ساكن الضريح بقلم ميادة مأمون
بيا
في الحقيقة فضولي هو اللي خلاني اتصل بحضرتك و اسأل عن آخر التطورات في القضية يا ترى في اخبار جديدة
في الحقيقة لاء يا دكتور القضية لسة ماتحكمش فيها و أشرف بياخد تجديد حبس كل خمسة و أربعين يوم على زمتها.
طب و سبب التأجيل في الحكم ايه يا حضرة الظابط
مافيش دليل قاطع يا دكتور عشان القاضي يحكم عليه دا كمان ممكن ياخد حكم مخفف و القضية
ماكنتش اعرف اي حاجة غير النهاردة بس الموضوع اتفتح قصادي بالصدفة و عشان تبقى عارف انا هاقولك على المعلومه اللي عندي لكن لا هاجي و لا هاجيب اللي قالي المعلومه يتكلم مع حضرتك و يشهد بحاجه تاني.
تمام يا دكتور اتفضل اتكلم انا سامعك.
فتش تحت سلم بيت محمد العسال يا حضرة الظابط.
طب على ايه و بعدين احنا فتشنا البيت كله و شقة اشرف قلبناها بس ملقناش حاجة.
فتشت البيت كله اه لكن ماشلتش البلاط المكسر تحت السلم و شوفت ايه اللي تحته.
و ياترى بقى ايه اللي تحتيه اوعي تقولي اني هاروح الاقي چثه تانيه مدفونه هناك.
هاتروح تلاقي أداة الچريمة هي المدفونه هناك و اذا مالقتهاش اسأل عليها سيد العسال.
سيد العسال هو اللي مخبي السکينه بأيده دافنها تحت البلاط المكسر و لو مالقوتهاش يبقى هو عارف مكانها.
دا كلام مهم جدا انت عارف ان كلامك ده هايقلب الأوضاع من اول و جديد في القضية و التحقيق هايتفتح تاني.
عارف طبعا بس زي ما قولت لحضرتك انا مش هاعرض حياة ناسي للخطړ تاني.
ماعنديش اي إثبات على صحة كلامي انا بقول لحضرتك كلام اتحكي قدامي عايز تاخد بيه و تصدقه و تنهي القضية يبقى تمام مش عايز يبقى ممكن واحد يتحكم عليه ظلم.
يعني حضرتك عارف ان اشرف كده ممكن يطلع من القضية.
انا ماعنديش مشكله مع أشرف ده انا كل اللي عايزه ان الجاني يتمسك و ياخد عقابه سواء هو او غيره.
انهى معه تلك المحادثة التليفونية و جلس يفكر قليلا هل هو على صواب الان ام لا على كل حال هو الآن رضى ضميره كل
الرضا فهو
لم يكتم الشهادة و بنفس الوقت حافظ عليهن ولم يعرض حياتهن المخاطرة.
ولج داخل البيت و هو ينهي مكالمه أخرى لكنها كانت مع العريس المرفوض.
....
تمام يا دكتور في رعاية الله مع الف سلامة.
اغلق الهاتف و جلس في مقابلة الثلاثة المزعجين لحياته كما لقبهم.
السلام على مصدر ازعاجي في الحياة.
كان هذا اول حديثه معهم ليتلقي نظرة ڼارية ثلاثية الأبعاد من وجوههم.
وهتفت مصدر عشقه و جنونه اولا.
طبعا لازم اكون مصدر إزعاج حضرتك مانا اصلي مش بلبس القصير ولا العريان عشان أعجب ساعتك.
انا قولت كده
لا قولت و لا ماقولتش اوعي كده انا هاطلع اوضتي.
تركته وصعدت الي الأعلى و لم يتبعها لينظر إليهم مشيرا بسبابته هاتفا.
رقم واحد.
قذفته والدته هي الاخري سهام ڼارية من عينها و هتفت.
و انا بقى مصدر ازعجاك في ايه يا حيلة.
مافيش واحده تزق الدكتوره اللي هاتكشف على مرات ابنها بالطريقة دي امي.
نعم ليه كنت عايزني اسيبها تميل عليك بالطريقه ال... دي يا واد انت.
ماتكبريش في الغلط يا أمي انتي غلطانه و عارفه كويس ان ابنك بيغض بصره.
كده طب انا غلط وسع بقى كده يا اخويا اما ادخل مطبخي بدل ماتعاقبني على غلطي.
