حب في السر لإيمان صالح

على عمي ومراته وبعدها قعدت شوية ومن التعب نمت قومت تاني يوم جهزت نفسي واستاذنت من عمي وروحت التدريب لسه لحد دلوقتي مندهشه أن مستر حازم طلع جارنا روحنا التدريب ودخلنا قاعدنا وبعدها مستر حازم دخل ووقف وابتسم واتكلم 
_طبعا اتشرفت بيكم وتطلعوا من هنا بخبره اكبر واستفاده اكتر
كان واقف وبيدربنا وأوقات كتير كان بيبصلي ويبتسم وكنت مستغربه جدا فيه ايه خلصنا وطلعنا دفعت حساب الكورس ونهال استأذنت مني وقالت عندها شغل ومشيت وانا في الطريق لقيت مستر حازم قدامي 
_استني يا انسه هاجر 
_ نعم يا مستر حازم فيه حاجه 

_ لا بس يعني
كان واقف مرتبك وانا نفسي مش فاهمه حاجه بصلي وقالي 
_ هو انتي طلعتي بنت عم سراج 
ابتسمت _ ااه انا بنت عمه وحابه اشكرك انك انقذتني امبارح 
ابتسم _ لا مفيش شكر ولا حاجه بس كنت عايز اعرف ليه مقولتيش على التدريب ل سراج 
_ محبتش اعرفه دلوقتي ل راي شخصي يعني 
_ ماشي يا انسه هاجر مبسوط اني اتعرفت عليكي 
ابتسمت _ وانا اتشرفت بمعرفت حضرتك بعد اذنك
وقفت الميكروباص وركبت وهو كمان ركب كنت بطلع الفلوس عشان احاسب بس هو دفع وقالي 
_دخلي فلوسك خلاص حاسبت 
_ ايه ده انا خلاص هدفع 
ابتسم _ خلاص دفعت قولتلك 
بصتله بضيق _ على فكره مينفعش اتفضل فلوسك 
ضحك _ الموضوع مش مستاهل كل ده دي هي خمسه جنيه يعني مش حكايه
_بس 
_ مفيش بس تبقى أخدها من سراج يا ستي ولا تزعلي نفسك
ابتسمت ب احراج هو اه كنت بستغرب من سراج بس ده عشان ابن عمي مش واحد غريب يعمل كده
وصلت ونزلت وهو التاني مشي وصلت البيت ودخلت كانت هنا و مالك موجودين سلمت علي هنا ومالك ق وكان فشلته 
_ ايه يا مالك عامل ايه 
_كويث خالتوا عايز شيكولاته 
_ طيب هعقد شوية وانزل اجبلك
هز راسه وقعد وانا قعدت جنب اختي وقعدنا مع بعض نهزر ونتكلم في مواضيع مختلفه وبعدها مالك أصر اننا ننزل نجيب كيكه وشيكولاته خدته ونزلت عند السوبر ماركت 
_ ازيك يا عم حسن 
_ بخير يا انسه هاجر اخبارك ايه مش باينه 
_ موجوده اهو بعد اذنك يا عم حسن هات كيكه وشيكولاته ل مالك
ابتسم وجاب الحاجات وانا كنت طالعه جه مستر حازم في الوقت ده وابتسم ودخل السوبر ماركت وانا كنت هطلع ب مالك وقفني 
_ انسه هاجر ثواني 
_ نعم يا مستر حازم 
_ اختي كانت عايزه تتعرف عليكي هي معاكي في إعلام 
_ بجد طيب هي فين 
_ بتقول انكم عندكم محاضره بكره هخليها تتعرف عليكي 
_ تمام بعد اذنك 
_ثواني
طلع كيس شيبسي وعطاه
_ خدي يا قمر 
مالك هز راسه ب لا وهو ابتسم 
_ لا ده بتاعك انت بعد اذنك يا انسه هاجر
ابتسم ومشي وانا بصيت بدهشه وبعدها طلعت وقفت مع مرات عمي وهنا في المطبخ وجهزنا الاكل وكان يوم حلو اوي مع اختي اليوم خلص واختي مشيت وبعدها دخلت عشان انام اليوم كان مرهق بالنسبالي قومت تاني يوم وروحت الجامعه دخلت المدرج وقعدت وجت بنوته وقفت قدامي وابتسمت 
_انتي هاجر صح 
ابتسمت_ اه انا 
_ تمام انا بسمله اخت حازم 
_ بجد انتي اخت مستر حازم جميله اوي 
_تسلمي انتي اجمل حبيبتي عامله ايه
_الحمدلله اقعدي 
_انا كنت حابه اتعرف عليكي هروح اجيب ملك صاحبتي ونيجي نقعد جنبك
ابتسمت وهي راحت ل ملك وجت البنوته التانيه ابتسمت وقربت 
_انا ملك انتي هاجر بنت عم سرااج
بصتلها بدهشة_ انتي تعرفيه
ابتسمت ملك _ طبعا اعرفه ده حاليا صاحبي 
_صاحبك عادي