حياة أسرت قلبي لعبير سليم الجزء الأول
ماما راحت منى يعنى خلاص مش حشوفها تانى
شهد وهى تطبطب على صاحبتها وتبكى معها فكم كانت تحب عفاف بشده
حياة ياحبيبتى الله يخليكى متعمليش فى نفسك كده ان شاء الله حتلاقيها
حياة حنلاقيها فين ياشهد ده احنا داخلين على اسبوع بندور عليها دورنا عليها فى كل مكان
مخليناش مكان مدورناش فيه
حتى الاقسام والمستشفيات وعند كل اللى نعرفهم ومفيش حاجه نافعه
انا مش عاوزة اعيش من غيرك
كانت تمسك صورة امها بيديها وتتحدث اليها كالمجنونه
كده بردو ياماما تمشي وتسيبينى وانتى عارفه انى مليش حد غيرك مش انتى كنتى بتقوليلى انى امانه عندك حد يسبب الامانه ويمشي
انا زعلانه منك اوى ياماما
لا لاياحبيبتى انا عمرى ماازعل منك انا حياتك حبيبتك وانا حياتى كلها فداكى ياامى ياست الكل
تاخذها شهد باحضانها وهى تبكى بشده على فراق امها
اه ياشهد اه حموت ياشهد مش حقدر اعيش من غيرها ياشهد
يدق الجرس فتجرى شهد لتفتح الباب فهى لم تغادر صديقتها منذ غياب امها عنها
بابا تعالى اتفضل
يدخل والد شهد حياة عامله ايه يا حبيبتى
ماما راحت خلاص
والد شهد والله يابنتى مافى مكان مدورناش فيه
ولا فى حس ولاخبر
حتى البوليس ملقاش اى حاجه فيها شك خصوصا لما قلنا ان ملهاش اعداء
والكل بيقول مفيش غيراحتمال واحد بس
حياةبلهفه احتمال ايه ياعمى قول. الله يخليك
فيتردد قبل التفوه بكلمه فهو يعلم وقع هذه الكلمه عليها
وو
حياة بصړيخ شديد لا لا متكملش متكملش ارجوك ياعمى لا متقولش كده لا لا ماما عايشه انا حسه انها عايشه قلبي بيقوللى انها عايشه
ماما مش حتسيبنى ماما مش حتسيبنى
شهد بابا الحقنى يابابا حياة حتروح مننا
يجرى والد شهد لاحضار الطبيب الذى يعطيها حقنه مهدئه للاعصاب لتنام فهى لم يغمض لها جفن من يومين ويتم تعليق المحاليل لها حيث انها لم تتناول شيئا
والده والله مانا عارف حاجه
مش يمكن يابنى امها تظهر
محمود ده مر كذا يوم ومفيش اخبار وحياة بتقول ملهومش
حد ممكن تكون عنده وتروح عنده ليه من اساسه واحنا كلنا عارفين انها عمرها مابعدت عن حياة
دى كانت بتوديها الدروس بنفسها لحد مادخلت ثانوى
لا يابابا انا متاكد ان حصلها حاجة
البنت صغيرة ومامتها كانت كل حياتها
ولازم حد يقعد معاها يخللى باله منها
هما ملهومش حد يابابا
والده والله يابنى انا مااعرف اختك هى اللى تعرف كل حاجه عنهم وامك كمان لكن انا معنديش
فكرة
محمود شهد ياشهد تعالى عاوزك
شهد كانت تجلس بجوار تلك النائمه ودموعها لا تجف على اعز اصدقائها
فتخرج لمحمود
نعم يامحمود خير
والدها قوليلي ياشهد
حياة ليهاعم مش كده
شهد ايوة يابابا بس حياة قالتلي انه مش كويس وباباها جابهم هنا عشان يبعدهم عنه وعن مشاكله
