مروان وعائشة بقلم كنوز محمود
وأنت إزاي متقوليش
اتكلمت بتوتر
ما هي طلبت مني مقولكش
اتكلم بزعيق
وهي علشان قالتلك متقوليش يبقى متجيش تقوليلي! وإزاي تنزل من ورايا دي اټجننت ولا إيه
أنا آسفة
مسك موبايله واتصل بس مكانش في رد
وكمان مش بتردي! ماشي يا عائشة
عدى ربع ساعة وكان بيحاول يتصل ومفيش أي إجابة موبايله رن ورد بسرعة
صاحبة الموبايل عملت حاډث على الطريق العام وهي دلوقت بين الحياة والمۏت إحنا هننقلها على المستشفى ياريت حضرتك تيجي بسرعة
الراجل اللي كان بيكلمه قفل معاه وهو واقف متجمد مكانه مش مستوعب من الصدمة ودموعه بدأت تنزل ليلى قربت منه وهزت إيده
في إيه يا بابا ماما كويسة
عائشة
سحب مفاتيحه من الترابيزه وكمل
ماما في المستشفى يا ليلى وإحنا لازم نروحلها بسرعة
اتكلمت بعياط
ماما
قرب منها
متقلقيش ياحبيبتي إن شاء الله هتبقى كويسة علشان خاطري بطلي عياط هي مش بتحب تشوفك كده
نزل يجري هو وليلى وركب عربيته واتجه للمستشفى كان طول الطريق بيعيط بندم
ليلى اتكلمت بعياط
أنا عايزة ماما يا بابا رجعلي ماما لو سمعت
متقلقيش يا ليلى إن شاء الله هترجع معانا أهو رايحين نجيبها
مشي بسرعة بالعربية وفي خلال لحظات كان في المستشفى وصل قسم الاستقبال وعرف إنها دخلت غرفة العمليات لإن وضعها صعب طلع عندها وكان في كام شخص من اللي أنقذها
أنا جوزها هي كويسة
إحنا لحد دلوقت منعرفش أي حاجة بس هي ڼزفت كتير متقلقش الدكتور جوه وربنا يطمنك عليها
الناس اللي وصلتها مشيت وهو قعد على الأرض وحط إيده على دماغه پألم وكان قاعد سرحان وساكت ليلى قعدت جمبه وكانت بټعيط وحاول يهدي فيها
أنا آسف يا ليلى أنا السبب أنا اللي عملت كده فيها لو مكنتش شديت معاها مكانش حصل كل ده
طمني يا دكتور عائشة كويسة
الحمدلله قدرنا نوقف الڼزيف هي عندها كسر في الحوض فلازم تقعد تحت الملاحظة فترة لحد ما نقرر هتقدر تخرج ولا هيكون في عملية تانية
عملية تانية!
كمل بتوتر وخوف
طب طب واللي في بطنها
ليلى كملت بعياط
يعني مفيش نونه يا بابا
بصلها بحزن ورجع بص للدكتور تاني
طب ممكن أشوفها
هننقلها أوضة تانية وبعدين تقدر تشوفها
بص للدكتور بتفهم ورجع بص ليلى وكمل
ليلى أنا هخرج أقعد بره شوية خليك هنا متتحركيش هرجعلك تاني
نزل من مكان العمليات اللي كان فيه وخرج بره المستشفى فضل يتمشى شوية لحد ما قعد على الرصيف وهو بيعيط ويتكلم مع نفسه
أنت اللي عملت ف نفسك كده يا مروان إزاي كنت عايز ترمي طفلة في الشارع إزاي جالك قلب تعمل كده! عايز ترجعها يتيمة تاني بعد ما لقټلها أهل! للدرجادي قلب قاسې ومش بيحس أنت بتتعاقب على أفعالك دلوقت أهو ابنك راح بسببك وبسبب تصرفاتك
فضل يعيط عياط هستيري پألم وندم على كل اللي عمله جات ليلى قعدت جمبه وفكرت إنها تخفف عنه شوية
حتى وأنت بټعيط قمر كفاية بقى هيغمى علي من