رفع سبابته و اشار بها
رقم اتنين.
كورت ماجدة يدها و وضعتها أسفل وجنتها منتظرة دورها.
ايه يا رقم تلاتة مش هاتبدئي بالھجوم.
لاء يا شيخ مالك انا هاكتفي بالدفاع.
اممممم يعني انت عارفة انا هاسأل في ايه.
اه عارفه هتقولي رفضتي دكتور عبدالرحمن ليه
طب يا ريت بقى تجاوبيني على سؤالي اللي انت قولتيه.
هاقولك زي ما قولتله بالظبط عشان حاجة بسيطة اوي انا هابقي جدة.
ده مش مبرر على فكره يا ماجدة.
و هو انا محتاجة مبرر عشان أرفض او أوافق يا مالك دي حاجة من حقي.
طبعا حقك ماقولناش حاجة بس يعني اظن انك كنت موافقة قبل كده و ده مش سبب مقنع عشان ترفضي دكتور محترم في مركز الدكتور عبدالرحمن.
ازاي بس تبقى بنتي حامل و على وش ولادة وانا بتجوز.
وايه المشكلة في كده انا مش فاهم هو لو كان جوزك الله يرحمه عايش مش كنتي بردو هتبقى متجوزة و بنتك على وش ولادة.
اومئت له برأسها محاولة الرد عليه بالدفاع عن نفسها.
ايوه يا مالك كان ده هيبقى وضع طبيعي لاني زوجه بالأساس و ام وعادي جدا لما ابقى جدة
لكن اجي بعد ما بنتي تولد و يبقي ليا حفيد اروح اتجوز الناس تقول ايه.
اولا ملناش دعوه بالناس احنا طول عمرنا في حالنا و ماحدش يعرف حاجه عننا.
ثانيا انت لا بتعملي حاجه غلط ولا بتغضبي ربنا.
ثالثا لو زعلانه انك هاتجوزي بعد بنتك ما تولد نقدم الجواز يا ستي و نخليه قبل الولادة.
ازاي بس و انا ارمله ولسه فاضلي شهر على عدتي
ما تخلص.
و هي بنتك هتولد بعد شهر دي لسه حامل في شهر و نص.
اصل يعني يا مالك مانا مش هالحق اجهز نفسي.
ههههههه قولي كده بقى سبع شهور يا جبارة مش هاتلحقي تجهزي فيهم.
طب خلاص بقى اللى تشوفه يا مالك.
ايووووا تعوكو الدنيا و ترجعو تقولو اللي تشوفو يا مالك.
يوه ما خلاص بقى انت هاتقعد تقول و تعيد انا قولتلك على اللي عندي لو مش عايز خلاص.
لاء عايز يا خالتي خلاص ياختي المهم حد منهم اخد خبر بالكلام ده.
لاء ماقولتش ليهم حاجه اومال هي شذى متغاظة وزعلانه مني ليه.
ان كان على شذى سيبك منها هي اصلا زعلانه من الكل بس انا هاعرف اظبطها كويس
و كويس انك ماقولتيش لأمي كمان و الا بقى كانت نيمت البيت على حرب الليلة.
اشفق على صحن المكسرات هذا من تلك الأسنان القاسېة التي تدغدغ ما به و تكسره كاماكينة البوشار التي تطقطقه على الجمر الذي يشع من عينها كل هذا يحدث امام ناظريه و هو يقف موصود الايدي ساخرا من وجومها الطفولي الظاهر على وجنتيها.
هاتفضلي زعلانة كده كتير.
مالكش دعوه بيا يا سي مالك خليك في الست الدكتورة بتاعتك.
شذى خدي بالك انت كده بتسيئي الظن و ده اثم عظيم و الاحسن انك تستغفري ربك.
قسۏة يده اخرجت من فاهها صرخه ألم مدوية.
ااااه سيب ايدي هتكسرها هو فين الإثم ده هو انت ماشوفتهاش يعني و هي...
شذيييييي قولتلك استغفري ربك انت عارفة كويس اوي ان جوزك بيغض بصره عن أي واحده تانية غيرك انت.
نبرة صوته العالية و تصريحة القوي اجبرها على تبديل حالتها من الثائرة الي حالة الثبات التام.
