صغيرتي الفاتنة بقلم ولاء علي

يا فارس وبقت تمام.
_هتقل عليك ممكن تستنى شويه.. وأمشي معاك عشان أجبها لأني مش معايا عربيه.. لو مش هعطلك
_ما فيش عطلة ولا حاجة.. دي حتى البنات ما صدقوا وقعدوا.
_ربنا يخليك للشعب يا آبيه.
_خلاص هنمشي إحنا بقى.
_على فكرة يا رهف خالو إتصل بيا وقلقان عليكي وانا قلتله هخليكي تكلميه عشان فونك عطلان.
_ فاومات له.. عمتو عامله إيه
_الحمد لله الدكاترة طمنوها.. ودكترر مارتن سأل عليكي.
_ مين دوكتور مارتن ده!
_ده يا حسن يا خويا معجب.
_فارس!! نطقتها رهف كتحذير.
_ههههه قصدي معجب بذكاء رهف وتحصيلها العلمي.

_وهو يعرف رهف منين أساسا
_يا سيدي جات معايا من سنه تكمل دراستها برا وفعلا بدأت.. ودكتر مارتن كان أستاذها.. وكان بيخليها تدرب معاه في المستشفى الخاصه بيه..
بس خالي تعب.. فرهف أول ما عرفت سابت كل حاجه وقررت تنزل مصر وتكمل فيها عشان خالي
وبصراحه كانت هتستفاد كتير قوي من علم د مارتن خصوصا.. إنها عايزه تتخصص في جراحه القلب
_معقول حد يسيب فرصه زي دي.. ويجي يكمل في مصر.. ايه يا بنتي الخيبه دي.
_في حاجات كتير يا ندا لازم نلغي فيها مصلحتنا الشخصية ونحكم قلوبنا.. بابي كان وجودي جنبه اهم من اي حاجه.. بابي كان بيعمل كل حاجه عشان يسعدني.. فمش معقول اكون انانيه للدرجه دي وبعدين ماله التعليم في مصر.. العباقره والنابغه بيتخرجوا منها.. اغلب الكوادر الا تشرف منها في
كل مجال هتلاقي شخص مميز
على فكرة مش لازم الشخص يكون معاه أعلى الشهادات عشان يكون متفوق ومميز.. كل عمل في حياتنا ليه دور ومن غيرها هنفقد إتزان الحياة الطبيعي.
زي الفلاح إلا بيزرع ويحصد... فكري كدا لو مافيش حد بيزرع في بلدك ايه الا هيحصل كدا.. بشكل عام كدا مافيش صادرات في مجال الزراعه اطلاقا.. هيبقى استيراد بس.. وبشكل مهول ودا هيسبب خسائر وديون كتيره.. أعباء هتزيد على الدولة وعلى الشعب.. لأن الأسعار هتعلى بشكل فظيع.. ودي أبسط حاجه ممكن يترتب عليها دا
_ اشطا عليكي يا روفا طلعتي مثقفة
_لو ركزتي مع ندا هتجننك.
_عيب يا خولي الجنينه الكلام ده.
_يا بت هقوملك والله.
_خلاص بقى يا حسن وانتي يا ندا اهدي.
_احمم عشانك بس يا رضوى.
غمغم حسن بنظرات حب وحنان.
_نعم! شايف قرون ليا ولا حاجه يا سي حسن.
_في إيه يا عم زين.. ماهي خطبتي بقالها خمس سنين يا راجل ولسه مش عارف ألبسها دبلة بسببك يا مفتري.
_إيه دا أنت ورضوي مخطوبين يا حسن!!
_ههههه اه والله معلش بقى نسيت أقولك.
_مبارك يا رضوي يا حبيتي.. بس تعرفوا إنكم لاقين على بعض.. أول ما شوفت رضوي حسيتها شبهك.
_شبهه إزاي ... هو أولا عيونكم دي مالهاش شبه أساسا .. يا ريت يا أوختشي والله كانت ليا أنا ورضوي كنا هنتغر على خلق الله.
غمغمت ندا بمرح.
_ هههه ماقصدش شكل يا ندا.. بس بتحسي كدا إن في اتنين شبه بعض.. لاقين علي بعض.. بيكملوا بعض.. يعني تشوفيهم تحسي انك مش مستغربه ارتباطهم.. او بتحسي بألفة بينهم.
_ههههه والله يا رهف انتي من سننا بس عاقله كتير عني أنا وندا.
_تشكرات.
فقهقه الجميع فأكملت رهف بجدية
على فكره يا ندا.. كل شخص فينا ليه جماله إللي بيميزه عن غيرة ربنا خلقنا كلنا في صوره كامله وجميله.. ما فيش حاجه اسمها شخص أجمل من التاني
إحنا البشر إللي بنحط مقارنه ومواصفات عقيمة كل شخص بيشوف الجمال إلا بيناسبه بعيونه وقلبه عشان كدا مستحيل تلاقي حد متفق على جمال شكل شخص معين.. بس المفروض إلا اننا ناخد بيه جمال القلب والروح.. قبل الشكل والملامح.
_احمم.. ممكن أقولك حاجة يا رهف
_أكيد يا رضوى اتفضلي.
_أنتي مش جميلة شكل بس انتي جميلة من جوه قبل بره كمان اللهم يعني شكل ومضمون.
_فابتسمت بحبور وغمغمت برقة 
انتي اللي عيونك جميلة عشان كده شيفاني حلوة بس حاسه إن مش ده اللي كنتي هتقوليه
_لا وذكيه كمان احمم خاېفه تزعلي.
_قولي انتي بس
_احمم بصراحه كنت مفكراكي دلوعه ومغروره وشايفه نفسك على خلق الله.. ومقروفه من إللي حواليكي احمم.. يعني كدة واحدة
_تافهة مش كده
_أنا آسفة متزعليش مني يا رهف.
_فنظرت لها رهف بابتسامة وغمغمت برقتها وهدوئها
إيه إللي خلاكي تفكري فيا كده يا رضوي وانتي ما تعرفنيش وعمرك ما تعاملتي معايا! حكمتي بظواهر الأمور بس.
ما تحكميش على شخص من شكله الخارجي فقط يا رضوى.
أوقات كتير بتكون الصورة دي قشرة مخبية تحتها شخصية حقودة وأول ما تقربي منها تشوفيها على حقيقتها.
أو شخص لابس قناع القوة وهو أصلا أرق من كده.
بإختصار ما تقوليش ده شخص طيب أو سيء غير من التعامل والمواقف اللي بتجمعكم سوا.
_ زيدي يا زيدي على الجمال.. دا الجمال عدا الكلام هههه إحدفيلي شوية عقل من عندك يا رهوفة.
_هههههه أنتي مشكله يا نودي.
ثم نظرت لحسن..
يله يابو علي
_يله إيه!
_روح إرتاح شويه إنت بقالك يومين معايا.. لازم ترتاح أنت مريض يا حسن ولازم تشوف الدكتور يطمن على چرحك.
_لا طبعا أنا مش هسيبك لوحدك يا رهف.
_أنا