حياة أسرت قلبي لعبير سليم
ومش هو بس ده كان هو وناس كتير اوى سفرهم بمركب
حياة انتى قصدك هجرة غير شرعيه
ام علا ايوة بالظبط كده
المهم المركب طبعا ڠرقت وابويا كان من ضمن الناس اللى ڠرقت
حياة يالهوى وبعدين عملتوا ايه
ام علا عملنا ايه ده احنا عيشنا اسود ايام فى حياتنا تخيلى انتى اربع بنات وولد امى الغلبانه حتعمل ايه
حياة وامك عملت ايه
كان متجوز وعنده بت وولدين وهو كان عايز يتجوزها اصل امى ياحياة مقوليكيش كانت زى البطه وكانت عليها ضحكه تحيب بوليس الاداب يكش بس الشقه والفقر هما اللى هدوا حيلها
حياة وامك اتجوزته
ام علا لا والله مارضت قالتله روح ربي ولادك انا حشتغل واربي ولادى
ساعدوها ناس ولاد حلال وفتحت كشك صغير بتبيع فيه حاجه حلوة ولو واحده احتاجتها تغسلها سجاد تروح ولو واحده احتاجتها تحشيلها شوية محشي تحشي ولو واحده احتاجتهاتساعدها فى عزومه متقولش لاء وانا معاها مكنتش بسيبها ابدا اتعلمت كل حاجه وبقيت لهلوبه
عارفه يابت ياحياة كنت كل مااشوفه احس بقلبي بيطير زى الفراشه
امى ساعتها قالت لاء والله مايحصل لازم اختها الكبيرة تتجوز الاول
بس حق الله نعمه اختى قالتلها جوزي علا وخلينا نفرح
حياة علا مين
ام علا ههههههه مانا اسمى علا ياحياة
ام علا اصلى لما خلفت علا كنت تعبانه اوى وكمان مكدبش عليكى زعلت لما جت بنت كنت خاېفه يحصللى زى ماحصل لامى ودوزى يعايرنى فسعيد بقى اللى هو ابو علا قاللى انه حيسميها علا على اسمى عشان بقبتلى انه فرحان بيها ومش زعلان
حياة هههه ده انتوا طلعتوا حكايه وبعدين كملى
ام علا بس ياستى هو كان بيشتغل نقاش يوم يشتغل وعشره يقعد
خصوصا لما هو قاللى انه بيحبنى اوى
وحيسعدنى ويهنينى وبصراحه انا مشفنش معاه غير كل هنا
عمره مابخل علية اللى فى ايده مش ليه
وغرقنى بحنيته طب والله يتحياة انا ساعات بحسد نفسي عليه
حتى اخواتى دايما يقولولى انتى اللى فزتى فينا الله اكبر فى عينهم ربنا يخليهولى يارب
حياة واخواتك عملوا ايه
ام علا نعمه اللى اكبر منى اتجوزها واحد جارنا بيبيع خضار فى السوق هو طيب والله بس امه عقربه
والصغيرة بتاعتنا واخويا لسه قاعدين مع امى
حياة واخوكى عامل ايه
ام علا جته وكسه بلانيله والله ياحياة مافى حد تاعبها غيره لا نافع فى مدرسه ولا فى شغل وقارف امى فى عيشتها ياللا ربنا يخليه
حباة يعنى انتى بتحبي ابو علا اوى كده ياعلا
ام علا بحبه ده سعيد ده الحب كله
ولو العمر يرجع بية مش ححب ولا اتمنى اتجوز غيره
يالهوى ياحياة ده لما بتكون الدنيا برد وياخدنى فى حضنى
بحس بدفا الدنيا كله
انتى عارفه مرة ذنت معاه فى السوق بنجيب طلبات للبيت
ولقيتلك يااختى واحده من البياعين عبنها حتطلع عليه وتقوله قال ايه يابخت مراتك بيك
اكمنه الله اكبر عليه خمسه فى عينى طول بعرض وقمر وغلاوتك جبتها من شعرها وبقت الناس تسلك وسعيد يقوللى حرام عليكى الست حتموت فى ايدك
حياة ههههههه ههههههه
علا اه امال ايه دى اللى تبصله ده انا اجيبها نصين
حياة ياحبيبتى ياعلا ربنا يخليكم لبعض يارب
علا ويفرح قلبك باللى تتمنيه ويكون سندك ياحياة
يارب
حياة لا ياام علا انا بعد محمود اتعلمت الدرس خلاص
وقررت مديش قلبي لراجل كفايه اللى عمله فية حب عمرى
ام علا غلطانه ياحياة بقى انا بردو اللى معييش غير الاعداديه حفهمك انتى بردو يادكتورة
