حياة أسرت قلبي لعبير سليم
اقولك اتفضل بس الوقت اتأخر
أمجد لا ولا يهمك بس بعد اذنك يااشرف انا حعدى على هدير الصبح اوصلها الكليه
هدير مانا حروح زى مانا متعوده
أمجد اسف انا اللى حوصلك كل يوم وحرجع اجيبك لحد البيت
اشرف ماشي ياامجد مفيش مشكله
ينطلق أمجد بالسيارة فيقوم بتشغيل الاغانى الرومانسيه التى تعبر عن فرحته الشديده التى يشعر بها بينما تدخل هدير غرفتها وقلبها سيتوقف من شدة الفرحه اخيرا قد رضا عنها القدر واحبت من كان يتمناه ويحلم به قلبها
وفاء بجد انا مش قادرة امسك نفسي من كتر الضحك
ملك فارس اخويا ده ملوش حل يتفاتله بلاد وبلاد
وفاء بس عسل وربنا دمه شربات
وعليه افيهات ټموت من الضحك
شفتيه واحنا بنوزع على المعازيم الحلويات وحاجة السبوع عمل ايه
نور انا كنت حسه ان ماما حتصوت وتقول ارحمونى منه ياناس
كان كل منهم يحمل طفل على كتفه
فجاة بتوقفون مكانهم وتاخذهم الدهشه مما تراه أعينهم
وفاء مش ممكن مش معقوله انا مش مصدقه
مفاجأة لم يتوقعها مؤمن أو وفاء فلقد ياست القلوب من كثرة الإشتياق وملت من الانتظار واعتبرتهم صفحه وطويت مع مرور الأيام والاعوام
وفاء مريم معقوله مريم بنتى
تجرى مريم عليها وټحتضنها وتقبل وجهها وتقبل يديها ماما حبيبتى وحشتينى أوى ياماما
مريم ڠصب عنى ياماما والله العظيم كان ڠصب عنى
ثم تلتفت لمؤمن الذى ماان رآها حتى ادار وجهه ڠضبا منها
مريم مؤمن انا عارفه انك زعلان منى بس والله العظيم كان ڠصب عنى على عينى يااخويا انى محضرتش فرحك ومشوفكش وانت عريس على عينى انتى مكنتش بنزل ولا بكلمكم
امك لا كان بيهون عليكى تكلمينا ولا تحاولى تعرفى أخبارنا مكنش فى حتى تليفون ولما كنت اتصل بيكى كان كل فين وفين لما تحنى وتردى ايه قساوة القلب دى
ده انتى ياشيخه مهنش عليكى تيجى الفرح ولا حتى ترفعى سماعة التليفون تعتذرى وجايه دلوقتى تقولى على عينى
نور مينفعش كده يا مؤمن دى اختك ولازم تسمعها
مريم انتى مراته مش كده
نور ايوة ياحبيبتى انا نور مراته
تنظر مريم لهؤلاء الأطفال بسم الله ماشاء الله دول ولادكم
مؤمن ايوة ولادنا يامريم ولادنا اللى انتى وابوكى واخوكى متعرفوش عنهم حاجه الحمد لله ربنا عوضنى بيهم عنكم
مريم أيمن ياماما
مؤمن أيمن جوزك هو اللى عمل فيكى كده ليه عملتي ايه عشان يعمل معاكي كده
مريم بدأت تحكى والدموع تجرى من عينيها بعد ماسافرنا اكتشفت حقيقته اللى كان مخبيها عنى ظهرلى وشه الحقيقى وشال قناع الادب والأخلاق والطيبه اللى كان راسمه علينا كلنا طلع انسان ساڤل حقېر سادى كانت كل متعته في الدنيا تعذيبي كان بيضربنى من غير اى سبب كان حابسنى مانعنى أكلم اى حد فى الدنيا فى البدايه كنت بتحايل عليه عشان يسمحلى أكلمكم كان يقعد جمبيى لحد مااخلص معاكم المكالمه عشان يطمن انى مش حقول حاجه عنه ولا اشتكى منه وبعد فترة اكتشفت انى حامل حاولت اجهض نفسي بكل الطرق لحد ماجالى ڼزيف شديد محستش بنفسي غير وأنا فى المستشفى والدكتورة بتقوللى انهم انقذونى بمعجزة و انهم كانوا حيطروا يستئصلوا الرحم عشان الڼزيف يقف بس الحمد لله قدروا يسيطروا على الڼزيف لكن باللى عملته فى نفسي بقى صعب ويمكن يكون في استحاله انى اقدر اخلف تانى
