ولاء يحيي يكفى ان يحبك قلبها
انت في الصفحة 1 من 53 صفحات
رواية يكفي ان يحبك قلبها
بقلم_ولاء يحيي
الحلقة ١
في حي من الاحياء الشعبية في القاهرة في بيت
بيت قديم يتكون من 5 ادور ..في شقه بدور الرابع تعيش ريم من 14سنه... بعد ما وقع البرج الذي كانوا ساكنين فيه.. وتوفي ولدها تحت الانقاض.... بعد ما قام باخراجها هي وامها وأخوها حسن .. فأخدتهم أمها فاطمه لشقه اهلها ....اللي كانت مقفولة من بعد وفاتهم ...
وبعد مرض أمها فاطمة بالمړض الخبث وكترت عليهم مصاريف العلاج وجلسات الكيماوي..... بقت تشتغل بدوام ليلا في صيدليه.....لان معاش ابيها ورتبها لن يكفي مصروفات علاج أمها ودروس أخيها الصغير حسن
ريم حسن حسن.... ياحسن اصحي بقي... حرام عليك كل يوم تطلع عيني كده... قوم اتأخرت علي المدرسة
يبتسم حسن وهو نائم استني ياريم بس هجيب جون
ريم بغيظ يادي الكورة اللي هتجننك يا حسن... قوم بقى حرام عليك هتاخر عن شغلي بسببك..
يتمطع حسن اهو قومت يا ستي ويبتسم لها ببراءة صباح الخير يا ريري
تبتسم ريم له بحنان صباح النور يا سي حسن ممكن تقوم بقي وتلبس بسرعه علشان تفطر وتنزل
ريم بابتسامه لما شوف.... هحضرلك الفطار واعملك الشاي بلبن علي ما تخلص لبس
ينظر لها حسن هي ماما فطرت يا ريم
تقرب ريم منه وتضع يدها علي وجهه بحنان
ريم ايوه يا حبيبي واخدت العلاج كمان
حسن ربنا يخليكي لينا يا ريم... ويقدرني اشيل عنك وترتاحي انتي بقي
ريم بابتسامه انا مش تعبانة يا ابو علي.. ابقي شيل انت بس هدومك من علي الارض وتقرب منه وتضع يديها علي كتفه انا كل العاوزه منك انك تنجح وتتفوق وتدخل ثانوية وتجيب مجموع كبير.... و تدخل هندسه
يرتدي حسن ملابسه وينظر لها
حسن اه يا ريم لو حد من النوادي الكبيرة يكتشفني ولعب كورة عندهم واحترف.. ساعتها بقى والا اعداديه والا ثانوي و
حسن بابتسامه يا ساتر يارب..... انتي ايه يا بنتي بتتحولي مره واحده كده ليه
تضحك ريم بفكرك احسن تنسي ..... ويلا خلص لبس واتوضي وصلي وبعدين تعال علشان تفطر
ريم ليه بس كده يا ماما انا كنت... جيه اعمله بتتعبي انتي نفسك ليه
فاطمه بابتسامه انا برده اللي بتعب يا ريم..... والا انتي يا بنتي....دا انتي مش بترتاحي.. الصبح تروحي شغلك في المستشفى وتيجي تعملي لينا الغدا وتنزلي تروحي شغلك التاني في الصيدلية.... لكن انا مبعملش حاجه والبتعب ... انا طول اليوم قعده في البيت....
