ميادة مأمون والعاصي

عايز اكون مطمن عليه
اكون مطمن اني سايبه مع رجاله تقدر تحافظ عليه وعلي ماله ويعوضوه ببعدي عنه
مايفرقوش في المعامله بينه وبين ولادهم زي مانا عملت معاهم بالظبط
وهل كان له ان يقوى علي الحديث او يرفع عينه التي انكسرت امامه
اي رجل هذا يتحدث عنه هو يعلم جيدا وصف شخصه الان ولكنه لا يقوي حتي ان يصارحه بما فعل
واذا به يجهش امامه بالبكاء ليغمره عاصي بين ذراعيه وهو يهدئ فيه
عاصي خلاص بقي ياض بطل عياط زي الحريم واطلع يلا اوضتك ولما نرجع عايزك تثبتلي ازاي انت بتحبني وهتبقى قد المسئوليه ولا لاء
وعلي فكره انا لسه عندي وعدي ليك
وعده كيف له ان يخبره ان وعده هذا قد اضاعه من بين يديه فأذا قبل هو سوف ترفضه هي
لن تقبله بعد ما فعله بها واذا به يأخذه من يده ويتجه به الي الداخل مغلق الباب من خلفهم
هاهي الان تجلس امام عينيه تنظر له بجراءه وڠضب ولا تهابه ذلك الذي يهابه الجميع
عاصي وهو يضيء النور ويمسك بيده صحن كبير ممتليء بثمار المناجو ايه ده انتي صاحيه دا انا قولت هالاقيكي نمتي من بدري
لم تجيبه والتفتت للجهه الاخري
جلس بجانبها علي الاريكه ووضع الصحن علي الطاوله امامه
واذا به يجذبها علي قدمه كعادته ويغمر وجهه في لافائف شعرها الاسود ذو رائحة الياسمين التي يعشقها جيدا
عاصي انا
ممكن استحمل اي حاجه النهارده الا انك تزعلي مني
غمزه اوعى سيبني انت لسه فاكرني اصلا
عاصي طبعا يا روحي فاكرك هو انا ممكن بردو انساكي ده انا بفكر فيكي حتي وانا نايم
غمزه بأمارة ما اول ما وصلت ماكنتش شايف ادامك غير ابنك بس
ده انت حتي مسلمتش علينا واخدته ومشيت ال ايه
واذا بها تقلد صوته هي بتجبلك من بيت ابوها اوعى كده سيبني
عاصي وهو يتمسك بها جيدا ههههه ڠصب عني يا روحي كنت هاتجنن من القلق علي الواد
دانا سيبت الشركه ټضرب تقلب وجيت عشان لم يكمل كلمته حيث جحظت عيانها امامه وصړخت في وجهه
غمزه كمان يعني مش عشاني انا زي ما قولتلي اوعى كده
واخيرا فكت قيوده من عليها واتجهت نحو الباب
عاصي وهو يقف ويجذبها من يدها اليه خدي يا مجنونه رايحه
فين بس دلوقتي اومال انا جايب المانجه دي كلها لمين
غمزه وهي تشير نحو الفراش المانجه اه ابقي كلها انت وابنك بقى
وتركت يده پغضب وذهبت من الغرفه حتي تنام في غرفة صغيرها الټفت هو حيث اشارت ليري صغيره نائم في الفراش بمنتهي الراحه فذهب اليه وحمله بين يديه وهو يضحك ههههه يا ولاد المجانين
دلف بالصغير غرفته واذا به يجدها غافيه في فراشه ارقده بجانبها بهدوء ودثره جيدا
واذا بها تجده يحملها بين يديه ويتجه بها للخارج
غمزه بهمس سيبني انا هنام هنا
عاصي وهو لاء انتي هاتكلي مانجه الاول وبعدين تنامي
دلف بها غرفته واغلق الباب جيدا من خلفه وارقدها علي الفراش
غمزه مش عايزه منك حاجه اوعى انا زعلانه منك علي فكره
عاصي عارف علي فكره وهاصالحك يعني هاصالحك
غمزه واثق اوي من نفسك
عاصي طبعا يا بنتي دانا العاصي
الفصل السادس والعشرون
انها الحادية عشر صباحا كان يقف امام تلك الرخامه السوداء ويمسك بيده مج كبير وضع به بعض السكر عليهم بعض حبوب القهوه الامريكيه وينتظر تلك الغلايه حتي تعلن عن غليان الماء وهو يدندن
حنين حنين حنين
انا دايبه فيك حنين
انا دايبه فيك حنين
والغربه توهتني
لكن ما غربتني عنك طول السنين
عنك طول السنين
شيالك في نين عيني
واللي بينك وبيني
