چريمة عشق لمريم نصار الجزء الثاني
توصل رن عليا هانزلك اوكي باي يا ابيه وقفلت
رودي بحرج..احم.. انتي هتمشي..
رينو ايوه.. ابيه زين لسه خارج من الفيلا وجاي على هنا يوصلني ورينو بعتت عنوان رودي ف رساله ل زين المهم انتي خدي بالك من نفسك.. وفوقي كده علشان ترجعي المدرسه الفصل كله بيسال عليكي. وهستناكى ف الحفله يوم الاجازه فى الفيلا عندنا. اوكى
بقلمى Mariem Nasar
مراد طلع فوق.. وكانت فريحه رايحه جايه في الاوضه
مراد مش عارف يتدايق منها..ولا من آدم. وكمان اتدايق من اسلوبها. وهو مش فاهم ايه اللي حصل..
. علشان تتهمه كده.. ودخل عليها.. ممكن افهم ايه الهبل اللي انتي بتعمليه ده.. وايه الطريقه اللي انتي ډخلتي بيها دي..
مراد بټهديد. اقسم بالله يا فريحه. لو ما بطلتيش ام الكلمه دي. لاكون مزعلك بجد. انا معدي كل ده بمزاجي.. انا ممكن انهي الموضوع في ثانيه وارجعلك عقلك.. اعقلي كده واترزعي اقعدى..
فريحه بدموع مش هاقعد يا مراد.. وانا عايزه اعرف انت بتخو..وخاڤت ومكملتش الكلمه انت عملت كده ليه.
فريحه بغيظ. احنا اتفقنا انك كل ماتاخد اجازه انك هتكلمنى كل يوم انت بقى ما اتصلتش عليا امبارح قبل ما انام زي كل يوم.. وقافل فونك من الصبح وما كلمتنيش..وكمان لما فتحت فونك ما اتصلتش علياا.
مراد كنت نايم يا فريحه. نمت متأخر.. وقومت من النوم مصدع..وشوفت رسايلك الخايبه. قومت اخدت دش ويادوبك خرجت.. لقيت حضرتك بترني رديت عليكي.. وسيادتك مسبتليش فرصه اتكلم..لا.!!!. وغير كده بتقفلي المكالمه فى وشى.. وغلطات كترت يا فريحه..
مراد غلطات ايه يا فريحه.. غلطت اني نمت الصبح وصحيت متاخر..
فريحه لا مش غلط. لكن الغلط لما تكون قاعد وسط بنات وتقول ان انك مع فريحه.. وكمان اتصل عليك قافل فونك يا يا حضره الظابط مقدما..
مراد متدايق من اسلوبها. لكن عايز يفهم.. كشړ عينيه.. وسط بنات..! بنات ايه يا فريحه.. ومين اللي قالك اني وسط بنات والكلام الفارغ ده..!
مراد بغيظ..ايوووه قولي كده بقى.. وصك على اسنانه. ماشي يا آدم يا عدوي.. ماااشي
آدم دخل ايه يا حلوين وصلتوا لفين.. وقعد على طرف السرير.. ايه يا فريحه زعلانه ليه من مراد..!
مراد بس لابوه بغيظ..وفريحه خاڤت تتكلم من مراد
آدم اتكلمي يا فريحه قولي يا حبيبتي ما تخافيش طول ما انا موجود..
فريحه اتشجعت..عمو.. حضرتك قولت انك كلمت مراد الصبح صح..
آدم حصل يا حبيبتي
فريحه وكمان حضرتك. قولتلي ان مراد قال لحضرتك انه كان معايا في الجامعه وكان في بنات كتير جمبه حصل
آدم حصل يا روحي. فين المشكله.!
فريحه بصت ل مراد. وبدموع. وصدممه وسكتت.. لانها مش عايزه المشكله تكبر..
آدم حبيبتي انا بسألك. فين المشكله.!
فريحه بصت ل مراد. ابدا يا عمو مفيش مشكله
آدم بص ل مراد. ما تقول يا مراد يا حبيبي.. مزعل فريحه ليه.. وقلد مراد ف اهتمامه ب مريم.. حد يزعل القمر ده.. حد يبقى معاه ملاك زى دى ويعمل كدا
مراد متغاظ وغيران.. ومش عايز يكدب ابوه.. وكمان مش عارف يعمل ايه
آدم قام من مكانه وقرب من مراد.. البس يا معلم.
مراد بابا خلي فريحه بعيد عن الحوارات دي.
آدم ابدا.. تبعد عن مريم..ابعد عن فريحه.. وهذا هو لب الموضوع .
