اختيار أمل نصر
كريم نقلت تبصلي من تاني وكلامها ظهر وكأنه تلميح صريح
مش هتسننى ولا هتقعد فرصتها موجودة وعربسها كمان موجود بس هي تقول اه.
عند الأخيرة وامي انتبهت ع الكلام راحت باصالي عشان تطلب مني
بت يا عاليا روحي اعمليلنا كوبايتين شاي انا وخالتك ام كريم قومي يا بت دماغي مصدعة.
ماشي ياما عن اذنكم.
قومت ع المطبخ وسيبتهم بس من جوايا كان نفسي اكمل القعدة واشوف اخر الكلام وخالتي ام كريم قصدها ايه
في المسا بقى كانت كل حاجة وضحت والسر اللي كان متخبي بان وظهر !
ايوة كريم يا محروسة اتاريه كان من زمان بيحبك ومخبي المنيل وامه الهبلة عمرها ما حست ولا فهمت عليه.
هي قالتلك كدة ياما كريم كان بيحبني انا طب ازاي دا ساب البلد وقال عدولي يعني لو عايزني صح كان ع الأقل لمح ولا هو كان ضامن ان هفضل مستنياه.
يا بت ما هي امه قالت ع الحكاية دي وضحتلي ان اللي كان مانعه هو ظروف والده لما كان تعبان وهلكهم في الجري ع الدكاترا والمستشفيات حتى قرار السفر اتخذه مخصوص عشان يقدر يحوش حق جوازه منك دي امه هي اللي قالت كدة.
يا بت افهمي وميبقاش ظنك سيء الولية مكنتش تعرف بالكلام ده غير بعد هو ما رجع من السفر على مشمه لما سمع بأمر الخطوبة دي بتقولي انه طين عيشتها اول ما رجع اتاريه كان متابع كل اخبارك يا حلوة!
معقول! هو الكلام دا بجد صح ولا انا بنسج من خيالي اوهام دي بتقول انه بيحبني! وكمان كان متابع اخباري! معقول! انا طول عمري حاسة بكدة من ناحنيه بس كتر السكات وطول المدة خلاني ازهق واكدب كل دا في نفسي وحتى وامي بتحاول تقنعني دلوقتي انا كنت بجادل بتشكيك في الأمر لاني بصراحة مش مصدقة.
مش طايقاه! مين قالك اني مش طايقاه
كلامك ده يا بنتي جيبي من الاخر كدة وقولي
رأيك ايه عاجبك كريم ولا مش عاجبك
يا نهار ابيض دي بتسأل طب اقولها ايه دي دا انا هاين عليا ازغرط
وبعدين يا عاليا هفضل كدة مستنية كتير
وتستني ليه بقى يا ماما انا اساسا مليش راي في الموضوع ده الرأي راي بابا.
أكيد خير طبعا لأن هو ده الصح ابويا كان سندي في الاول وأكيد هيبقى سندي في الاخر
كنت فرحانة لا مش فرحانة وبس دي كلمة قليلة اوي على اللي كنت حاسة بيه انك تحلم وتحب وتعيش على امل ان الحلم ده يتحقق وبعدها تفقد الامل ده وتيأس من تحقيقه دا
