اسيرة الماضي بقلم منال عباس الجزء الأول

دون ردا منها ...
مازن انا كدا مش هستحمل وينزل بسرعه ويقود سيارته ذهابا إليها .....
عند سامر
سامر بضيق قولت ليكى البنت دى سماويه ومش هتعديها لبر 
ماهى انت بتتكلم على مين 
سامر يعنى هتكون مين لورا 
ماهى وهى تقوم من مكانها لورا !!!! وانت شوفتها فين !! وازاى وصلت ليك !
سامر انتى هتسألينى انا !!!
كان كفايه اللى حصل مع حازم ..بس ازاى ..انتى صممتى نكمل للآخر ...اهو قدرت توصل لينا وشكلها راجعه تقيله اوووى ومش لوحدها ...بقلم منال عباس 
ماهى بس هى ما تعرفش حازم ..ايه اللى جمع الشامى على المغربي 
سامر معرفش بقي ....
ماهى انت شكل اعصابك تعبانه يا بيبي ..تعالى وانا اسهرك سهرة تحلف بيها بقلم منال عباس 
سامر بضحك اما نشوف ....
عند سميه 
يصل مازن إلى شقتها ويرن جرس الباب عدة مرات ولكنها لا تجيب 
تخرج له أم حسن 
أم حسن اهلا يا ابنى اتفضل 
مازن ازى حضرتك يا طنط ..
أم حسن الحمد لله ...
مازن ما شوفتيش سميه النهارده ...
أم حسن شوفتها بعد صلاة الجمعة 
كانت بتنشر الغسيل ..هو فى حاجه 
مازن انا كلمتها اخر مرة فعلا فى التوقيت دا ..اصل بتصل عليها مش بترد ...
أم حسن استر يارب ..طب جرب تتصل تانى 
اتصل مازن عليها وسمع صوت رنين هاتفها يأتى من الداخل ...
مازن صوت الفون اهووو 
رنت ام حسن جرس الباب هى أيضا ولكن لا جديد 
مازن كدا لازم اكسر الباب ...وبالفعل ظل يطرق فى الباب بجسده وقدميه عدة مرات عديدة حتى انكسر الباب وتم فتحه ...
دخل مازن متلهفا وخائڤ عليها وهو ينادى سميه ..ولكنه فوجئ بها ممدة فى الارض وفاقدة للوعى 
مازن بقلق سميه
أم حسن يا حبيبتي يا بنتى
قام مازن بحملها ووضعها على الكنبه وطلب من ام حسن إحضار البرفان 
وبالفعل قام بافاقتها...
مازن ودموعه تنزل فقلبه كان ينتفض خوفا أن يفتقدها 
مازن سميه ...حصل ليكى ايه ...
سميه مش عارفه انا كنت كويسه وجيت اقوم ادخل المطبخ لقيت نفسي دوخت وما حسيتش بنفسي ...
أم حسن سلامتك يا حبيبتي
سميه الله يسلمك ...
أم حسن كدا ما ينفعش تقعدى لوحدك تانى ..ونظرت إلى مازن 
بصى يا ابنى ...سميه زى بنتى ..وانت شكلك محترم ..ناوى تكتب الكتاب امتى ...البنت ما ينفعش تقعد لوحدها وخصوصا بعد الاغماء اللى بيحصل ليها دا ..
شعرت سميه بالاحراج وحاولت أن تتحدث لتتفاجئ برد مازن 
مازن ......يتبع
البارت العاشر
سألت أم حسن مازن هتكتب الكتاب امتى يا ابنى ما ينفعش سميه تقعد لوحدها ... وخصوصا بعد الاغماء اللى بيحصل ده..شعرت سميه بالاحراج وحاولت أن تتحدث لتتفاجئ برد مازن 
مازن عندك حق يا طنط ...وانا الحقيقه قررت انى هجيب المأذون حالا ..
وقفت سميه تنظر إليه باستغراب 
سميه بس يا دكتور ...لتقاطعها ام حسن بضحك فى حد يقول لخطيبه يا دكتور !!! 
سميه يا طنط ما ينفعش انتم ناسين أن ماما لسه ماعداش الاربعين عليها ...
أم حسن اه يا حبيبتي ..ربنا يرحمها ...
مازن انا مقدر حزنك على ماما ..بس يا سميه بقلم منال عباس...دا مجرد عقد قران ...علشان اقدر اجيلك من غير ما يكون حرام وخصوصا انك لواحدك ...كمان اطمنى ...الفرح هيكون بعد الاربعين .أو وقت ما تقررى وتكونى مستعده ...
سميه طيب ممكن تسيبنى افكر وارد عليك بكرة ...
مازن طبعا ليكى حريه الاختيار ...
أم حسن ربنا يهنيكم يا ولاد ...اسيبكم بقي واروح افرح حسن 
قبل ما يمشي ...وتركتهم وغادرت ...
سميه مازن ...مفيش داعى تضحى اكتر من كدا ..انا مقدرة وقفتك جنبي..واسفه انك بسببى اتحطيت فى الموقف المحرج دا ...
