ميادة مأمون والعاصي

مبروك
دانا بزعل يا سلام يا أخويا انت لسه فاكر طب كنت حتي اتصل بيا
ليصيح عاصي ههه معلش بقى ما هو كل واحد كان بيطمن علي اللي ليه مبروك يا دانا
دانا بقي كده ماشي ياعم علي العموم الله يبارك فيك يا عاصي وانت بقى مش هقولك الله يبارك فيك هه بس
زين طب ماتزعليش اوي كده حقك عليا يا حبيبتي اومال انتي جيتي مع مين بابا ولا عدي
عدي لاء جات معايا انا وعلي فكره عاصي عايزكو تحت
دانا طب انا هاطلع فوق عند البنات بقى
زين ماشي يا حبيبتي اطلعي وانا هبقى اخدك اروحك
اومئت له برأسها وتركتهم وذهبت بعد ان حدقته بنظره لائمه علي كل كلامه معها
زين مالك انت كمان مش كنت نازل من هنا مبسوط انها مستنياك عشان تشوفلها النتيجه ايه اللي حصل
چلس علي المقعد امامهم وهتف پغضب الهانم مش عايزه تعيش هنا بعد الجواز عايزه ڤيلا جنب مامي اختك عايزاني اسيب شغلي في الوكاله واروح اعيش في زايد جنبها واستني بقى المصروف من اخواتي وابويا لحد ما خلص الكليه بعد ست سنين
شوفت الهنا اللي انا فيه
عاصي وهو يضحك بسخريه ههه طب كويس انك جيت عشان تنضم لاخواتك
عدي انضملكو ليه في ايه
زين مش تباركلي يا عدي مراتي جالها عريس
عدي نعم ايه اللي بتقوله ده يا زين انت اټجننت ولا ايه
زين والله زي ما بقولك كده المدرس بتاعها جبلها النتيجه وجيه يخطبها النهارده
عدي لالالا اوعى يا بني هو انا ناقص جنان طب وانت بقى زعلان ليه انت كمان
عاصي انا لا ماتخدش في بالك اصل الهانم كانت نازله في اللي احطياتي لاختها ولما قولت لابوك هاعمل فرح في الشارع ثارت وقعدت ټعيط زي ما يكون قرصها تعبان
عدي فرح في الشارع ايه يا مچنون انت هو لسه في حد بيعمل افراح في الشارع
عاصي اه يا جدع كل شباب الجمالية بيعملو افراحهم في الشارع
عدي يا بني دي بتبقى ليلة الحنه وبتبقى كلها شباب بس ولا انت ناوي تعمل كده وتنزلها تقعد جانبك
عاصي تنزل فين لاء طبعا دي بتبقي فرحه شبابيه
عدي زين هو الواد ده اهبل ولا مچنون
زين من ده علي ده تعالو أما ننزل لابويا ونشوفه عايز ايه هو كمان
صعدت اليهم ودلفت لهم غرفتهم وهي حزينه ولكنها تبدل حزنها عندما رأتهم
دانا ازيكم يا بنات
تيا وليا داناااااااااا
ليا كويس انك جيتي تقعدي معانا
تيا الف مبروك النجاح يا ستي ثم غمزت لها بعينها والخطوبه كمان
دانا مش باينلها خطوبه يا تيا
وتنهدت بقلة حيله وجلست علي الفراش
ليا الله مالك انتي كمان
تيا اوعي تقولي انك زعلتي انتي وعدي انتو لسه مالحقتوش تتخطبو اصلا
دانا عدي تفكيره صعب اوي يا تيا لازم اللي في دماغه هو اللي يمشي
ليا ليه هو حصل ايه
دانا يا ستي بيقولي ان احنا قدمنا سنه ونتجوز قولتله ماشي لقيته بيقولي هيهد ويبني ومش عارفه ايه واكتشفت في النهايه انه عايز يقعد هنا في الجماليه بعد الجواز
تيا مالها بس الجمالية يا بنتي ما أحنا طول عمرنا عايشين فيها
دانا شوفتي انتي قولتي ايه انا بقى طول عمري عايشه
في زايد عايزني ازاي بس اعيش هنا وفي الاخر يقولي احنا لسه في الاول وفكري قبل ما نعمل الخطوبه
ليا طب ماتزعليش كده اكيد بابي هيحلها اومال لو عرفتي الباشا بتاعي ناوي يعمل ايه
دانا ليه ناوي يعمل ايه تاني سي عاصي بتاعك ده
ليا الحيوان عايز يعمل فرحنا في الشارع
دانا ايه بتقولي ايه ههههههههههههه
مش معقول بجد الكلام ده