ومن وقتها وبقى تعذيبه لية اضعاف من الأول كان بيفضل يعذبنى ويضرب فية لحد ماافقد الوعى من كتر الضړب
كان حابسنى ومنعنى أكلمكم نهائي ومكنتش بشوفه غير سکړان ومطوح واحيانا كتير كنت بلاقيه جايب معاه ستات وبنات ايوة والله كان بيجيب معاه ستات فى بيتنا وعادى ولا كان بيهمه عيشنى اسود ايام حياتى كلها اتحايلت عليه كتير يطلقنى كان رافض لحد مااتصلت علية يامؤمن عشان تعزمنى على الفرح هو اللى كان معاه التليفون وهو اللى رد عليك لقيته داخل علية الأوضة بيقوللى اخوكى عاوز يعزمك على فرحه ولو نطقتى بحرف حقتلك وقعد جمبي لحد ماخلصت المكالمه معاك
كان نفسي والله اجى كان نفسي اوى أشوفك وانت عريس اتحايلت عليه كتير لدرجة انى وطيت بوست رجله عشان يسيبنى انزل احضر فرحك لكن هو رفض نهائى
مكنتش عارفه ألجأ لحد ولا اقوله الحقنى منه لحد مافى يوم اغمى علية من كتر الضړب اللى ضربهولى ولما فقت طلبت منه يطلقنى واترجيته قاللي موافق بس بشرط انى اتنازل عن كل حاجه كتبتله تنازل عن فلوسي ومجوهراتى وحقى اللى كان المفروض اخده بعد الطلاق طلعت بالفستان اللى عليه معييش حتى حق التاكسي اللى حركبه من المطار خدنى بايده لحد باب الطيارة ورمانى معييش غير اوراقى الشخصيه وبس
انا حتى لما وصلت هنا الداده هى اللى دفعتلى حق التاكسي اللى كنت راكباه انا تعبت تعبت اوى انا مهما حكتلكم مش حقدر احكى اللى حصللى
حقكم علية حقكم علية كلكم والله كان ڠصب عنى والله أنا مكنش فى ايدي حاجه انا كنت بفضل اخبط على الشبابيك اللى كان قافلها علية كان نفسي حد يسمعني بس للأسف محدش كان بيقوللى انتى فين
نور ازاى المچرم ده يعمل فيكى كده ده لازم يتحاكم على كل الاذى اللى سببهولك ده هو كان بينتقم منك من حاجه كنتى قاتلاله قتيل عشان يعمل معاكى كده
مريم معرفش والله ما اعرف كان بيعمل معايا كده ليه ده كنت بحبه والله وهو هو كان مفهمنى انه بيحبني
ليه اتحول كده معرفش اذيته فى ايه عملتله ايه ايه والله مااعرف
لم يشعر مؤمن بنفسه الا وهو يحتضنها حقك علية يامريم انا آسف ياحبيبتىى حقك علية انى ظلمتك بس والله ماحسيبه وحجيللك حقك منه حجيبه تحت رجلك زى الكلب والله لخليه عبرة لاى حد يفكر يبهدل بنات الناس
مريم لا يامؤمن انا مش عاوزة منه حاجه ولا عاوزة اشوف وشه تانى كفايه علية اوى لحد كده
والحمد لله انى قدرت اطلق منه واعرف ارجعلكم انا مش مصدقة اصلا انى قدرت أخلص منه مش مصدقة انى دلوقتى معاكم انا كنت خاېفه اوى اموت من غير مااشوفكم وخلاص انامش عاوزة حاجه خلاص غير انى اعيش فى وسطكم انا كنت عايشه فى كابوس وماصدقت صحيت منه