مازن خلال الفترة اللى فاتت دى يا سميه ..ما حسيتيش بأى تغيير من ناحيتى ...انا معجب بيكى وعايز ارتبط بيكى فعلا ..ودا مش تضحيه ...
دا حاجه هتسعدنى ..لو وافقتى يا سميه ...
سميه انت بتتكلم جد 
مازن ايوا يا سميه وانا فى كامل قوايا العقليه ..احب اهديكى قلبي ودقاته واتشرف أن اسمك يرتبط باسمى ..انا مش بس معجب بيكى ..انا حبيتك يا سميه ..لتدمع عينيها وتقول وانا كمان بحبك ......بقلم منال عباس
عند حازم
تعود إليه كريمه وحنان
حنان اومال فين سلمى 
حازم هى كانت هنا ولسه خارجه دلوقتى
حنان حمدالله على سلامتك يا ابنى ..طب هخرج اشوفها واسيبك ترتاح
كريمه طب بسرعه هاتيها علشان نتغدى احنا على لحم بطننا 
حنان حاضر ....وتركتهم وغادرت المكان 
كريمه حبيبي يا حازم ...حمد الله على سلامتك قولى حاسس بايه دلوقتى
حازم الحمد لله يا ست الكل ..اطمنى 
ونظر إليها بإمعان بقلم منال عباس...ماما ممكن اسالك سؤال
كريمه اه طبعا ..
حازم هو انا قولت ايه وانا فى البنج 
كريمه بضحك دا انت قولت قوايل...خليت البنت يا حبة عينى حدودها بقوا زى الفرولايه ...
حازم هو انا عكيت ولا ايه 
كريمه انا هقولك ....وقصت عليه ما حدث منه ...
حازم باحراج يا خبر ...بس يا ماما 
كريمه بس ايه يا حازم ...دا منى عينى انى افرح بيك واشيل عيالك 
حازم انتى عارفه رأيي فى الموضوع دا ...
كريمه البنت مفيهاش غلطه ...ومؤدبه وجميله ونعرف اصلهم من فصلهم ..وانسي اللى فات ..والماضى دا صفحه وانقفلت ...
حازم بعدين يا ماما نتكلم فى الموضوع دا ...
كريمه ربنا يهديلك الحال يا حازم يا ابن بطنى ...
تطرق الباب حنان وتدخل 
حنان هى سلمى ما جاتش هنا 
كريمه لا 
حازم مش حضرتك خرجتى تشوفيها برا ...هى قالت إنها هتخرج وتروح ليكم...هاتى رقمها يا طنط واتصل عليها ولكن فونها مغلق ...
اتصلت حنان هى الأخرى والفون مغلق ...
بدأ حازم يشعر بالقلق عليها ..وقام لينزع المحاليل من يديه ولكن كريمه أصرت بأن لا يفعل ذلك وخصوصا أن قدمه لازالت بالجبس ...
لم يتحمل حازم غيابها يشعر بالڠضب من نفسه فهو السبب أراد أن يثير غيرتها عليه ويبدو أنها تضايقت من حديثه ...
وفجأة رن هاتف حنان برقم سلمى 
حنان سلمى بتتصل 
حنان ايوا يا حبيبتي..انتى فين ..دورت عليكى كتير ...مش لقيتك ...
سلمى معلش يا ماما الفون فصل شحن ونزلت ادور على اى شاحن مع اى حد هنا ولقيت ممرضه هنا بنت طيبه اوووى يا ماما اسمها سماح 
واخدت منها الشاحن هشحن الفون شويه وهطلع
ليكم ...
حنان طيب يا حبيبتى ..ما تتأخريش بقلم منال عباس...وأغلقت الهاتف معها 
اطمئن قلب حازم عليها ...
حازم فى نفسه البنت دى فعلا هتجننى ...غيابها لدقائق وقع قلبي فى رجليا ...بس لا يا حازم اجمد ...انت لسه ما تعرفش ايه حكايه مازن معاها ...مش هتقدر تتحمل خداع مرة تانيه .....
بعد وقت قليل عادت سلمى وطرقت الباب 
فتحت لها كريمه ادخلى يا سلمى ...يلا علشان ھنموت من الجوع 
جلست معهم تتناول الغداء وهى تتجاهل النظر إلى حازم ...
شعر حازم بذلك ...
حازم هتروحى الجامعه يا سلمى بكرة ..
سلمى دون أن تنظر إليه ايوا ...ثم نظرت لوالدتها 
سلمى ماما ..انا هروح اجهز حاجتنا ..انا طلبت انى أخرج النهارده علشان جامعتى ...فاضل أن حضرتك تيجى تقفلى الحساب ...
حنان حاضر يا حبيبتى ..والحمد لله اننا اطمنا عليك يا حازم ...
حازم حساب ايه اللى تقفليه يا طنط 
ما يصحش كدا ...
حنان يا حبيبي واحد بس كفايه عليك اللى عملته مع سلمى ..ربنا ما يحرمنا منك ..
حازم تسلمى يا طنط بس خلاص الحساب مدفوع ...