صوابعك مش زى بعضها ياحياة بصي ياحبيبتي سيبي الامور تمشي زى ماربك عاوز
حياة ونعم بالله
ام علا ربك كريم اوى يا حبيبتى وقادر انه يعوضك ان شاء الله ياحبيبتي ده ربك للمنكسرين جابر
حياة يارب
فى المستشفى
يجلس كامل امام ثريه مذهولا مما بسمع
انتى ايه اللى قلتيه ده
بقى انتى وخالد وياسر عملتوا كل ده فى عفاف بالاتفاق مع ناهد مراتى
ليه ليه حرام عليكم ياجبابرة ليه تعملوا فيها كده تضيعوا الست وبنتها عشان ايه انا مش فاهم
حسبي الله ونعم الوكيل فيكم
دلوقتي انا مش مستغرب سبب اللى حصل لبنتك ولا لبنت ياسر
هو ده الحق والعدل من ربنا ولسه كمان ياما حتشوفوا ماهو ربنا مبيسامحش فى حقوق العباد
تظلموا ليه انسانه بريئه وتدعى عليكم انتى مش عارفه ان دعوة المظلوم ليس بينها وبين الله حجاب
وربنا وعد المظلوم انه حينصره ولو بعد حين
كل ده ليه تعملوا فيها كده ليه
دى كانت غلبانه واغلب من الغلب ومكنتش عاوزة حاجه غير تربي بنتها
ثريه وهى تبكى الغيرة هى اللى خلتنى اكرهها
كامل غيرة غيرة ايه عشان ربنا اداها شوية جمال
بس كانت فقيرة وغلبانه
يعنى انتى كنتى غيرانه منها وناهد غيرانه منها طب وياسر
اه عشان خليتها تدير معاه الشغل يعنى غارمنها هو كمان
ثريه ياسر ده شيطان هو اللى دبر وخطط كل حاجه
حتى بعد مااختفت حياة والله اعلم راحت
فين
الفلوس اللى حضرتك كنت بتديهاله عشان يوصلها لحياة كل اول شهر مساعده منك هو ماادهاش ولا مليم وكان بياخد الفلوس دى لتفسه
كامل وهو يضرب كف على كف لا حول ولا قوة الا بالله ايه كمية الشړ اللى جواكم دى
انا مش عارف انا ازاى انخدعت فيكم ده كله
معقوله انتوا بنى ادمين انتوا شياطبن
منكم لله
ووديتوا عفاف فين عملتوا فيها ايه ياولا ال........
.
ثريه والله مااعرف هى اللى اختفت مرة واحده
يتركها كامل ويرجع على البيت وهو غير مصدق مافعلته زوجته بهذه المسكينه
يعود كامل الى بيته وقد وجد ناهد فى انتظاره
فيتقدم اليها وبدون مقدمات يصفعها صفعه شديده على وجهها
ناهد كامل انت بتمد ايدك علية
كامل انا مش قادر اصدق انى اتخدعت فيكى السنين دى كلها كنت عايش مع شيطان وانا مش عارف
ناهد كامل افهمنى انا حفهمك
كامل تفهمينى ايه ياهانم مانا خلاص عرفت كل حاجه غيرتك اللى مكنش ليها اى سبب ولا اساس من الصحه خليتك تؤذى بنى ادمه غلبانه
ليه ياناهد ليه
ناهد صدقنى ياكامل انا مكنتش اعرف اللى ياسر حيعمله انا كل اللى طلبته منه ساعتها انها تمشي من المصنع بس لكن مقولتلوش يعمل فيها اللى عمله
كامل انتى طالق ياناهد
ناهد انت بتقول ايه ياكامل
كامل بقولك انتى طالق ياناهد طالق طالق وايه رايك انى انا بنفسي اللى حدور على عفاف واوعدك انى يوم ماحلاقيها انا حتجوزها باناهد حتجوزها وحعوضها عن كل اللى حصل انتى فاهمه
ناهد ده حيبقى على جثتى ياكامل يوم ماتتجوز علية
انت فاهم
ومادمت طلقتنى يبقى تتفضل تخرج من البيت واللا انت ناسي ان البيت ده بيتى
كامل اشبعى بيه واقولك اشبعى كمان بالمصنع انا مش عاوز منك حاجه انا سايبهولك هو وولادك اللى ضيعتيهم هما الاتنين
الولد طلعتيه فاسد وبيتجوز عرفى من ورانا
والبنت اتحكمتى وخليتيها تتجوز واحد لا حبها ولا عمره حيحبها كل ده عشان الفلوس وهى ماشيه ورا كلامك زى العاميه
انا من بكرة حعيش فى فيلتى وحكمل تاسيس المصنع الجديد ومش عاوز اشوف وشك تانى