. وآدم قرب من فريحه. علشان يغيظ مراد..حبيبة عمك.. بطلي عياط يا قلبي.. عينيكى القمر دي ما تنفعش ټعيط.. وكمان ايه ده.. مناخيرك بقت حمرا قوي.. تعالي. تعالي..اقعدي هنا..
وآدم جابلها كوبايه ميا.. وبيهتم ب فريحه..ومراد جاب اخره من ابوه.. وغار على فريحه جدا.. وشاط من جواه . وفريحه قاعده زعلانه
مراد اتحرك فريحه.. تعالي نخرج شويه. ونتكلم
آدم لا طبعا.. انت عايزها بعد الزعل ده.. بنت اخويا تخرج معاك.. فريحه هتقعد معايا وكمان هتقضي اليوم معانا انا ومريم.. واشوف ايه الل يريحها وهعمله وانت حسابك معايا بعدين علشان تزعل القمر ده ورقص حواجبه
مراد قرب من ودن ابوه.. بابا لو سمحت كفايه.
آدم تبعد عن مريم. احكي لفريحه كل حاجه.. مش هتبعد شوف هتثبت برأتك ازاي.. ما هو مش معقول.. انك هتكدب ابوك.. ولا ايه يا موورراااد..
مراد اتعدل.. وصك على اسنانه فريحه انا ما عملتش حاجه.. وكنت نايم
فريحه بعياط.. ازاي ما عملتش حاجه.. انت كدبت عليا يا مراد.. قولت انك كنت نايم يا مراد..وعيطت كتير وانت ما كنتش نايم. وكنت قاعد كل الوقت ده مع بنات.. هونت عليك يا مراد.. هان عليك حب 18 سنه.. وعيطت اكتر عمو آدم.. انا مخنوقه قوي..
آدم جواه متدايق على فريحه لكن لازم يوصل لابنه رساله.. ان الهزار الزايد احيانا بيقلب بجد ..
.وان آدم قلبه بيولع ڼار لما مراد بيعاكس مريم. هي اه أمه. بس دى أميرة آدم وبس ملكيه خاصه ل آدم وبس.
آدم بس يا فريحه بس ما تعيطيش خلاص يا حبيبتي.. وبص ل مراد هاااا.!!
مراد بيتقطع على عياط فريحه.. ومتغاظ من غبائها واستسلم ماشي يا بابا ماشي..
آدم قرب هتبطل تنافسني في امك
مراد بمكر..حاضر يا حاج.. من عيني.
آدم بخبث. لا وحياة امك النظره دي عارفها.. لو هتمشيها لمصلحتك.. وقرب جامد.. المره اللي جايه هتبقى بجد.. وشوف مين اللي هيطلعك منها
مراد خاف من آدم..حاضر يا حاج انا مش هانفسك في امي تاني حاضر.. بس لو سمحت تصلح المشكله
آدم احم.. مراد انزل وسيبني انا وفريحه لوحدنا..
مراد نعم.
آدم بنظره تحذيريه
مراد حاضر.. حاضر يا بابا.. واتحرك وخرج وهو متضايق.. وشايط على الاخر
آدم ايه فريحه بطلي عياط بقى.. هو الواحد ما يعرفش يهزر معاكو..
فريحه بټعيط ومش فاهمه..
آدم فريحه بطلي عياط قولتلك انا كنت باهزر معاكم.
فريحه بدهشه. ايه يا عمو.! بتهزر ازاي بتهزر مش فاهمه..
آدم انا ليا تار عند مراد..انتى عارفه حوار معكساته ل مريم..وكمان كنت عايز اشوفك بتحبي مراد ولا. لا. فقولت يا آدم يا عدوي.. شوف كده وجرب وشوف رد فعل البت فريحه. بنت اخوك هتعمل ايه
فريحه مسحت دموعها.. يعني ايه.. يعني مراد مكانش بيخوني..
آدم يخونك..! خېانه..! ايه الكلمه دي يا فريحه..
لا لا انا ازعل منك مراد يخونك.. وكلمه خېانه يابنتي ما تتذكرش في بيت آدم العدوي ابدا..
.مراد كان نايم فعلا وانا كان بيني وبين مراد تار واخدته..
فريحه بفرحه.. يعني انت يا عمو .
آدم عسل.. انا صح
فريحه خاڤت يا خړابي عليك يا عمو ده مراد اخد منى كلام هاعمل ايه دلوقتي..
آدم لا دى مش مشكلتي.. وبعدين ده درس ليكي علشان تثقي ف مراد اكتر من كده انا صدمتي فيكي كبيره يا فريحه..
فريحه بدهشه.. ايه اټصدمت فيا انا يا عمو طب ليه..