والدها ايوة يابنتى بس دلوقتى هو اولى بيها حياة قاصر وكمان محتاجه حد يصرف عليها
وعلى تعليمها ويخللى باله منها
لحد ماربنا يرجع امها بالسلامه
شهد تفتكر حترجع يابابا
والدها ربنا كبير ياشهد وقادر على كل شئ
المهم دلوقتى سيبيها نايمه والصباح رباح وربنا يكتب الخير من عنده
ياتى الصباح الذى نتمنى ان يكون بداية يوم ملئ بالامال والتفاؤل ولكن مع حياة الوضع مختلف تماما
تفتح عينيها ببطء شديد لترى شهد نائمه بجوارها
حياة شهد شهد
شهد حياة انتي صحيتى ياحبيبتى صباح الخير
حياة مفيش خير طول ماماما مش موجوده
يرن جرس الباب
تقفذ حياة سريعا تجاه الباب لعلها تجد امها القادمه
محمود
محمود صباح الخير يا حياة
حياة وقد انهى امالها فقد ظنته امها تعالى يامحمود اتفضل
محمود انا جايبلكم فطار عشان تفطروا
حياة شهد تعالى
ياشهد افطرى
وجلس بعيدا
محمود حياة انتى مش حتاكلى
حياة انا مليش نفس لاى حاجه يامحمود
ومش حاكل غير لما امى ترجع
محمود حياة انا عاوزك تبقى اقوى من كده لازم تفوقى وتبقى قويه عشان لما مامتك ترجع تلاقيكى حققتى حلمها
حياة تفتكر حترجع يامحمود
محمود ان شاء الله حترجع واحنا معاكى ياحياة
بقولك ياحياة كنا عاوزين نعرف عنوان عمك
حياة ليه
محمود لازم يكون جمبك اوياخدك تعيشى معاه
حياة لاء انا مش حسيب بيت بابا
وكمان ماما قالتلى انه مش كويس
محمود بصي ياحياة انتي مش حينفع تقعدى لوحدك ولازم يكون حد معاكى
حياة مانتوا معايا يامحمود
محمود طبعا احنا معاكى ياحياة
بس اللى لازم تفهميه اننا مش حينفع مثلا نقيم معاكى
لازم حد يقيم معاكى كمان عشان مصاريفك ياحياة
حياة وقد تفهمت الموقف
معاك حق يامحمود بس انا معرفش عنوانه بالظبط بس اعرف المنطقه اللى ساكنين فيها
محمود تمام قوليلي وانا وبابا حنروح نسأل عليه لحد مانوصله
فى شقة عادل وعزة
دق على الباب
عزة انت يابنى ادم مش سامع الباب بيخبط ماتقوم تفتح
عادل ياربي مين اللى جاى دلوقتى تلاقيه بتاع الميا واللا النور
عزة ماتقوم ياراجل تفتح انت ناوى تشلنى
عادل حاضر حاضر ياللى عالباب
يفتح عادل الباب ليجد أمامه رجلين
مين حضراتكم
فى المصنع
كامل يعنى ايه ياياسر عفاف اختفت
ياسر منعرفش ياكامل بيه هى اخر مرة جت عادى ومشت العصر حتى قلتلها تقعد شويه صممت تمشي وبعد كده لقينا بنتها بتسال وتقول انها مرجعتش
كامل ومحدش فى المصنع شافها
ياسر لا حضرتك محدش يعرف عنها حاجه
كامل وهو يخبط كف على الاخر لا حول ولا قوة الا بالله العلي العظيم
حيكون حصلها ايه دى غلبانه وبنتها المسكينه حتعمل ايه من غيرها دى ملهاش غير امها وكمان فى الثانويه العامه
انا لازم اتصرف واعرف ايه اللى حصلها
فيتصل على احد ضباط الشرطه ويطلب منه البحث عن عفاف فى كل مكان والاهتمام بالموضوع
