الشريدة فاطيما يوسف

ولا تحوش عنها وبعد ما خلاص بقى ينهج من كتر الضړب اللي ضربه لها 
بص لجوزها وقال له باستعطاف 
_انا بستسمحك يا ابني تكمل جميلك وتسيبها على ذمتك على الاقل ست سبع شهور وبعدين لو عايز تطلقها وتسيبها يبقى كثر خيرك
اعتبرني زي ابوك اللي ما ترضى لهوش واستحملها المده دي واعمل فيها مابدالك ما هو اللي ما ربهوش امه وابوه تربيه الايام والليالي .
كل ده وهبه من اثر الصدمه اللي هي فيها واللي حواليها وحياتها اللي اتقلبت في يوم وبين رمشه عين لكابوس ومش مصدقه اللي سمعته واللي حصل مش قادره اصلا تنطق ولا لسانها تدافع عن نفسها 
فرد نادر وقال له 
_انا علشان خاطر العيش والملح اللي اكلته في بيتكم وانا اتربيت على اني اصون العيش والملح انا هستحملها المده دي بس 
علشان خاطرك انت بس يا حاج هعتبرك في مقام ابويا اللي ما رضاهوش الذل والاهانه بس مهما اعمل فيها وانتقم لكرامتي ما تعترضش كفايه اني هستحمل بلوه واتفرضت عليا وطلعت زي ما المثل بيقول من بره هالله هالله ومن جوه يعلم الله .
وطي ابوها راسه في الارض وما بقاش قادر يتكلم اصل هيتكلم يقول ايه بنته فضحته وجابت له العاړ والصدمات النهارده نزلت على دماغه مخلياه مش قادر يستحمل فبص لها وقال لها بتحذير شديد 
_قسما عظما يا هبه لو خلفتي اوامر جوزك ولا انخرجتي من باب البيت ده لا هكون مخرجك منه على القپر مش هتعيش يوم واحد في الدنيا دي تاني 
انا اللي دلعتك وانا اللي وصلتك للمرحله دي المفروض كنت شديت عليك اكثر من كده بس ادي الله وادي حكمته .
قعده هبه تستعطفوا وتحايل عليه ان هو مظلومه وانها ما عملتش كده وان اللي هي فيه ده مش عارفه سببه ايه وټضرب على بطنها 
وطبعا ما فيش حد صدقها ومامتها قالت لها كلمه واحده بس قبل ما يخرجوا ويسيبوا الشقه بحالها 
_طول عمرك شاطره في التمثيل يا بنت بطني اخص عليك وعلى البطن اللي شالتك .
ومشيوا وسابوا هبه لجحيمها اللي هيوريها النجوم في عز الظهر .
عودة من الباك 
كل لما تفتكر هبه اليوم ده الدموع تنزل على عينيها من بقى لها شهر متجوزه وعايشه في چحيم بسبب المتاهه والذل اللي هي عايشه فيهم مع جوزها اللي ليل نهار كل دقيقه وكل ثانيه يذلها واوقات كثير يضربها 
فاتكلمت مع نفسها وقالت 
_كده يا ساهر دي الوعود اللي انت وعدتها لي انك ما تسيبنيش وانك ما تتخليش عني وانك هتفضل سندي وظهري طول عمري يا ترى انت فين وسبتني اواجه الچحيم لوحدي !
وكملت وهي بتبص حواليها في المكان اللي بتشوف فيه العڈاب الوان كل يوم وقالت 
_انا لازم اخرج بره المكان ده واشوف ساهر فين وادور عليه واعرف ليه عمل فيا كده وسابني بعد ما اتفضحت واتذليت واتهانت .
وقررت مع نفسها انها ما تشدش قصاد جوزها وتحاول تلين معاه شويه علشان خاطر تقدر تخرج من المكان ده 
واثناء قعدتها مع نفسها جه نادر من شغله لقاها لابسه على غير العادة مجهزه الاكل ومستنياه مش زي كل يوم بيجي يلاقيها قافله على نفسها الباب 
فراح عليها وقال لها 
_الله ايه الحلاوه دي
يا ست هبه اخيرا خرجت من الاوضه وافتكرتي انك متجوزه راجل له حقوق عليك .
راحت هبه عليه ومسكته من ايديه وقالت له 
_معلش حقك عليا يا نادر من اللي انت شفته مني انا بستسمحك انك تسامحني وتغفر لي اللي حصل وان احنا نعيش