آدم طبعا.. اقل حاجه كنتي فكرتي وقولتي اكيد مراد في مشوار مهم مراد بيحبني وعمره ما يعمل كده.. او مثلا تتصلي على مريم تسألي مراد فين.. اتصلي علي زين.. أو على نور.. مش تشكي فيه.. وكمان يخونك.. لا يا فريحه
فريحه بزعل عندك حق يا عمو. بس والله لما حضرتك قولتلي انه مع بنات.. وان قالك انه معايا.. قلت اكيد هو بيعمل حاجه غلط.. لانه امبارح وسكتت..احم. وبعدين يا عمو كنت فهمني انك بتهزر..
آدم انتي واخده غباء ابوكى ليه.. امال كنت هاشوف رد الفعل على مراد ازاي المهم انا عايزك تتعلمي من الدرس ده وتثقى ف مراد بعد كده مراد عمره ما يفكر في غيرك ابدا انا متدايق لاني عملت كده.. بس بصراحه فرحت لما شوفته متغاظ.. علشان يحس بيا بس ما كنتش اتوقع ان الموضوع يكبر كده وانك هتتهميه بالخيانه. ولسه هيكبر اكتر مراد ابنى وانا عارفه..انا كنت متوقع منك انك هتتخانقى معاه.. وانا اتدخل واهتم بيكى وهو يحس بالل يعمله فيا. لكن نسيت انك غبيه..فريحه. انتى لازم تصلحى الموضوع..
فريحه حاضر يا عمو.. بعد اذنك انا هانزل ل مراد
بقلمى Mariem Nasar
زين وصل تحت العماره واخد رينو من عند رودي وراجعين في العربيه
.رينو قاعده مخنوقه في العربيه..وبصه قدامها وكل شويه تتنهد
زين مالك يا رينو
رينو اتخنقت من كل اللي يشوفها يسالها مالك
. مفيش يا ابيه زين.. انا بس تعبانه من امبارح.
زين تعبانه حاسه بايه يا حبيبتي. وبعدين مش عوايدك انك تفضلي ساكته وسرحانه كده..
رينو صدقني يا ابيه زين انا كويسه.. انا بس زعلانه على فراق نور.. انها هتتجوز وتسيبنا وتمشي..
. غير كده الثانويه العامه صعبه جدا.. وعايزه اركز اكتر من كده..
زين فعلا انا كمان زعلان ان نور هتتجوز وتسيبنا..
. بس يا حبيبتي دي سنه الحياه.. وكمان انتي هيجي يوم وتتجوزي..
رينو پغضب.. لا يا ابيه زين.. انا مش هتجوز أبدا.
زين يا ساتر ايه الكلام ده يا رينو.. في واحده مش عايزه تتجوز لما تكبر..
رينو انا. انا مش عايزه اتجوز لما اكبر.. انا هاهتم بدراستي وبس.. هي دي حاجه وحشه يا ابيه
زين لا يا قلب ابيه زين.. انا اكون فخور بيكي طبعا.. وانك تتفوقي فى دراستك.. وتركزي فيها..هو في اخ هيعوز من اخته ايه اكتر من كده
ورينو بصت في الشباك وسرحانه.
زين تحبى تروحي فين. بابا طلب منى انى افسحك شويه.
رينو لا. مش عايزه اروح فى مكان. انا عايزه اروح. انا بهدوم المدرسه من الصبح..
زين ماشى ياحبيبتي. بس ليكى عندي خروجه. تمام
رينو بشبح ابتسامه.. اوكى. وربنا مايحرمنى منكو ابدا..
زين ولا يحرمنا منك ياقمر. ع رأى الحاج. يانوتليتى. هههههه
رينو ابتسمت. ورجعت بصت للشباك. وسندت راسها على الشباك.. وسرحان..
..يا ترى هستحمل الحياه من غيرك يا فهد. وبعدها بصت بجمود.. لانها كل شويه تفتكر هجومه عليها وهو بيبوسها.. وتحس انها پتكره نفسها وبتكرهه
ولازم تبقى اقوى. وانه لازم يتعلم أنه ميتجرأش. ولا يفكر. انها ممكن تكون سهله بالشكل ده
مراد قاعد في الجنينه وفريحه نزلت وراحت وقعدت جنبه..مراد..
مراد .
فريحه مرادي حبيبي انا اسفه
مراد قام من مكانه وما ردش عليها..
فريحه قامت . مراد حبيبي.. والله بجد انا اسفه.. انا اتصرفت ڠصب عني لما حسيت انك ممكن تروح مني.. ساعتها اتعميت يا مراد..
مراد اروح منك. انتي غبيه يا فريحه..ولا بتمثلي الغباء.. وانا.. !!! انا خاېن يا فريحه..
فريحه بحرج..انا غلطت يا