تقترب ريم وتقبل خدها انا راحتي في راحتك انت يا ست الكل ... و بتعب بس لما انتي تتعبي نفسك.....يلا بقى يا بطوط روحي اقعدي ... وانا هكمل الفطار واجيبه واجي
فاطمة بابتسامه ربنا يريح قلبك يا ريم يابنت بطني
تخرج فاطمة وتكمل ريم إعداد الفطار وتاخد علي الصنيه الكبيرة وتخرج
فاطمه يلا يا حسن عشان تفطر.... وتلحق المدرسة
تجلس ريم على الطاولة ماما انا هاجي بدري النهارده..... عشان نروح نعمل التحليل هتصل بيكي قبل ما اجي عشان تجهزي
فاطمه بضيق يا حبيبتي خليكي انتي في شغلك وانا هروح اعملها وارجع متسبيش شغلك انتي
ريم بابتسامه هو ياستي انتي صعبان عليكي....اني ارجع بدري من الشغل
فاطمه بحزن ما انتي لو هترجعي علشان ترتاحي هفرح..... لكن لا انتي بتتعبي اكتر...... بترجعي المشور دا كله وتيجي علشان تأخذيني وننزل لمعمل التحليل.. وبنقف في طابور على ما يجي دورنا .... وبعدها ترجعي علشان ترجعيني البيت... وترجعي تاني تنزلي الصيدلية إللي في اخر الدنيا وتضع يدها علي يد ريم كتير عليكي يابنتي وبتتعبي ارتاحي انتي و مټخافيش عليا انا هروح اعملها .. وارجع علي طول
ريم تمسك ايدها كل شهر بنعيد نفس الكلام....وارجع واقول لك لا يا بطوط هاجي معاكي... ولا يكونش انت عايزه تروحي لوحدك علشان الدكتور يقعد يعاكس فيكي يا بطوط يا قمر انت
تضريبها فاطمه على يديه يا بت تأدبي يعاكس فيه ايه يعني
تضحك ريم دا انتي قمر يا بطوط.... دا اصحابي كلهم بيقولي انك احلي مني
فاطمه بحب وهو في حد احلى منك دا انتي بدر منور يا حبيبتي.... ربنا يحرسك
يخرج حسن و يذهب اليهم ويقف وهو يتناول طعامه سريعا
فاطمه يابني اقعد وافطر زاي الناس
حسن
اتاخر يا ماما
ريم بغيظ يا سلام.... ما انا كل يوم بفضل ساعه اصحى فيك مبتقومش على طول ليه
حسن بضحك ما انتي اللي بتصحيني برقه يا ريم ......في وحدة نصحى واحد زاي قوله ويقلد صوتها بنعومه ورقه حسسسن
ريم بغيظ تصدق انا غلطانه... من بكرا هجيب جردل مياه احدفه عليك
حسن بابتسامه بس ابقي دفي المياه الاول احسن اخد برد
تمسك ريم بيضه وتحشرها في فمه بغيظ
حسن وهو ياكل هتفطسيني
يسمع صوت اصدقائه عبد الرحمن و عادل وهم ينادون عليه
فياخذ حقيبته ويذهب مسرعا
حسن انا ماشي سلام
يذهب حسن.. وتقوم ريم بحمل الطعام وترتيب البيت... وتذهب وتردي فستان واسع وفوقه جاكت من الجينز وطرحه لون الفستان .....و تطمئن علي امها وتاخد حقيبتها .وتفتح باب شقتهم وتخرج ... فتقابل عم صالح جارهم وهو يخرج من شقته
ريم بابتسامه سلام عليكم يا عم صالح
صالح بابتسامه وحنان وعليكم السلام ورحمه الله وبركاته انتي فين يا ريم يا بنتي...... كل يوم انزل واستناكي شويه عشان اوصلك..... وانتي متنزليش....... فمشي
ريم بخجل اصلي كنت بنزل بدري عشان الحق الاتوبيس مهو مش معقول كل يوم هتعبك يا عمي
صالح بحزن كده يا ريم زعلتيني منك ...... طيب والله اليوم اللي بتركبي فيه التاكسي معايا...... ربنا بيكرمني اخر كرام.. دا انا لو اطول اني اوصلك. و ارجعك ما تاخرش عليكي
ريم بابتسامه ربنا يكرمك يا عم صالح..... ويفتحها في وشك
صالح بحنان اب شوفتي بقي بتحرميني من ايه لما ما بشوفكيش الصبح..... دا كفاية اني اتصبح بدعوي الحلوه.... اللي وش السمح دا..... يلا يا بنتي اوصلك احسن تتأخري
تذهب ريم مع عم صالح في التاكسي الذي يعمل عليه... تصل ريم عملها وتمضي وتصاعد إلى الصيدليه
ريم سلام عليكم يا نهي
نهى بابتسامه وعليكم السلام ورحمه الله وبركاته جايه بدري .. اكيد عم صالح وصلك
ريم بابتسامه اه والله ربنا يكرمه بيرحمني من زحمه الصبح
نهي ربنا يرزقه ويفتحه في وشه... طمنيني طنط فاطمه عمله ايه
ريم بحزن ادعلها يا نهي التحليل تطلع كويسه احسن الكيماوي تعبها اوي
نهي ان شاء الله يا حبيبتي ربنا يشفيها ويطمنكم عليها
يبدا عملهم وكان هنالك زحام شديد أمام الصيدليه .... فهو اول الشهر موعد صرف الأدوية من التأمين الصحي .....