مؤمن حتعيشى فى وسطنا ياحبيبتى وحعوضك عن كل اللى حصلك بس اقسم بالله العظيم انى ماحسكت ولا حيغمضلي جفن غير لما انتقم منه الحيوان ابن ال......... ده
والله لحندمه على كل اللى عمله معاكى وحدفعه
تمن كل دمعه نزلت من عينيكى وكل ضربه ضربها لك
ونارى مش حتبرد غير لما اقطع لحمه بسنانى ماشي ياايمن الكلب انا حوريك انا حعمل فيك إيه
كانت وفاء مصدومه مما تسمعه من ابنتها كانت تبكى لحال ابنتها اخذتها فى حضنها بنتى حبيبتى نور عينى معقوله يحصللك ده كله واحنا مش عارفين منه لله حسبي الله ونعم الوكيل فيه ربنا ينتقم منه احنا عملناله ايه عشان يعمل معاكى كده
مريم ااااه ياامى حضنك كان واحشنى اوى
انا كان كل املى فى الدنيا انى اقدر ارجعلكم واشوفكم تانى
ثم تسلم عليها نور وتأخذها فى حضنها نورتينايامريم وان شاء الله الجاى يكون احسن من اللى راح انسي ياحبيبتى وافتحى قلبك للدنيا وان شاء الله ربنا يعوضك خير باللى يقدرك ويشيلك فى عينيه
مريم لا الحمد لله على كده انا خلاص اخدت نصيبي ثم تمسح دموعها و تنظر لهؤلاء الصغار حبايبي ممكن اتعرف عليكم
نور بصي ياستى ده ياسين و وده زين ودى إيلين
مريم الله أسماءهم حلوة أوى
اعرفكم بية انا عمتو مريم ثم تقول ايه ده هما توائم
مؤمن ايوة ياحبيبتى توائم
مريم ياولاد اللعيبه بسم الله ماشاء الله تلاته مرة واحده عملتوها ازاى دي
مؤمن يالهوى انا شايف فارس التانى قدامى ههههههه
فيضحكون جميعآ ويحتصنها
مؤمن حبيبة قلب اخوكى وحشتينى ياست البنات
فى غرفة اسر وحياة
تدخل حياة الغرفه فتجد اسر نائما بجوار سليم وممسكا باصابعه الصغيرة ويتحدث إليه
حياة نايم ياحبيبي
اسر لاء صاحى انتى كل ده كنتي عند البنات
حياة ايوة كنت بتكلم معاهم شويه وفضلت جمبهم لحد مااطمنت انهم ناموا وراحوا فى سابع نومه وطبعا بعد ماقروا الفاتحه لمامتهم الله يرحمها
اسر حبيبتى ربنا يخليكى لينا يارب انتى اجمل هديه ربنا بعتهالى انا مش عارف انا عملت ايه فى دنيتى حلو عشان ربنا يبعتك لية
حياة حبيبي الكلام ده كتير علية اوى
اسر حبيبتى انتى مفيش حاجه تكتر عليكى ولا توفيلك حقك حياة انتى مش بس اسرتى قلبي وخليتيه ملك ايديكى انتى كمان اسرتى قلب كل اللى حوالينا بقلبك الابيض وحنيتك اللى مش موجوده فى الزمن ده
حياة حبيبي ربنا يخليك لينا يا رب مبسوط معايا يااسر
اسر ياااه مبسوط ده ايه قولى طاير من الفرحه قولى حاسس انى عايش اجمل قصة حب فى الدنيا كلها حياة انتى مش حسه أنى بحبك اوى
حياة طبعا ياحبيبي حسه ومتاكده من حبك لية بس انا بحب اسمعها منك بيبقى ليها طعم تانى
اسر حياة ممكن تقوليلي بصراحه انتى اتضايقتى لما شفتينى فى فى اوضة جنى
حياة ربنا يرحمها يارب بص يااسر انا بس عاوزة اوضحلك حاجه عشان متفهنيش غلط أولا كده انا ست زى اى ست فى الدنيا بتحب وبتغير على حبيبها مش عاوزة حد فى الدنيا دى كلها يشاركها فى الحب ده ولا تحس ان قلبه مع واحده تانيه
وممكن
