عليهم المكتب 

بص بدر بغيظ للسقف اقفل ياعلى انا جاى حسبى الله ونعم الوكيل فى اشكالك 
قفل معاه وبص لمريم الى واقفه تضحك عليه بتضحكى على العموم كلها ساعه ورجعلك وشوفى هعمل فيكى ايه 
مريم

________________________________________
بضحك وانا مالى انا عملت حاجه 
سابها ودخل اخد شاور سريع وغير هدومه وطلع وقفته مريم قبل ماينزل استنى يابدر افطر الاول 
بدر معلش مش هنفع اتاخر افطرى انتى وانا لما اجى هتغدا بيكى 
غمزلها وسابها ونزل وهى عنيها عليه وقلبها عمال يدق ابتسمت بسعاده وهى بتدعيله ربنا يبعد عنك اى شړ ياحبيبى
نزل بدر ووقف قدام العماره يرد على على الى بيستعجله ومخدش باله من الى واقف قصاده بمسافه بعيده ورفع ايده بمسډس وصباعه على الزناد وفجاه 
نزل بدر ووقف قدام العماره يرد على على الى بيستعجله ومخدش باله من الى واقف قصاده بمسافه بعيده ورفع ايده بمسډس وصباعه على الزناد وفجاه سمع صوت من وراه بيقوله مش هتستفاد حاجه من قتل بدر ياعمار بالعكس هتخسر كتير قوى 
لف بسرعه ونزل السلاح يشوف مين الى وراه لقى واحده واقفه وسانده على عربيه حمرا انتى مين 
ردت عليه ببرود بيرى سليم حبيبت بدر الى انت عايز تقتله 
بصلها عمار قوى حبيبته !!! كيف ديه 
قربت بيرى منه ايوا حبيبته ايه الغريب فى كده 
ابتسم عمار باستهزاء ولما المحروس بيحبك عاد اتچوز ليه 
بيرى مين قال ان بدر اتجوز !!! 
عمار بنرفزه انتى مچنونه ولا ايه هجولك باعدى عنى جبر يلمك 
اجى يمشى وقفت قصاده بعصبيه اتكلم بأدب يابن جابر ولا حسيبه معرفتش تعلمك ازاى تتكلم مع الستات 
وقف عمار وبصلها بنص عين انتى تعرفى امى وبوى كمانى لاه بجى !!انتى شكلك وراكى حاچه عايزه منى ايه
بصتله بكبرياء تعالا وريا وانا هفهمك كل حاجه 
اترددت عمار شويه بس فضوله خلاه مشى وراها وراح ركب معاها العربيه وطلعت بيرى بيها
وصل بدر الشركه ودخل على على متنرفز بصله بغيظ وهو بيفتح مكتبه وطلع الرسومات ووقف قصاده اتفضل فى حاجه تانيه 
على بصله وممسكش نفسه اكتر من كده وضحك بصوته كله بدر اتعصب عليه اكتر اقسم بالله ياعلى لو ماخفيت من وشى لهقوم اكسر دماغك
على وقف ضحك بالعافيه ممكن اعرف انت متعصب ليه !! 
بدر معرفش يقوله ايه سكت ودور وشه قرب على منه وبصله بنص عين مقولتليش يعنى عملت ايه امبارح مع مراتك
بدر رفع ايده حك شعره ودور وشه ورد عليه بتوتر ولا حاجه هعمل ايه يعنى 
على ابتسم على صاحبه المحروج عموما انا رايح اسلم الرسومات لسليم بيه وراجع 
خرج على ورجع تانى بص لبدر اه صحيح صبحيه مباركه ياعريس غمز لبدر وجرى على بره تانى
بدر ابتسم وقال لنفسه هو انا باين عليا قوى كده 
على رجع تانى وهو بيضحك باين قوى قوى مفضوح يعنى 
بدر مسك علبه من على المكتب ولسه هيحدفه بيها على طلع يجرى وهو بيضحك 
بدر ضحك هو كمان وقعد على مكتبه يفتكر الى حصل بينه وبين مريم والابتسامه منوره وشه
وصلت بيرى قصاد كافيه نزلت ونزل وراها عمار قعدوا الاتنين عمار بصلها وهو خلاص جاب اخره منها ممكن اعرف انتى عايزه ايه 
بيرى بصتله وابتسمت ببرود تشرب ايه !!