ويترك لها المنزل ويمشي
يدخل اسر غرفته بعد الحاح من شيرين ورغبتها فى الاقتراب منه حاول ان يصدها ولكنها طلت تلح عليه حتى اضطر ان يوافق
وبعد ان انتهى دخل الحمام لياخذ دشا ولكنه اغمض عينيه ورجع بذاكرته لصباح اليوم عندما كان فى المكتب
فلاش باك
حياة صباح الخير يا استاذ اسر
اسر صباح الخير ياحياة
حياة اتفضل حضرتك دى مواعيد النهارده
اسر ايه مسالتينيش عن صاحبتك بعنى
حياة وهى تتكلم بجديه حضرتك انالسه مكلماها من شويه ومطمنه عليها
اسر مالك ياحياة مكشرة كده ليه فين ابتسامتك الحلوة
حياة حضرتك انا ببتسم لما يكون فى داعى للابتسامه لكن حضرتك سالت سؤال وانا رديت عليه
يقوم اسر ويتحدث اليها وقد كان قريبا لدرجة ان رائحة عطره كادت ان تجعلها اسيرة له انتى لسه زعلانه منى
حياة وهى تتلجلج وانا حزعل من حضرنك ليه
اسر عشان الطريقه اللي كلمتك بيها فى المستشفى
حياة عادى يا استاذ اسر محصلش حاجه
اسر حياة بجد انا اسف انا مكنتش اقصد ازعلك انا بس كنت متوتر عشان نور ياريت تقبلي اسفى
حياة وقلبها يتراقص فرحا غير مصدقه ان اسر الذى تهتز لصوته جدران المحكمه يعتذر لها والله مفيش حاجه
وتخرج سريعا وهى تضع يديها على قلبها من سرعة دقاته
بينما اسر لنفسه مالك يااسر انت ايه اللى حصلك
ليه اشمعنى هى ماهم حواليك كتير اجمل واشيك منها ليه هى بالذات اللى عملت فى اسر التهامى كده
ثم يتذكر ايضا ماحدث منذ وقت قليل عندما خرج اسر من غرفة نور وتقابل مع فارس
فساله فارس
الا قوللى يااسر المزة دى اللى جت لنور المستشفى مخطوبه
اسر مزة تقصد مين
فارس بمكر حياة اللى بتشتغل عندك
اسر وانت مالك بيها بتسال عنها ليه
فارس فى ايه ياعم ماتزقش اصلها بصراحه فيها حاجه غريبه تخليك كده اول ماتشوفها عينك تروح عليها على طول
اسر فاااارس احترم نفسك انت فاهم حياة دى محترمه فاهم يعنى ايه يعنى تبعد عنها خالص
فارس مالك ياعم محموء اوى كده ليه
اسر شمبك فايق ورايق انا ماشي وسايبهالك
بينما فارس يضحك ههههههه ههههههه
ملك فارس حبيبى انت بتضحك على ايه
فارس شكل البوب بتاعنا وقع ولا حدش سمى عليه
ملك مش فاهمه حاجه
فارس تعالى ياقلبي فى اوضتنا وانا حفهمك كل حاجه
يحدث نفسه وهو تحت المياه لاء انا اقوى من كده
عشان ده مينفعش مينفعش
بينما كانت حياة على الجانب الاخر بعد ان رجعت علا بيتها
ثحدث تفسها هى الاخرى
فوقى ياحياة فوقى انتى فاهمه
اتفضلي ذاكرى
وتشير لقلبها وانت واياك اسمعك لتدق لحد انت فاهم
ليله مرت على الجميع بعضهم تنعم فيها بالسعاده كسعادة نور بحب اخيها الذى طالما تمنت ان يغمرها بعطفه وحنانه عليها
وسعادة ملك باحضان زوجها
التى طالما تمنت ان تكون لها وحدها ولا يشاركهافيها احد
وسعادة عايده وفهمى بابنهم فارس الذى طالما دعو االله له ان يهديه ويصلح حاله
ومرت الليله على البعض حزينه كحزن ثريه وياسر على حزن ابنتيهما وضياع مستقبلهم
بعد مرور يومين
فى الصباح الباكر تفتح حياة عيونها
تقوم وتتوضا وتصلي وتدعو الله ان ييسر لها امرها ولاتنسى دعاءها المستمر بلقاء امها ولا بدعائها لاقرب المقربين لها من يشاركوها كل اوقاتها السعيده لم تختم الدعاء لهم حتى وجدت ابنتهم تطرق عليها الباب
حياة اهلا يالولو ادخلى
علا لا ياابله حياة انا عاوزة ارجع بسرعه عشان اقعد بمحمد على ماماما تروح
