حب ضد الجميع بقلم زهرة الربيع
تنسحب كمان ساعتها حنى نور هطلقها لاني هبقى مستاهلهاش
نور استغربت لما قال كده وابوها حس انه صادق في كلامه وقفل من غير ما يرد عليه
نور بصت له بدموع وهو قال اقسم بالله ما ليا دخل
وقعد على السرير بتعب
نور قعدت
جنبه وقالت مصدقاك
بصلها باستغراب وقال بجد
نور ابتسمت وهي بتبص لعيونه بحب وقالت قلبي مصدقك وانا قررت امشي وراه زي العاده
في صباح يوم جديد نور قامت من النوم
واتفاجأت براشد ييجهز شنطهم للسفر
قالت باستغراب انت بتعمل ايه
راشد قال ابتسامه هنروح الجونه يومين
نور قالت باستغراب ليه انا معايا شغل هنا واختي
راشد قال بسرعه احنا رايحين علشان اختك واكيد هيه اهم من اي شغل
راشد قال لسه بس هعرف اجهزي بسرعه
و فعلا قامت اخذت شاور وهي مش فاهمه اي حاجه بعد ساعات كانوا وصلوا الأوتيل واخذوا المفاتيح بتاعة الاوضه ولسه هيطلعوا كان في راجل في ال 60 قاعد ومعاه ست في ال قاعدين على البحر
راشد كانت عيونه ماتشالتش من عليهم طول الوقت و مسك نور من ايدها وقال تعالي معايا وراحلهم وقال صباح الجمال نشئت باشا الحريري
نشئت بصله باستغراب وقال مين حضرتك
راشد قال انا دكتور طلعت السباعي ودي مراتي مدام هنا
نور كانت بتبص له باستغراب ومش فاهمه بيعمل ايه
راشد قال احنا مبهورين بحضرتك على فكره انا واحد من الملايين اللي نفسهم جدا حضرتك تفوز في الانتخابات
نشئت ضحك وقال شكرا اشكرك من قلبي
راشد قال انا على طول بعمل لك دعايه عند المرضى بتوعي
راشد اتضايق بس حاول يكتم غيظه وقال مش تعرفنا انت على المدام
نشئت قال اه دي سوزي مراتي
راشد سلم عليها وباس ايدها وهو بيبصلها بنظرات كلها اعجاب ونور هتتجنن منه بس سكتت بالعافيه
وهما قاعدين سوزي قالت انا عايزه انزل البحر ممكن يا دكتور طلعت لو ما عندكش مانع تيجي معايا لان انا لسه بتعلم
راشد قال بسرعه اه طبعا اكيد البس لبس البحر بس
وفعلا راح لبس ونزل وراحو هو وسوزي البحر و كانت متعمده جدا تقرب منه
نور كانت شايفاهم من بعيد وهتتجنن من حركات سوزي وقربهم من بعض وبقت تتكلم مع نشئت وتهزر معاه قاصده تخلي راشد يشوفها
راشد ما مصدق انها طلعت وراح وراها
نور دخلت الحمام پغضب وخدت شاور ولبست ولسه هتطلع
دخل راشد پغضب وفتح الحمام ودفعها عند الحيط وقال ايه اللي عملتيه تحت ده
نور قالت بزهول انت ازاي تدخل عليا الحمام كده
راشد قال پغضب ردي عليا ايه الي عملتيه ده
نور قالت پغضب زي اللي انت كنت بتعمله مع سوزي هانم تحت
راشد حاوطها عند الحيط وقال پغضب وهو اي حاجه اعملها انتي تعملي زيها
نور قالت پغضب اه ومتزعقش
راشد قال پغضب طب انا اتفقت معاها النهارده اروح لها اوضتها انتي كمان هتروحيلو اوضته
نور اتسعت عينيها بزهول وقالت انت بتقول ايه
راشد قال پغضب يا غبيه ده نشئت الحريري اللي خاطف اختك ومراته دي ست شمال اتجوازها فتره للمزاج وعارفه عنه كل حاجه هي الوحيده اللي هتوصلنا لاختك وانا علشان كده بقرب لها
نور اتسعت عنيها بدهشه وقالت ايوه يعني بتقرب لها لدرجه ايه يعني فعلا هتروح لها اوضتها