عمار سهم شويه وبعدها اتكلم بغيظ انتى چيبانى كل ديه ميشان تجولى تشرب ايه 
بيرى اكيد لا بس انا عايزاك تهدى علشان نعرف نتكلم 
عمار شاى
طلبت بيرى الشاى وطلبت ليها كابتشينو وفضلت ساكته لحد ما المشروبات وصلت واخيرا اتكلمت عايز ټقتل بدر ليه 
بصلها عمار وابتسم ببرود هو انتى مش بتعرفى كل حاچه ازاى بجى متعرفيش انى رايد اجتله ليه 
بيرى قصدك يعنى علشان اخد منك مريم !! مانت الى غبى 
بصلها عمار ووشه احمر جسما بالله لو لسانك ده مجصرش لهجتعهولك 
نفخت بيرى بزهق انت بتزعل من الحق !! يعنى بذمتك واحد بيحب واحده وخطبها وكلها كام شهر ويتجوزها يقوم يحاول يغتصبها وفى الاخر زعلان انى بقول غبى 
بصلها عمار بقهره ودور وشه انى فعلا غبى واستاهل اكتر من اكده !!! بس برده مش هسيبها لابن الدهاشنه مريم دى بتاعتى انى 
بيرى من النحيه دى متخفش بدر متجوزش مريم 
عمار كيف يعنى وهو كتب عليها جصاد كل اهل البلد وبجيت مارته 
بيرى على الورق بس !!! 
عمار برق وانتى عرفتى كيف الحديد ديه
بيرى انا هحكيلك بس الاول عندك استعداد تساعدنى فى اى حاجه انا عايزها 
عمار لما اعرف اللول وافهم انتى عايزه ايه 
بيرى هفهمك حكلته كل حاجه من اول ماسمعت اتفاقهم لحد الى حصل فى الحفله 
عمار بصلها بفرحه يعنى هو هيطلجها بعد ماتخلص الچامعه 
بيرى بزهق قولتلك اه 
عمار ملامحه اتغيرت لزعل حتى لو طلجها مريم خلاص كرهانى واستحاله ترضى ترچعلى تانى 
بيرى هو ده بقى المطلوب منك 
بصلها واستغرب الى هو ايه 
بيرى انك تفضل وراها لحد ماترجع تحبك تانى وساعاتها هترضى ترجعلك 
عمار اعمل ايه يعنى عاد
بيرى شاغلها روح هتلها ورد واعتزر كتير ابعتلها رسايل حب كل شويه كده يعنى 
عمار دانا اجتل بدر اسهل من كل ديه 
بيرى بصتله پغضب وماله اقتله وانا اقټلك مريم واقټلك معاها 
عمار ضحك باستهزاء وياترى بتعرفى تجتلى ولا اعلمك 
بصتله بيرى قوى لا متخفش بعرف اقتل وبقلب مېت كمان تحب تجرب 
ضحك عمار تانى لاه طلعتى واعره جوى 
بيرى خلينا فى المهم انا هقولك مواعيد نزولها وانت اتعامل 
عمار اللول جوليلى انتى بتعرفى كل ديه منين وعرفتى امى وبوى منين 
ضحكت بيرى قوى انا ليا عيون فى كل حته هنا وفى بلدكم دانا ممكن اقولك الى انت نفسك ماتعرفوش 
عمار وايه هو ديه الى انى معرفوش 
قربت بيرى منه وبصوت واطى زى مثلا انك الحاج جابر الزينى تاجر اثار قد الدنيا 
عمار سهم واتكلم بعصبية كانك مخبوله بصحيح هو مين ديه الى تاچر اثار 
بيرى ببرود ابوك جابر الزينى ووطى صوتك ولا ناوى تسلم ابوك
عمار سكت وبدا يفكر ويربط كل حاجه ببعض فعلا هو مايعرفش ابوه بيجيب الفلوس الكتير دى منين وعمره ماساله لانه كان فاكر ان الاراضى الى بيزرعها هى الى بډخله الفلوس دى دلوقت بس فهم ليه ابوه كل شويه يشترى ارض جديده فى مكان مختلف