عزة تتحدث الى محمود ووالده يانهار ابيض طبعا حنروح لها ونقعد معاها ونحطها فى عينينا لحد ماامها ترجع بالسلامه باخبر دى عفاف دى غاليه عندى اوى
يشكرهم محمود ووالده على حسن الضيافه وينصرفان
بينما عادل بتحدث إليها
ايه اللى خلاكى تتسحبي من لسانك وتقوللى الكلام ده
واحنا مالنا بيها حنصرف عليها منين دى بيقولولك ثانويه عامه
ومصاريفها كتير
عزة حتفضل طول عمرك عبيط وغبي يابنى ادم افهم وفتح مخك معايا
دلوقتى البت امها محدش عارف هى راحت فين واكيد مش راجعه يعنى الشقه حتبقى شقتنا ونقب على وش الدنيا
اما بالنسبه للمصاريف مين قالك اننا حنصرف عليها
عادل مش فاهم
عزة حفهمك يامنيل
فى الشارع يتحدث محمود الى والده
مش عارف يابابا بس انا مش مرتاح للناس دى شكلهم غريب واللا الشقه اللى ساكنين فيها عامله شبه الجحر
والده حنعمل ايه بس يامحمود مفيش فى ايدنا حاجه تانيه
المهم نطمن ان فى حد معاها وواخد باله منها
فى المساء تجلس حياة وهى لاتدرى ماذا سيحدث معها وماذا سيخبئ لها القدر
تجد طرقا على الباب فتتجه لفتحه فترى امامها عمها عادل وزوجته هى لم تراهم كثيرا ولكنها تعلم شكلهم جيدا
حياة عمى
عادل حياة بنت اخويا حبيبتى
ثم تاخذها عزة فى احضانها بلؤم ومكر حياة حبيبتى قلبي عندك ان شاء الله ان شاء الله حترجع بالسلامه واحنا مش حنسيبك ياحبيبتى احنا معاكى
حياة اهلا وسهلا بيكم
عزة معلش ياحبيبتى عاوزة اغير هدومى وارص حاجتى انا وعمك فين بقى الاوضه بتاعتنا
حياة باندفاع شديد وهى تجدها تحاول اقټحام غرفة امها
لا دى اوضة ماما محدش حيقعد فيها وكانت تبكى بشده
عزة بلؤم حقك علية ياحبيبتى ولا يهمك بس انا مش شايفه غير اوضتين احنا حنام فين بقى
حياة انا حسيبلكم اوضتى خدوا راحتكم والريسيبشن واسع انا حقعد فيه وحبقى انام فى اوضة ماما
عزة وهى تمضغ العلكه بمنتهى الاستفزاز وماله ياحبيبتى ميضرش
تضع حياة راسها على وسادتها وهى تدعو الله ان يعيد لها امها الغاليه
واخذت تتحدث إلى صورة امها
انا مش حستسلم ياماما يا حبيبتى للكلام اللي قالوه
قلبي بيقوللى انك عايشه ولازم ترحعى تلاقينى مستنياكى
انا من بكرة حروح الدروس وحذاكر واحقق حلمك وحلم بابا
تصبحى على خير ياحبيبتي
وتأخذ الصورة فى حضنها وتنام
تخترق اشعة الشمس غرفة حياة لتعلن عن ميلاد يوم جديد ولكن ماذا سيحمل معه هذا اليوم
تقوم حياة من نومها لعزمها على استكمال ماعاهدت نفسها عليه
تعد نفسها للذهاب الى دروسها لتحصيل مافاتها فى الفترة الماضيه
تخرج من غرفتها لتشم رائحه لم تعهدها من قبل فتسال نفسها ماهذه الرائحه لتجد عمها عادل وهو يقوم بالټدخين
حياة صباح الخير ياعمى
عادل صباح النور
خير لابسه كده ورايحه على فين عالصبح
حياة عندى درس ياعمى
عزه روحى ياحبيبتى يارب تنجحى واشوفك دكتورة اد الدنيا حتتاخرى ياحياة
