أختر لقلبك مايليق به.. أخترتك

عشان يشترى الشرايط بتاعتها.
هو انت متعرفش تتنفس من غير هزار
يبنتى دا بيت عيلتين يبنتى وطول الطريق بقول عمى ومراته وخالتى وعياله وانت البعيده بقره.
متزعقليش عشان مفضحكش جوه والله اخليهم يقولو عليك متجوز رقاصه ويطخوك عيارين.
مديت ايدى سلمت عليه ازى حضرتك يعمو
سحبنى حضنى بخير يبنتى انت عامله ايه
بصيت لعمر بشك هو دا الراجل ال المفروض بيكرهنى ومعقد وكدا فلقيته بيضحك فرجعت بصيت لعمو انا تمام الحمد لله.
بص لعمر بعتاب ورجع بصلى ينفع اللى عملو دا بتجوز من غير ما أحضر فرحه اصلا من غير ما يعرف حد فينا
دافعت عنه بسرعه هى والله جت بسرعه وبعدين احنا معملناش.
كنت لسا هكمل واقول معملناش فرح لقيته بيوقفنى بعنيه فتداركت الموقف وغيرتها ل معملناش حسابنا اننا نعرف حد من اهلنا وكدا.
لقيته بيهمس جنبى بغيظ يخربيتك هو احنا فلندن جيتى تكحلها عمتيها.
ضحكت وخفيت الضحكه بسرعه احم معلش يعمو عليا دى المرا دى لما يتجوز تانى وعد وعد هخليه يعزمك
معلش يبابا ملك هطلع.
بس بلا انت والله يعمو انا بحاول اخليك متزعلش منه فاهم
ضړب بايده ع راسه واتكلم بنبره مثل فيها العياط بتقوليلى يلا قدام ابويا دا الستات هنا بتاكل بعد ما رجالتها تخلص اكل.
عمو ضحك ومشى قدامنا وهو بيقولنا ندخل وراه عشان نسلم ع الجماعه دخلنا وراه وهو نده لواحده اسمها فاطمه تقريبا مامت عمر وقالها ان عمر هنا.
نزلت جرى تقريبا اخدت سلم 43 درجه ف 5ثوانى شدته لحضنها وفضلت تتطمن
عليه وع اكله وع صحته وبعدها دقايق بعدت عنه ووقفت تبصلى ايه مش هتسلمى عليا يعنى ولا ايه
اتكلمت ازيك مش كويسه الحمد لله
كنت لسا هرد عليها لقيت عمر بيطبطب ع صدره بيستعطفنى انا اصلا والله مكنتش هعمل حاجه انا كنت هعرفها غلطها بس!
عديت لحد 10 عشان اهدى ومجبهاش من شعرها دى ست كبيره بردو قربت ناحيتها واتكلمت.
طب دلوقت هو ال اتجوز من وراك عشان يخلص من بنت خالته ومن زنكو انا زنبى ايه
طنط بصت لعمر ال هو شمت الناس فينا فلقيته بيلطم ماقدرتش امسك نفسى اكتر من كدا فضحكت فرجعت بصتلى تانى فسكت بسرعه وكملت هو مش بيحبها وهى مش بتحبه يتجوزو ليه وبعدين هى أتخطبت اصلا صح فليه بقى تكرهينى انا كرهتك ولا جيت جمبك
حاولت احافظ ع هدوئى واتكلمت بطيبه مانا مكتتش مستنيه المعامله دى يعنى كنت مفكراك اول ماتشوفينى هتخدينى فحضنك وتعاملينى زى بنتك
حسيتها اتاثرت فكملت بمسكنه وبعدين عمر طول الطريق بيحكيلى عنك وعن طيبتك وقد ايه انت بتحبى كل الناس وقالى بردو انك هتحبينى اوى طالما هو بيحبنى عشان انتى بتحبيه وبتحبى راحته فضل يقولى أنك اطيب واحسن ام هو شافها فحياته عشان طول عمرك بتدورى ع راحته هو واخواته فحسيت بشويه خذلان لما لقيتك بتعاملينى وحش بس!
بصيت لعمر لقيته بيبصلى بفخر فغمزتله ورجعت بصيتلها لقيتها واقفه مش عارفه تقول ايه فاترميت فحضنها واتكلمت وانا بحاول اخفف حده الموقف حتى لو بتكرهينى بردو انا بحبك يست هه.
طبطبت ع ضهرى وبصت لعمر وهى بتشكر فاختياره وبتباركلى مبروك يحبيبتى.
الله يبارك فيك يطنط.
سابتنا ودخلت المطبخ كنت لسا راحه لعمر اتكلم معاه لقيت جيش نازل من ع السلم اه والله جيش!
جريت عليه بسرعه مين دول يبنى
ولاد عمامى وخلاتى ولاجل حظك عماتى كمان هنا.
احيه والله.
نزلو سلمو عليه كلهم كلهم كانو بيبصولى بشړ لا ثوانى ثوانى بجد انا خۏفت منهم ليه
باباه جه نده عليه وقالو انو عاوزه فمشى معاه فمشيت