احلام كل الاحبه
وحنين المغرومين اه ياعيني
احتضنته هي من الخلف وغمرت وجهها في ظهره وهي
تهمس له اه يانا مالحنين
الټفت اليها وبدورها وضعت وجنتها علي صدره ليغلق عليها وهو يبتسم
عاصي يا صباح الفل يا قلبي ايه اللي صاحكي كنتي خليكي مستريحه في السرير
غمزه جسمي كله بيوجعني
عاصي هههههه معلش يا روحي اصلك كنتي وحشاني اوي طب اشيلك اطلعك تاني فوق
غمزه لاءه انا هبقى كويسه انت بقي عمال تخبط وبتعمل ايه كده
عاصي بحاول اعمل نسكافيه زي اللي بتعمليهولي بس بردو مش عارف اظبطه
غمزه طب وسعلي كده يا فاشل انت
عاصي وهو يغمز لها بعينه مش مهم فاشل في ده بس شاطر في حاجات تانيه هههه
همست له بأندهاش وهي تتلفت حولها خوفا من ان يسمعهم احد قليل الادب
عاصي وهو يجذبها اليه طب بزمتك ده مكان اعاقبك فيه تعالي نطلع فوق واعاقبك بقى براحتي
الله الله يعني امبارح بوده والنهارده مامي يا سي بابي واحنا ايه ولا علي بالك خالص كده
صاحت بها تيا الواقفه بجانب الباب ومن خلفها يقف زين وهو يضع يده علي كتفها
غمزه استلم بقى علي فكره راكبها العصبي من ساعة ما خرجت انت وبوده امبارح وماسلمتش حتي عليهم
عاصي بصوت خفيض وهو يتصنع الخۏف هي مالها بتبصلي كده ليه وكأني جوز امها مش ابوها
ضحكت ضحكه رنانه وابتسم زين له واذا بها تزجه اليها
عاصي تيا حبيبة بابي وحشتيني يا قلب ابوكي
تيا پغضب بس بقى يا بابي ماتحولش انا اصلا زعلانه منك ومخاصمك كمان
عاصي وهو يتصنع الحزن يالهوي ويهون عليكي تخاصمي عاصي يا توتو دانا حبيبك بردو
توسطهم زين والټفت برأسه له لموأخذه يا حج بس توضيح انا اللي حبيبها مش انت انت حبيبتك هناك اهيه
عاصي وهو يمسك ياقة قميصه من الخلف
غور ياض من هنا ال حبيبته ال بت يا تيا الواد ده عبيط ولا ايه
غمزه لو سمحت مسمحلكش ده زين الشباب كلهم
تيا بس بردو انا زعلانه منك انت حتي ماحولتش تبصلي انا وليا
عاصي يا عبيطه كان لازم اخرج عشان انا محضر ليكي انتي وهي حتة مفاجئه هي فين صحيح
انتبهو جميعا لسؤله عنها ولم تقوى بالرد عليه
ليصيح زين دي لسه نايمه هي ودانا دلوقتي يصحو ويجو
عاصي طب تمام اوي كده بقولك ايه يا حبيبتي انتي تروحي تصحيهم وتخليهم يجو عشان ورانا حاجات كتير اوي النهارده
تيابعدم فهم حاجات ايه دي يا بابي
عاصي لا مش هاقول حاجه احسن شكلي كده انا بس اللي فاكر والټفت الي زين الذي ابتسم له
زين مش لوحدك علي فكره
تيا ولو اني مش فاهمه حاجه بس ماشى انا هاروح اصحيهم واجبهم واجي وتركتهم وذهبت
غمزه وهي تعطي له النسكافيه انا قولت انت اكيد نسيت
عاصي وانا من امتي نسيت عيد ميلاد حد فيكو يا حبيبتي اومال انا جايب التورته اللي في التلاجه دي ليه
زين بمكر ههههههه وكمان جبت التورته دانت مسيبتش لينا حاجه نعملها بقي
عاصي بمرح هههههه لا يا حبيبي ماتقلقش اطلع انت بس صحيلي الاتنين اللي فوق دول وانزلو عشان تلحقو تعلقو الزينه
زين اوك يابوب يابو المفاجأت انت هههههههههه
اتجه الي الدرج ليقابل حمزه
ومن خلفه غزل
حمزه صباح الخير عليكو ايه بدأت بدري ولا ايه ياعاصي
الجميع صباح الخير
عاصي لاء لسه بلم العيال عشان نبدأ
زين انا هاطلع اصحيهم
غزل تصحي مين عاصي وعدي في البحر من بدري
زين ولاد اللذينا كده من غيري طب والله لروح انكد عليهم واجبهم من افاهم
وذهب اليهم 
غزل هو في ايه مالكو بتخططو لايه كده