تيا اه بجد ومن ساعتها وهي عامله زي المجنونه وعماله تصرخ
ليا اسم الله عليكي ال يعني انتي اللي مش زعلانه
دانا وانتي كمان زعلانه ليه
ليا اصل جالها عريس وزين ضربه وقلب عليها وقعد يزعقلها
دانا طب والله التلاته مجانين
جلسو الثلاثه امامه في الوكاله وهتف فيهم پغضب
عاصي ممكن افهم انتو ايه الطريقه اللي بتعاملو البنات بيها دي
زين عايزيني اعرف ان فيه عريس جاي لمراتي وافرح طب ما أروح ابركلها بالمره
عاصي يا بني ادم وهي ذنبها ايه عادي يعني موقف وحصل وضړبت المدرس مالوش لازمه بقى تنكد
علي نفسك وعليها وانت يا فقري
عاصي الصغير مالي انا كمان انا عايز اعرف اصلا الهبله اللي فوق دي عامله مناحه علي ايه
عاصي يا حمار بقى في عروسه يتعملها فرح ومتحضروش
عاصي الصغير مانت عارف ان الافراح دي بتبقى للشباب بس ومافيش بنات بتحضر فيها
ليصيح حمزه طب ورافض ليه يتعمل فرح في فندق يا حيوان انت
عاصي الصغير ياعم ماليش انا في جو الفنادق ده
عاصي ولاااااا بقولك ايه اظبط كده قولت عايز تعمل فرح في الشارع قولنا ماشي لكن بنتي لازم يتعملها فرح في اكبر فندق فيكي يا بلد وتلبس احلي فستان فرح يا كده يا تنسي الجوازه دي من اصله قولت ايه
عاصي الصغير بهدوء الله هو انا قولت حاجه نعملها فرح طبعا بس ماتبقاش عڼيف كده
حمزه هههههههههه نيجي بقى للباشا الصغير اللي لسه مقراناش حتى الفاتحه وشكله قالب الدنيا خير يا استاذ عدي
عدي لاء اطمن شكلكم مش هتقروها
ليصيح والده الصامت حتي الان هو لعب عيال ولا ايه ما تتعدل ياض في كلامك كده مش هي دي اللي كنت بټعيط عشانها جاي دلوقتي تقول مش هتقرا فتحتها
عدي ما هي اللي رافضه انها تيجي تعيش هنا بعد الجواز وال عايزه تعيش جنب مامتها
لكن تيجي انت تقولي ڤيلا وابعد عن هنا لا شكرا مش عايز واللي ماترضاش بعيشتي دي انا كمان مرضاش بيها
ليهتف زين الله ما تحترم نفسك ياض ومتنساش انها اختي انت ايه شايفنا بنرميهالك ولا ايه
فضالي بس انت وهو انتو هتتخانقو قدامي ولا ايه
وكالة ايه اللي عايز تفضل فيها يا دكتور انت تركز في كليتك وبس وعروستك اصلا مش واخده علي العيشه هنا يبقى ماينفعش تيجي تقولها انقلي حياتك كلها وغيرها عشاني
عدي اه اركز في مذكرتي وبس اتجوزها في الڤيلا اللي اخويا جابهلي
واستني بقى كل اول شهر عشان اجي امد ايدي واخد منك المصروف مش كده
وبعدين تعالو هنا مانا امي واخواتي البنات طول عمرهم كانو عايشين في الإمارات ماقلوش كده ليه
عاصي يا بني افهم امك واخواتك البنات ظروفهم كانت غير كده خالص دول لما جم الحته هنا كانو جايين طالبين الحمايه
عدي انا عارف كل الكلام ده مدخلونيش في حوارت
انا شغلي في الوكاله مش هاسيبه ومش هاسيب ابويا والعماره هاتبنوهالي وده اللي عندي
فضالي يا اخي الله ابوك
بقلميمياده مأمون
اخذها اخيها بعد سهرتها مع زوجته وأختها وذهبو الي ڤيلا ابيهم وداخل السياره دار بينهم هذا الحديث
دانا بجد يا زين حرام عليك طب هي ذنبها ايه تزعل منها وتمشي من غير ما تسلم عليها
زين ماتخديش في بالك يا حبيبتي هي عارفه اني لما اروق هاكلمها انتو بقي ليه قلبتو علي بعض كده طب كنت استنو حتي اما نقرا الفاتحه
دانا يا زين هو انا لحقت دانا بقوله انا مقدرش اعيش
هناك علطول لقيته قلب مره واحده
زين بصي يا دانا عدي بالذات مرتبط بأبوه وامه جدا وابوه اكتر كمان والوكاله من صغره وهو بيشتغل فيها وبصراحه كده عامل زي السمك مايقدرش يبعد عن المايه
