حياة أسرت قلبي لعبير سليم
متعرفوش ان الفستان اللى علية ده اللى مش عاجب سيادتك مش بتاعى اصلا وانا شحتاه من واحده جارتى عشان اجى بيه تمام كده تحب احكيلك ايه كمان طب اقولك حبيبي اللى كنت بكلمه ده حاخدله ايه وانا مروحه حاخدله شوية لب وسودانى عشان هو ده اللى على ادنا وعلى اد الفلوس اللى معايا تمام انبسطت كده
ياللا روح بقى شوف حالك واللا اقولك روح فكر ازاى ټنتقم من واحده زيي اقولك انت ممكن تدبرلى قضية اداب واللا تخللى حد يحطللى مخډرات فى الشنطه عادى مانت ظابط بقى وتقدر تعمل اللى انت عاوزه
تتركه هدير دون ان تستمع منه الى اى رد وتتحرك ناحية الباب وتخرج سريعا وتنهمر دموعها على خدها بشده
نعم فبقدرما حاولت ان تتماسك على قدر استطاعتها امامه حتى لا يظهر خۏفها وضعفها ولكنها فى الحقيقه فى قمة ضعفها
كانت تحدث نفسها اطمنى ياهدير مش حيقدر يعملك حاجه ده بيهوش بس بيقول اى كلام عشان القلم اللى اخده انا دلوقتى بشتغل عند استاذ اسر ولو حصل حاجه هو اللى حيحمينى
وربنا هو اللي حيحميكى ياهدير مش حد تاني
بينما كان أمجد فى الداخل يتحدث الى نفسه انا ازاى سكتلها كده وازاى سمحتلها تتكلم معايا بالطريقه دى
ماشي ماشي اما وريتك وعرفتك ازاى تتكلمى مع اسيادك
ثم يقرر ان يمشي من الحفل فلن يستطيع الدخول وهو فى هذه الحاله
ويقرر الذهاب الى اسر فى مكتبه للاستفسار عن هذه الفتاه
حياة انتى فين يا هدير
هدير انا مشيت ياحياة
حياة مشيتى ليه ياهدير حصل حاجه
هدير لا ياحياة بس حسيت ان عندى صداع فمشيت
حياة طيب ياحبيبتي الف سلامه عليكى يا هدير
تغلق معها الهاتف فتجد نور خلفها
حياة نور مالك فى حاجه
نور اه ياحياة فى
حياة فى ايه قلقتينى
نور مش عارفه بس يعنى هو حصل حاجه كده مخليانى عندى شك انى ممكن اكون حامل
نور بس معقوله ياحياة اكون حامل واحنا مكملناش شهر ونص جواز
حياة ايوة طبعا عادى جدا المهم احنا لازم نتاكد بصي انا حبعت داده فاطمه تشتريلنا اختبار حمل فى الخباسه من غير ماحد ياخد باله
تدخل نور الى الحمام وقد قررت ان تقوم بعمل هذا الاختبار حتى تتاكد من هذا الاحساس الذى اتاها بينما كانت حياة تنتظرها فى الخارج
نور بابتسامه جميله تقول لها انا حامل ياحياة
ټحتضنها حياة بكل حب الف الف مبروك ياحبيبتى
نور الله يبارك فيكى يا حبيبتى عقبالك يارب
حياة ربنا
يكملك على خير يارب
ياللا بقى عشان تفرحى جوزك وحماتك اللى نفسهم تملى عليهم البيت ولاد
اسر انتوا سيبتونا ورحتوا فين
تنظر نور فى الارض خجلا
اسر ايه بجد انتى بتتكلمى بجد حبيبة
قلبي الف الف مبروك
نور الله يبارك فيك يااسور
تذهب نور واسر وحياة ليخبروا العائله بهذا الخبر السار
نور وهى تميل على اذن مؤمن مؤمن انا حامل
مؤمن ايه انتى قلتى ايه قولى تانى اللى قلتيه كده
نور بقولك انا حامل حامل ياحبيبي
فلا يشعر مؤمن بتفسه الا وهو يحملها ويلف بها أمام الجميع
فيتفاجأ الجميع بهذا الفعل الذى فعله مؤمن
اسر ههههههه هههههه والله انت مچنون ده انت غلبت فارس
فهمى فى ايه ياجماعه ماتفهمونا
اسر وهو يحتضن اخته بنتى الكبيرة واختى الصغيره وحبيبتى حتخلينى خال نور حامل يابابا انا الدنيا مش سيعانى من الفرحه بقيت عم وحبقى خال ان شاء الله
الكل يفرح بهذا الخبر والجميع يهنئهم بهذا الخبر السعيد
اما وفاء فتبكى بشده وتاخذها فى حضنها
