استسلام ام قوة بقلم هاجر نور الدين

الأول وكان مجرد إعجاب بس!
مردتش عليه عشان أحافظ على شوية من قيمة نفسي اللي بقت في الأرض ودخلت الأوضة قعدت أعيط وأنا كاتكة بقي عشان ميطلعش صوت ليه برا بعيط على كل حاجة حصلتلي وعلى السنين والحب اللي إدتهومله وكله بقى في الأرض بقيت أنا الشخص الۏحش في الأخر بعد ما هديت شوية قومت وخدت الشنطة بتاعتي ولمېت هدومي وحاجتي وخرجت برا وقفت قدامه وقولت من غير روح ومن غير آي مشاعر على ملامحي
_ورقة طلاقي توصلي على بيت بابا يا ياسر بعد إذنك وخلينا نخلص الموضوع دا في أسرع وقت.
قام وقف وإبتسم وقال بهدوء
اللي إنتي عايزاه الوقت اللي قضيته معاكي كان جميل وميتنسيش أبدا شكرا على كل حاجة عملتهالي.
بصيتله بسخرية ومردتش عليه ونزلت وأنا بحاول مخليش دموعي تنزل حاسة بكسرة قلبي جوايا وكإنه من إزاز وصلت ل بيت أهلي أخيرا وأنا حاسة إني مهزومة والطريق كان طويل أوي ومتعب وكإنها مكنتش ربع ساعة بس فتحلي بابا الباب وأول ما شاف شكلي وشاف الشنطة اللي في إيدي بصلي بقلق وقال
_في إي يا بنتي?
بصتله بعيون دامعة وإترميت في حضنه وأنا بعيط پقهرة بعد وقت طويل هديت وكنت قاعدة أنا وهو إتكلم پغضب بعد ما حكيتله كل حاجة وقال
_هو ميستاهلكيش أصلا وأنا هشوف شغلتي معاه الحيوا ن دا.
بصتله وقولت
لأ يا بابا خلاص مبقاش يلزمني ولا بقى يشغلني حتى أنا كل اللي عايزاه دلوقتي إنه يطلقني بأسرع وقت.
كملت بسخرية وقولت
حتى دي مش هيتردد فيها يعني ف مالهوش لزوم خلاص خلينا نخلص منه في هدوء بس.
سيبت بابا ودخلت الأوضة عشان أنام شوية ولكني فضلت لحد الصبح صاحية بعيط يمكن مش عشانه يمكن عشاني أنا عشان قلبي إستمرت حالتي كدا شهر بعد الطلاق لحد ما قررت إني لازم أفوق ل نفسي لازم أرجع زي الأول من قبل ما أعرفه وأحسن نزلت اليوم دا دورت على شغل في الشركات اللي طالبة ناس كتير وروحت البيت بعد يومين جالي إتصال من شركة فيهم وبعد ما عملت الإنترڤيو معاهم إشتغلت فيها عدا 7 شهور وقدرت أثبت نفسي في الشركة وإترقيت ل مساعد المدير نفسه في الصفقات والإجتماعات في يوم في الشغل عادي كان في إجتماع بيننا وبين شركة تانية عايزة أسهم من عندنا قعدنا كلنا وإتفاجأت إنها نفس الشركة اللي شغال فيها ياسر وكان هو كمان موجود ضمن تيم العمل مهتمتش بيه رغم قلبي اللي بيدق بسرعة لإني شيفاه قدامي بعد 8 شهور كاملين على كسرتي منه كنت بتكلم بطلاقة وبذكاء كا عادتي في الشغل ومبصتلهوش حتى وحسسته إنه ولا حاجة بجد لحد ما الإجتماع خلص وخرجت من الأوضة وكنت رايحة لمكتب المدير لإني كنت قاعدة مكانه في
الإجتماع لإنه
مشغول بحاجة أهم وقفني ياسر وقال بإبتسامة
_إزيك يا رحمة?
بصيتله بلا مبالاة وقولت بهدوء
الحمدلله عن إذنك عشان ورايا شغل.
كنت همشي بس وقف قدامي تاني وقال
_إستني بس ثواني إنتي وحشتيني بصراحة طريقتك جوا كانت مبهرة أوي وكمان المنصب اللي إنتي فيه دلوقتي وصلتيله إزاي!
إبتسمت بسخرية وقولت
وصلتله عشان أنا عايزة أوصله يا ياسر مش عشان معنديش مهارات ول تاني مرة عن إذنك ورايا شغل.
إتكلم برجاء وقال
_إنتي لسة شايلة مني لما قولت الكلام دا دا كان في الماضي ودلوقتي إنتي أثبتتيلي عكس دا وعلى فكرة أنا طلقت مريم بعد ما إتجوزتها ب 5 شهور لإني إكتشفت إن كل اللي هي كانت بتعمله في الأول مش كل حاجة ووقت الجد بعد الجواز مكنتش مهتمة بيا خالص وكل وقتها للشغل وبس حتى البيت كانت مهملة فيه أوي وكان شبه الخړابة بجد مش بيت عايش فيه ناس.
إتكلمت بهدوء وقولت
أنا ماليش آي علاقة بالكلام دا ولا فاهمة بتقولهولي ليه مفيش حتى صلة زمالة بيننا عشان تقف قدامي وتكلمني وتحكيلي تفاصيل شخصية بالشكل دا عن إذنك وأتمنى متتكلمش معايا تاني غير في حدود الشغل.
سيبته ومشيت بعدها من غير ما أسمع منه أنا مش شمتانة بس اللي سمعته عنه حسيت إن ربنا خدلي حقي منه ولو شوية وكفاية إنه حاسس بالندم لإن دا أصعب إحساس ممكن الشخص يحس بيه يمكن خسړت شوية ولكني كسبت كتير كسبت نفسي وكسبت قلبي وكسبت مكانتي عند الناس الإستسلام عمره ما كان حل الإستسلام هو المۏت بعينه ولكن وإنت عايش إنجح وخلي كل اللي راهنوا على فشلك يسقفولك واللي شايفينك شئ قليل دلوقتي بكرا يتمنوا تبصلهم حتى أنا أه خسړت 5 سنين من عمري معاه بس عمري الجاي أنا بس اللي هتحكم فيه ومسيري هلاقي الشخص اللي يعوضني ويكونلي ونس وسند.
هاجر_نورالدين
إستسلام_أم_قوة
تمت