حياة انا عندى درس واحد حخلصه وبعد كده حروح عند شهد اذاكر معاها شويه وارجع
عزة طيب ياحبيبتى بالسلامه
تخرج حياة من المنزل دون ان تاكل شيئا فتتذكر والدتها
عندما كانت تصر على اطعامها قبل الخروج فتنزل الدموع من عينيها ولكن عيناها تلتقى بعين من يعشقه القلب ويتمناه الفؤاد
محمود صباح الخير يا حياة
حياة صباح النور يا محمود
محمود عامله ايه مع قرايبك
حياة لسه معرفش عنهم حاجه
هى شهد فين
فتجد من يقول انا اهوه يا حبيبتى فتقبلها حياة
شهد ياللا بينا
محمود حياة خللى بالك من نفسك واوعى حاجه تاثر على مستقبلك انتى فاهمه
حياة فاهمه يامحمود
يتركهم محمود ويمشي بينما تتحدث حياة وشهد حتى يصلون الى المعهد
فى البيت
عادل هو ده الاتفاق اللى اتفقنا عليه
عزه ياربي على مخك مينفعش انفذ اللى قلتلك عليه على طول كده مش لما نثبت اقدامنا هنا الاول وبعد كده نعمل فيها اللى عاوزينه
عادل طب ولو رجعت من برة وقالت عاوزة فلوس حتعملى ايه
عزة ملكش دعوة انت تسكت وتقفل بؤك ده وتسيبنى انا اللى اتصرف
عادل حاضر
بقولك ايه ماتيجى ندخل جوة اقولك كلمتين بصراحه الشقه هنا تفتح النفس للدنيا
عزة ده احنا حنقول احلى كلام
بس مش دلوقتى انا لازم انزل عندى شغل ولما ارجع حوريك الشغل اللى على اصوله
فى وسط النهار
خديجه مبتكليش ليه ياحياة
حياة مليش نفس والله ياطنط
احنا اتفقنا على ايه مش قلنا ننتبه لنفسنا عشان لما عفاف ترجع
الى هنا لم تستطع حياة السيطرة على نفسها فلقد بكت بكاء شديد
حتى ان شهد بكت هى الاخرى فقامت خديجة باحتضانها
حترجع ان شاء الله ياحبيبتي حترجع
حياة يارب يارب ياطنط انا مش عارفه ازاى يومى حيكمل من غيرها
انا مش عارفه ايه اللى حصل ولا فاهمه حاجه احنا كنا مع
بعض فجاة راحت منى فى غمضة عين
انا بقول يارب يكون كل ده كابوس وحفوق منه
تفتكرى حترجع طب هى فين راحت فين جرالها ايه
خاېفه يكون حصلها زى عمى ماقاللى لالا انا حاسه انهاعايشه
خديجة اهدى ياحبيبتي اهدى ان شاء الله حترجع
يدخل محمود فيرى هذا المشهد
فيتوجه بالكلام لحياة
حياة احنا قلنا ايه
انا اتعودت اشوفك قويه مش ضعيفه كده
حياة انا كنت قويه بيها يامحمود لكن
محمود مالكنش ياللا قومى ذاكري مع صاحبتك شويه وبعد كده انا حوصلك للبيت
حياة ربنا يخليك يا رب
فى المساء
حياة تفتح الباب وتدخل لتجد عزة وعادل يجلسون يشاهدون احد الافلام
حياة مساء الخير
عزة مساء النور يا حبيبتي
حياة عمى لو سمحت كنت عاوزة اتكلم مع حضرتك
عزة اقعدي ياحياة خير ان شاء الله
حياة وهى تفرك يدها لا ابدا بس اصل
عادل بس ايه واصل ايه ماتتكلمى علطول
عزة جرى ايه ياعادل مالك بتزعق فى البنت كده ليه الراحه عليها
تجرى الدموع فى عيون حياة فهى