حبيبتى حبيبتى يانور ربنا يفرحك دايما زى مافرحتينا
احمدك يارب واشكر فضلك
مؤمن ياااه على كرم ربنا
نور مش قلتلك يامؤمن ان ربنا حيعوضنا خير ان شاء الله
فارس وهو يهمس لاسر سبحان الله بقى مؤمن ده يخللى اختى تبقى حامل بعد شهر وانا فارس الجن مراتى تحمل بعد سنين عڈاب معقوله دى
اسر ههههههه كل واحد وضميره بقى
فارس لا ده لو على الضمير يبقى انا كده تمام اوى
بس انا زعلان من نفسي اوى
اسر ليه ياباشا بس
فارس اصلي كنت شاكك فى قدراته وكان نفسي اسال البت نور عاملين ايه بس اتكسفت
اسر وهو انت بتتكسف ده انت بجح
فارس لا ماخلاص بقى ظهرت الرؤيه والراجل اثبت كفاءته
مفيش كلام بعد كده وشي منه فى الأرض والله
ثم يقبل على مؤمن ويحتضنه الف الف مبروك يامؤمن افندى ياجوز اختى
منور والله ده انت طلعت استاذ ورئيس قسم كمان والواحد لازم يتعلم منك ياباشا
شهر شهر يا مفتري صحيح ياما تحت السواهى دواهى مع انك مكنش يبان عليك ياراجل بقى انت يامؤمن بام شنبك ده يطلع منك ده كله
لاء بجد ضړبة معلم
مؤمن ههههههه هههههه لا مش ممكن ايه اللى انت بتقوله ده انت ملكش حل يافارس
فارس والله انت اللى ملكش حل ياجوز اختى
ثم يحتضن نور الف الف مبروك يا ست البنات
نور الله يبارك فيك يا رب
فارس بت يانور خللى بالك من جوزك ده طلع ثروة قوميه واحنا مش عارفين
اسر ماتتلم بقى واحترم نفسك جوز اختك مؤدب ملوش فى الكلام ده
يسهر الجميع ويستكملون فرحتهم التى كماټ بخبر حمل نور
فى الصباح
فى احد مستشفيات السجون
ينام على الفراش لا حول له ولاقوة يبدو على وجهه الشحوب الشديد
اسر خير ياشريف قالولى انك طالب تشوفنى ممكن اعرف عاوز ايه
شريف عاوزك تسامحنى يااسر على كل اللى عملته معاك انت وحياة
اسر انا نفسي افهم احنا عملنالك ايه عشان تعمل معانا كده ليه ده انا كنت بعاملك احسن معامله
وكنت بتاخد حقك وزياده ليه ياشريف ليه
تخونى تخون المكتب اللى كان معيشك احسن عيشه
تسرقنى وتحط ايدك فى ايد عدوى
وكمان ټخطف بنتى وخطيبتى وكنت عاوز ټقتل بنتى وجاى ببساطه كده وتقوللى سامحنى طبعا عشان لقيت نفسك خلاص حتموت قلت تضمن انى سامحتك فى الدنيا
عالعموم ياشريف انا حتى لو سامحت فى حقى انا مقدرش اسامح فى حق بنتى اللى كنت ممكن افقدها فى لحظة حقد منك ولا اقدر اسامح فى حق مراتى اللى كنت ممكن ضيعتها منى
ثم يقوم ويقف ربنا هو اللى بيسامح ياشريف اطلب من ربنا هو اللى يسامحك
ثم يتركه ويمشي
يتجه اسر الى مكتبه ليجد هدير جالسه بجوار فرح التى تعلمها العمل بالمكتب وطريقة وضع الملفات وارقامها
تقف هدير احتراما له
اسر اقعدى ياهدير صباح الخير يا بنات
هدير وفرح صباح الخير
اسر ياللا يافرح عاوزك تورينى الشطارة بقى وعاوز اشوف هدير شطورة فى الشغل
فرح ان شاء الله حتبقى تمام طبعا مانت عارفنى معلمة اجيال
اسر ماشي يافالحه بس انتى يانصابه مجيتيش السبوع ليه
فرح معلش والله كنا بنشترى شوية حاجات ووديناها على الشقه فاتاخرنا وانا تعبت اوى وكنت عاوزة انام
اسر ماشي ياست هانم
ثم يدخل مكتبه فرح هاتيلى القهوه بتاعتي
فرح هدير انا حروح اعمل لاستاذ اسر القهوة وانتى خللى بالك
تذهب فرح لتعد القهوة بينما كانت هدير ترتب الملفات فتجد فجاه من يقول لها صباح الخير ياانسه
ترفع هدير رايها لترد فتقول صباح ال...........