غمزه النهارده عيد ميلاد ليا وتيا يا غزل وعاصي عاملهم حفله
غزل عقبال ١٠٠ سنه يا حبيبتي ربنا يخليك ليهم يا عاصي
عاصي ربنا يخليكي يا غزل يا رب يلا يا
حمزه نبدء تعليق الزينه
حمزه لاء بقولك ايه انا جعان نفطر الاول وبعد كده نعمل اللي انت عايزه
ذهب اليهم ووقف علي الشاطيء يشير لهم بيده ليخرجو من الماء واذا بهم يروه ويخرجو اليه وبعد ان خرجو
زين پغضب بقي حضرتكو هنا وانا عمال الف عليكم من الصبح
عدي في ايه بس يا زين مالك انت كمان
زين مالي يعني ايه اطلع عشان اصحيكو ونقعد سوى تفجأني غزل وتقولي دول نزلو البحر
عدي والله انا صحيت بدري وقولت اصحي الاستاذ ده وننزل المايه شويه يمكن يفوق بقى ويخرج من المود اللي هو فيه ده
كان قد جلس علي المقعد ينشف جسده بالمنشفه
زين وهو يجلس امامه وهو ده منظر واحد بقى فايق وكويس ما تتعدل ياض بقى الله ېخرب بيتك هتكشفنا عمك لو شافك هيتأكد ان فيه حاجه
عاصي لاء اطمن شافني امبارح وعارف اني مدايق بس معرفش من ايه
وابويا كمان شافني بس عملت نفسي نايم فا ياريت بقي تسيبوني ارجع عشان انا مش هاقدر ارفع عيني فيهم
زين علي فكره مش هينفع اللي بتقوله ده مش هيحصل يا عاصي
والنهارده بالذات انت كده هاتخليهم يشكو اكتر
عدي ليه مش هينفع النهارده بالذات يا زين
عاصي عشان انهارده عيد ميلاد تيا وليا بس حتي ده مش هقدر احضرو
زين معلش يا عاصي حاول تسيطر علي مشاعرك دي شويه ده هو اللي بعتني ليكم عشان نعلق الزينه يلا بقى بينا نروحلهم
دلفو مره اخري ليجدو الجميع مجتمعين و يجلسون علي طاولة الافطار
عاصي يمسك هاتفه ويتحدث بصوت مرتفع وهو يسب ويلعن بأفظع الالفاظ
وحمزه ايضا يتحدث بهاتفه
توجه زين الي جده بالحديث هو في ايه يا جدي انا كنت سايبهم كويسين من شويه
الجد في شيك بأتنين مليون جنيه كان المفروض هايتسلم للبنك النهاردة وسكيرتيرة عاصي بتقوله انه مسلمهوش ليها وحمزه كمان نفس الحكايه
ليصيح عاصي بصوت جهور بقولك ايه حوارت كتير مش عايز اقلبي ام مكتبك لحد ماتلاقي الشيك والا ورحمة امي لتكونو بيتين كلكو في الحبس النهاردة وأغلق الهاتف في وجهها
حمزه ايوه انا بنفسي اخدت الشيك منك في الحسابات ووقعت عليه وبعد كده انت اخدته مني وديته فين بقى ايه بتقول ايه طيب طيب اقفل وانا هاشوف الموضوع ده
اغلق الهاتف
وتوجه بالحديث الي اخيه اللذي جلس ينظر اليه
حمزه اهدى كده و ركز معايا انا الشيك جالي ومضيت علي الورق اللي معاه ونزلته في الحاسابات عندي وبعدين الملف كله دخل السكرتيريا عندك
والموظف متأكد ان البنت دخلت ليك الملف لأنها اخدته من ايده ودخلت في ساعتها لانك كنت عمال تزعق وتسأل عليه
وهي بتقول انك بعد ربع ساعه اتصلت واديتها الملف من غير الشيك 
انتبه لكل كلمه كان اخيه يلقيها علي مسامعه في صمت تام وبعد دقائق معدوده قفز من علي مقعده وهتف
عاصي يا نهار اسود انا شيلت الشيك من الملف بعد ما مضيت عليه و بدل ما ارجعه فيه تاني شيلته وحطيته في
الخزنه وقفلت عليه
حمزه يعني هو دلوقتي في خزنتك طب هنعمل ايه دلوقتي الشيك ده لو مراحش البنك بكره بالكتير مع الورق هيفرضو علينا غرامه كبيره
عاصي لاء ماتقلقش انا هانزل مصر حالا دلوقتي وارجع كل حاجه زي ما كانت واتجه ليصعد الدرج
ليهتف عاصي الصغير خليك انت يا عمي واروح انا بدالك
وقفو جميعا ينظرون اليه بدهشه اهذا هو الذي يتهرب دائما من عمل أبسط الأشياء هل يتحمل عبئ