تظل ريم ونهي يعمل اني طوال النهار بين الرفوف والادويه ونافذه صرف العلاج الى ان جاء وقت راحتهم
تجلس ريم بتعب رجلي مش حسه بيها
نهي پألم ومين سمعك انا ضهري انقطم
تدخل عليهم هاله صديقتهم التي كانت تعمل معاهم.....قبل أن تنقل إلى صيدلية أخرى
هاله بابتسامه .ازيكم يا بنات وحشتوني والله تتقرب منهم
نهي ايوه ياختي طلعه ريقه.... ما انتي قاعده في الدور اللي ما فيش فيه شغل..... قاعده على المكاتب و مشغالين التكييف
ترفع هاله يديها أمام وجهها كل اعوذه برب الفلق هتحسديني... وانا ماصدقت اترحمت من الشغل معاكم
ريم بابتسامه اه يا اختي يا بخت من كان المدير خاله اللي اعطاك يعطينا يا هلول.... وتنظر لها بس ايه يا بت اللي انتي لبسه دا
هاله بسعادة حلو صح
ريم بتريقه زفت طبعا.... ايه لازمته الحجاب اللي انتي لبسه بقي.....وبعدين هو دا منظر تيجي بيه الشغل هنا .... دي مستشفى يا امي
هاله بضيق ليه بقي مالي يا ست ريم
ريم بضحك بتكلمي بجد.. مش عارفه مالك خدي عندك ياستي .... ميكب كامل في عز النهار..... طيب مش خاېفه عنيك تسيح.. والناس تفتكرك كائن اللي بندا وعايش وسطينا.... ولبسه بلوزه هطق من عليكي..... وبنطلون واعرف دخل فيكي ازاي
هاله بزعل كده يا ريم... بقي انا جايه اسلام عليكم...تقومي تتريقي عليا..وتقف وتنظر لها بحزن متشكره ياريم انا ماشيه
تمسك نهى يديها وتقف امامها اقعد يا هاله بطلي هبل..... ريم بتهزر وماتقصدش
ريم بحزن لا قصدي يا نهي....وتنظر إلى هاله بصي يا هاله انتي عارفه انا بحبك قد ايه.... واحنا اصحاب من اول سنه دخلنا فيها الكليه....بس انتي اتغيرتي اوي.... من بعد ما اتنقلتي المكتب اللي تحت... وبقيتي بتشتغلي... مع اللي اسمها سمر وتقرب منها وتنظر لها بحب يا هاله انا خاېفه عليكي.... انتي لو ما تهمنيش ما كنتش هقولك كده.... والا هتكلم معاكي وانصحك..... بس انا مقدرش اشوف تأثير سمر عليكي.... واشوفك وانتي بتتغيري بشكل سيء دا واقف اتفرج عليكي تضع يدها علي يد هاله يا هاله احنا في مكان شغل..... ومعانا دكاتره ومرضى كتير بيتفرجوا عليكي في الرايحه والجايه..... وانتي هتأخذي ذنب كل واحد بص عليكي.... وبعدين انتي عمرك ما كان لبسك بشكل دا
هاله بخجل ما دي الموضة يا ريم.... وكل البنات بتلبس كده علي فكره
ريم بضحك دا علي اساس ان انا ونهي وقعين من صنف البنات..... جوز غفر مثلا تضحك التلاته بنات
تنظر لها ريم يا هاله احنا
مليش دعوه بالموضه اللي متنسانيش... وانا ونهي قدامك اهو مش ملتزمين اوي بعني... بس عارفين علي الاقل ايه هو البس الشرعي.... وايه اهم شروطه.. اللي اهي ال لا يكون ضيقا ويبين حجم أعضائها وتضحك وانتي كل اعضائك بتبوظ منك
تضحك نهي وهاله علي طريقة ريم في الوصف والحديث
هاله بضحك والله انا ما عرفه انا .....مستحملك ازاي
ريم بابتسامه عشان عارفه ومتأكدة ان كلامي صح.. واني بنصحك عشان بحبك وخاېفه عليكي
هاله بابتسامه وانا عشان بحبك..... مبعرفش ازعل منك و هواسع لبسي شويه عشان خاطرك يا ستي.. تمام كده
ريم بضحك كتر خيرك والله.... بس بصي انتي توسعي حبه عشان خاطرك .... وحبه عشان خاطر نهي.... وحبه عشان خاطري انا..... كده يبقي عندك كام حبه
نهي بضحك تلات حبيات
ريم بضحك اهو شوفتي مش كتير
هاله بضحك ماشي هوسع تلات حبات.... وهو كله بثوابه
تدخل سمر الى الصيدليه وتراهم وهم يضحكون ويهزروا
سمر بنت مغرورة جمالها عادي ولكنها تغاوي أن تلفت إليها الانظر بلبس الضيق والميكب الزائد عن الحدلا