أمجد اهلا هو انتى هنا
هدير يادى النيله هو انت عامل كده زى عفريت العلبه ناططلى فى كل حته
أمجد اتكلمى كويس يابت انتى والزمى حدودك
انتى بتعملى ايه هنا
هدير وايه دخل سيادتك
أمجد انا لما اسالك تردى وانتى ساكته
هدير وازاى حرد وانا ساكته ياحضرة الظابط
أمجد قولى لاسر انى عاوزه
هدير اقوله مين حضرتك
أمجد أمجد
تدخل هدير وتستئذن للدخول وتخبراسر بوجود امجد
يدخل أمجد المكتب ويطلب من هدير فنجان قهوة
هدير فرح معلش انا اسفه بس ممكن تعملى فنجان قهوة للضيف اللى جوة
تدخل فرح وتضع القهوة لهم وتخرج
اسر ازيك ياامجد عامل ايه مش قلتلي حتيجى الحفله مجيتش ليه
أمجد معلش حصلت ظروف المهم قللى رحت لشريف
اسر ايوة رحتله
أمجد بقولك ايه هى البنت اللى برة دى مين
اسر هدير
امجد هى اسمها هدير
اسر زميلة المدام فى الكليه وبتشتغل هنا فى المكتب
أمجد اه ماهى باين عليها انها كحيانه
اسر امجد عيب كده احنا من امتى بنتكلم عن بنات الناس بابشكل ده
أمجد لا عندك حق بس لما يكونوا بنات ناس
اسر نالك ياامجد فى ايه انا اول مرة اشوفك بتتكلم بالطريقه دى
أمجد ماتحطش فى بالك المهم قللي هى مش عندها كليه حتشتغل ازاى
اسر عادى لما بيكون عندها محاضرة بتروح تحضرها
تدخل هدير بعد الاستئذان استاذ اسر بعد اذنك ممكن امشي بعد نص ساعه عشان عندى محاضرة
اسر تمام ياهدير وكلمى صاحبتك اكدى عليها تروح عشان حاسس انها حتكسل
فتبتسم هدير ابتسامه جميله حاضر حكلمها
يستئذن أمجد ويخرج من المكتب
فيجدها تضع الملفات فى الادراج مع السلامه ياهدير هانم
فتنظر له هدير ولاترد عليه
يخرج أمجد من المكتب ولكنه يظل جالسا فى عربيته منتظر خروج هدير من مكتبه
بينما كان اسر واقفا فى شرفة مكتبه يتابع المشهد فحاسته اخبرته بان هناك امر ما بين هدير وامجد ولن يهنا له بال حتى يعلمه فهو اسر التهامى الذى لا تخفى عليه خافيه
تخرج هدير من المكتب وتتجه ناحية اليمين فتغيب عن اعين اسر التى تتابعها وخاصة بعد ان اختفى امجد بسيارته هو الاخر تذهب لتستقل الميكروباص فتجد من يقف بجانبها بسيارته هدير
هدير تنظر فتجده ينزل من السيارة ويتحدث اليها اركبي
هدير نعم
أمجد بقولك اركبي ايه انطرشتى
هدير مش حركب انا عاوزة اعرف انت عاوز منى ايه يااخى متسيبنى فى حالى
أمجد حسيبك فى حالك بس بعد ماردلك القلم اللى ضربتيهولى
هدير ده بعينك ولو مامشتش حالا واحترمت نفسك حتلاقى القلم التانى على وشك
أمجد ههههههه طب ياللا انا اهوه قدامك ياللا اضربي
هدير ياعم سيبنى فى حالى بقى حتاخرنى على الكليه
أمجد طب مانا عاوز اوصلك وانتى اللى مش راضيه ومعطلانا
تقرر هدير بالا ترد عليه وتذهب من امامه ولكن امجد يمسكها من يديها ودينى لو
ماركبتى دلوقتى حالا حعملك ڤضيحه فى الشارع
هدير ده انا اللى حعملك ڤضيحه وحخللى الناس ترنك علقھ
أمجد طب ياللا صوتى وانا عاوز اشوف مين ده اللى حيرننى علقھ
هدير ماشي حوريك الحقونى ياناس الراجل ده عاوز يخطفني
بعض
الرجال فى ايه حضرتك عاوز منها ايه
أمجد دى مراتى وزعلانين مع بعض ومش راضيه تتصالح وعاوزة تطفش امى من الشقه يرضيكم يارجاله الكلام ده
الرجال عيب يابنتى كده اعتبريها زى امك ربنا يهديكى يارب معلش يابنى انت عارف بنات اليومين دول
ويتركها الناس ويمشون
أمجد ههههههه تصدقى الضړب اللى انضربته وجعنى اوى ياللا اركبي
هدير بقى انا مراتك انت ايه يااخى
أمجد وانتى تطولى اصلا واللا انا اساسا ابص لواحده زيك ده انا بنات العائلات المحترمه يتمنوا منى نظرة مش زيك يابيئه يابتاعت الاتوبيسات اوعى تكونى فاكرة انى مېت فى دباديبك واللا رموشك سحرتنى
لا ياحلوة فوقى