سكتي يعني ماكملتيش خناق و خربشة فيا عمرك ماهتتغيري ابدا هتفضلي لسانك ده غلاط علطول و ظالمة و اول واحد بتيجي عليه و تظلميه هو انا.
قبل أن يكمل اتهامته الصادقة جدا لها حاول تركها لتفتعل البكاء
لو بتسمي حبي ليك أنانية يبقى انا اكتر واحده أنانية في العالم كله و اذا كنت فاكر ان غيرتي عليك هي تفكير في نفسي يبقى و ايه يعني ماهو انت نفسي و كل حاجه ليا و انا مش عايزة افكر في حاجة تانية غيرك.
كدابة اوي...
تصنعت هي الڠضب و ابتعدت عنه معطياه ظهرها.
انا كدابه شوف مين فينا الظالم و اللي بيسئ الظن دلوقتي.
انت احلى كدابة يا شذى.
حرام عليك يا مالك انا عملت ليك ايه بس عشان تقول عليا كده دانا بقعد استناك بالساعات لحد ما ترجع ليا من شغلك بس عشان افضل ابصلك و البيبي يطلع شبهك.
هههههههه حرام عليكي يا شيخة افرضي طلعت بنت تظلميها ليه بس.
اظلمها ليه طب دي حتى هتبقى جميلة و مسمسمة زيك.
ربت على كتفها هامسا في اذنها بكل حب
و اذا كان حبيبي مش شايف غيري انا بس عايز حد غيري يفضل مشاركني فيه ليه بقى.
حد غيرك مين انت هتغير من البيبي من دلوقتي و لا ايه.
انا مش بتكلم على البيبي خالص يا قلبي.
اومال بتتكلم على مين انا مش فاهمة حاجه.
بتكلم عن ماما يا شذى اللي انت مصممة تخليها تشاركنا حياتنا و ميبقاش ليها حياة منفصلة.
فهمت مقصده و اعتدلت جالسه في مقابلته مغيرة ملامح وجهها الي الوجوم.
اه هو دا بقى الموضوع اللي بتجرجرني في الكلام ليه.
إومأ لها برأسه متقبلا منها اي ڠضب.
بالظبط هو دا الموضوع بزمتك انت مازهقتيش من تدخلهم في حياتنا طب مامتك مش صعبانة عليكي في وحدتها دي انا و انت لينا حياتنا و امي و ابويا مع بعض هي بقي ليه تجبريها تكمل حياتها لوحدها مع انها لسه حلوه و مش كبيرة في السن و جالها اللي موافق انه يكمل حياته معاها يبقى ليه احنا نجني عليها و نجبرها تعيش باقي حياتها وحيدة.
لم تقاطعه فقط استمعت لكل كلمة قالها و بعد أن صمت همست و هي تلتفت بعيدا عنه.
بكره لما اولد مش هتبقى لوحدها و البيبي هايشغل حياتها.
اه هاتخليها داده لابنك يعني.
ضمت حاجبيها پغضب و صاحت.
ايه اللي انت بتقوله ده انا عمري افكر في مامتي كده بس دا هيبقى ابن بنتها و هي بنفسها اللي هاتحبه و تخلى بالها منه من غير ما حد يطلب منها ده.
انت زعلتي مني ليه لما قولت عليكي أنانية.
ڠضبت اكثر لكنها تحلت بالصبر واكتفت بتحذيره مزمجرة.
مالك!!
بتكلم جد يا شذى انت مش شايفة انك كده تبقى أنانية يعني بعد الست ما عاشت حياتها كلها عشانك و تعبت في تربيتك وتعليمك عايزها دلوقتي تعيد ده كله مع ابنك و لا بنتك اللي جايه.
انت عايز مني ايه دلوقتي
عايزك توافقي على جوازها من الدكتور عبدالرحمن و تروحي تقوليلها بنفسك.
بس انا مش....
شذى انت بتكابري ليه صعبان عليكي مامتك و في نفس الوقت خاېفة لحد ياخدها منك صح.
ايوه صح بجد انا ماما كانت كل حياتي.
انت قولتيها اهو يا قلبي كانت و دلوقتي جيه مالك و بقي هو كل حياتك صح يا روحي.
ايوة صح يا مالك.
يبقى تروحي تقولي لماما الكلام ده بنفسك و تبلغيها بموافقتك كمان.
أقنعها بحديثه ابتسمت على طيبة قلبه و تفكيره في ان يجد الوضع المناسب للكل لا يفكر
