إسكريبت (آيه وغيث) بقلم آيه حمام

مرحلة متأخرة معلوم إن ماما وبابا متوفيين من زمان ف مكانش فيه حد ياخد باله أو يهتم. 
بس من وقت ما عرفت وأنا بتابع مع دكتور لكن النتيجة زي المعتاد أكتر من واحدة قالت لي أشيله لإن وجوده زي عدمه بس كنت برفض. 
مكنتش عايزة أوافق عليك ولا أتخطب أو نتجوز غير لما أعرفك من البداية علشان مش أبقا بخدعك بس والله العظيم ما كان بإيدي وكل مرة ببقا هقول لك كنت بنضرب وبتبهدل بس مينفعش أخبي أكتر من كدا. 

المهم أيا كان قرارك ف دا حقك وأنا راضية بيه وأنا آسفة علشان أنت إتخدعت.
خلصت كلامي وكانت دموعي بتنزل جامد وهو هو مصډوم ومستغرب من ال بيسمعه قعدت أعيط وأنا مستنية أسمع كلمة طلاقي منه لكن موبايلي رن رديت ووقفت إتنفضت من ال سمعته
_مستشفى مستشفى إيه
أخد مني الموبايل بسرعة وعرف العنوان وأنا دخلت لبست ونزلنا روحنا المستشفى
_أخويا أخويا حد كلمنا وقال إنه هنا. 
_اسمه إيه يا فندم 
_اسمه طارق صابر. 
_طب ثواني.
بصيت له ولقيته بيطمني مسكت في إيده وأنا حاسة إنها هتكون آخر مرة كان بيطمني وبيهديني لحد ما جت الممرضة وإتكلمت
_للأسف كان جاي في حاډثة على الطريق الدائري واضح كان سايق بسرعة عالية جدا ف ملحقناش نلحقه البقاء لله.
محسيتش غير بيه وهو بيحضني جامد وأنا بعيط في حضنه مش عارفة بعيط حزن على أخويا ولا بعيط على إن خلاص مفيش حد هيتحكم فيا وهبقى حرة مش عارفة بس أنا بعيط.
_أنت كويسة
كان فات أسبوع على العزا وكنت في البالكونا ولقيته فجأة واقف ورايا.
_بحاول. 
_طيب عايز نكمل كلامنا. 
_دا دورك القرار من حقك أنت. 
_مش هكذب عليك وأقول إني متضايقتش بالعكس. 
بس أنا مقدر شدة أخوك معاك أيا كان ربنا يرحمه دلوقتي. 
_يعني إيه 
_يعني مينفعش أسيبك لكدا أنت سمعتي كلام بشړ بس رب البشر الأقوى مننا كلنا وأكيد له حكمة يمكن فيه علاج عند حد غيرهم ويمكن سبب المنع دا خير لينا مين عالم الأڈى ال إتمنع عنك إيه بس الأكيد إنه فيه خير لينا ربنا هيراضينا بيه. 
_هيراضينا 
_أيوا هو أنا مش جوزك وأنت مراتي ولا إيه 
بعدين بقا مرجعتيش شقتك كل دا ليه 
_كنت فاكرة إنك هتطلقني.
قرب ب الكرسي بتاعه جنبي وأخدني في حضنه وإتكلم
_متفكريش تاني بقا خلي أفكارك على جنب شوية. 
وودعي البيت هنا النهاردة علشان الصبح إن شاء الله هتروحي بيتك الجديد.
رفعت راسي من حضنه وإتكلمت ودمعة نازلة من عيوني
_أنت لسة كنت بتقول إن فيه خير ربنا هيعوضني بيه صح 
أنا عرفت إيه هو الخير الخير دا وجودك في حياتي يا غيث. 
أنا بحبك أوي.
قولتها ورفعت إيده بوست كفه ورجعت لحضنه تاني حسيت بابتسامته وهو بيضمني أكتر وبيبوس راسي حمدت ربنا جدا على إنه رزقني بالإنسان دا ودعيته أفضل عايشة في حضنه وحنانه طول العمر
الجاي.
آية_حمام.