راشد ضحك وقال شوفي انا بقول لك ايه بقى لي ساعه وانت بتقولي ايه هو ده اللي همك في الموضوع
نور قالت بارتباك لا طبعا اكيد هاممني اختي وكل حاجه بس بس انت كمان جوزي وتهمني يعني اكيد مش هسيبك تروح تخوني
راشد حط اديه على وسطها وقال انا عمري ما اعرف اخونك حتى لو مع واحده مكنه زي سوزي كده
نور ضړبتو في صدره پغضب وقالت اتلم يا راشد ومش هتروح لها على چثتي
راشد ابتسم على ڠضبها وغيرتها وفتح الدش ونزلت الميه عليهم
نور اتفاجئت وشهقت بخضه ومسكت فيه بقوه وقالت انت بتعمل ايه يا مچنون
راشد قرب منها اكتر وقال من وقت ما حبيتك وانا مش عايز غيرك حتى نفسي مش بتروح على اي واحده غيرك دايما عايزك محتاج لك انتي انتي وبس
نور كان قلبها بيدق پعنف بين ايديه وقالت بهمس انا بغير عليك من نظره واحده ما بحبش انك تشوف غيري ولا احب ان واحده غيري تشوفك
راشد شدها عليه بكل قوته وحاوط وسطها بايديه وقال مفيش واحده غيرك تلفت نظري اصلا
بالليل كان جهز ولبس ووقف قدام المرايه بيرش البرفان بتاعه
نور كانت رايحه جايه في الاوضه پغضب وبتقول لا مستحيل انا هولع في نفسي على بال ما تيجي
راشد ضحك وقال بطلي جنان بقى انتي عارفه انا رايحلها ليه
نور قالت پغضب عارفه ومش عايزه مش عايزاك تروحلها انا ممكن تجرالي حاجه لو انت قربت منها
راشد ابتسم وقرب منها وقال وحياة عيونك ماهلمسها انا بس هدخل الاوضه احط فيها حاجه وخلاص
نور لسه هتتكلم رن تليفونه وقال اهي بتتصل كده جوزها نزل تحت انا لازم اروحلها بسرعه ماشي متقلقيش يا قلبي وملكه عمري انتي انا عمري ما اكون غير ليكي
ولسه هيمشي مسكت ايده وقالت بسرعه طيب اوعدني اوعدني هتحكي لي ايه اللي حصل بالظبط
راشد قال وهو مستعجل يا مجنونه هحكي لك كل حاجه بس سيبيني دلوقتي قبل ما جوزها يطلع
نور قالت بدموع مش قادره مش قادره والله في ڼار في قلبي حاسه انك ممكن تعمل حاجه معاها
راشد اتنهد وقال طب بصي انا رايح احط الكاميرا دي في الاوضه عندها علشان نعرف نسمعهم بيقولوا ايه هيه متوصله باللاب ده وجاهزه اول ما احطها هشغلها علشان تشوفينا وتتأكدي مبسوطه كده
بقلم زهرة الربيع
نور قالت بفرحه بجد طب اول ما تدخل تركبها
ضحك وباسها بسرعه وقال من عنيا
ومشي و خبط على اوضه سوزي
فتحت له ودخل بسرعه و قفلت الباب وكانت لابسه قميص باللون الازرق قربت منه وقالت كل ده يا دكتور بقالي ساعه باتصلت عليك
راشد قال بارتباك اه اصلي كنت مستني مراتي تنام اصلها بتنام من المغرب
سوزي قربت منو جامد وقالت جوزي كمان بينام من المغرب
راشد قال بمعاكسه حد يكون معاه العسل ده وينام من المغرب راجل ما بيفهمش خالص
ضحكت بمياعه وقالت اصبلك
راشد قال يا ريت
سوزي بقت تصبلو كاسو وهو استغل انشغالها ووقف جمب الكمود و كانت في ايده كاميرا صغيره خالص بقى يحاول يثبتها في الورد اللي وراه من غير ما تاخد بالها وهو بيقول مقولتليش يعني انتي اتجوزتي من امتى
سوزي قربت منه وقالت خمس شهور خمس شهور وهو على نفس الحاله