وانتي لو بتحبيه يبقى لازم تقبلي طبعه وتغيري حياتك عشانه
دانا يا سلام وإشمعني انت هاتجيب لتيا ڤيلا
زين لأني ببساطه مش ابنهم انا ابن العميد احمد السيوفي يعني مش هاروح اقول لبابا عاصي اديني شقه في الجاملية اتجوز بنتك فيها فهماني يا دانا
دانا ايوه يا زين فهمتك وبصراحه انا لما فكرت في كلامه لقيت انه معاه حق وكبر في نظري اكتر عشان مش عايز يسيب شغله في الوكاله وهو بيدرس ويخلي حد يصرف علينا بعد الجواز
زين عين العقل يا حبيبتي يبقى لازم بقى تكلميه وتقوليله الكلام ده عشان هما المفروض جايين يقرو فتحتك بكره
دانا لما نوصل هابقى اكلمه واقوله
كانت جالسه بجانب خالتها وتحتضن الصغيره علي قدمها
غزل يا بت ماتخفيش داحنا هانعملك احسن فرح وتلبسي احلى فستان كمان
ليا والنبي تسكتي ماتجنينش انتي مش سمعتي المچنون ابنك قال ايه
جن لما يلخبطك احترمي نفسك واظبطي بدل ما اظبطك انا قالها ذلك المشاغب وهو دالف اليهم
ليا ېخرب بيتك انت بتطلع منين شايفه ابنك يا غزل
غزل ولاا اتلم احنا مش قولنا هتبطل طريقتك دي معاها
عاصي استني والنبي قبل ما ټعيطي وتنكدي علي امي اللي قاعده جانبك دي ابقي اجهزي بكره عشان لما ارجع من الشركه هاخدك ونروح نشتري العربية بتاعتك وبالمره تبقي تشوفي فستان الفرح اللي انتي عايزاه
ليا بفرحه وهي تتعلق في عنقه هيههههههههه يعني هتعملي فرح في فندق يا عاصي
عاصي وهو يحملها بين يديه هاعملك احلي فرح يا مجنونه خليكي شاهده يا ماما هي اللي جات في حضڼي لوحدها اهيه
وبدأ يدور بها وهي تخبئ وجهها من الخجل في عنقه
كانت تستعد للنوم في فراشها لتأتيها تلك الرسالة علي هاتفها منه
زين جهزي نفسك عشان هاجي اخدك بكره عشان تروحي تجيبي عربيتك وتشوفي الفستان وكمان تشوفي الزفته الڤيلا بتاعتك يا هانم
تيا پغضب زفته لاء بقولك
ايه لو المشوار ده مديأك كده يبقي مش عايزه اشتري حاجه ولا اشوف حاجه
زين مش بمزاجك علي فكره هاتيجي تشوفي الڤيلا وربنا يقصر الايام دي بقى عشان تبقي بتاعتي واخلص واقفل عليكي مية باب
تيا بحب بعد ان حدثته هاتحبسني يعني يا زين
زين وهو يكلمها اه هاحبسك جوه قلبي يا نور عيني بحبك يا بنت العاصي جننتيني
تيا مش كنت متفق مع بابي ان جوازنا بعد اول سنه من الكليه ما تعدي
زين ولا هاستني ثانيه تاني انا خلاص مش قادر ابعد عنك اصلا
تيا زين
زين عيونو
تيا بحبك اوي
امسكت هاتفها وقررت ان تبعث له رساله عبر الواتس اب
دانا نمت ولا لسه صاحي
عدي لاء لسه صاحي انتي ليه مانمتيش لحد دلوقتي
دانا كنت مستنيه حبيبي يصالحني عشان زعلني منه بس للأسف لقيت نفسي مش غاليه عنده ومش في دماغه اصلا
عدي انتي في قلب حبيبك مش في دماغه بس
بس علي فكره انتي اللي زعلتيه مش هو اللي زعلك
دانا طب وعشان انا زعلته بقوله اني موافقه علي اي حاجه يقولها خاصة بحياتنا سوى
عدي بفرحه وهو يقفز من علي الفراش بجد يا دانا قولي والله
دانا والله يلا تصبح علي خير يا حبيبي
عدي وانتي من اهله يا حبيبتي بصي الساعه تسعه الصبح بالظبط هاتلاقيني عندك انا بحبك اوي يا روحي
دانا بفرحه من كلامه هههه وانا كمان بحبك اوي ياعدي
اغلق معها الهاتف وجري خارج الغرفه بل خارج الشقه وهو يصيح بأسماء اخواته ويصعد علي الدرج بسرعه
بالخارج هو والفتايات يتسأل لماذا يصيح