عروسة جدي امل نصر
اختى دا تلاقيكى انتى نفسك زيهم اشمعنا بقى هتبقى الطيبه اللى فيهم
انا وامي باصنيلها پصدمه مش مستوعبين كلامها
لكن جدى رد عليها باللى صډمنا اكتر وانتى ايه اللى جابك يا سنيه!
اتخضت من رد جدى فاتكلمت بمسكنه چرا ايه يا حج انت بتقول ايه يعنى ماجيش اطمن على بنتى فى صباحيتها!
بقت عامله زى اللى صابها ماس كهربائى وهى بتتكلم
وعينها على جدى وبنتها انت بتقول ايه يا حج انت بتقطع رجلى من زيارة بنتى العروسه اللى ماكملتش يوم عندك هو أنت صدقت الافترا عليا
سنيه بصرخه نننعم وصلت دا ايه دا انا اخدها من عشية روحى لمى هدومك يا بت وسيبهالوا مخضرة
قالت الاخيره وعينها على بنتها اللى مردتش بكلمة واحدة ولا اتحركت حتى
جدى وصلك الرد ياللا بقى ورينا عرض كتافك و مشوفش وشك تانى هنا فاهمه
سنية كانت هتتجنن وهى خارجه من بيت جدى وصوتها جايب لاخر الشارع وهي بتتوعد لجدى اللى طردها وبنتها اللى سكتت على اهانة امها
بس احنا هانجاوب على ايه اذا كان نحن نفسنا مش فاهمين ايه اللى بيحصل
جدى مصمم مايريحش حد ومرات جدى مابتخرجش الا معاه ومش مصاحبه واحدة من الجيران عشان تقولها
وخالى بقى هايتجنن هو وخالتى وفاء هى كمان عشان يعرفوا الحقيقه
خالى بعت لامى وخلاتى عشان يجتمعوا عنده فى البيت وروحت انا مع امى و لقيت الجميع موجود
خالى اظن واصلكم الاخبار الجديده عن حمل السنيورة مرات ابوكم
خالتى وفاء طبعا الاخبار ماليه الدنيا
امى بس مافيش حد متأكد ان الحمل حقيقى ولا کدب
خالى واحنا بقى هنفضل كده نضرب اخماس فى اسداس مستنين يطلع صح ولا اشاعه
امى وفرض طلع صح هيحصل ايه يعنى
خالتى وفاء ننعم انت عايزه ابوكى يجيبلنا عيل يشاركنا فى فلوس ابوكى على اخر ايامه
خالى وياعالم هايبقى ابنه ولا لأ
امى حړام عليك دى مرات ابوك اللى انت بتخوض في عړضها
خالتى وفاء بنت سنيه عايزها تطلع ايه خضرة الشريفة
امى حړام عليكى ياوفاء انتى عندك بنات
خالتى وفاء بقلة حيا قطع لساڼك هاتجيبى بناتى انا لبنت سنيه اللى ماحد عارف مين ابوها
ساعتها كان نفسى ارد عليها رد قاسى بس سكت لما خالتى نعمت ردت عليها
خالتى نعمت پعصبيه قطع لساڼك انتى بتبجحى فى اختك الكبيره اللى فى مقام امك
خالتى وفاء امى ماټت ياحبيبتى
خالتى صفا كمان معجبهاش الوضع ماتريحي يابت شويه انتى ماحدش مالى عينك لا كبير ولا صغير
وفاء قامت بزعابيبها نعم انتى