سلمى لو سمحت ..انا مش منتظرة حضرتك تدفع ليا حاجه ..ويلا يا ماما وخرجت بسرعه ..
حنان ما تزعلش يا ابنى مش عارفه البت دى بقت بحالات ليه كدا ...دى هى اللى طلبت نقعد علشان نطمن عليك وأنت فى العمليه ..
حازم مفيش حاجه ...اتفضلى حضرتك علشان ما تتركهاش لوحدها ودعتهم حنان وغادرت 
كريمه اوعى يا حازم تكون زعلت سلمى فى حاجه واحنا تحت..
حازم ما تشغليش بالك ...
كريمه طب انا هروح اشوف الدكتور يشوف ليك المحاليل اللى خلصت دى 
وخرجت 
حازم بقي مستعجله على الجامعه دلوقتى يا سلمى بقلم منال عباس...اكيد مازن وحشك 
وتضايق بسبب وضع قدمه في الجبس التى تعيقه من الحركه ...
عند حسن 
يصل إلى المستشفى بعد أن علم ما حدث ل حازم 
حسن وهو يبحث عن الحجرة التى بها حازم لم يرى أمامه ليصتدم باحدى الممرضات 
الممرضه آه ..مش تحاسب يا اخ 
حسن وهو ينظر إليها اخ !!! 
الممرضه انا مش فاضيه ليك وتركته وذهبت 
حسن ايه البنت المجنونه دى وظل يبحث عن الغرفه حتى وصل إليه 
حسن ازيك يا زومه ...ايه يا ابنى هو وش القسم بتاعنا وحش عليك ولا ايه ..
حازم والله ليك وحشه ...اتفضل اقعد 
حسن اعذرنى انا كنت عن الحاجه ام حسن ودى لما بكون عندها مش بفتح السوشيال ميديا ..وما عرفتش حاجه غير لما رجعت شقتى ...المهم طمنى عليك...
حازم انا كويس الحمد لله...بس موضوع الجبس دا مضايقنى ..
حسن معلش ..أن شاء الله فترة وتعدى ..
تدخل كريمه ومعها الممرضه سماح لكى تستبدل المحاليل الفارغه بالأخرى 
حازم هو انتى 
سماح ايه هو انتى دى ...ما تحترم نفسك يا اخ انت 
كريمه فى ايه مالك يا بنتى ونظرت إلى حسن ..وانت يا ابنى مالك بيها . 
حسن بتفاخر بقي الملازم أول حسن على اخر الزمن يتقاله اخ ...وكمان من حتة ممرضه ...شعرت سماح بالاحراج 
وبعد أن أنهت عملها خرجت بسرعه وهى تحبس دموعها ..لتخرج وراءها كريمه كى تأخذ بخاطرها ..
حازم ليه كدا أحرجت البنت 
حسن تصور فعلا عندك حق ..انا سخيف اوووى ..الحقيقه كنت عايز اعرفها انى ظابط وكدا قولت البنت هتفرح وتكلمنى..شكلى عكيت الدنيا معاها ...
حازم مش انت لوحدك 
حسن لا دا كدا فى حكايه ولازم اعرفها ...بس بعد ما اروح اصالح الملاك اللى كانت هنا الاول ..
حازم يا ابنى انت جاى تزورنى انا 
حسن ما انا اطمنت عليك اهو يا بطل ...يلا سلام وخرج مسرعا للبحث عنها ..
حازم بضحك يخربيت كدا فصلتنى ...
حسن وهو يبحث عنها يجدها تقف مع كريمه
حسن طنط ..حازم عايزك جوا ...
كريمه طيب يا بنتى هشوف حازم واجيلك وتركتهم ..همت سماح أن تمشي هى الأخرى ولكن حسن منعها 
حسن انا اسف يا ...صحيح انتى اسمك ايه
سماح لو سمحت عندى شغل ..
حسن انا عارف انى كنت رخم ...ممكن تقبلى اعتذارى 
سماح تمام ..مفيش مشكله 
حسن وهو ينظر بيدها آنسه هو انتى مرتبطه ..
سماح افندم 
حسن آسف ..انا مش عارف انا متلغبط كدا ليه ..طب ممكن يا آنسه ...تاخدى الكارت بتاعى أنا اسمى حسن ..وحابب اتعرف عليكى 
سماح فى ايه يا سيادة الملازم الاول ..ما يصحش كدا ..
حسن عجبتينى يا مزة . 
نظرت له سماح نظرة ڠضب وتركته وغادرت
حسن هى دى بقلم منال عباس..وغادر المستشفى وقرر أن يعود مرة أخرى ليتعرف عليها ...
يمر الوقت على أبطالنا ليأتى الليل
تحاول سلمى النوم فقد تأخر الوقت 
ولكن النوم يهرب منها ...فصورة حازم تملأ مخيلتها ...
سلمى انا كدا هتجنن ..وخرجت لتبحث عن برشام للصداع لتجد هاتفها يرن برقم غريب ...
سلمى مين هيتصل فى وقت متأخر كدا ...وخاڤت أن ترد 
ولكن المتصل